يوما ما سنلتقى

بارت 13

طريق تعب فيه آدم، وناح لأجله نوح، ورُمِيَ في النار الخليل، وأضجع للذبح إسماعيل، وبيعَ يوسف بثمن بخس، ولبث في السجن بضع سنين، ونُشِرَ بالمنشار زكريا، وذُبِحَ السيد الحصور يحيى، وقاسى الضر أيوب، وزاد على المقدار بكاء داوود، وسار مع الوحش عيسى، وعالج الفقر وأنواع الأذى محمد، وتزهو أنت باللهو واللعب ولكن حين يشتد الوجع، ويتصاعد الألم، ليس هناك علاج فوري وفاعل مثل وصفة الصبر لتهدأ النفس وتعود إلى طبيعتها.
نكمل باقى الاحداث 👇
دخل سيف الى السوبر ماركت واشترى كل ما يفضله يوسف وحياة ثم ذهب الى قسم الالعاب واشترى لها لعبة جديده مثل ما طلبت
وعاد بعد مده حيث تجلس ملك
ملك : اتأخرت كده ليه
سيف : مفيش جبت الحجات وجيت نادى عليهم يقعدو شويا ياكلو وبعدين يرجعو يكملو لعب
ذهبت ملك واحضرتهم وانهو طعامهم وذهبو للعب مرة اخرى وفى تلك الاثناء كانت ملك وسيف يتحدثون حين رن هاتف سيف
سيف : السلام عليكم
المتصل :........
سيف بصدمه وهو يقف : ازاى ده حصل انا جاى حالا
ملك وهى تقف بخوف وتسأله : ف اى يا سيف حصل اى
سيف باستعجال وهو ياخذ مفاتيح سيارته : هاتى الولاد يا ملك بسرعه هاوصلكم البيت الاول وبعدين نتكلم
ملك وقد نفذت طلبه وبعد مده وصلو الى البيت وغادر سيف دون ان يتحدث
وظلت ملك جالسه فى انتظاره حتى وقت متأخر من الليل الى ان سمعت ملك صوت الباب يفتح وكانت الساعه الواحده
ملك بخوف : كنت فين ياسيف كل ده وبرن عليك ليه مبتردش قلقتنى عليك
سيف وهو يجلس بتعب : كنت ف القسم ي ملك
ملك وهى تشهق بخضه : قسم !؟ ليه خير ياارب اى الى حصل عشان تروح القسم
سيف : الاتصال ال جالى كان من دكتور معايا فى المستشفى وقالى ان فى ظابط جاى بيسأل عليا بسبب حالة كانت عندنا من اسبوع
ملك بعدم فهم : طيب وانت اى دخلك
سيف وهو يتنهد : الحاله دى كان طفل عنده عشر سنين كشفت عليه وكان عنده التهاب على الكليه اليمين ودا كان دايما مسبب ليه الم وصرفت ليه العلاج وطلعت امر بحجزه فى المستشفى تحت الاشراف لمدة يومين
وانا الشفت بتاعى فى المستسفى يومين بس فى الاسبوع زى ما انتى عارفه وباقى الايام ببقى فى العياده وفى خلال اليومين دول المفروض انه يبقى تحت اشراف تمريض المستشفى او الدكتور الى موجود
لما روحت النهارده لقيت الظابط ده بيعمل تحقيق مع كل ال كان موجود من يوم كشف الطفل ده لحد خروجه من المستشفى
ملك : طيب انت مالك بكل ده انت كشفت عليه بس ويومين الحجز انت مكنتش موجود
سيف : هو ده ال هايجننى انى لما روحت وشوفت تقارير المستشفى خلال الاسبوع لقيت انى مواعيدى متغيره فى خلال الاسبوع ده وان الشفت بتاعى زاد يوم يعنى انا كنت موجود فى خلال ٣ ايام يوم الكشف ويومين الحجز
ملك : انا مش فاهمه حاجه
سيف :الولد مكتوب فى التقارير انه تعب بعد اليوم التانى من حجزه وانى صرحت ان ده مش اللتهاب وكان خطأ فى التشخيص وان الكليه فيها تليف وحولته على العمليات وحصل استئصال للكليه دى
