انا عارفة اني اتاخرت عليكوا جدا بس ان شاء الله انها مش هتكرر تاني باذن الله.
(ملحوظة: الصور الي بحطها في البارت ملهاش علاقة اني اشبه الشخصية الي في روايتي بالصورة انا بجيب صورة ملائمة مع البارت ومش هطول عليكوا حبايبي اتمنالكوا قرأة ممتعة ♥)
كريم
في مكان كحيل من شدة الظلام لا يوجد به شعاع من النور يسير كريم بعربيته علي ضي كشافها الخفيف بسبب انه طوال اليوم يسير بعربيته دون وقوف ودون وقوف عقله عن التفكير يسير وهو يتمني الوقوع في شئ يقضي عليه تماماً لانه حزين حزين لانه ترك صغيرته إلين الجميلة تركها وهي بلا حماية انا كنت السبب في عدم موتها لحد دلوقتي انا الوحيد الي بحميها من صغرها من ساعة ما اتقتل والدها امامي انا سبتها لوحدها
كان كريم بيفكر في كل دا وهو ماشي بعربيته في مكان كله ظلام لحد ما وقف عند سد لكبري علي البحر لسه علي إعادة الإنشاء وقف امام هذا السد الذي كان علي وشك الوقوع والأنتهاء كان كريم يقف امام هذا السد وهو يحادث نفسه وكأنه لا يعلم نهايته وكأنه كان يتمني نهايته كان يقول انا السبب في كل دا في كل الي حصل معاها من زمان وفي زحمة افكاره هذه ظهر شعاع ضوء شاشة الموبيل الذي يوجد علي الكرسي الجانبي لكريم ويظهر في شاشته الكثير من المستجات والرنات منهم حسن وصغيرته إلين كان الموبيل صامت كان يصدر هذا الضي الذي لفت انتباه وهي صغيرته تستمر في الاتصال به وكأنها تقول له ارجوك ارجعلي ياكريم لكن كريم نظر للشاشة بكل وجع وعيناه مليئة بالدموع ويقول اسف ياصغيرتي لكن افضل الابتعاد كما قال والدك لي قبل موته بثواني
انت نكره ياكريم
وبدأ كريم بتحريك عربيته في اتجاه السد وهو يقول ويردد في هذا الكلام وكانت السيارة تقع في الماء وكريم بداخلها ينظر الي رقم صغيرته التي استمرت في الرن عليه وهو يبكي ويقول بتردد مستمر انني نكره ولا استطيع التكملة في كل هذا نهايتها سد معايا زي دا وكانت السيارة تمتلئ بالمياه حتي النهاية حتي فقد كريم وعيه وهو ينظر لرنات صغيرته ويردد كلمته الاخيرة نكره..... نكره..... نكره.
إلين
إلين كانت في صدمة كبيرة وانهارت في عياط شديد بحزن وحسرة كبيرة غير محدودة وغير متوقعة إلين نفسها كانت مستغربة جدا من نفسها ازاي وليه بتعيط وزعلانة كدا اما مشي؟ مش انتي يإلين كنتٍ عايزاه يمشي ويبعد عنك؟! بعد ما عملك الي انتي عايزاه بتعيطي صدقي يإلين انتي مغفلة اووي
إلين بتسأل وبترد علي نفسها: انا مش مغفلة انا ااه كنت عيزه ابعد عنه بس مش بالطريقة دي كنت عايزه نهاية لموضوعنا ولحكيتنا بس كدا مفيش ولا نهاية ولا زفت كدا متعلقة به لحد ما يرجع ومش هيرجع اصلا ولا كمان احساسي بالامل بعد ما جالي خده مني تاني من غير ما يحس من غير ما يعملي حساب كل ما اخد خطوة واحاول احبه برجع تاني اكرهه بسبب تصرفاته إنسان اناني
