يوما ما سنلتقى

بارت 3

حياتنا بين مد وجزر وبين شدة ورخاء وايضا بين سعادة وفرح وبين هذا وذاك الذى ربح هو من علم من البداية انها دار الفناء وايقن مضمون هذه الجمله لن ينفعنا منها ماربحناه من مال ولن ينفعنا منها ما انجبناه من اولاد وبنات ولن ينفعنا منها شئ
ولكن الذى سينفعنا هو عملنا
فاحذر من تطاول ف امر من امور الدنيا لم يبيحه لك الله لانك ستلقى جزاءك فى هذه الدنيا قبل ان تلقاه بين يدى الله عز وجل ف يوم لا ينفع مال ولا بنون الا من اتى الله بقلب سليم

نكمل 👇
استيقظت ملك قبل الفجر بساعه وايقظت سيف
ملك : سيف .....سيف ....سيف اصحى بقى
سيف بنعاس: نعم ي ملك ف اى
ملك : قوم ي حبيبى عشان نصلى قبل الفجر ما يأذن
سيف وهو يعتدل فى جلسته : هى الساعه كام دلوقتى
ملك : 2:15 ي حبيبى
سيف : طيب قومى اتوضى
ملك : انا اتوضيت ومستنياك اهو ع ما تاجى
سيف: طيب
قام سيف وتوضأ وجاء الى ملك وصلو القيام سويا
فهو دائما ما يكون امامها عندما يتواجد بالمنزل وهذه الصلاه كلا منهم يشجع الاخر عليها
فقد كان العهد بينهم سنظل معا ف الدنيا وسنلتقى عند درجة واحده ف الجنه
انهو صلاتهم ثم اخذ سيف يد ملك واخذ يسبح عليها كى يكون ثوابهم مشترك وبعدها فعلت ملك المثل ونظرت اليه بحب ثم قالت ف سرها الحمد لله على مارزقنى نعم ي ربى وعدتنى ف قرآنك بقولك (ولسوف يعطيك ربك فترضى ) وها انا اعترف امامك انى قد رضيت كل الرضى يارب
لاحظ سيف شرود ملك فأخذ يطرقع بأصابعه امام وجهها حتى انتبهت
سيف: كنتى سرحانه ف اى
ملك مبتسمه : مفيش حاجه ي حبيبى يلا الفجر بيأذن عشان نصلى
سيف: يلا
انهو صلاتهم وقرأو اذكارهم وظلو يقرأون وردهم حتى شروق الشمس ثم صلو الضحى (يسمى ذلك بجلسة الشروق
روى التّرمِذِيّ عن أنسٍ رضي الله عنه أنَّ النَّبيَّ صلى الله عليه وسلَّم قال: "مَنْ صلَّى الفَجْرَ في جَماعة، ثُمَّ قعد يَذْكُر الله تعالى حتَّى تطلُعَ الشَّمس، ثُمَّ صلَّى ركعتَيْنِ، كانتْ له كأجْرِ حَجَّة وعُمرةٍ تامَّة تامَّة تامَّة")
ملك : الساعه الوقتى 5:30 نام شويا وهاصحيك ع ١٠ عشان تنزل العياده
سيف وهو يتثائب ويدخل الى الفراش : ماشى ي ملوكه
خرجت مريم من الغرفه واخذت ترتب منزلها وتنهى امور بيتها قبل موعد مجئ وفاء وسمر وايضا فلذه كبدها واول فرحتها حياة
تتذكر حينما انجتها كم كانت فى غاية السعاده لان الله استجاب لها ورزقها اول مولود انثى
هى من اسمتها حياة
لطلاما احبت هذا الاسم منذ صغرها وعاهدت نفسها على ان تسمى به ابنتها حينما تتزوج وتنجب
اخذت ملك تبتسم وتردد اسمها بينها وبين نفسها
كام اسمها جميل مثلها اسمها حياة وهى حياتى انا
رفعت ملك وجهها الى السماء وف عينيها الدموع وقالت :يارب احفظ لى زوجى فهو سندى وحبيبى وابا لاولادى وهو كل سعادتى ف الدنيا واحفظ لى اولادى يارب ولا ترينى فيهم شيئا يبكينى
ثم توجهت الى باقى عملها وانهته وذهب الى سيف وايقظته
ملك : سيف ي حبيبى اصحى الساعه بقت ١٠
سيف :.......
ملك : سيف ....سيييف ....سيييييييف اصحى بقى بلاش موال كل يوم ده
سيف ......
ملك بشر : طيب انا هاوريك
كانت ملك ف طريقها ان تذهب وتحضر ماء لكى توقظه به كحال كل يوم
ولكنها بدلا من ان تجرج سقطت فوق الفراش
ملك بعصبيه : بذمتك مش هاتبطل شغل الاطفال ده دا ولادى مش بيتعبونى كده
