جاسوس ولكن أحببته (رواية مهمة الحب سابقاً)

9- قربت من سره 😏

كريم وهو بيبصلها بطريقة قوية جداً لدرجة ان نظرته دي ممكن تقسمها نصين وعلي استغراب كبير من ردة فعلها القوية اللا محدودة ونظرتها الشرسة التي تشبه الطفل الذي يحاول حماية لعبته الغالية
كريم وهو بيبصلها: تؤتؤتؤتؤ انتي خايفة مني انا ياصغيرتي
إلين وهي في قمة ثقتها: انا مش خايفة منك لاني عارفة انك اجبن من انك تقرب مني
كريم وهو في قمة غيظه وبيحاول يكتمه: نسيتي حبنا نسيتي اما قولتيلي بحبك وانتي مغمي عليكي وانا في المستشفي كمان
إلين بكل سخرية: حبنا! انت عارف كويس جداً ان مفيش بينا اي حب وكل دا كانت مهمة احنا الاتنين متكلفين بيها مش اكتر
كريم بيحاول يبين عدم فهمه: قصدك ايه؟!
إلين: قصدي واضح وانت مش غبي وفهمني كويس
كريم بكل خبث: بس انا جوزك دلوقتي
إلين: حتي دي مهمة انت متكلفة بيها
كريم: انا مبقتش بتأمر ومفيش حد يأمورني انتي فاهمة خلااص كل حاجة دلوقتي بخططلها وبنفذها من نفسي ومن دماغي وبس وجوازي ليكي دا بأرادتي انا ورغبتي انا وليا هدف معين من جوازي ليكي
إلين وهي بتقف وتبصله بكل ثقة: والهدف دا انك تعرف مين الي وريا ومين السبب في قتل أهلك مش دا هدفك برضو ولا انا غلطانة
كريم وهو بيقرب منها وبينهم خطوة: ايوا دا هدفي يإلين لاني عارف انك متقدريش تعملي كل دا لوحدك واكيد حد وراكي
إلين: والله برفو دي عرفتها لوحدك
كريم وهو مقرب منها ومسكها من دراعها الاتنين بقوة كبيرة ومؤلمة: انتي خلااص بقتي ملكي يإلين ومش هسمحلك تعملي اي حاجة من وريا او حتي تقبلي حد من غيري حتي مفيش شغل ولا في اي حاجة تخليكي تخطلتي بحد غيري
إلين وهي بتتوجع لكن تظل صغيرته العنيدة القوية: مش هسمحلك ياكريم
قالت كدا وكريم بيمسكها بقوة اكبر واكبر لدرجة ان إلين نزلت دموعها من عيونها الجميلة كانت حمولة بعض الشئ لكن مقدرتش تستحمل اكتر وحولت تخبي دموعها حتي لا يشعر كريم بضعفها والانتصار له لكن كريم شاف دموعها مقدرش يشوفها بتبكي كانت دموعها زي الجمر الي بينزل علي قلبه اتوجع بشدة لبكائها وبدا ان يرخي يداه عنها وسبها وهي تضم نفسها بيدها لشدة وجعها وهي تبكي ومسحت دموعها حتي انها بعدت عنه خطوتين وقالت: صدق انت اكتر انسان انا بكره في حياتي كلها ياكريم
كريم وهو في قمة غضبه الي اول مرة يريها لأحد قام كريم بتكسير كل شئ علي التسريحة وكل شئ فوق الكومودينو الكبير الذي توجد عليه فاظات بهيظة الثمن وكل مرة يقوم كريم بتكسيرها يجددها ويقوم بتكسريها ثانية ولكن المرة دي كانت مختلفة كانت قدام إلين كسرها وهو بيقول: ليه كدا كل الناس سبتني كله سبني وبعد عني ليه كله بيبعد عني كدا
وبص لإلين بغيظ وقال بصوت عالي جدا جعل إلين تحاول منع صوته ان يصل لأذونها وقال: وانتي السبب في كل حاجة كل حاجة يإلين المفروض انا الي اكرهك مش انتي الي تكرهيني

