جاسوس ولكن أحببته (رواية مهمة الحب سابقاً)

6- المهمة هتبتدي 😎🔪

إلين: ايه الهبل الي انتي بتقوليه دا؟!
كندا: انا عارفة انك هتستغربي زي نادر بظبط
إلين: كمان قولتي الكلام دا لنادر؟
كندا: ايوا وهو استغرب بس ياجماعة انا ام وبحس بابني كويس ودا مش ابني يإلين الولد مش بيبطل عياط ولا بيرضي انه ياكل مني باكله من الببرونة ودا غلط عيزاكي تساعديني
إلين: انا متلغبطة ومش فاهمة اي حاجة بجد ومش عارفة حتي اتصرف ازاي
كندا: انا عارفة الحل
إلين: وايه الحل؟
كندا: تحليل DNA
إلين: بس هياخد وقت
كندا: لا ان شاء الله سرعي في الموضوع كدا وبالوسطي وهيتعمل بسرعة نتاكد حتي لو كدا يبقي هو في حاجة ونعالجه
إلين: ما ممكن يكون في فعلا حاجة ما نروح نكشف عليه ونعالجه احسن
كندا: كشفت عليه بس مفيش حاجة وحتي لو فيه حاجة احساسي يإلين احساسي انه مش ابني
إلين: خلاص هتصرف انا بكره بس برضو دا ميمنعش انك تاخدي بالك منه لحد ما نتاكد
كندا: اكيد طبعا

تاني يوم

جه الدكتور عشان ياخد عينة للتحليل في البيت بدون مشاكل تحصل من الاعلام او غيرهم وفعلا خدوا عينات من الدم عشان يتم التحليل وبعد اسبوع طلعت نتيجة التحليل ويوم نتيجة التحليل جه الدكتور لحد عندهم ومعاه النتيجة
إلين: طمني ايه الاخبار يادكتور؟
كندا في قلق لان كل حتي تتاكد ان دا مش ابنها ونادر جوزها مستغرب من كل الي بيحصل وكان رافض كل دا بس محبش يعاند ويضايق كندا والام ومحمد في خوف وكلهم بيتمنوا ان التحاليل تثبت ان ابنهم ويكذب شعور كندا
كندا: قول يادكتور ان شعوري كدب وانه تعبان مش اكتر من كدا
الدكتور: بس شعور الام مش بيكدب
إلين باستغراب شديد: يعني ايه كلام يادكتور دا؟
الدكتور: للاسف التحاليل بتثبت ان الولد مش ابنكوا
كندا وهي في صدمة كبيرة: ابني فين....  إلين ابني فين؟
ونادر مش مصدق وكله ساكت من الصدمة الي رعبت الكل إلا إلين كانت نظرتها مختلفة وكانها متوقعة كدا متوقعة ان كل دا مش صدفة
إلين للدكتور وبعصبية: انا عايزة اعرف كل الي ولدوا في اليوم دا ولاد مش بنات وعناونهم تجيلي انهاردة لحد عندي وبسرعة
الدكتور: انا مجهزهم وهما تلاتة غير مدام كندا
إلين بنظرة عصبية وهي تجز علي اسنانها: ومنهم مرات اخوا كريم ثروت
الدكتور: ايوا فعلا وبنات اللواء مجدي الاتنين
إلين باستغراب لنفسها: ازاي هما الاتنين في يوم واحد ومكنتش اعرف حاجة عن حملهم اصلا
وبعدين فكرت إلين انها تروح تعمل تحليل للاطفال الي اتولدوا في نفس اليوم وفعلا راحت بيت اللواء مجدي عشان تعمل التحليل ومعاها الدكتور دخلت إلين الفيلا ومكنتش اول مرة تروح الفيلا الكبيرة التي تشبه القصر الضخم بها نفورة اكبر من نفورة فيلاتها بكتيير جدا وحوليها الكثير من الجناين الي فيها انواع كتيرة من الاشجار والزهور اكتر من الي عندها ودخلت بالسيارة لقدام باب هذا القصر
الخادم دخلهم لاوضة الرسبشن
اللواء مجدي: سبقتيني كنت هاجي عشان ابركلك علي المولود الجديد
إلين بنظرة غريبة: وانا مش جاية ابارك اصلا
نظر اللواء مجدي باستغراب لما تقول وكملت إلين قائلة: لاني مكنتش اعرف ان اي واحدة من بناتك حامل وعلي وشك انها تولد وكمان في يوم ولادة اختي
دخل صوت تاني بينهم: عشان انتي ملكيش دخل في العيلة دي من هنا ورايح انتي فاهمة
كان دا صوت حسن ولكن تدخلت إلين برد سريع: انا مش جاية عشان ادخل في العيلة دي انا جاية عشان عيلتي انا
اللواء مجدي بنظرة خبث: وعايزة ايه يإلين من عيلتي؟
إلين: عايزة عينة دم من الاطفال عشان الولد مش ابننا فالدكتور هياخد عينة من الدم عشان نتاكد انهم مش ولاده
حسن: لا طبعا مستحيل
إلين: لا مش مستحيل مفيش مستحيل معايا وانت عارف كدا كويس هاتوا الاطفال انا بس عايزة اتاكد مش هموتهم عشان لو حد فيهم ابننا نرجعهم لبعض
حسن:وانتي فاكرة اننا مصدقينك ازاي حاجة زي كدا تحصل في مستشفي مهمة زي دي
إلين: عشان كدا خليت نفس المستشفي تعمل التحليل وتتاكد فلوسمحت بلاش عناد لاني مش هسكت وانتو عارفين ممكن اعمل ايه
طبعا إلين مش سهلة خالص ومش ضعيفة مهما حصل وحسن في قمة غيظه اما اللواء ينظر إليها بكل استغراب كبير جدا وقطع اللواء مجدي حسن قائلاً: انده ياحسن لاخواتك ويجوا باولادهم
حسن: بس .....
اللواء مجدي وهو ينظر لإلين: اسمع الكلام الي كبرتهم بقوا يكبروا علينا
إلين محركتش عينها من عينه وبكل جرأة قالت: ولازم تاخد بالك منهم جدا ياستاذي
وبالفعل اتي البنات بالاولاد وخد الدكتور من الاطفال عينة من الدم عشان التحليل وكان صوت الاولاد عالي جدا وهي تقول للواء مجدي وحسن: شكرا لمساعدتكم وهبقي اتصل اقولكم النتيجة
حسن: متتصليش هنعرف بطريقتنا
اللواء مجدي: مساعداتي ليكي انتهت ودي الاخيرة
إلين بعند ولكن لا يسمعه إلا هو: وانا مش هحتاجك تاني ابداً
ومشيت إلين هي والدكتور وركبت سيارتها بكل ثقة بجسمها المتناسق الذي يجذب الجميع ومسيرتها القوية الذي تبين هيبتها وهي راسها مرفوعة وكانها بتغيظهم وخرجت من القصر
وفي السيارة