سيف بزعل : وانا كمان
ملك بدون فهم : انت اى ؟
انا كمان مش ابنك ولا اى
ملك وقد فهمت مقصده وارادت ان تضايقه : ابنى ازاى ي حبيبى فوق ان زوجى
وبعدين حرام عليك دا انا عندى ٢٩ سنه وانت شحط عندك ٣٢ سنه تبقى ابنى ازاى
سيف وقد غضب من كلامها : عندك حق فعلا
ملك وقد شعرت انها تمادت ف مزاحها معه فذهبت مسرعه خلفه ولكنه قد سبقها ودخل الى المرحاض واغلق الباب خلفه
ملك ف نفسها : بردو غبيه زعلتيه وانتى عارفه انه مبيحبش تتكلمى كده
اخذت تقضم اظافرها وهى تفكر كيف ستصلح ما افسدته فذهبت مسرعه وجهزت له ملابسه واخضرت له الفطور وانتظرته حتى خرج ووقفت امامه ثم نظرت اليه ولكنه اشاح بوجهه بعيدا عنها وكان سيبتعد عنها فوقفت امامه مرة اخرى وعندما يذهب ف اى اتجاه تقف امامه فنظر اليها بغضب فرأها تكتم ضحكاتها
ملك وهى تضحك : انت مش شايف نفسك عامل ازاى
سيف وهو يتناسى غضبه لا مش شايف حضرتك وبعدين اوعى بقى عشان متأخرش عن شغلى
ملك وهى تقف امامه مباشره ووضعت يدها على يده : متزعلش منى ي حبيبى انت عارف انى كنت بهزر معاك مش اكتر ثم وضعت يديها على وجهه وهى تقول له
ملك : من قال انك مش ابنى
دا انت ابنى وزوجى وابويا واخويا وحبيبى وصديقى وكل حاجه حلوه ف حياتى ي سيف
انت مش عارف انت غيرت فيا اى ي سيف من يوم ما دخلت حياتى
انت مش عارف انك كنت بالنسبه ليا حلم جميل بفضل احلم بيه كل يوم
مش عارف ان تقريبا انت الحلم الوحيد الجميل ال حلمت بيه واتحقق
كانت على وشك البكاء فضمها سيف اليه مربتا فوق ظهرها بحنو وهو يقول لها خلاص متعيطيش انتى عارفه ان عمرى ما احب اشوف دموعك ي ملك
انتى بالنسبه ليا مش اقل ما انا بالنسبه ليكى بل بالعكس انتى كل دنيتى ي ملك
نظرت اليه وهى تمسح وجهها بطرف ملابسها كالاطفال
فضحك على هيئتها وقرص وجهها وقال لا مش زعلان ي ستى ويلا سبينى البس بقى عشان اروح شغلى وانتى تجهزى عشان سمر ووفاء اكيد على وصول
انهى سيف افطاره وارتدى ملابسه وودع ملك وذهب الى عمله
عند الساعه 12سمعت ملك صوت الجرس ففتحت الباب
ورأت سمر ووفاء امامها
ملك : عااااااا وفتحت ذراعيها واخذت سمر ووفاء كلا منهم بذراع وهى تقول لهم وحشتوووونى اووى اووى
سمر ووفاء ف وقت واحد : وانتى كمان ي قرده وحشتينا والله
ملك بغضب مصطنع: قرده ف عينك انتى وهى ادخلو بس لو سيف هنا واسمعكو
سمر ووفاء بغمز : ايوا ي عم
ملك بلهفه : هى حياة فين ي وفاء
وفاء : جاية ورايا ع السلم صممت تجيب شبسى وهى طالعه
ملك : طب هاشوفها ع السلم وجايه ادخلى انتى وسمر البيت بييتكم
وفاء بضحك وهى تخرج لسانها الى ملك : اه طبعا بيتى مش بيت اخويا ي اختى
ملك بضحك : ماشى ي وفاء
ظلت ملك تنظر الى السلم كى ترى صغيرتها الى ان لمحتها فنزلت اليها مسرعه
ملك : حبيبة قلب ماما ال وحشتها
حياة وهى ترتمى بأحضانها : وحشتينى انتى كمان اوى اوى ي ماما ثم طبعت قبله على وجهاا
وتعلقت برقبتها فحملتها ملك ودخلت بها الى المنزل
وذهبت حيث يجلس وفاء وسمر
حياة : هو فين يوسف ي ماما وحشنى اوى شوفى انا جبتله اى ووضعت كيس يختوى على شيبس وشيكولاته امام ملك
ملك بفرحه من تفكير الصغيره لما يصحى حبيبتى اعطيه ليه
هو صحى بدرى ورجع نام قبل ما تيحى
حياة : حاضر ي ماما
انا هادخل اصلى بقى
ملك وهى تنظر الى ابنتها بحب وفخر : ماشى ي حبيبتى