وسكت بعدها وقعد علي الكرسي بتاعه الي في البلكونة وولع سيجارة ليدخنها عشان يهدي من عصبيته كانت إلين بتبصله وبتبص لكل الي بيعمله باستغراب وبتفكر وتقول لنفسها: ياتري هو بيعمل كل دا تمثيل ولا بجد انا مش فاهمة كل دا عشان قولتله بكرهك وقصده بايه انه المفروض هو الي يكرهني معني كدا انه بيحبني بجد! انا مش ضمناه ومش قادرة اصدق اي كلمة منه هو بذات
وفضلت إلين تفكر بينها وبين نفسها في كل الكلام دا وقعدت علي السرير وتفكر وهي تنظر له وهو جالس ويشرب السيجارة بعصبية كبيرة وخلص سيجارته وشرب التانية والتلاتة ودخل علي الرابعة
إلين وهي بتاخد السيجارة من يده وهو لسه بيدخلها بين شفتاه ليبدا التدخين بها وقالت: كدا غلط انا سيباك تشرب واحدة واتنين وتلاتة وداخل علي الرابعة كمان كدا مينفعش ازاي رياضي زيك يدمر نفسه بالسجاير كدا
كريم وهو متعصب لان مفيش حد اتجرأ يعمل كدا قبل كدا علي رغم من كتر علاقاته الكتيرة: انتي ازاي تتجرأي تاخدي السيجارة مني كدا وكمان انتي مالك انتي ان شاء الله اموت نفسي انتي يخصك في ايه مش انتي بتكرهيني وبتتمني موتي سبيني بقا
إلين: ااه انا بكرهك بس مش بتمني موتك وخاصة الموتة دي انت بتموت نفسك بالبطئ اسمع الكلام
كريم: انا واحد ماشي طول حياته بدماغه حتي لو غلط هاجي اسمع كلامك انتي
إلين: ايوا ودا عشان مصلحتك وصحتك مش اكتر
قام كريم من قدمها بعد ما رمقها نظرة لم تفهمها وفتح باب الغرفة وقال: حورية.... انتي ياحورية
حورية: نعم ياستاذ كريم
كريم: انا هدخل اخد دوش اخرج الاقي كل الدنيا اتظبطت انتي فاهمة
حورية: اكيد ياستاذ كريم حاضر
ودخل كريم لاياخذ الدوش الي موجود في الغرفة وقعدت إلين علي السرير تنظر لحورية هي والخدم وهما بينضفوا كانت حورية باين عليها انها كبيرة في السن وقديمة في الشغل والدليل انها المشرفة علي الخدم الي موجودين في القصر
إلين: انتي شغالة هنا من امتي ياحورية؟
حورية: ياااه من زمان جداً ياست هانم اما كان الاستاذ كريم في سن الثانوي كدا تقريباً
إلين: بلااش ست هانم دي بتخنقني حتي بقول كدا لنادية الي عندنا
حورية: لا مقدرش ياست هانم دا كان الاستاذ كريم رفدني
تدخلت نانسي الخدامة: والله ياست هانم شكلك بنت حلال وطيبة غير كل الي كانوا موجودين في القصر هنا
حورية: اسكتي يابت يانانسي وشوفي شغلك للاستاذ كريم يسمعك هيخلي لليلتك سوده
إلين بابتسامة: سبيها ياحورية والله ضحكتني وانا ماليش مزاج اضحك خالص
نانسي: مش بقولكوا بكره هتقولوا كلامي صح
إلين: قولتي ايه يانانسي
نانسي: قولتلهم ان حضرتك الي هتعدلي الميلة الي ديماً بتبقي في القصر دا
إلين: يابت مش خايفة لكريم يسمعك
نانسي: لا خلااص انا جالي مناعة منه ومن زعقيه فيا علي طول
إلين بابتسامة: شكله بيزعقلك كتيير
نانسي بطريقة مضحكة: ياااه كتيير ياست هانم
ضحكت إلين بصوت عالي شوية مش كتير وكان دا في خروج كريم كانوا خلصوا التنضيف
قالهم كريم وهو ينظر لإلين وهي تداري ابتسامتها: اخرجوا يلاا
كريم باستغراب: بتضحكي علي ايه بقا؟
إلين بضحكة: اصل الخدم عندك هنا دمهم زي العثل
كريم: والله... صدقي هغير الطقم كله
إلين: حتي حورية هتغيرها؟
كريم: لا طبعا حورية دي زي امي
إلين نسيت انه خارج وهو مش لابس غير الفوطه لاففها حول وسطه وباين عضلات صدره المبلول
إلين بصدمة وهي تحاول تداري عينها: ايه دا انت ازاي خرجت كدا
كريم باستغراب: انا بقالي حبه واقف قدامك وبنتكلم لسه واخدة بالك
إلين وهي خدودها محمرة بشدة: ايوا لسه واخدة بالي ولوسمحت متتكررش تاني وتاخد هدومك معاك
كريم: انا متعود ادخل اخد الدوش واخرج البس في غرفة الملابس
إلين باستغراب: غرفة للملابس
كريم: ايه اول مرة تشوفيها
إلين: طب ممكن تشوفلي حاجة البسها عشان انا كمان هدخل اخد دوش ومش معايا هدوم
طلعلها كريم تيشيرت وبنطالون وقالها: خديهم دول اصغر حاجة عندي ممكن تيجي علي مقاسك
إلين وهي لسه بداري عينها: تمام شكراً
كريم ساب الهدوم علي تبلوا في اوضة الملابس ولبس هدومه وخرج من الاوضة وهو ينظر لها خرج وقفل باب الغرفة وراه وإلين قامت قعدت قدام التسريحة وفكت شعرها من طرحة الفستان
وقالت لنفسها: دا منعك عن الشغل وانا بضحك وبهزر مع الخدم وعن اهلي الي ميعرفوش عني حاجة لحد دلوقتي

