جاسوس ولكن أحببته (رواية مهمة الحب سابقاً)

10- بتعملي ايه هنا 😠

إلين بصوت عالي: كريم افتح الباب بقا انا بقالي اكتر من اربع ساعات هنا افتح الباب بقا بليز
كريم كان في المكتب وسامعها بس كان بيتكلم في الفون وبيقول: بصي انا عيزك يفضل دلدول ليكي ويبقي تحت ايدك لدرجة انه يبيع اخته
وقفل السكة من غير سلام اما سمع صوتها وهي بتزعق فوق
كريم: حورية.... حورية
حورية: نعم ياستاذ كريم
كريم: انتي طلعتلها اكل
حورية: لا ياستاذ كريم زي ما امرتني معملتش اكل خالص وحضرتك كلت بره
كريم: عشان كدا عمالة تزعق وجعانة
حورية: طب تطلب مني اعمل اي حاجة؟
كريم: لا روحي نامي انتي دلوقتي
حورية: امرك ياستاذ كريم
مشيت حورية من قدامه وهو بص للسلم الي بيطلع لاوضته الي موجود فيها إلين ذات الصوت الصاخب وطلع علي السلم بخطواته الثابتة المعتادة يري ماذا تريد صغيرته وايه سبب صخيبها وفتح الباب باستغراب انها ساكتة عن الصويت الصاخب بتاعها ولما فتح الباب ملقهاش موجودة في الاوضة دور عليها خبط عليها لتكون بتاخد دوش لكن مردتش ففتح الباب ملقهاش جوه ودور عليها في اوضة الملابس ملقهاش برضو دور عليها في البلكونة ملقهاش

كريم: انتو يابهايم
واحد من الحرس: افندم ياستاذ كريم في حاجة
كريم: في حاجة ااه ياخويا ما انت نايم ولا مهتم بشغلك
الحارس: ليه يافندم بس ايه الي حصل؟
كريم: الي حصل ان الهانم مش في غرفتها انتو ايه طراطير هنا ولا ايه عشان ابقي فاهم واغيركوا يعني
الحارس: والله يافندم.....
كريم: انت لسه هتحلف روحوا دوروا عليها بسرعة
الحارس: حاضر يافندم
كريم لنفسه: نزلت من هنا ازاي اكيد زي المرة الاولي الي لاقتها قدام السور نزلت ازاي بس افهم؟
ونزل كريم يدور عليها اول مكان دور فيه الغرفة الي قافلها بس ملقهاش ولا جوه ولا قريبة حتي منها فاطمن ونزل يدور عليها في القصر وهو معدي من قدام المطبخ سمع صوت حاجة وقعت وزي ما تكون اتكسرت كمان فقرب من المطبخ وفتح النور ولف حول المطبخ الرخامي وجدها تلم الطبق الي اتكسر منها من علي الارض
إلين وهي بتبص للارض عشان تلم الاجزاء المكسورة من الطبق وكان في ابتسامة علي وشها بسيطة: هو الي فضاحني وعرفك مكاني
كريم: بصيلي هنا
إلين: بصراحة انا زعلانة منك جدا
كريم مردش عليها لانه مستغرب من كلامها جدا
كملت إلين وهي بتقوم وبتبصله: عشان انت حبستني كل دا وهونت عليك ونسيت تجبلي اكل عشان اكل
كريم باستغراب وبيقرب منها
إلين وهي بتبعده عنها: خد بالك الطبق لسه علي الارض متكسر ممكن تتعور
كريم مستغرب: انتي نزلتي ازاي؟!
إلين بخبث: زي المرة الي فاتت
كريم: برضو ازاي نزلتي وانا قافل عايكي باب الاوضة من برة
إلين بنظرة ثقة ومعاها ابتسامة بسيطة: مش حته باب هيمنعني عن الاكل والخروج من الغرفة
كريم وهو رافع احد حجيبيه: يعني عملتي ايه عشان تنزلي من الغرفة وهي مقفولة من بره
إلين بابتسامة خبث: اكيد مش هقولك عشان لما تحبسني تاني اعرف انزل تاني
كريم: نزلتي من البلكونة
إلين: يااربي عشان اموت
كريم باستغراب: امال منين دي غرفتي ومش عارف مخرجها ايه؟
إلين بتبصله بابتسامة وساكتة وترفع كتفيها النظرة دي جعلت كريم يسرح بها من غير ما يرد عليها لكن ظل كدا لثواني كانت إلين لمت اجزاء الطبق الي اتكسر وبتلف عشان ترميه مسك ايدها كريم بقوة ورماها بين احضانه بشدة وكان بيضغط علي ايدها الي ماسكة اجزاء الطبق المكسور لدرجة انها اتعورت بسببه كان كريم قاصد يوجعها لكن هي كانت بتبصله بكل جبرات وقوة لا محدودة
كريم: عارفة ياإلين لولا انك مراتي علي الورق كان زماني بندمك علي حركاتك دي
إلين: ولولا انك جوزي كنت ندمتك علي الي انت بتعمله دا كله معايا
كريم: وهو انا كدا عملت حاجة
إلين: انا اقوي مما تظن ياكريم
وفجاة بعدت إلين من ايد كريم بحركة قوية تثبت انها اقوي مما هو وكمان احنا نظن
لفت كريم وقامت بلوي دراعه والاقوي وضعت الاجزاء المكسورة من الطبق بين يداه كان كل دا عملته وكريم سرح في ملكوته مع صغيرته وقالت: قولتلك انا مش ضعيفة ياكريم واحذر مني كويس
سبته إلين وهو متعصب وقالتله: ارمي الطبق المكسور دا في الباسكيت

