الفصل الثاني من رواية:كاذبة امتلكت قلبي
بقلم/رولا هاني-"فيروز"!
همس بها "عمار" بعدم تصديق و صدمة..
صاح "حمزة" و الغضب يهزه:انتي اية اللي جابك هنا يابت انتي!؟
ردت "فيروز" و قد التمعت الدموع بعينيها:مش عايز تشوف اختك يا "حمزة"
رد "عمار" بأحتقار و بنبرة مهينة:محدش عايز يشوف وشك هنا بعد اللي عملتيه
ردت و هي تحاول استعطافهم:بس "شهاب" عليه فلوس كتير و محتاجاها منكم
هدر بها "حمزة" بقسوة شديدة:روحي هاتيهم بس مش من عندنا و بعدين محدش قالك تروحي تتجوزيه..
صرخت هي و قد انهارت باكية:انا معملتش حاجة غلط و انت عارف كدة
رد "حمزة" بسخرية:اة فعلًا معملتيش انتي بس روحتي اتجوزتي من ورانا..
ثم تابع بكراهيه شديدة:يلا اطلعي برة ورانا شغل..
ردت و قد اشتعل لهيب الأنتقام بداخلها:بس انا ليا حق في ورث ابويا..
رد "عمار" بتهكم:انتي خدتيه لو تحبي افكرك لما ضيعتيه لما خده "شهاب"..
همست "فيروز" بألم:بس انا بحبه..
امسك "عمار" بمعصمها قائلًا:يبقي تبعدي عننا انتي اخترتيه هو يبقي تبعدي
نفضت يدها من يده و قالت:انا بكرهكوا انتوا الأتنين بكرهكوا..
أولاها "حمزة" ظهره ثم قال بتهكم:طبعًا بعد لما عرفت اننا مش هنديها فلوس بقت بتكرهنا..
رد عليها "عمار" بمقت شديد:يلا اطلعي برة مش عايزين نشوفك تاني..
ذهبت و قد أصرت علي أخذ حقها من اخويها بأي طريقة ممكنة
____________________________________________
مر ذلك اليوم سريعًا بدون احداث جديدة..توجهت "زينة" لشراء زجاجة مياة قبل توجهها نحو جامعتها فرأته لتقول و هي تحييه:صباح الخير يا استاذ "مازن"
ابتسم ابتسامة واسعة ثم قال برقة:صباح الخير يا "زينة"
حاولت السيطرة علي ضحكاتها فدائمًا ما يضحكها رقته و خجله و دائمًا ما يزعجه امر ضحكها المستمر عليه فقال هو بجمود:تحبي اوصلك؟
ردت "زينة" بعدما ارتشفت عدة رشفات من زجاجة المياة:لا لا انا هركب تاكسي لغاية الجامعة..
صاح "مازن" و قد تبين عليه استشاطته غضبًا بسبب رفضها لمساعدته اياها:يعني هتركبي تاكسي احنا لسة اصبح جدًا و مافيش مواصلات دلوقتي!
عقدت حاجبيها بذعر من نبرته العالية فقالت هي ببعض من الخوف:طب اهدي طيب انا بس مش عايزة اتعبك
رد "مازن" بعدما تنهد بعمق:لا ياستي مش هتتعبيني بالعكس تعبك راحة
اومأت له بعد عدة دقائق من التفكير لتتجه معه نحو سيارته ليتجهها نحو الجامعة..
__________________________________________
بدأت بالرقص مجددًا علي موسيقتها المفضلة ليقاطعها "أحمد" مغلقًا الموسيقي ليشتد غيظها و غضبها و هي تقول:اية يا مستر "أحمد" بتقفل الموسيقي لية!؟
أنت تقرأ
كاذبة امتلكت قلبي
Romantikبقلم/رولا هاني عقدت شعرها علي شكل ذيل حصان و ابدلت ملابسها الخاصة بالرقص الي ملابس اخرى ثم وجهت المرآة نحوها لترى هيئتها بأهتمام لكن ما لفت نظرها رؤيتها له و هو يجلس علي المقعد الذى خلفها واضعًا قدمًا فوق الأخرى فأستدارت بدهشة قائلة بأستنكار:انت..ان...