حكاوي ست الحسن💙🌍

""الست كانت بتقول الا عيونك انت دول بس اللي خدوني ... طب فاكر اول مره اتقبلنا""

_ بس انت عمرك ما غصبتني علي حاجه يا بابا اشمعنا دا
_ ولما انا عمري ما غصبت عليكي يا حور ليه واجعه قلبي معاكي
_ يابابا والله ما يهون عليا ابدا اكسر كلمتك بس..
_ مفيش بس لو فعلا عايزه تريحيني اسمعي الكلام
_ الوو ايوا يا امال
_ ايه رورو مال صوتك بتعيطي ليه
_ بابا مرضاش يا امال يسمعني وهيجيو النهارده وكمان كتب كتاب وفرح علطول مفيش خطوبه انا مش عارفه اعمل ايه بجد
_ والله بنتي ابغي اقولك خبر كمان بس استحي
_ قولي ياختي ما هي ناقصه
_ الكراش
_ ماله
_ هيخطب
_ ايه يا دنيا مواركيش غيري هيخطب مين هو لحق دانا محلقتش اجمع اي معلوماات عنه غير ان اسمه حمزه كنت لسه هعمل اتصالتي واجيب السي ڤي بتاعه
_ بصي بقا اهو نصيب المهم انتي هتعملي ايه في البلوه اللي عندك
_ معرفش يا امال بس مينفعش اكسر كلمة بابا وكمان مش قادره افهمه وجهة نظري
_ ياحور وجهة نظر ايه بس اللي بتتكلمي فيها انتي تفكيرك دا غلط اصلا وحرام ايه هتعترضي علي امر ربنا
_ حتي انتي كمان مش هتفهميني
_ الباب بيخبط
_ ادخل
_ قومي ياله ياحور البسي الناس زمانهم جايه
_ نعااااام
ناس مين دول دانا لسه قايله لبابا من ساعه هما لحقو
_ شكلهم مستعجلين
_ اااااه
_ قومي ياله مفيش وقت
_ حاضر يا ماما حاضر
_ ايوا يا امال شفتي ياختي النيله اللي انا فيها
_.....
_ بتضحكي علي ايه ياللي مشفتيش خمس دقايق تربيه انتي
_ الصراحه هموت واشوف منظرك وانتي عروسه وهتعدي بقا ورؤيه شرعيه وحركات
_ امال انا قفلت في وشك ....
""" انا عايزه افهم هو محدش فيهم عايز يفهمني ليه انا مش بعترض علي امر ربنا ولا حاجه انا بس خايفه من حقي اعيش حياه هاديه مستقره بيقولو ان البنت لما بتتجوز بتبدا حياتها اللي بجد وان الجواز استقرار انما عايزين تجوزوني ظابط وتقولولي استقرار فكره اني اعيش طول الوقت في قلق في انه يخرج مره وميرجعش واعيش حياتي انا وولاده من بعده ازاي انا طول عمري بقول ان جوزي هياخد حته من روحي طب هو لما يموت انا هعيش لوحدي ازاي محدش فاهمني مش معترضه وعارفه انا دا اجل وقضاء بس غصب عني هفضل عايشه في قلق وخوف ربنا يسامحك يا بابا
قومت لسبت فستان اسود وطرحه كحلي
_ ايه اللي انتي لابساه دا حور
_ ماله يا ماما مانا قمر اهو
_ امر بالستر ياختي ادخلي يا بنتي غيري هدوم العزا دي والبس طقم عدل
_ ياماما لا دا حلو
_ يا بو خاااالد ...
_ خلاص خلاص هدخل اغيره انتي ما بتصدقي
_ ايوا اتعدلي ياله قومي بسرعه مفيش وقت
غيرت هدومي لبست فستان موف هادي وطرحه  مشجره في وردات الوان حلوه انا بحب الفستان دا وامال دايما بتقولي انه حلو عليا
انا ملبستوش علشان حلو انا لبسته علشان برتاح فيه لما بحس شكلي حلو ببقا واثقه في نفسي ومرتاحه نفسيا وانا محتاجه الثقه دي علشان اللي ناويه اعمله
_ خدي ياله يا حور الصينيه وادخلي واوعي تتكعبلي وانتي داخله وتوطي صوتك وتبصي في الارض
_ حطيت ايدي علي كتفها مالك بس يا نبع الحنان ايه اللي انتي بتقوليه دا محسساني انك سهير ام هند صبري في مسلسل عايزه اتجوز فكي كدا وجيبي الصنيه ياله وتعالي وريا
_ مشيت وسبتها قبل ما تحلق تتكلم انا والله ما ينفع اشيل حاجه انا ايدي بترتجف لوحدها من التوتر حتي لو مش موافقه اي بنت في الموقف دا بتبقا غرقانه في عالم تاني من التوتر والخوف وشعور تاني كدا مش مفهوم ...
