رواية / اللهب الأزرق : نور زيزو

الفصل الخامس (5)

#اللهب_الأزرق
                ____ الفصــــل الخـــامـس ( 5 ) ____

أستيقظ "رضوان" صباحًا أخذ حمامه الدافيء وأرتدى بنطلون أسود وتيشرت أسود فوقه جاكيت جينز أزرق وحذاء رياضي وهبطت للأسفل وشم رائحة طعام ثم رأى "عهد" تضع أطباق الفطور على السفرة ورائحة القهوة تعم المكان بجمالها ، رأته يقترب نحوها مُتعجبًا فقالت باحراج :-
- أنا أسفة بس معرفتش أنام فقولت أنضف المكان بما أنه كان فوضوى جدًا

أجابها بسخرية هاتفًا :-
- بيت عازب بقى مفيش ست

جلس على المقعد ثم جلست على المقعد المجاور له وقالت بحزن :-
- أن شاء الله تلاقيها وترجعلك على خير

- تعرفى إحيانا بفكر فى حاجات مينفعش أفكر فيها ، الراجل اللى أتقتل وناس مين اللى مراتى وأنا مش قدامها ، تيا كل الناس اللى تعرفهم أنا وأهلها ومالهاش أى صحاب وطول عمرها أنطوائية جدًا ، وأخر أيام مكنش فيه اى حاجة مُلفتة خالص فى تصرفاتها أو أى حاجة وابنى اللى فى بطنها زمانه كمل ٥ شهور مش متخيل أنى ملحقتش أفرح بيه ولا بوجوده

بقيت ساكنة تستمع لحديثه وأوجاعه الواضحة فى نبرتها ، أربتت على ذراعه بلطف وقالت بأسف :-
- أنا أسفة

رفع نظره بدهشة ليدها ثم إلى عينيها وسألها بتعجب :-
- على أيه ؟؟!!

- عشان كان لازم أعرفلك الظرف فيه أيه يمكن أقدر أساعدك ، أنا كان نفسي بجد أساعدك

- أنا اللى أسف دمرتلك حياتك كلها وطردتى من شغلك وبيتك بسببى وحياتك بقيت فى خطر بسببى ، أنا اللى أسف يا عهد

أتسعت عيناها بذهول وهى تبعد يدها عنه وقالت :-
- فى خطر بسببك !!

- اه أنا بيجيلى رسايل تهديد على حياتك والعربية اللى كانت هتخبطك مكنتش مجرد حادثة ، كان تنفيذ لتهديد جايلى .. بس متقلقيش أنا هحميكى مش هخلي حد يأذيكى وأنتِ مالكيش ذنب فى حاجة

- أنت بتكلم جد !! ، مستحيل يكون كلامك دا بجد
قالتها وهى تقف من مقعدها بغضب فوقف هو الأخر وقال بأحراج :-
- أنا اسف بجد

- على أيه ؟ أنت دمرت حياتى بكل ما تحمله الكلمة من معنى

لم يعقب على حديثها وصمت لتتابع حديثها صارخة :-
- وطبعًا جبتنى هنا بقصد مش صدفة لأنى أطردت من بيتى

- فترة مؤقتة يا عهد أعرف بس مين اللى بيهددنى وعارفك أنتِ كمان ، ومتقلقيش أنا مش هأذيكى وأوضتك فيها مفتاح تحمى نفسك لو قلقانة منى

تقدمت خطوة للأمام بحيرة وقالت بجدية :-
- مش حكاية خوف بس أنا مش هفضل محبوسة فى البيت أنا لازم أخرج أدور على شغل عشان مصاريف دراسة أختى وعلاج والدتى ولازم أدي عماد فلوس فى أول الشهر عشان ميطلعش أختى من الدراسة ويدمر مستقبلها زى ما دمر مستقبلى أنا ورايا ألتزمت لازم أعملها مقدرش أتحبس هنا