سكتت إلين وبدأت تعيط بشدة من جديد وكانت في انهيار لأول مرة تكون فيه بعد وفاه والدها وكانت مستمرة في إرسال مستجات له ومستمرة في المكالمات تحاول الاتصال به وكانت تتمني ان يستجيب ويرد عليها كانت مستمرة في هذه الحالة لحد ما حل الظلام وهي ولا بتاكل ولا بتشرب وكانت أحياناً تجرب الاتصال به من موبيل حورية ولكن لا يجيب ظلت هكذا حتي حل الظلام ونامت الملاك الصغير من كتر التعب من كثرة بكائها علي حارسها الشخصي وغاصت في نومً عميقاً حتي طلع شمس يوم جديد بلا حارسها الذي يحميها ويأذيها في ذات الوقت لكن عندما رنت علي موبيله كان الموبيل مغلق هذا جعلها تشعر بالخوف والقلق الشديد عليه اكتر من الاول وهذا كله الي جانب شعورها بعدم الراحة واحساسها ان في حاجة حصلت معاه وكانت خايفة جدا علي حارسها العنيد
فضلت في الحالة دي لحد ما جالها اتصال من رقم مجهول ردت إلين علي الرقم وهي خايفة متعرفش ليه خايفة بس خايفة وخلاص
إلين: ألو
المُتصل: ايوا مدام إلين كريم ثروت
إلين: ايوا انا
اخذت إلين نفساً عميقاً من أعماقها بخوف وكملت كلامها وقالت: وحضرتك مين معايا؟
المُتصل: استاذ كريم زوج حضرتك عمل حادثة ياهانم
إلين اخذت نفسها بالعافية وتبكي بدون صوت وكملت وقالت: وهو في مستشفي ايه؟
المُتصل: لا ياهانم الحادثة فوق الكبري الي كان بيعيدوا انشأه ولاقينا عربيته لكن مش لاقين الجثة
إلين كانت في انهيار وصويت مستمر ووقعت الفون من ايداها وكان المُتصل لسه معاها علي الخط وكان لسه بيتكلم لحد ما دخلت عليها حورية وهي مصدومة لحالتها وسمعت صوت من الفون
فقالت: ايوا
المُتصل: حضرتك لازم تيجي تعملي محضر وتاخدي الحاجات الي لاقينها في العربية ياهانم
حورية كانت لسه هتسأل لانها مش فاهمة حاجة لكن كانت بتهدي من اعصاب إلين لانها كانت منهارة جدا
سألت حورية إلين بعد ما هديت شويه: ايه الي حصل ياست هانم؟
إلين وهي تبكي بدون صوت: كريم عمل حادثة ومش لاقين جثته
حورية بعد ما فضلت تبكي وتحاول تهدئة إلين
قالت: عايزين انك تروحي تاخدي الحاجة الي طلعوها بتاعت الاستاذ كريم
إلين كانت تبكي بكل حُرقة وشدة كبيرة لما حدث لحبيبها بسببها هي وبعد ما هدئة بعض الشئ ذهبت ومعها حورية لانها كانت في حالة من الصعب انها تُترك لوحدها الي القسم ودخلت رأت العربية هي فعلاً عربية كريم ووجدوا بداخلها بعض الاشياء التي جعلت إلين اول ما مسكتها تبكي وهي صورة لكريم مع إلين وهي نائمة بفستان الفرح وفونه
الظابط: الصورة دي الي اكدت ان دي عربية الاستاذ كريم لكن مش موجود فيها حتي دورنا عليه في الميه لكن جثته مش موجودة
إلين بزعيق وهي تبكي: متقولش عليه جثة هو كويس وهيرجع هيرجع يعني هيرجع
الظابط: بس فعلا هو اختفي من الممكن يكون في سمك قرش كله او ممكن الموج فضل يحدف فيه لحد ما مات بس فعلا صدقيني ان الحاجة المؤكدة انه توفي ولازم حضرتك تعملي إجراءات العزا
إلين: من غير ما نلاقي جثته حتي ونتاكد من كلامك دا ما ممكن يكون عايش
الظابط: بس......
إلين وهي تبكي: من غير بس انت فاهم لاقيته جثته هصدق غير كدا مش هعمل حاجة ؛ ولو في اي جديد بلغوني ؛ كمان انا هاخد حاجته دي
الظابط: تمام ياهانم الي تؤمري به
أنت تقرأ
جاسوس ولكن أحببته (رواية مهمة الحب سابقاً)
Romanceوما الحب إلا جزء من المشاعر التي تغير حياتنا بشكل كلي إما للأفضل أو للأسوء. وانا وقعت في حبه ونسيت الأنتقام الذي يوجد بداخلي والمهمة هتنتهي لكن نهايتها ستكون مؤلمة نوعاً ما ستكون نهاية غير متوقعة للجميع حتي أنا وهذا كله سينتهي تماماً. ودلف عليها من...
