" الحياة لا تعطينا كل ما نحب ...لكن من يحببوننا بصدق يعطوننا كل الحياة "
منقول
---------------------------------------------------------------------
كان مالك نائماً عندما جائه اتصال من خالد ، قال مالك بصوت ناعس:
- الو
خالد متفاجئاً : إيه ده انت نايم لغاية دلوقتي ، لا الغردقة غيرتك خالص
مالك وهو يتثاءب : معلش
خالد : إصحى يا مالك ، خلينا نخرج مع بعض قبل ما نرجع القاهره بكره
مالك بنعاس : هو إيه حكاية قبل ما نرجع بكره اللي شغالين فيها دي
سأله خالد بإستغراب : من اللي شغالين ، دي اول مره اقولها
ثم فهم خالد الأمر وابتسم ابتسامه خبيثه : إلا لو حد تاني غيري قالهالك
مالك : محدش قالي حاجه يا خفيف ، وبعدين أنا أعرف مين هنا غيرك يعني
قال خالد : على رأيك وبعدين انت مالك اتحمقت ليه؟
مالك : عايز تروح فين يا خالد اخلص
خالد : تعالا نتغدا سوا
مالك : غدا إيه ؟ الساعه كام ؟ ... نظر إلى ساعته فوجدها تشير للرابعه مساءاً
خالد : البس ورن عليا نروح سوا
مالك : طيب حاضر
أغلق مالك الهاتف ... وبدأ بارتداء ملابسه حتى جائه اتصال آخر ...اعتقد انه خالد يلح عليه ليستعجل ...رفع هاتفه وقال بغضب:
- خلاص بلبس اهو متزهقنيش
لكنه سمع صوت خجول يقول :
- أنا آسفه والله ، خلاص هتصل وقت تاني
قال مالك وهو يضرب جبهته بيده :
- لا استني استني يا مريم ، أنا افتكرتك خالد معلش
سألها بهدوء :
- كنتي بتتصلي عايزه حاجه ؟
مريم : لا ، كنت عايزه اعرفك إني نازله اعمل shopping في المحلات القريبه
مالك : تمام هاجي معاكي
مريم : لا أنا بَعَرَفك بس أنا فين ، كمل خروجتك مع خالد عادي
أنت تقرأ
الوجه الآخر للتحدي
Romanceوصيه هي سبب لقاء مريم بالمحامي الشاب مالك هي تجردت من انوثتها لتجاري الرجال و هو لا يثق في النساء لتجعلهم الظروف يعملون تحت سقف مكتب واحد لينشأ تحدي اثبات الذات وينمو العداء بينهم لكن للقلب نداء آخر.....