وحاليا العمليه دى تمت فى اثناء غياب والدته عنه لامر طارق الى مكتوب بردو انى تحملت مسؤلية العمليه دى واللى بسببها توفى الولد
ملك بصدمه : ازاى كل ده يحصل يا سيف مستحيل دى تكون غلطه
سيف : انا هاتجنن ي ملك والدة الولد منهاره وهى الى قدمت البلاغ وقالت ان ابنها كان كويس وكانت المفروض هاترجع عشان هايخرج ازاى انى اطلع تصريح بعمليه مش صحيحه وهى الى قدمت بلاغ فى المستشفى ودلوقتى التحقيق شغال مع كل الدكاتره
ملك : طيب وهما وصلو لايه
سيف : ولا حاجه بكره هياخدو اقوال الشهود الى هما طقم التمريض الى كان موجود وهيتأكدو انى مكنتش موجود فى خلال الايام دى وانى مطلعتش اى تصريح غير التشخيص وامر الحجز بس
ملك وهى تربت على يده : متقلقش يا حبيبى ربنا معاك ان شاء الله والى عمل كده هياخد جزائه
سيف بتعب : يارب يا ملك يااارب ...انا هاصلى وهنام
ملك : احضرلك العشا مينفعش تنام من غير اكل
سيف : مليش نفس يا ملك
وفى صباح اليوم التالى ذهب سيف ليعرف كيف جرت الامور وعندما وصل
الظابط : دكتور سيف للاسف كل طاقم التمريض وحتى الدكتور الى عمل العمليه للطفل قالو ان حضرتك كنت موجود خلال الايام دى وان حضرتك الى طلعت التصريح بالعمليه
سيف بصدمه : ازاى يا فندم مستحيل ..طب حضرتك ممكن تسأل الناس اللى شغاله عندى فى العياده بتاعتى هيأكدو لحضرتك انى كنت موجود فى الايام دى
الظابط : ي دكتور دى حاجه مش مستنيين حضرتك تنبهنا عليها احنا عملنا كل التحريات وحتى اللى شغالين عندك اكدو بكده ان حضرتك عطتلهم اجازه فى خلال الايام دى بدون اسباب
سيف وهو لا يستطيع ان يصدق هذا الحديث : ازاى ي فندم طب انا هستفاد اى من انى أأذى طفل بالشكل ده
الظابط وهو يرجع بجسده الى الخلف : مش محتاجه تفكير ي دكتور استئصال عضو سليم من جسد طفل بحجة التلف وانك تطلع تصريح بده فأنت المسؤل الاول عن اجراء العمليه دى ودا طبعا مش محتاج زكاء ان حضرتك بتتاجر بأعضاء الاطفال عن طريق اعطاء تصاريح العمليات دى عشان تغطى عليهم وكل العمليات تبقى فى السليم وبتقارير صحيحه ومختومه من المستشفى وطبعا اهالى الاطفال ميعرفوش حاجه عن اولادهم وفى منهم الى بيعيش ومحدش يكتشف الامر غير انها عمليه عاديه لكن فى الواقع هى تجاره قذره من دكاتره أمثالك بس لسوء حظ حضرتك المره دى الطفل اتوفى وهو الامر الى كشف لعبة حضرتك
سيف بصدمه وهو يبتلع ريقه : ولو فعلا كده زى ما حضرتك بتقول ليه كنت اعطى تصريح الحجز من الاول منا كنت طلعت تصريح العمليه على طول على الاقل كانت هاتبقى عمليه عاديه والولد اتوفى وانا مليش ذنب ومكنتش هابقى موجود هنا دلوقتى
الظابط : دا الى حضرتك هاتعرفه لينا فى التحقيق
سيف : وانا معنديش حاجه اقولها يا فندم انا طلعت تصريح الحجز ومكنتش متواجد فى المستشفى خلال اليومين الى بعدهم وكنت متواجد فى العياده بتاعتى
الظابط : يعنى ده اخر كلام عند حضرتك
سيف : ايوا يا فندم
الظابط : اكتب عندك يا ابنى ...قررنا نحن المحقق محسن رؤوف فى يوم ...... الموافق ...... حبس المتهم سيف عبدالله خمسة ايام على ذمة التحقيق