دخلت اعدت مرفعتش عيني فعلا مش طبقا لاوامر ماما بس معرفش مكنتش قادره غالبا كنت مكسوفه.. غالبا
شويه وقامو سابونا ايه دا ايه الغدر دا ليه كدا مكنش العشم يابابا تسيب بنتك مع راجل غريب لوحدهم
_ انا عارف ان طنط زوقها حلو في السجاد والوانه مشاءلله بس دي مش فقره تامل في الخليقه يعني
_ استفزني فبصتله واتصدمت فضحك
_ ازيك يا حور
الكراش ابو عيون بندقي دا اسمه بيني انا وامل بس عنيه في الصور حماده وفي الحقيقه حماده تاني خالص...فسرحت فيهم
_ حور
_ احم نعم
_ بقولك ازيك
_ كويسه
_ عامله ايه
_ كويسه
_ مبروك علي النتيجه
_ كنت نزلت عيني من عليه فرجعت بصتله تاني
عرفت منين
_ اومال اولي علي الدفعه ايه وذكيه وبعدين غمزلي فقلبي وقع اه والله وقع زي احساس ان حد قالك خبر خضتك ايوا انا قلبي اتخض بس جملته التانيه فوقتني من احساس دا
_ انتي ناسيه ظابط
_ ياريتك ما كنت ظابط كانت الامور بقت اسهل
_ بتقولي حاجه يا حور
_ لا مش بقول
_ طب عندك اساله عايزه تقوليها
_ اه
_ طب قولي
_ ليه انا
_ بمعني
_ عندك بنات كتير يتمنو حد زيك ليه انا بالذات
_ جايز في يوم من الايام اقدر اقولك
_ بصتله تاني وسكت انا مش عارفه اقول ايه ولا اعمل ايه عايزه اقول حاجه تعصبه فيمشي والموضوع يخلص زي ما خطط بس مش قادره انا في الاول وفي الاخر بنت اول مره تعد مع راجل ويكون عايزها ممكن بنات كتير بتتعامل مع رجاله في شغل وجامعه بس بجانب اني ماليش تعامل مع رجاله خالص الا ان اي بنت مهما كانت متعوده علي التعامل مع الرجاله هتفرق معاها فكره انك قاعده مع راجل عايزني وهيكون جوزي دي لوحدها مخليه قلبي  ولساني في حاله من المخدر  مخدر خجول
_ انا اتفقت مع باباكي هننزل بكره نجيب الشبكه والفرح بعد اسبوع
_ نعممممم!!!!!!
_ في ايه
_ فرح ازاي يعني بعد اسبوع
_ انتي عارفه انا متقدملك من امته
6 شهور يعني من اول سنه ليكي في رابعه
لوكنا اتجورنا من ساعتها كان زمانها قربتي تولدي
_ ايه اللي انت بتقوله دا اسكت انت ازاي كدا
وقومت وسبته ودخلت اوضتي علطول
ايه ابن المجنونه دا وانا مالي اتكسفت ليه اما قلة ادب صحيح بعدين مرت عليا عنيه وشكله ليه هيبه كدا من اول نظره تشوفيه راجل ملو هدومه وغمزته اشقي من عيل صغير مشاغب ايه الهباب اللي بفكر فيه دا لا مستحيل مش هحبه مش هحبه مستحيل يحصل
_ الباب بيخبط
_ ادخل
_ حور حبيبة بابا عامله ايه حمزه  قالي انك موافقه
_ انا
_ اه لسه قايلي انك قولتليه انك موافقه قبل ما تخرجي وكمان وافقتي فرح بعد اسبوع
_ انا
_ الف مبروك يا حبيبتي انا كنت متاكد انك هتغيري وجهة نظرك اول ما تقعدي معاه
سابني ومشي وانا لساني اتربط مش عارفه انطق طيب يا حمزه مش عايز فرح بعد اسبوع استلم بقا.
نزلنا تاني يوم جبنا الشبكه ولبسهالي ونا طول الوقت ساكته سرحانه ومسهمه
مش قادره افكر ولا اجاري الاحداث السريعه اللي بتحصل خايفه وفي نفس الوقت كل ما ابصله  بحس عنيه بتغرقني امان انا تايهه رجعنا البيت اعدنا شويه وسابونا لوحدنا
_ شايفك ساكته طول الوقت ايه مش فرحانه
_ مش عارفه
_ طب حاسه بايه
_ سكت فضلت ابص في عنيه وبعدين عيط فضلت اعيط كتير من الحيره والتوهان اللي انا فيه احساس انك تكون مش عارف عايز ايه ولا قادر تحدد هتعمل ايه او تاخد قرار يحسم موقف هيتبني عليه حياه كامله احساس وحش والاحساس الحلو بالامان اللي بحسه وهو معايا بيزود خوفي اكتر لاني عارفه انه في يوم هيروح مني ومش دايم فضلت اعيط وهو حاول يهديني لقاني بعيط اكتر فسكت لحد ما هديت وبعدين باس ايدي ومشي  من غير ما يقول ولا كلمه قومت دخلت اوضتي ملقتش قدامي غير ربناا اروحله كنت ساجده ببكي واطلب منه يريحني ويرحمني من صراعي النفسي اللي انا فيه طلبت من ربنا يبعده عني قبل ما اقع فيه زياده حتي لو كان فيه خير ليا يارب ابعده عني ...انا مبعرفش اتخطي واعدي لو حبيته وراح مني هموت بعده انا عارفه نفسي كويس فضلت عايشه طول عمري بين تعليمي والكتب والرويات بغرق فيها علشان مديش نفسي وقت فراغ يفكر في مشاعر عارفه اني لو حبيت هحب بكل ذره جويا هرمي روحي تحت خطاويه واغرق في ضحكته وتفاصيله من شويه سنين عدت جدتي والدة امي ماتت مكنتش مبينه حزني عليها قدام امي اللي لحد دلوقت كل ما تفتكرها تبكي اكن خبر الوفاة لسه جايلها دلوقت مكنتش بعيط قدام ماما ولا عمري عيط قدام حد بس كنت بدخل اوضتي واغرق في دموعي كنت بحبها لابعد درجه ممكنه ورغم اني مكنتش بشوفها غير زيارات بس غيابها لسه معلم جويا يمكن اكتر مني امي نفسها حتي لو ممببينش
مابال بقا جوزي الي هيكون نصي التاني هيدله قلبي كله ليه مشاعري كلها يوم ما يروح مني مش هتسحمل وجع قلبي انا متاكده يارب ارحمني انا تعبانه.....