إلين: انا عايزة التحاليل تظهر في اقل من اسبوع
الدكتور: هحاول بس......
إلين: مفيش بس انا قولت الي عندي والكلام واضح
الدكتور: حاضر طب مش هنروح فيلا الاستاذ كريم عشان نعمل التلات تحاليل مع بعض
إلين وهي تنظر من شباك السيارة الي اللا شئ: لا كريم دا مش دلوقتي سبهولي بعدين لحد ما تطلع نتائج دول ونتاكد منهم الاول لان دا هيتعبنا معاه
وفعلا بعد اربع ايام ظهرت نتيجة التحاليل وكانت التحاليل بتثبت ان الاولاد مش ولاد كانت ونادر وكانت كندا في صدمة لانها كانت فاكرة ان ممكن حد منهم يبقا ابنها الحقيقي وكمان نادر جوزها كان في قمة صدمته والام مهدودة ومصدومة لكن بنتها مسيطرة علي حضنها عشان دا يمكن يوسيها ومحمد اخوها يطبطب عليها بكل حب وخوف علي اخته اما إلين سمعت وشافت انهيار اختها لكن ولا اتهزت كانت عارفة كويس ان دا كله هيحصل وهي عارفة ان كل دا محصلش بالغلط او صدفة لاكن هي قعدت علي كرسي بتاعها وحطت رجل علي الاخري وتنظر نظرة ثقة وغرور قائلة: المهمة هتبتدي
وفي نفس اليوم راحت إلين لحد قصر الاستاذ كريم بسيارتها وليس بعيداً عنها لانهم في نفس المنطقة مفيش بعد كبير بينهم وكانت اول مرة تذهب لبيته قصدي قصره
دخلت إلين بعد ما سمح لها كريم من خلال جهاز لاسيلكي بينه وبين البواب اما عرفه ان الي جاية هي إلين ودخلت كان فعلا زي القصر او اضخم من كدا كمان كان اكبر من فيلتها وفيلة اللواء مجدي اول ما تدخل كدا في نفورة برضو بس مش زي اي نفورة عادية النفورة دي كان في اخرها من فوق تمثال وكمان تمثال غريب جدا شكله يوحي بقلة الحياء كان شكل التمثال راجل عاري ومتمسك بست عارية ومقرب منها بطريقة كبيرة جدا بشكل مقزز ولابسين بعض من الملابس القليلة ايوا دا تمثال بس غريب والاغرب ان كان الشخصين في التمثال كانوا لابسين قبعات شرطة او قبعة لرتبة قوية في الشرطة او الامن بشكل كبير وكان معناه غريب جدا لدرجة ان إلين اول ما دخلت من البوبة الكبيرة وماشية بسيارتها من قدام التمثال كانت مستغربة لحد ما وصلت لبوبة القصر وخرجت من العربية ووقفت تبص للتمثال وعلامات وشها مختلفة بتتقزز منها وتتمعن فيها في نفس الوقت لان التمثال يقلل من الحياء وفي نفس الوقت غريب ومش مفهوم وجود القبعات بتاعت الشرطة دي معناها ايه؟ وجه فجاة كريم من ورا ضهر إلين ومسكها من وسطها وقربها منه وفضل يشم في ريحتها بطريقة مغرية لدرجة ان إلين فقدت اعصابها
وقالها كريم: انا جبت التمثال مخصوص عشانك لاني عارف انك هتجي هنا بعد ولادة اختك
بعدها فقات إلين من الغيمة الي كانت فيها واستغربت ازاي سكتتله انه ماسكها ومقرب منها كدا وافتكرت اختها وابنها فمسكت ايده وفجاه بقوة كبيرة منها شدت ايده من وسطها وخرجت من بين عضلاته القوية لدرجة انه اتفاجئ من حركتها جدا وقلتله إلين: انا جايه هنا لسبب انا عايزاه مش عشان اسمع منك كلام فاضي ملهوش اي لازمة
كريم بثقة: عايزة عينة دم من ابن اخويا ؛ صح
إلين بعدم تفاجئ: ايوا ومدام عارف وشاطر كدا ياريت تكون مجهز العينة عشان امشي بسرعة من هنا لاني مش فاضية
كريم وهو بيقرب من وذنها ومستغرب ثبوتها القوي: وانا مش هدهولك اصلا يإلين
إلين وبرضو مش مستغربة: وهو انا هاخد حته من لحمك انا عايزة عينة من دم الطفل مجرد اني هتاكد انه مش ابننا ولو طلع ابننا هناخده وهنرجع ابنكو
كريم بنظرة خبث: ياسلاام دا انا مش راضي ادخلك قصري الجميل دا هدخل الواد الي قعد عندكوا في اول ايامه اكيد بتهزري
إلين: لولا ان الموضوع يخص اختي كان هيبقي ليا تصرف تاني معاك
كريم باستهزاء: صدقي انا خوفت اووي ؛ انتي فكراني واد نايتي الي كان معتمد علي بابي ومامي لا فوقي دا انا بس ساكت لفترة معينة
إلين وهي بتقرب منه: تؤتؤ انت اصلا متقدرش تعمل اي حاجة معايا ؛ وعينة الدم هجبها هجبها

