Black & White

الجزء الثاني

- كملي سامعك يا هدي
= الباقي حضرتك اكيد توقعته ،حسيت ان انا مش حلوه و شكلي وحش و مستاهلش اني اعيش، مفكرتش ساعتها في مصيري و حياتي و حياة اهلي، مفكرتش فأي حاجه غير اني كدا انتهيت و مكنتش قادره ابص فالمرايا، بدات احس اني لو عشت مصيري هيبقي حياة روتينيه اللي انا طول عمري بهرب من اني اعيشها، و لو هي دي الحياة اللي المفروض اعيشها يبقي بلاشها احسن ، كنت شايفه ان مفيش اي حد هيحبني بمنظري دا ، حتي ثقتي في نفسي اتهزت ، دخلت اوضتي في هدوء ، جبت سكينه و فعلا حاولت بس اهلي لحقوني للاسف مع اني دايما لما كنت بسمع عن ناس بتنتحر بستغرب جدا ! بقول ازاي يوصلو للمرحلة دي اكيد دي مش ناس طبيعيه، مكنتش اعرف ان هيجيلي يوم و افكر زيهم او اوصل للي هما وصلوله، دايما كنت بستحمل بس عمري ماخطر علي بالي الانتحار ، الصراحه هو مش اول شخص يتريق علي وزني ، الموضوع دا بيطاردني من ابتدائي...اصوات زمايلي في الفصل و هما بيتريقو علي شكلي و جسمي لسه لحد دلوقتي بفتكرها كل ما ببص في المرايا، كلامهم اثر فيا جدا و مش بس كدا، دا كمان لسه معلم فيا لحد دلوقتي
= رأيي الشخصي ان الانتحار مش بعيد عن كل واحد فينا، مهما كان ايمانك ، مهما كانت حياتك، الموضوع بينتج عن عوامل نفسية هي اللي بتجبر الانسان علي الخطوة دي، و طبعا العوامل النفسيه بتفرق من شخص للتاني، بس انتي فعلا حلوه ياهدي، انا متاكد ان هيجيلك الشخص اللي يحبك بجد، اللي يبقي فخور بيكي قدام كل الناس ، تستاهلي حد يحب عيوبك قبل مميزاتك ، كان لازم تقفي قدامهم كلهم و تقولي انك حلوه زي مانتي و انك قابله نفسك و بتحبيها بعيوبها قبل مميزاتها
- حاولت كتير جدا صدقني بس في النهاية اكتشفت اني فشلت فشل زريع !
= بس النجاح مبيتقاسش بالنتيجة، النجاح بيتقاس بالمحاولة ، و انتي حاولتي ياهدي و لسه قدامك فرصة تانيه و تالته و عاشره تحاولي فيهم و انا متاكد انك هتنجحي، الناس هتبدا تشوفك حلوه لما تبدأي تشوفي نفسك كدا
كنت لسه جاية اكمل كلامي بس السكرتيره دخلت و بلغت الدكتور ان الوقت خلص ، اتحجزت فالمستشفي فترة لحد مايقتنعوا اني مش هعمل في نفسي اي حاجه، خرجوني من هناك بعد حوالي شهرين، بس زيارتي لدكتور كريم لسه مستمره، فضلت حالتي النفسية مش مستقرة لمدة كبيره جدا ، كتبلي ادوية اكتئاب كتير جدا بس الصراحه مكنتش ملتزمه اوي، يومين اخد الدوا و عشرة لا

* بعد حوالي سنه *
- انسة هدي ، ممكن ادخل ؟
= اتفضل ، بس مين حضرتك؟
- انا حسام عبد الله طرف في القضية اللي حضرتك بتكتبي عنها
- انهي قضيه؟
= قضية الست الكبيرة اللي اتوفت في مستشفي الحياة
- طب و حضرتك تقرب ايه للست الكبيره؟
= الست الكبيره دي تبقي والدتي
- حضرتك ممكن تحكيلي تفاصيل اللي حصل عشان اقدر اساعدك؟
- والدتي مصابة بمرض نادر جدا في المخ، بيأثر علي ايدها بشكل واضح و كان عندها تشنجات طول الوقت حتي و هي نايمه ، مستشفي الحياة حجزت امي في المستشفي لمدة تزيد عن شهر و حالة امي مفيهاش اي تحسن، قالولي ان في عمليه لازم تتعمل بس دكتور سليم مسافر برا مستنينه يرجع ، طبعا كلمت المسئولين و طلبت منهم التدخل و محدش فيهم عمل حاجه، حاولت بكل الطرق اتصرف و اخرجها من المستشفي و اوديها برا تتعالج لكن لا حياة لمن تنادي ، سابوا امي محجوزة في المستشفي لحد ماتوفاها الله، انا مش جاي النهارده عشان انتقم او عشان اخليهم يندموا ، دا قضاء و قدر و دي حكمة ربنا ،انا كل همي انقذ ناس كتير ممكن يتحطو في نفس موقفي و يتعرضوا للاذي !
= البقاء الله شد حيلك، انا متاكده انها في مكان احسن، قبل ما اكتب عن الموضوع دا محتاجة اعمل شوية تحريات عن المستشفي
- تمام هستني حضرتك تبلغيني و رقم تليفوني اهو

اول ماخلصت شغلي اتجهت لمستشفي الحياة ، اول شئ فكرت فيه هو اني ادور علي دكتور سليم عشان اعرف منه تفاصيل اكتر عن العملية و عن طبيعة المرض
- معلش ممكن اقابل دكتور سليم؟
= كنت حبه اساعد حضرتك يا فندم بس للاسف مفيش دكتور هنا بالاسم دا !!!!
ضميت حواجبي و مكنتش عارفه افكر و عماله اسال نفسي ، هو الكلام اللي كريم قاله دا فعلا حقيقه؟ طب هو لو حقيقه ليه هيقولو انه مش موجود ، طب لو هو بيكدب هدفه هيبقي ايه؟!

مش عارفه ليه كنت حسه ان فيه لغز!! كنت حسة ان امه مماتتش بسبب المرض ، الموضوع كان مقصود تقريبا بس ليه!! ايه الهدف ورا كل دا ؟