هاى حياة ف السادسه حتى تعلم الصلاه لها لم يأتى سنه بعد ولكن ملك تحرص كل الحرص على ان تذرع فى اولادها حب الله قبل اى شئ ف الدنيا كى ينشأ كلا منهم على ذلك النهج كى لا بتعبو ف حياتهم فيما بعد ف ملك تحرص على ان تقدم لهم الوعى الدينى اولا الذى حرمت منه ولم تعى عنه شئ فى صغرها لولا ان هداها الله
نظرت ملك الى سمر ووفاء اللتان كانا يتحدثان
ملك : انتو جايين ترغو مع بعض وسيبنى لوحدى
وفاء : لا ي اختى اهو هانرغى معاكى للصبح انتى وحشانا اوى ي ملك والله بقالنا زمان مقعدناش مع بعض
سمر بقلق : احم ملك انا كنت عاوزه اقولك حاجه
ملك : خير ي سمر مالك قلقانه كده ليه
نظرت سمر الى وفاء بخوف فحثتها وفاء على ان تتحدث فأومأت لها برأسها
سمر وهى تنظر لملك : ف حد باعت ليكى معايا رساله
ملك : حد ؟ حد مين !
سمر : احمد
ملك وقد تلون وجهها بحمرة الغضب : اى البجاحه دى هو لسه ليه عين ينطق بكلمه واحده حتى
سمر بتوتر : اسمعينى للاخر ي ملك
ملك بزعيق : اسمع اى ي سمر بس ؟ اسمع اى !
ازاى ي سمر انتى تسمحى لنفسك اصلا انك تسمعى منه كلام تانى
سمر : بطلى تترفزى واسمعينى
ملك : اتفضلى ي سمر
سمر : احمد رسالته ليكى انه طالب منك تسامحيه
ملك :........

يتبع ....

رأيكم ف الباارت 😍😍
ال عجبه البارت ياريت مينساش يعمل تصويت 😂
واللى عندو اى تعليق على الروايه يسيبو ف الكومناتات

يوما ما سنلتقي....
بقلم /Kholood Ahmed