سيف وهو يردد فى سره اللهم اجرنى فى مصيبتى واخلف لى خيرا منها ثم تحدث قائلا : بعد اذن حضرتك هاعمل مكالمة تليفون
الظابط باستهزاء : طبعا ي دكتور اتفضل
قام سيف بالاتصال على حسام فهو صديقه الوحيد واخبره بالامر على عجاله ووكله بأن يوكل له محامى يمشى فى تلك القضيه ثم انهى المكالمه وتم حبسه
حسام وهو يجلس بصدمه ويضع كفه على وجهه: انا لله وانا اليه راجعون
وفاء بخوف وهى تأتى من غرفتها : مالك ي حسام خير فى اى
حسام وهو ينظر لها بحزن ولا يعرف كيف يجيبها : ثم قص عليها ما حدث
وفاء وهى تبكى : انا لله وانا اليه راجعون اللهم اجره فى مصيبته واخلف له خيرا منها
ثم مسحت دموعها ووقفت مسرعه وقالت : بسرعه يا حسام شوف محامى كويس وانا هاروح لملك
حسام : حااضر
ثم ذهبت وفاء الى ملك وكانت لا زالت لا تعلم بالامر
رنت وفاء الجرس ففتحت لها ملك
ملك بفرحه : الله اى المفجأه الحلوه دى ..ثم توقفت عن الكلام عندما رأت دموع وفاء فأخذتها الى الداخل وجلست بجانبها
ملك بصوت قلق: مالك ي وفاء ي حبيبتى فى حاجه حصلت معاكى
وفاء وهى تبكى اخذت يد ملك بين كفيها ثم قالت : انا هاقولك على حاجه بس بالله عليكى تهدى
ملك وقد بدأت تقلق اكثر : قولى يا وفاء قلقتينى
اخذت وفاء نفس عميق ثم قصت عليها ما حدث
وفاء وهى تنظر لملك بخوف فهى ما زالت تنظر لها ولا تبدى اى رد فعل
فوضعت يدها على ذراع ملك تهزها
وفاء: ملك ...ملك
ملك وهى تنظر لها بهدوء وحزن : هو اللى كلم حسام
وفاء: ايوا
ملك بدموع حبيسه : انا لله وانا اليه راجعون
وفاء : انتى كويسه يا ملك
وهنا لم تستطع ملك ان تتمالك اكثر فانفجرت ببكاء مرير واحتضنت وفاء
وظلت وفاء تواسيها وتربت على ظهرها وتطمنها ان كل شئ سيكون بخير وان الله سيظهر برائته
ظلت وفاء جالسه مع ملك طوال اليوم واعتنت بحياة وسيف واطعمتهم وعندما سألو عن والدهم اخبرتهم انه سيغيب مده لامر ضرورى وسياتى قريبا
وان والدتهم تشعر بتعب فلا يزعجوها ثم ذهبت بهم الى غرفتهم وجعلتهم ينامون
وذهبت الى ملك واخبرتها انها ستذهب وستأتى لها فى الصباح
وبعد ذهابها قامت ملك وتوضأت وصلت ركعتين حاجه لله وظلت تدعو ربها وتتوسله ان يفرج عن زوجها همه وان يظهر براءته فهو مطلع وعالم بنا من انفسنا ولا يترك حق مظلوم ابداا فهو ان كان يمهل فهو لا يهمل
ظلت تبكى وتدعو لفترة طويله حتى غفت على سجادتها
وانقضى بعد هذا اليوم ثلاثة ايام اخرى ولم يحدث جديد ذهبت ملك مره خلال تلك الايام لزيارته وحبست دموعها وهى تراه على تلك الهيئه الحزينه الزابله فهذا لم يكن بزوجها وحبيبها الذى لم يكن يكف عن المزاح معها وبعد تلك المره اخبرها ان لا تأتى الى هذا المكان مرة اخرى وان كل شئ سيكون بخير
وفى اليوم الرابع جاءت له زياره
المخبر : سيف عبدالله
سيف : نعم
المخبر : عندك زياره تعالى معايا
ذهب سيف معه الى مكتب المحقق وعندما دخل رأى اخر شخص كان يمكن ان يفكر ان يراه هنا وهو بذلك الوضع
يتبع ....
رأيكم ف البارت ي حلوين 😍ومتنسوش التصويت😂
يوما ما سنلتقى #
بقلم /kholood Ahmed