وقامت إلين دخلت حتي تاخذ الشور بتاعها وعندما انتهت لبست هدوم كريم الي كانت واسعة عليها جدا وخرجت من الحمام وهي شعرها مبلول وماسكة المنشفة بتحاول تنشفه تقوم بلف راسها بشعرها في الجهتين اليمين واليسار لتنشف شعرها الناعم الطويل بعض الشئ لاحظت حاجة غريبة وهي بتلف رأسها الفاظات الي لسه مكسرها كريم هي هي الي موجودة
إلين لنفسها بس بصوت عالي شوية: ازاي دي نفس الفاظات الي لسه كريم مكسرها ازاي جبها تاني وكمان الهدوم دي الي اصغر حاجة عنده دا انا حاسه اني هقع جوا الهدوم
سمعت صوته الي خلها تتخض وترجع لورا قال وهو مبتسم: لا مش للدرجة دي انك تقعي جوها
إلين: ياشيخ حرام عليك خضتني جداً
كريم: ياشيخ! في بنت صاحبة سلسلة مدارس عالمية وتقول ياشيخ
ضحكت إلين وقالت: ازاي جبت الفاظات ونفسهم الي كسرتهم من شويه في الوقت دا؟!
كريم: انا سايب استبن ليها ديماً في المخزن
إلين بأستغراب شديد: ودا ليه دا؟!
كريم: لان دي اول حاجة انا اخترتها في حياتي
إلين بسخرية: وازاي بقا انت بتعمل كل حاجة من دماغك في حياتك وتكون دي اول حاجة تختارها في حياتك
كريم: دي اول حاجة اخترها بنفسي من ساعة ما دخلت القصر دا
إلين باستغراب كبير: من ساعة ما دخلت القصر دا ازاي؟!
كريم طنش سؤالها ونام علي السرير
إلين: انت بتعمل ايه؟
كريم: هنام
إلين: هتنام هنا وانا هنام هنا ازاي
كريم: دي غرفتي علي فكرة
إلين: طب شوفلي غرفة تانية انام فيها
كريم: لا مش هينفع تغيبي عن نظري
إلين سابته ونامت علي الكنبه كان كريم بيبصلها وهو بيبتسم علي تصرفتها الطفولية الي كانت واضحة عليها اكتر بسبب الهدوم الواسعة الي مخليها نكتة
ونام كريم بعد ما بصلها اخر بصة قبل النوم وهي حاولت تنام وقالت لنفسها: انا نسيت اكلمه عن الشغل واهلي بكره اول ما اقوم اكلمه واقوله

تاني يوم