كاذبة امتلكت قلبي

الفصل الأول

الفصل الأول من رواية:كاذبة امتلكت قلبي
بقلم/رولا هاني

ترقص بخفة و براعة بعدم اكتراث لمن يتابعها هي فقط تسبح في عالمها الخاص براحة شديدة علي موسيقتها المفضلة التي اسمتها موسيقي العشق بسبب رقتها و هدوئها المريح للأعصاب و فاجأة توقفت الموسيقي قبل انتهائها مما ازعجها و جعلها تتوقف عن الرقص خارجة عن عالمها المفضل..

لذا فتحت عيناها بتعجب قائلة بغضب:مين قفل الموسيقي!

لم يرد احد عليها بل رأت مدربها "احمد"يقوم ليحيي ذلك الرجل الوسيم بكل اهتمام قائلًا و هو يمد يده ليصافحه:استاذ "عمار" بنفسه موجود هنا يا اهلًا يا اهلًا..

ابتسم "عمار" بخفة و صافحه ثم قال و هو يوجه نظره نحوها:الا مين البنت دى؟

نظر نحوها "احمد" ايضًا ثم قال بأبتسامة واسعة:دى "شمس" حضرتك من أشطر راقصات البالية اللي ممكن تشوفهم اتمني حضرتك تديها تقييم..

اومأ له "عمار" بجدية ثم قال و هو يجلس علي احدى الكراسي:طيب خليها تجرب ترقص علي الموسيقي دى من تاني..

وافقه "احمد" سريعًا ثم قال بقلق ل"شمس" التي ظلت ترمقهم بغيظ شديد يكاد ان يحرقهم:ا..ا..يلا يا "شمس" عايز نفس الرقصة من تاني..

و بدأت الموسيقي لكن هبطت هي بكل هدوء من المسرح متجهها نحو غرفتها الخاصة معبرة عن غضبها لما حدث..

ارتبك"احمد" و شعر انه سيحرق"شمس" بسبب فعلتها الحمقاء فقال بتردد:اسف حضرتك

ثم تابع بتوعد: انا هقوم اعرفها غلطها

كاد ان يقوم لكن اوقفه"عمار" بأشارة من يده و قال بهدوء:خليك انت..
____________________________________________
عقدت شعرها علي شكل ذيل حصان و ابدلت ملابسها الخاصة بالرقص الي ملابس اخرى ثم وجهت المرآة نحوها لترى هيئتها بأهتمام لكن ما لفت نظرها رؤيتها له و هو يجلس علي المقعد الذى خلفها واضعًا قدمًا فوق الأخرى فأستدارت بدهشة قائلة بأستنكار:انت..انت بتعمل اية هنا و دخلت ازاى!

رد عليها بثقة شديدة اذهلتها:انا ادخل اي حتة عايزها في المكان دة و وقت ما انا عايز

جحظت عينان "شمس" بغضب شديد و وجهها قد احتقن بالدماء اثر اغاظته لها فقالت بأستهزاء:لية يعني الباشا يبقي مين

رد عليها"عمار"ببرود ليغيظها اكثر:عصبية اوى انتي،لية بس كل العصبية دى غلط عشانك تتعبك يا قلبي

صاحت بنفاذ صبر:قلب مين ياااا..ا..ا...

-"عمار" و انتى

-"شمس"

ابتسم ابتسامة ساحرة ثم قال:رقص البالية بتاعك كان هايل جدًا انا لحقت اخر حتة من الرقصة

كادت ان تبتسم و ترد برقة لكن ما الذى تفعله لذلك صاحت بعصبية شديدة:اطلع برة

حاول تهدئتها بأشارة من ايديه ثم تراجع نحو باب الغرفة و قبل ان يخرج قال:اة صح قبل ما امشي انا "عمار السيد" صاحب المكان اللي انتي فيه دة..