بص كريم لايده لاقي ايده مليانة دم فكر نفسه اتعور لكن مكنش دمه لا كان دمها رزع كريم الي في ايده ومسكها وقال: بقولك ايه انا هنا الاامر الناهي انا الي اقوله يتعمل ويتنفذ وسؤالي واحد ومش هيتكرر تاني يإلين نزلتي ازاي؟
إلين بعند: مش لازم تعرف ياسي كريم بس اعرف من الي انا عملته حاجة واحدة اني اقدر اعمل الي انا عايزاه حتي لو انت حولت ترفض اوتمنعني ، وااه كمان صح انا قعدت كل دا في الغرفة محبوسة بمزاجي مش اكتر
كريم وهو بيمسك درعها بطريقة اقوي واقوي: ماشي يإلين هتشوفي
وشالها كريم بين احضانه عشان يطلعها لكن اطقعه كلامها: ممكن تنولني الطبق دا انا جهزته عشان اكل
كريم وقف مصدوم من كمية هبلها اللا محدودة وقرب من التبلوا وهي مسكت الطبق بايدها السليمة
كريم: حاجة تاني
إلين: لا شكرا خلااص
طلعها كريم فوق للاوضة وبدات تاكل الفاكهة الي مقطعها في الطبق ودا كله مدارية ايدها الي اتصابت بين هدومها ودخل كريم عشان يغير هدومه وياخد دوش كانت إلين عايزة تصوت من كتر الوجع لانها نزلت دم كتيير جدا طول الوقت لكن كريم محسش بيها خالص خرج كريم وكان لسه هينام
إلين: انهاردة احنا مش هنام في نفس الغرفة ياما تخرج انت ياما اخرج انا
كانت إلين بتطلب كدا عشان تعالج جرحها من غير ما تبين ضعفها قدامه وفعلا كريم قام من مكانه لاكن قفل الباب من جوه وحطه في جيب بنطاله وراح ينام علي السرير بتاعه
إلين: ايه الي انت عملته دا؟
كريم: طول ما انا في القصر دا مش هنام غير علي السرير دا وفي الغرفة دي
إلين: وانا هنام فين؟
كريم: في اي داهية
وفعلا إلين مردتش عليه خافت تنام علي الكنبة تبوظ من الدم قعدت علي الارض ضمة ركبتيها لتسند راسها عليها تنتظر كريم انه ينام عشان تقوم وتحاول تعالج جرحها لكن كريم كالعادة بياخد وقت للنوم وعقبال ما نام الاستاذ كريم كانت إلين نامت قبله

