اتوترت جدا خصوصا ان مرتبي مش هيكفي حتي نص الشهر ، بس لو لزم الامر ممكن اشتغل كذا شغلانه المهم ان ابويا و امي ميحسوش بالعجز ، فضلت افكر و بعدين التعب غلبني و دخلت انام بس الصراحه منمتش كويس بسبب اللي حصل ، صحيت متأخر جدا بعد ميعاد شغلي بساعه ، لبست بسرعه و خدت تاكسي لأن عربيتي في الصيانه و جريت علي شغلي ، و انا داخله المكتب كنت بدعي ان المدير ميشوفنيش و انا داخله لقيت الناس كلها بتبصلي !! قابلت منال لقيتها بتقول لي " انتي بتستهبلي ياهدي؟! حد ييجي شغله بعد ساعه و نص!!! "
- راحت عليا نومه غصب عني
= المدير مزاجه مش رايق النهارده و زعقلي جامد و كل خمس دقايق يسال عليكي
- ادعيلي ، يارب اخش مكتبي و ملاقيهوش ، انا خايفه اوي اصلا
سيبتها و مشيت ، مسكت باب مكتبي و بحمد ربنا عشان مشفتوش و دخلت و لسه هقفل الباب ورايا سمعت صوت حد بينادي عليا ، لفيت عشان اشوف مين لقيته المدير !! ايدي بدات تترعش جامد و اتوترت لقيته بيزعق جامد و بيقول لي " اتفضلي علي مكتبي يا أستاذه " مشيت وراه و دخلت قعدت علي الكرسي لقيت كل حاجه واقعة علي الارض عنده ، فعلا المدير مزاجه مش رايق خالص!!
- ما لسة بدري يا استاذه !!
= اسفه جدا علي التأخير، انا طول عمري باجي في معادي بس امبارح كان عندي ظرف بعتذر جدا
- حضرتك خلصتي كتابة عن القضية؟!!!
- لسه يافندم بس اوعدك هتخلص بسرعه جدا انا بعتذ...
= لو مجاتليش في ظرف اسبوع يا انسة هتضطر ادي القضية لحد تاني! انا مش مستعد استحمل اهمالك و تقصيرك في شغلك
- بعتذر تاني يافندم و بعد اذنك انا هستأذن و اروح مكتبي
فكرت كتير اعتذر عن القضية خصوصا بعد طريقة الاستاذ حسام معايا و اسلوبه، بس في نفس الوقت مجبرة اكمل عشان اهلي و ابويا ميحسوش بالعجز ، طب اعمل ايه؟
To be continued..
أنت تقرأ
Black & White
Roman d'amour- شايفني حلوه؟ = احلي من اي حاجه - يعني مش عايزني اتغير ؟ = مفيش حد في الدنيا يستاهل ان احنا نغير من نفسنا و من طبيعتنا عشانه ، خصوصا لو قابلين طبيعتنا و حبينها زي ماهي ، و خصوصا كمان لو طبيعتنا دي كانت حلوه و كل الناس شايفاها حلوه !! و انا شايفك ح...
