الشرطي وهو يخبط بيده علي المكتب بقوة شديدة: اسكتي بقا دا انتي صداع خليني افتح المحضر الزفت دا
إلين وهي ترمق لكريم نظرة عناد: حاضر ياحضرة الظابط انا كنت بدافع عن نفسي واقول ان المفروض انا الي اعمل محض.....
الشرطي وهو يخبط علي المكتب بقوة أشد عن المرة الأولي وكأنه يقول طفح الكيل منك أيها اللعينة ولكن قال: خلااص اسكتي اما اقولك تدفعي عن نفسك ابقي اتكلمي غير كدا مش عايز أسمع صوتك فاهمة
كريم: ياحضرة الظابط متاخدش وتدي معاها دا هتصدعنا ومش هنخلص أنهاردة ومش فاضي أصلاً أني أسمع الأشكال دي
إلين وهي هتفرقع من الغيظ: انا عايزة اعمل محضر سب وقصف وانا في القسم هنا
الشرطي وهو في قمة غضبه: اسكتوا انتو الاتنين ياما ارميكوا في الحجز ابقوا قابلوني لو خرجتوا
كريم وإلين في صوت واحد: حاضر ياحضرة الظابط
تبادلوا نظرات غيظ وعند شديد بينهم
الشرطي: كل واحد منكوا يطلع بطاقته ويحطها علي المكتب هنا
وكل منهم قام بإخراج البطاقة واعطوها للشرطي فنظر الشرطي لبطاقة إلين ثم رمي بنظره بطريقة كسولية لبطاقة كريم فعندها وقف ونظر له وقال له: انت ابن اللواء ثروت بيه
كريم وهو ينظر لإلين نظرة فخر وثقة: ايوا انا ابنه
الشرطي: اتفضل اقعد يافندم والله ما كنت اعرف ان حضرتك ابن اللواء ثروت اتفضل ياباشا تحب تشرب ايه؟
كريم وهو ينظر لإلين نظرة أستهزاء: لا شكراً أنا عايز أمشي بس بسرعة من هنا عشان مش طايق القرف دا
ثم يرمق كريم لها بسخرية وثقة وينظر لها الظابط ايضاً وكأنه يلومها لما فعلته معه وكانت إلين تنظر لهما وفمها مفتوح من كتر الدهشة والاستغراب وتنظر بغل كبير وعند أكبر بداخلها لا تعلم تلك الصغيرة بمن تعبث بهم
الظابط وهو يلومها:انتي عملتي ايه مع البيه؟
إلين وهي تنظر لكريم نظرة غضب: انا معملتش حاجة هو الي بدا وقل مني في الاول ومعتذرش وكمان غلطني فخدت حقي بنفسي
الشرطي: مين يعتذر البيه كريم دا....
قطعته إلين قائلة: بيه العيل دا بيه لا علي نفسه ولو حضرتك عايزه بيه عليك براحتك اما انا لا هو غلط في حقي وقلل مني قدام الناس كان لازم اقلل منه بنفسي مدام مش بيعرف يحترم غيره
تدخل كريم قائلاً: يابنتي دا انا ادوسك بصباع رجلي بس صدقيني مش هرحمك
إلين بعند أكبر: ولا تقدر تعمل حاجة يابتاع بابي ومامي أنت
طبعاً كريم غضب جداً وكان هيرد عليها لكن الظابط لأنه لاحظ غضبه الشديد فتدخل قائلاً
الشرطي: اتلمي ابت لرميكي في الحجز ومسمعش صوتك تاني الا اما اقولك تتكلمي أنتي فاهمة يابت أنتي
ثم نظر لكريم وقال له: عملتلك ايه البت دي يابيه؟
(فلاش بااك)
كلا منهما ينظر للاخر إلين تُحرك سيارة كريم وكريم ينظر لها نظرة غضب وقلق علي سيارته وكان غاضب أكثر من عناد هذه الفتاة وكان في أستغراب من جرائتها الكبيرة بأنها تقف أمام عائلة ثروت
فقالت إلين وهي تنظر إليه: اخر فرصة ليك تعتذرلي قدام الناس دي كلها زي ما هنتني وقللت مني قدمهم
كريم وهو ينظر لها بغيظ شديد وكان صوته صاخب بشدة لها: اخرجي من السيارة دلوقتي ياما هتندمي ندم كبير جداً عشان تعاندي مع حد من عائلة ثروت مرة تانية ومستحيل اعتذر لوحدة قذرة زيك
إلين وهي تنظر نظرة سخرية: اوك
فقامت إلين بتحريك السيارة بطريقة عشوئية لا تعلم كيف قامت بتشغليها من الأساس وكانت سرعتها شديدة ورهيبة لدرجة ان كل الي كان أمام السيارة يقوم بالهروب بحياته من كتر خوفهم منها لأنها كانت تُحرك عجلة القيادة بعدم علم أو معرفة وبجنون كبير لاحظه الجميع الذين كانوا يشاهدون كل ما حدث ويقومون بالضحك لما فعلته هذه الصغيرة بدون خوف من هذا الشخص الوسيم العملاق بعض الشئ والذي ذات مكانة كبيرة وبسبب هذا أستطاعت إلين بشرخ الجانب الأيمن من السيارة وكان شرخ كبير وكسر الكشاف الأمامي للسيارة وهذه السرعة الكبيرة التي سارت بها إلين السيارة ادت إلي جعل السيارة قذرة لدرجة كبيرة ثم وقفت ونظرت له نظرة فخر وثقة وهو يبادل لها نظرة غضب كبيرة
(العودة للواقع في القسم)
أنت تقرأ
جاسوس ولكن أحببته (رواية مهمة الحب سابقاً)
Romanceوما الحب إلا جزء من المشاعر التي تغير حياتنا بشكل كلي إما للأفضل أو للأسوء. وانا وقعت في حبه ونسيت الأنتقام الذي يوجد بداخلي والمهمة هتنتهي لكن نهايتها ستكون مؤلمة نوعاً ما ستكون نهاية غير متوقعة للجميع حتي أنا وهذا كله سينتهي تماماً. ودلف عليها من...