تاني يوم

صحي الاستاذ كريم بتاعنا من النوم اخيراً شافها مستلقية علي الارض وضمه رجليها زي الاطفال بظبط بصلها بصة المشتاق ودخل طلع هدوم الشغل عشان ياخد دوش ويخرج يلبس وينزل شغله افتكر كلامها وكسوفها لما خرج وهو من غير هدوم وقالتله متكررش وخد الهدوم معاه علي الرغم من انها نايمة ودخل وهو بياخد الدوش بتاعه لاحظ ان مفيش اي جرح في ايده استغرب لكن مداش اهمية للموضوع ولبس وخرج وقف قدام التسريحة عشان يسرح شعره الناعم الجميل ويحط برفانه المعتاد ويلبس ساعته لكن وهو بيلبس ساعته وقعت منه علي الارض وهو بيجبها لاحظ ان في نقط دم متفرقة علي الارض وبص لإلين شاف دم كتيير حوليها جري عليها وقال: إلين..... إلين ردي عليا
وكان بيقلب فيها كانت خلصانة خالص شالها بين دراعه وكانت شبه الورقة المزرقة دم كتيير نزل منها ركب السيارة وكان بيسوق بسرعة جنونية بطريقة متهورة لحد ما وصل المستشفي كان وشه عامل زي اللمونة من خوفه عليها ووضعها علي السرير المتحرك الخاص بالمشفي
كريم: فين الدكتور الي في المستشفي دي؟ خليه يجي يشوفها بسرعة
الممرض: انت بتتكلم كدا ليه؟
كريم ووشه قلب قلبه سوده بمعني الله يرحمك يابني مسك الممرض من رقبته ورفعه وقال: انده للزفت الدكتور وقوله كريم ثروت بيه بره
ورمي الممرض من ايده وجري الممرض للدكتور دخل علي الدكتور من غير ما يخبط وهو بينهج
الدكتور: في ايه يابني؟!
الممرض وهو بينهج: في واحد بره اسمه كريم ثروت قالب الدنيا بره عشان مريضة معاه
خرج الدكتور عشان يشوفه وقال: اذيك يا.....
كريم: بلااا اذيك بلا زفت ألحقها شوفها مالها
بدأ الدكتور يكشف عليها لاحظ كمية الدم الي نزفتها
الدكتور: هنحتاج نعملها عملية بسيطة وهنحتاج ننقلها دم طبعا عشان نزفت دم كتير جدا
كريم بزهول واضح جدا وكبير: ليه العملية؟
الدكتور: في ازازة كبيرة دخلت في ايدها وغويطة جدا دا غير الدم الي نزفته لو طلعنا الازازة كدا هتبقي في خطر لانها في حالة ضعيفة جدا بسبب كمية الدم الي نزفته
كريم: طب تسحب مني الدم الي انتو عايزينه ليها المهم تبقي كويسة
الدكتور: نشوف العينة الاول
افتكر كريم انها اتبرعتله بالدم وقال: احنا الاتنين نفس الفصيلة O انا متاكد اسحب الدم الي عايزه ليها بسرعة وانجز وقت يادكتور
الدكتور: تمام
وبدا الدكتور في العملية الي استمرت لساعة ونص وكان كريم في قلق كبير عليها واحساسه بالذنب لانه السبب فعلا في كل دا وبعد الساعة ونص خرج الدكتور وقال: العملية تمام وهي تمام بس ساعتين وهتفوق
كريم: طب ممكن ادخلها عاادي
الدكتور باستغراب لانه بيستأذن: ااه عاادي مش هيجرالها حاجة
سكت الدكتور للحظة وقال: هي مراتك ياستاذ كريم
كريم: ااه
ودخل كريم غرفتها لاقها مستلقية علي السرير وحطين اجهزة عشان تبقي كويسة وقعد جنبها وبدا في الكلام الي كان بيتمني انها تسمعه
كريم: متسبنيش يإلين انا بحبك من وانتي صغيرة انتي احلي حاجة في حياتي كلها صدقني ارجوكي تسمحيني علي كل حاجة عملتها او هعملها بس لازم اعمل كدا عشان اوصل للحقيقة ارجوكي تسمحيني انا عمري ما اعتذرت ولا اترجيت حد كدا يإلين وكنت اتمني انك تكوني بتسمعيني دلوقتي
بدات إلين تحرك ايدها وتقول: كريم.... كريم
لكن كملت تاني في غيبوبتها لمدة ساعتين وفاقت كان كريم جنبها وماسك ايداها فضلت تبصله وهي عنيها مليئة بالدموع مش عارفة بتبكي علي حاله ولا حالها ولا حلهم الاتنين الي مش مفهوم وبدات تسحب ايدها لكن حس بيها وبصلها كريم