عدا الاسبوع وانا ساكته مبتكلمش ولا حتي كنت برد علي اتصالات امال اللي معرفتش تجيلي لانها من محافظه تانيه
سبتهم يعملو كل اللي هما عايزينه انا كنت محتاجه اجمع طاقتي وابني سور كبير حوالين قلبي علشان ميدخلش جواه علشان يوم ما يبعد ويروح متوجعش
كتبو الكتاب ومن غير مانا ولا هو نتكلم شدني لحضنه ربنا وحده عالم انا استهلكت قوتي ازاي علشان معيطش في حضنه حرام عليك يا حمزه متصعبهاش عليا كنا بنرقص سلو
_ اقولك سر
_ امم
_ انا عمري ما شفت بنت في حياتي احلا منك
_ بصتله بستغراب بس انا مش حلوه اوي كدا
_ ملكيش دعوه انتي انا شايفك كدا وبعدين همس في ودني
_ لون عنيكي حلو اوي
_ فرفعت عيني من الارض وبصتله في عنيه
_ انا بحبك
فتحت عيني جامد وبعدت عنه  كلمته خضت قلبي فرحت بس اتخضيت فبعدت الغريبه انه مضايقش ولا زعل كملنا الفرح عادي كنت شايفاه فرحان بيرقص مع صحابه ووشه بيضحك كان حلو احلا ابطال الرويات حتي احلي راجل شافته عنيا او انا اصلا مبشفش راجل غيره بمعني اصح كل رجاله العالم بالنسبالي هو حمزه مصطلح كلمه راجل بتترجم جويا باسمه هو غصب عني كنت مبتسمه وانا شايفاه فرحان وبيضحك دعيت من قلبي ان يعيش عمره فرحان وبيضحك
الفرح خلص وروحنا البيت
_ مش جعانه تاكلي
_ لا تعبانه عايزه انام
_ تعالي ياحور اقعدي
_ حمزه صدقني عايزه انام
_ عايزه اقولك حاجه مهمه وبعدين نامي
روحت اعدت قدمه وفضلت ساكته
_ انا عارف انتي ليه ساكته وليه مش فرحانه وليه عيطي يومها عارف كمان انك مغصوبه عليا وانك محبتنيش  عارف انك محبتنيش والمفروض اي راجل كويس مكاني مكنش هيكمل بس انا مش كدا ومش هقدر اسيبك حتي لو عارف انك مبتحبنيش علشان انا من اول مره شفتك وانا روحي متعلقه بيكي انا عمري ما هغصبك علي حاجه انا بس مش عايز نعيش كااتنين اغراب اعتبريني زميلك في السكن او حتي نبقا صحاب انا مبحبش النكد
_ ابتسمت علي اخر كلمه قالها وعلي تعبيرات وشه وهو بيقولها
_ مسك ايدي وباسها والله العظيم ما شفت احلي من ابتسامتك دي
_ انا هدخل انام تصبح علي خير
_ استني بس هتاخد الاوضه النهي
_ الكبيره
_ رفعلي حاجبه  ازاي يعني
_ زي الناس
_ يعني انا الراجل اقعد في الوضه الصغيره وانتي تاخدي الكبيره لوحدك دانا لو حد من الشغل شم بس خبر هتبقا فضيحتي بجلاجل
_ ضحكت تصبح علي خير يا سياده المقدم 
دخلت االاوضه غيرت هدومي ونمت اول ما حطيت دماغي علي المخده نمت مع اني عمري ماعرفت انام غير في سريري واوضتي بس طيف ريحته حوليا كان عاطيني سكينه وامان امان اخترت اعيش عمري كله خايفه ومستنيه اللحظه اللي هفقده فيها
صحيت من النوم تاني يوم بعد الضهر علي صوت باب الاوضه بيخبط كنت لسه مفوقتش فتحت الباب وانا لسه نايمه  تقريبا
_ امم في ايه حد يخبط كدا
_ ......
_ يعني انت بتخبط علشان تفضل ساكت طب صحتني ليه
_ فجاه لقيته بيحط ايده علي شعري بيرجعه ورا ودني دا ايه الصباح العسل دا
_ ساعتها بس فوقت بصيت علي شكلي كنت لابسه برموده وشعري متلغبط وزي العيال الصغيره شقهت بخضه وقفلت الباب في وشه تاني
_ طب ليه كدا طيب ماحنا كنا كويسين
_ حمززززززززه
_ يا عيون حمزه
_ يووووه
_ طب خلاص خلاص انا داخل جوه تعالي ياله علشان نفطر انا جوعت
_ طيب جايه
_ روحت قدام المرايه ابص علي نفسي عره شكلي عره ونفخت بعصبيه رجعت شعري ورا ودني تاني وابتسمت لما افتكرته
ايه دا بببتسم ليه انا حور فوقي الله يخليكي متوديش نفسك في داهيه
_ لبست ترنج موڤ وربط شعري ديل حصان وخرجت
_ صباح القمر يا حوريتي
_ يا حمزه لوسمحت ممكن تبطل كلامك دا
_ الله انا قولت ايه بس
_ بصتله ورفعت حاجبي..