ومشيت راحت المستشفي وبلغت الشرطة علي كل الي حصل وراحت الشرطة في نفس اليوم واول ما دخلوا وشافوا انه قصر كريم ثروت
الشرطي لإلين وهو بيبلع ريقه: هو دا قصر كريم ثروت؟
إلين: ايوا هو
الشرطي: بصي ياانسة إلين احنا مش هناخد منه حق ولا باطل وممكن يسجنا كلنا
إلين باستغراب: ايه الي انت بتقوله دا احنا راحين نسرقه انا راحة اخد حقي والمفروض تساعدوني
الشرطي: انا هحاول بس مش هضحي بنفسي معاه عشانك ولا بالناس الي معايا
سكتت إلين وسكت الجو هي عارفة انه مش سهل وكله بيخاف يتعامل معاه اصلا لكن دخلوا بسيارة الشرطة للقصر وطلع كريم من القصر عشان يقابل إلين الي كان عارف انها هتعمل كدا بس مكنش يعرف انها هتعمل كدا بالسرعة دي
الشرطي برهبة: احنا جايين ياستاذ كريم عشان ناخد عينة من دم الطفل للتحليل مش اكتر
كريم وهو ينظر لإلين: امشي من هنا انت والي معاك بدل ما تنتهوا اصلا
الشرطي: بس....
كريم بشخط وصوت عالي وهو ينظر لإلين لكن الكلام للشرطي: امشي من هنا احسنلك ياما هدمرك
الشرطي بخضة ورعب اتمكن منه: حاضر يافندم
ومشي الشرطي لكن إلين متحركتش وكانت ثبتة ثبات قوي جدا استغربه كريم جدا كانت إلين عارفة ان دا هيحصل بس حاولت تعمل الصح
ومشيت إلين بكل ثقة كبيرة لكن إيد كريم مسكتها بنعومة ومش بقوة وهو يقول: إلين
وبعدها وقفت إلين لكن لم تنظر لوجهه لكن هو شدها بقوة كبيرة وخبطها في اتجاه الحيطة وشدة الخبطة وصلت لدرجة انها رجعت بين احضانه لكن بردت فعل سريعة وقوية من إلين مسكته من وسطه ورزعته بطريقة اقوي في اتجاه نفس الحيطة نفس الي عمله معاها هو وقف واتسمر مكانه من الصدمة مكنش متوقع كدا منها ابدا
إلين وهي بتقرب منه: متستهونش بيا وانا حولت معاك بالزوق والقانون ومنفعش معاك متزعلش من الي هعمله انا بقا