وقال بلهفة: انتي كويسة ياصغيرتي
إلين: ااه انا كويسة بس ايه الي جبني هنا؟ وايه الي حصل معايا؟
كريم: الطبق الي اتكسر كان في جزء منه في ايدك طول الليل خلاكي تنزفي كتيير
دخل الدكتور عشان يطمن علي حالتها
الدكتور: عال بقيتي احسن ياستاذة إلين
كريم: تقدري تروح انهاردة؟
الدكتور: ااه بس هكتبلها علي دوي ومحاليل لازم تعلقها وتستمر عليها انهاردة وبكرة وبعد كدا هتبقي زي الفل
كريم: خلااص تمام اكتبلها علي خروج
الدكتور: خلااص تمام حاضر
وكتبلها الدكتور فعلا علي خروج وخرجت من المستسفي وكانت حالتها كويسة الي حد ما ووصلوا القصر وطلعها فوق في الغرفة وقعدت علي السرير وركبلها المحاليل وخرج
كريم: حورية.... حورية
حورية: نعم يااستاذ كريم
كريم: عيزك تعمليلها اكل كدا يقوي مناعتها لانها نزفت دم كتيبر تمام
حورية: حاضر بس ايه الي حصلها بظبط
كريم: وانتي مالك نفذي الي بقوله وانتي ساكتة
حورية: حاضر ياستاذ كريم حاضر
ونزلت حورية عشان تعمل الاكل لإلين ودخل كريم بدل هدومه وبعدها مسك تلفونه لاقي رنات كتيبر للشغل من نورة
نورة: ياستاذ كريم كان في.......
كريم: ألغي اي حاجة انهارة وبكرة للشغل انا مش فاضي انتي فاهمة
نورة: في حاجة
كريم: انا مش عارف كله بقا يدخل في الي ملهوش فيه علي طول كدا من امتي ، اسمعي الكلام وانتي ساكته انتي فاهمة
نورة: تمام حاضر
قفل كريم السكة في وشها كانت إلين سمعت كل دا وجه كريم قعد قدام إلين بظبط علي الكنبة
إلين: علي فكرة ملهوش لزوم انك تقعد جنبي وتعمل نفسك بتراعيني والجو دا مش لايق عليك خالص
كريم بيحاول يكتم غيظه: انا مش بعمل كدا لحباب عيونك انا بعمل كدا عشان اريح ضميري مش اكتر اصلاً
وفعلا فضل كريم جنبها لحد اخر اليوم ونامت من التعب والعلاج الي خدته كان كريم في البلكونة بيشرب سيجارة وكانت عينه علي إلين صغيرته طفلته الذي يعشقها دون مقابل وجدها تشعر بالغضب وهي نائمة بتحلم بشئ يخفيها لدرجة انها كانت تبكي وهي تقول: كريم لا كفاية بابا
صحيت إلين من الخضة وهي بتقول: كريم
كان كريم جنبها وبيقولها: اهدي مالك في ايه؟
إلين: مفيش حلمت حلم مش حلو
كريم: مش حلو وانا فيه
إلين: ااه ما هو مش حلو عشان انت فيه اصلاً
كملت إلين: انا سمعتك في الحلم بتقولي بتسبنيش وسمحيني وبحبك ومن وانتي صغيرة مش عارفة الكلام دا اتردد في ودني كتيير
كريم: ما هو حلم مش حلو
إلين: فعلا
طبعا كريم استغرب من كل دا ممكن تكون سمعته او حست به وهو بيقول الكلام دا جنبها كان بيلوم نفسه انه اتكلم كدا وكل دا جنبها ومحسش بنفسه
بعدها كملت إلين نومها وهو نام علي الكنبة إلين حست بيه وفرحت من جوها انه اخيرا احترم كدا

تاني يوم بقا