_ فجه وقف قدامي ماهو بردو الواحد ما بيشوفش حوريه كل يوم تخيلي بقا انا عايش معاها مكنتش اعرف ان شعرك زي لون عنيكي
_ اااا انا هروح احضر الفطار
كنت ماشيه من قدامه بسرعه وسمعاه بيضحك غلس ...بس قمر
_ عملت فطار واعدنا نفطر وهو قالي ان زمان اهله واهلنا جايين قولتله ماشي وفضلت اعده
_ بقولك جاين في الطريق داخلين علي البيت
_ متقلقش جهزت العصير والاكل جوه
_ انتي هتقابيليهم كدا
_ كدا ازاي يعني
_ بالبجامه اللي مجننه امي دي وشعرك دا
_ ضحكت دا هما اغراب يعني
_ قومي يا حور غيري علشان ممدش ايدي عليكي قومي ياماما كدا ربنا يهديكي
_ لا مش قايمه انت طبيعي  يعني  هما دابابا وباباك اللي زي ابويا دول الرجاله الوحيدين اللي هيبقا موجودين
_ هعد من واحد لتلاته لو مدخلتيش غيرتي هشيلك انا ومش مسؤل هعمل ايه
_ واحد كان بيعد لسه واحد وجاي نحيتب فجريت بسرعه من قدامه
_ ناس متجيش غير بالعين الحمرا
_ مش خايفه منك علي فكره كنت بتكلم وانا ماشيه في الطرقه لسه
فلقيت حد بيرفعني من الارض
_ فصرخت حمزززه
_ ياعيون حمزه كنتي بتقولي ايه بقا
_ ها مش بقول حاجه نزلي انت اتجنيت
_ الله مش انتي اللي قولتي مش خايفه
_ حمزه نزلني اوعي
_ متبقيش تقولي كلام مش اده بس
_ طيب نزلني
_ نزلت وجريت بسرعه علي اوضتي حطيت ايدي علي قلبي ...
غيرت هدومي واهلنا جم فضلنا اعدين شويه وبعدين كانو ماشين بابا كان اخر واحد طالع من الشقه ونا واقفه علي الباب عيني بتدمع فجه وقف قدامي
_ هونت عليك
_ بكره تيجي تقوليلي انه كان احسن حاجه عملتهالك
_ مش هيدوم يابابا مش هيدوم
_ قوي ايمانك شويه يا حور مكنتش اعرف انك ضعيفه كدا حضنته واعد اعيط في حضنه انا خايفه يابابا
حسيته ابتسم وفضل يطبطب عليا
_ لا دي خيانه وفي بيتي وفي اول يوم جواز حاسب بس كدا ياعمي الله يخليك علشان انا بغير
_ شدني من ايد بابا بجد وانا واقفه مستغربه حط ايده حولين كتفي ببص لبابا لقيته بيضحك رجعت ابص لحمزه تاني زي الهبله
_ ربنا يخليك ليها يابني ياله سلام عليكم
بابا مشي وانا لسه رافعه رقبتي لحمزه
وهو كان بيبص علي بابا
بعدين بصلي وغمزلي
_ فبعدت عنه فمسك ايدي وشدها
_ يابني سيب ايدي واخدني علي فين
تعالي بس
الواد خالد اخوكي دا برنس جبلي كميه افلام رعب محصتلش
_ خاااالد
_ اه قالي انك بتحبيها
_ فاتكلمت في سري اه يابن ال....
_ تعالي ياله نتفرج
كنت اعده اتفرج وانا ميته من الرعب حسبي الله ونعم الوكيل فيك ياخالد وكمان جايبه 3D
_ صرخت وغمضت عيني ومسكت دراعه جاين علينا يا حمزه جاي عليا...
_ كنت ماسكه جامد في دراعه فقل التليفزيون واعد يضحك وانا ابصله بعصبيه
_ انت بتضحك علي ايه هو فيلم كوميدي
_ مكنتش اعرف انك جبانه كدا امال بتحبي الرعب ايه
_ مبحبش الرعب ولا نيله وخالد دا لما اشوفه هعمل منه بطاطس محمره بيردهالي يعني ماشي
_ بيردلك ايه
_ علشان قبل الفرح بتاعنا بكام يوم وجاي من بره متاخر ونسي مفاتيحه ورن عليا علشان افتحله وانا كنت طالبه منه شبسي وحاجات يجبها وهو جاي ومجبليش فمردتش افتحله وسبته علي السلم  تلات ساعات لحد ما نزل جابلي وصورلي الحاجه وبعتهالي واتس وبعدين فتحتله فهو حالفلي يردهالي من يومها
_ ههههههههه دانتي مشكله
_ حد قاله يتاخر بره
_ وبعدين شايفاك بتتفرج وعادي ولا اكنك بتشوف مسرحيه دا فلم كله ضرب ودم
_ يابنتي  انا بشوف الاكتر من دا في الواقع
ملامحي بهتت وسكت
_ سكتي ليه
_ انت مش بتخاف لما بتكون وسط الرصاص والضرب والجثث
_انا من اول يوم دخلت فيه الكليه الحربيه وانا مستني الموت في اي لحظه ومش خايف منه بالعكس مستنيه حد يطول يموت شهيد
_ تفكيرك اناني
مشيت وسبته دخلت اوضتي هو ازاي اناني كدا اللي بيموتو شهدا بيرتاحو بيدخلو الجنه وبيبقو في منزله كبيره عند ربنا لكن احنا اللي بنفضل نتعذب احنا اللي بنموت في اليوم الف مره من وجع قلوبنا علي فراقهم بنصبر نفسنا انهم شهدا لجل ما يخف الوجع حبتين بس النتيجه واحده هما ماتو وسابونا من غيرهم ام بتبكي علي حته منها ملحقش حتي يشوف من الدنيا شئ وفارقها اوام اوام
وخطيبه قلبها محروق علي اللي بتحبه وعايشه ترسم احلام ورديه هتعيشها معاه مستنيه اليوم اللي ينزل فيه اجازه علشان يتجوزو بس رجعلها جثه هو مات وهي كمان ماتت معاه بس هو طلع فوق وهي لسه تايهه في الدنيا مش عارفه تروح وراه
بيسيبو اولاد اه الناس بتحبهم علشان ولاد الشهيد وهيعيشو فخورين بسيرته وسط الناس بس دا ابدا عمره ما هيعوضهم عن فراقه ابوهم اللي ملحقوش يشبعو من حنيته ويغرقو في امانه بسيب زوجه مدبوحه وعايشه حلاوة روح مش عارفه تعمل ايه من بعده ولا عارفه تعوض ولاده ازاي مطلوب منها تبقا قويه وشجاعه وتكمل المشوار بعده بس هي مش قادره تستوعب انه خلاص مش راجع مش هتفضل تستناه وهو جاي من الشغل ولا سهرانه مستنياه علشان عارفه انه طالع مهمه معدتش هتصلي وتدعي ربنا يحميه ويحفظه ليها دا هتدعيله بالرحمه اللي بيموتو بيرتاحو الراحه الابديه احنا كمان بنموت بعدهم بس بموت واحنا لسه فينا النفس بنموت موت مفيهوش راحه فيه وجع قلب ودموع مبتخلصش وفقدان امان بنعيش بعدهم ميتين من غيرهم
كنت اعده علي التليفون بقرا الانجازات اللي جوزي  عملها  بعد شهرين جواز ولسه  بسمع كلام الناس عنه واد ايه هو بيعرض نفسه للخطر دايما وبيجازف بنفسه علشان يحمي زمايله وعلشان المهمه اللي هو فيها متفشلش واد ايه بيتمني الشهاده من غير ما يفكر اللي بيحبوه هيعملو ايه من بعده بكل الجبروت اللي في الكون بيوصي اللي حواليه انهم ميعيطوش ويعيشو مبسوطين انه مات شهيد
_ بتعملي ايه
_ بصتله وانا مخنوقه مبعملش حاجه
_ اعد قدامي انا نازل
_ رايح فين الساعه 11 بليل
_ عندي مهمه
_ قلبي اتقبض وبصيت علي التليفون اللي كنت لسه بقرا فيه
فمسكت ايديه كنت بهز دماغي بهستريا ودموعي بتنزل
علشان خاطري بالله ما تروح متسبنيش انا خايفه
_ حضني وفضلت اعيط كنت بعيط بصريخ في حضنه
_ كان بيمسح علي شعري وبعدين ضحك كل العياط دا اانا لولا اني عارف انك مغصوبه عليا كنت قولت بتحبيني يابنتي
_ حمزه متروحش
_ مسح دموعي وكان بيبتسم مينفش يا حور دا واجبي
_ ومش من واجبك كمان انك تطمني مش انا مراتك وليا حقوق
_ بصلي ورفع حاجبه
_ حمزه متغيرش الموضوع انت فاهمني كويس
_ طب نتفق اتفاق
_ هزيت دماغي بلا
_ اسمعيني بس
_ قول
_ انا هوعدك المره دي اني البس حامي وكمان مش هرمي نفسي واحافظ علي نفسي غير ما كنت بعمل الاول
_ كنت بعيط هترجعلي
_ غمض عينه باس ايدي ودماغي ومشي من بسرعه من غير ما يتكلم
فضلت اعيط مكاني بصوت عالي وانا حاسه روحي بتطلع انا حبيته لا انا اصلا بحبه من اول مره شفته وغرقت فيه زياده مش هينفع اكمل من غيره والله ماهعرف
قومت اتوضيت وفضلت اصلي وادعي ربنا يرجعهولي انا طلبت من ربنا قبل كدا يبعده عني بس ربنا ماردتش وخلاني اتجوزه طب يارب احميهولي المره دي انت اللي جمعتنا وانت اللي في ايدك تفرقنا يارب رجعهولي سالم يارب احميه فضلت اعيط وانا ساجده واقرا قران لحد ما نمت مكاني نمت بعد ما الصبح طلع وهو لسه مرجعش صحيت لقيت نفسي نايمه علي السرير قومت بسراعه انادي باسمه حمزه حمزه
_ لقيته اعد بيشرب قهوه في الصاله ياعيون حمزه
_ جريت عليه وحضنته من غير ما اتكلم وانا بعيط وهو بيطبطب عليا
_ مكنتش اعرف ان قلبك ضعيف كدا اجمدي ياحور داحتي عيب في حقي لما مراتي تبقا فافي كدا
_ بعدت شويه وبصتله انت كويس صح
_ غمزلي عيب عليكي كدا والله تقللي من قداراتي
_ انا انا كنت خايفه يحصلك حاجه
_ سكت شويه وبعدين شدني لحضنه تاني عارفه
كنت هموت امبارح كان بيني وبين الرصاصه اقل من سنتي معرفش نجيت ازاي كنت مستغرب بس لما رجعت لقيتك نايمه علي السجاده علي الارض عرفت انا رجعت سليم ازاي
_ بعدت عنه بصيت للارض بخجل
هحضرلك الفطار
_ ليه طيب ماحنا كنت ماشين كويس
_ انا غلطانه اصلا اني واقفه معاك اوعي كدا من قدامي
_ كنت ماشيه من قدامه وانا فرحانه انه رجعلي سامعه صوت ضحكته بصيت لفوق ودعيت ربنا اني متحرمش من صوت ضحكته دي ابدا
كنا بنفطر
_ عايز اطلب منك طلب
_ اايه
_ النهارده واحد فرح واحد صاحبي  عايزك تيجي معايا
_ ابتسمت حاضر
_ شكرا ياحور ربنا يخليكي ليا
_ سكت بس قولتها في سري ويخليك ليا ياحمزه
_ خلصنا اكل واليوم عدا عادي كنت واقفه قدام الدولاب مش عارفه البس ايه كنت حابه اكون حلوه وانا ماشيه جمبه علشان هو احلا حاجه شفتها في حياتي
الباب خبط
ففتحت
_ ايه ياحور لسه مالبستيش
_ عنيا دمعت مش عارفه البس ايه
_ ضحك ومسكني من ايدي  تعالي ياستي كان واقف قدام الدولاب يختار هو وانا كنت مبسوطه اني هلبس علي زوقه
طلعلي فستان اسود كنت شارياه من ايام الجامعه ملبسوتش خالص
_ تحفه دا
_ فضحكت
_ بتضحكي ليه مش عاجبك دا جميل
_ كنت شارياه مع امال من ايام الجامعه ومجتش مناسبه علشان البسه
_اهي جات البس بسرعه بقا علشان اتاخرنا
_ ابتسمت حاضر
فضل واقف باصصلي
_ ياله ياحمزه عايزه البس
_ طب ما تلبس انا حوشتك
_ وحياة امك
_ فضحك هتردحي ولا ايه ياحور قلبك ابيض خارج اهو
_ لبست الفستان الاسود طارحه كافيه حطيت مكياج هادي وخرجت
ياله انا خلصت
_ ...
_ حمزه
_ نعم
_ ياله انا جهزت
_ انتي هتيجي  معايا كدا
_ وحش
_ ياله ياحور من قدامي قبل ما ارتكب جنايه
_ ضحكت ونزلنا سوا روحنا الفرح
_ انا مش عارفه ازاي سبتك تنزلي بام الفستان دا
_ ماله يابني والله حلو وبعدين مانت اللي اخترته بنفسك
_ كانت تتقطع قبل ما اديهولك تلسبه
_ هو وحش
_ وحش ايه انتي كمان مش شايفه الي عمالين يبصولك هناك دول والله هروح افرغ فيهم الرصاص واخلص
_ هههههههه
_ حور متضحكيش بصوت عاالي احسنلك انا علي اخري
_ روحنا سلمنا علي صاحبه ومراته واعدنا بعدين هو قام كان بيرقص مع صحابه وهو مسك المايك وبيبصلي
"" السود عيونه يا ولاه السود عيونه ياولا السود عيونه جننتي ...."""
_ كنت ببصله وبضحك علي جنونه
انا كل يوم عن التاني بغرق في حبه زياده
_ ممكن نتمشي شويه انا زهقانه من اعده البيت
_ بس كدا انت تؤمر ياباشا واحنا ننفذ
_ كنا بنتمشي ساكتين حتي سكوته حلوه عماله اتامل تفاصيله
_ اجبلك بندق
_ تؤ
_ ليه مش بتحبيه
_ لا مش بحبه ابدا ...بحبه في عيونك بس
_ بتقولي حاجه ياحور
_ لا ابدا
_ طب اجبلك ايه
_ شبسي
_ ههههههههه
_ بتضحك علي ايه انت
_ متخيل شكلي كدا وانا ظابط ورايح استري شبسي
_ ضحكت انا كمان
_ هيبقا شكلك مسخره الحقيقه خلاص مش عايزه اصلا
_ والله ابدا
_ يابني خد هنا سابني وراح جابلي شنطه كبيره فيها كل الحاجات اللي بحبها بصيت للحاجات فتحت عيني جامد وبصتله
_فغمزلي
_ اي خدمه
اقولك سر
_ قوليلي سر
_ انا بحب غمزتك
_ هههههه اللهم صلي علي النبي اخيرا حبيبتي فيا حاجه
"" كان نفسي اقوله اني بحب كل حاجه فيه اني كل يوم بقع في حبه من اول وجديد واني كنت بكراش عليه من اول مره شفته في الكافيه اللي جمب الكليه
عدا شهر كمان كنت كل يوم بكتشف فيه حاجه جديده بتخليني احبه اكتر واخاف اكتر في يوم كنت نايمه من العصر صحيت بعد العشا صليت وخرجت من الاوضه ايه دا انت بتقرا
_ انتي فاكره انك بس اللي بتحبي القرايه
_ تعرف انك غريب
_ ازاي يعني
_ يعني في ايه ظابط حياتك كلها شغل وجديه بس كمان بشوفك بتضحك وتهرز كمان مثقف وبتقرا
_ اعتبر دا اعجاب
_  احمم بتقرا ايه
طه حسين
_ بيقول ايه
كتب طه حسين الى زوجته سوزان يقول: «بدونك اشعر اني اعمى حقا. اما وانا معك، فإني اتوصل الى الشعور بكل شيء، واني امتزج بكل الاشياء التي تحيط بي...
فكملت انا رد مراته عليه
: «ذراعي لن تمسك بذراعك ابدا، ويداي تبدوان لي بلا فائدة بشكل محزن، فأغرق في اليأس، اريد عبر عيني المخضبتين بالدموع، حيث يقاس مدى الحب، وامام الهاوية المظلمة، حيث يتأرجح كل شيء، اريد ان ارى تحت جفنيك اللذين بقيا محلقين، ابتسامتك المتحفظة، ابتسامتك المبهمة، الباسلة، اريد ان ارى من جديد ابتسامتك الرائعة..»
_ دخلت حربيه ليه يا حمزه
_ علشان عايز كدا
_ عايز تموت
جميع الناس يموتون، لكن ليس جميعهم يعيشون بشكل صحيح ويعدن أحياءً.
_وهو  انت عايش كدا يا حمزه انت ميت مع وقف التنفيذ
قومت وسبته دخلت البلكونه عنيا دمعت انا بقيت عايشه خايفه كل ما بيخرج من الباب بحط ايدي علي قلبي لحد ما يرجع
سمعت صوت بابا الشقه بيتقفل جريت تاني علي البكونه شفته راكب عريبته ومشي من غير حتي ولا كلمه دخلت اوضته بسرعه كنت خايفه يكون اللي في بالي صح احنا بليل مبينزلش متاخر كدا الا لو عنده شغل مهم شهقت لما ملقتش سلاحه موجود اعدت علي سريره واعدت اعيط وزي كل مره روحت اتوضيت وصليت وادعي لحد ما يرجع فضلت صاحيه بقينا تاني يوم العصر اذن وهو لسه مرجعش كنت بصلي العصر وسمعت باب  الشقه بيتفتح جريت اشوفه
_ صرخت لما شفت شكله هدومه كلها دم وعنيه حمرا اعد علي الكنبه بتعب وفضل ساكت
_ دموعي نزلت  روحت اعدت جمبه حمزه فيك ايه ايه الدم دا انت كويس حضني وفضل ساكت كان بيحضني جامد لدرجه وجعتني بس متكلمتش
سكوته طول حسيت بحاجه سخنه علي رقبتي
حمزه انت بتعيط
_ مات ....مات يا حور
_ هو مين
_ طارق صحبي اللي حضرتي معايا فرحه مات قدام عيني وملحقتش انقذه كان بيضحكلي وبعدين غمض عنيه فضلت اتحايل عليه يفتحها تاني مفتحهاش
كانت بيتكلم وهو في حضني وبيبكي وانا دموعي بتنزل
_ اللهم ارحم من فُوجعنا فراقه واجعل له نعيم لا ينفذ من جنتك
_ مش انت كنت دايما بتقول ان الشهاده نعمه ومكافئه
_ مش قادر انسي نظره امه وانا بقولها مش قادر استحمل فكره انه مبقاش موجوده
_ عرفت بقا ان اللي بيموت بيرتاح واحنا اللي بنتعذب في فراقه فهمت انا خايفه من ايه
_ انا اسف اسف
_ مسحت علي شعره عيط يا حمزه لو هترتاح
_ فضل يبكي في حضني وانا قلبي بينزف مع كل دمعه بتنزل من عنيه
فضلنا كدا اكتر من نص ساعه
_ قوم غير هدومك دي ونام شويه انت شكلك تعبان
_ خليكي جمبي
_ انا جمبك متقلقش
فضلت جمبه لحد ما نام كنت بقراها قران وانا بمسح علي شعره اول مره اشوفه كدا اول مره احس ان وجعه بيصدع في قلبي انا
الباب كان بيخبط فقمت براحه علشان افتح
_ بابا
_ واترميت في حضنه وحشتني
_ كنت قريب من هنا حبيت اطمن عليكي
فضلت احكيله حكيت ليه كل حاجه من االاول لحد اللي حصل النهارده
_ حرام عليكي نفسك وجوزك بتعذبي نفسك وبتعذبيه معاكي ليه وانتي بتحبيه
_ عايزني اعلق نفسي بيه اكتر طب هعمل ايه لما يروح مني يا بابا
اعيش حياتي معاه عادي واجيب ولاد هيعيشو من غير اب عمرهم كله
_ بتحبي سير اوليفر
_ اكيد طبعا
_ سير اوليفر كان بيقول الموت يهمس في اذني باستمرار عش فاني في الطريق اليك
مينفعش توقفي حياتك علشان خايفه لتنتهي ما يمكن انتي تموتي قبله حتي لو جوزك مش ظابط هو ليه معاد ووقت مكتوب من يوم ما اتولد حتي لو نايم جمبك لما تيجي ساعته خلاص
عملتي زي اللي حبست ابنها في البيت لما حلمت انه مات كان بيشرب شرق مات
متوقفيش حياتك يابنتي علي اواهام متخليش الشيطان يوسوسلك وتسيبه يتملك من تفكير ويغلب ايمانك
بابا مشي وانا كنت سرحانه في كلامه معقول اكون بظلم حمزه معايا كل الفتره دي
_ حمزه ايه صحاك
_ انا خارج علشان العزا
_ ممكن اجي معاك
_ هز راسه بمعني ايوا
_ خمس دقايق بس
_ دخلت لبست ونزلت معاه معرفش كنت عايزه اروح ليه جايز عايزه اشوف مراته وامه عاملين ايه دلوقت اشوف شكلي اللي هكون عليه لو حصله حاجه او جايز كنت عايزه ابقا جمبه
لما روحنا هنا شفت امه اعده مبتعيطش حتي مش لابسه اسود لابسه الوان روحت سلمت علي مراته اللي كانت متقلش صلابه عن امه فضلت موجوده لحد ما كل الناس مشيت عيني مبتنزلش من علي مراته وامه اللي قاعدين جمب بعض ومبيعيطوش امه شافتني وانا ببصلها فاتكلمت
متستغربيش انا كان قلبي حاسس من قبلها وقولتله وهو قالي انه مستنيها
_ وقلبك مش وجعك علي فراقه
_ هو وعدني انه هيجيلي في الحلم علي علطول وعدني اني قريب هروحله وهنعيش في النعيم الابدي مش مشكله اعد كام يوم هنا اصبر نفسي باحلامه علشان اروحله الجنه ونعيش سوا دايما
مراته كانت بتسمعها ومبتسمه وبعدين اتكلمت
انا وعدته اني عمري ما هتجوز بعده علشان ابقا مراته في الاخره سنين وهتعدي وهنتجمع من تاني
حمزه دخل باس ايد ام صاحبه ودماغها وقعد علي الاوض قدامها
وغلاوته عندي ورحمة طارق لاجبله حقه وعد مني هبرد نار قلبك واجبلك حقه
ابتسمت وحضتنته وبصتلي خلي بالك من مراتك شكلها بتحبك اوي
_ بصلي هو كمان وابتسم ومسك ايدي
دي اغلي من عمري دي
مشينا وانا فضلت ساكته طول الطريق هو حتي لو هيموت من حقه يعيش الاول ويفرح انا هحاول افرح قلبه علي اد ما اقدر
هو يستاهل يعيش مبسوط
عدا اسبوعين علي اليوم دا بدات حالته تتحسن عن الاول كتير
_ هنزل اصلي يا حور عايزه حاجه
_ سلامتك
_ النهارده عيد ميلاده قررت اعمل حاجه تفرحه جهزت التورته وعملت جو حلو في البيت دخلت التورته اوضته ولبست  فستان الاسود اللي قالي انه بيحبه بس كنت سايبه شعري
_ سمعت بابا الشقه بيتفتح كان بينادي عليا وانا مردتش دخل اوضته
_ حور
_ انا لقيت ان اوضتك احلا من اوضتي فقولت اعد معاك فيها بقا لو مش هضايقك يعني
_ الاوضه وصاحب الاوضه وقلب صاحب الاوضه ليكي
_ حمزه
_ يا قلب حمزه
_ انا بحبك اوي
حضني اخيرا نطقتي
_ متزعلش مني
_ عمري ما ازعل منك يا حوريتي
××××
قوم بقا يا حمزه  بقالك شهرين نايم كدا مش راضي تقوم
كل شيء أصبح يمر ببطئ، الدّقائق ساكنة والساعات واقفة أما الثواني فجارحة تكاد تحرقني.

عارف كلهم عمالين يقولو مش هتصحي وعمرك ما هتقوم تاني الدكاتره المتخلفين كانو عايزين يشيلو الاجهزه عنك بيقولو مفيش فايده بس انا مصدقتهمش ومرضتش اخليهم يعملو كدا انت هتقوم انا واثقه انت وعدتني انك هتفضل معايا وقت اطول وعدتني تخلي بالك من نفسك وعدتني تلبس حامي طيب انا خلاص مش زعلانه منك انك ملبستوش المره دي بس قوم قوم علشان انا طاقتي خلصت ومعدتش مستحمله من غيرك مش انت قولت انك روحك فيا قوم بقا ردلي روحي انا كمان انا عارفه انك سامعني بقالي شهرين كل يوم اجي احكيلك حياتنا من اول مااتقبلنا بس النهارده انا جايه اقولك خبر جديد
انا حامل جويا حته منك كنت عند الدكتوره امبارح بعد ما مشيت من عندك وقالتلي اني حامل في شهرين ونص قوم علشان انا بدوخ وبرجع وتعبانه ومش لاقيه حد ياخد باله مني
ماما كانت عايزني اروح اعد عندها بس مرضتش مش هقدر اسيب بيتك انا دخلته يوم ما اتجوزنا مش هخرج منه غير علي قبري طب بلاش علشان خاطري علشان واضح اني ماليش خاطر عندك قوم علشان خاطر ابننا
كنت ماسكه ايده وبعيط وهو نايم مش حاسس بيا فجاة حسيت ايده بتتحرك في ايدي فبصتله بسرعه حمزه كان شكله بيحاول يفتح عنيه
بوست ايديه حمزه حبيبي فتح عنيك انا حور
_ فتح عنيه وبصلي وانا كنت بعيط دموعي حفرت اثارها علي خدي
مين قال بس ان مالكيش خاطر عندي يا روح حمزه
رميت نفسي عليه وحضنته
وحشتني اتاخرت عليا اوي كل دا سايبني لوحدي ونام مغمض عنيك عنيك وحشتني يا حمزه
_ كنت سامعك كل يوم بسمعك كنت بحاول كتير افتح مش عارف كل يوم بحاول افتح عيني علشان امسح دموعك مش عارف
_ ضحكت انت رجعتلي تاني انا كنت ميته من غيرك
_ مسح دموعي بايده
ششش انا كويس اهو متعيطيش
_ حمزه
_ غمزلي يا قلب وروح حمزه...

" وكنت بك اقاوم حزني وهذه الجداران الثقيله التي لا يعلمها سواك""
#hasnaa