حكاوي ست الحسن💙🌍

وفي الختام اريد اخبارك باني لعنتك التي لن تتخلص منها ابدا ستراني في كوب قهوتك وبين دخان سجائرك ستحاول الهروب مني وتعود تكتب قصائد عدة فتخونك حروفك التي لطالما تفاخرت بها ثم تنظر فتلقاني بين احرفك تكتب عن غمازتي الخجول وعن ابريق القهوه المسكوب في عيني ستكتب عن عبق عطر التوت الذي لطالما اسكرك عن الشامه التي تتوسط عضدي الايسر   ستراني بكل امراه تكتب بالايسر  ستدور المدينه تبحث عن امراء تشبهني  تبحث عن عبق رائحة التوت ستحاول صنع نسخ اصطناعية مني ولن تستطيع ستعود مهزوم مقر باني اسير باوردتك وبين شراين قلبك  ستثور بحث عن امراءة تخلصك من لعنتي ولن يفلح معك الامر ابدا فتتمرد انت الذي لطالما حصلت علي كل ما تريد ...حتي انا اخبرتني من قبل انك سطصنع مني كاتبه تكتب عن حبك الذي تغرقه فيه وتنجيها لكني علي يقين بانك لم يكن بحسبانك ان كاتبتك يا شاعر سترثيك وتنثرك علي اورقها كما فعلت اثير اتتذكر روايتها الاخيره التي نصحتني بقراءتها مازلت اتذكر محادثتنا الطويله عن تلك الروايه اخبرتي انني اشبه جمان كثيرا حتي في غربتها واخبرتك اني اخاف ان تصبح عزيز فانا لست تلك المرأة المخلوقة من مغفره انا خلقت من كبرياء لعين سيصب لعنته عليك ان اصبحت عزيز يوما كنت اعلم ان حديثي مبطن بتهديد واعلم انك اذكي من  ان تتجاهله لكنك فعلت لم تتجاهل تحذيري فحسب بل صنعت صنع عزيز ظننت انك تمكنت من قلبي كما فعل وتلك هي الحقيقه لكنك لم تعي ولم تدرك اني لست هي لاغفر ربما لن تدرك الان ستدرك بعد ان تفيق من عسل الشباب وخمرته باني اكبر خسارتك علي الاطلاق وفجيعتك الكبري وحزنك الاعظم ...ستظل تستشعر وجودي في الانحاء لكنك ابد الدهر لن تجدني ....
_ هايل يا ياسمين الروايه بجد تحفه
_ رديت عليها وانا بشرب قهوتي شكرا يا امال انتي عارفه رايك مهم اد ايه وفرحني
_ بس عندي سؤال
_ هتمارسي عليا شغل الصحفيه طب خلي الاساله لحفل التوقيع علشان حقيقي تعبانه وعايزه انام
سبت امال ودخلت اوضتي فضلت افكر في رد فعله لما يقراها مقدرش اقول اني لسه بحبه بس كمان مقدرش اقول اني نسيته بس اللي متاكده منه اني خفيت من لعنته ....
صحيت علي صوت التليفون عارفه انها امال
_ الو
_ يابنتي حرام عليكي انتي لسه نايمه النهارده حفل التوقيع وعندك مقابله علشان الروايه ارحمي امي احنا متاخرين جدا عشر دقايق وتكوني عندي علشان المقابله وبعدين هنطلع علي حفل التوقيع
_ رديت عليها وانا هموت وانام
_ حاضر جايه سلام
صحيت غسلت ولبست فستان اوف وايت ربط شعري ديل حصان بشريط ستان من لون الفستان ولبست سلسه فيها فص لولي
انا بكره حفلات التوقيع وبكره مقابلات الصحافه انا بكتب علشان جويا شعور باني عايزه اكتب ولا عايزه ابقا مشهوره ولا عايزه الناس تعرفني انا بكتب علشان بحب اكتب لما بدات اكتب كنت بكتب خواطر عاديه زي اي حد ولسوء حظي او حسنه مش  عارفه المذاكرات وقعت في ايد عزيز كنا ساعتها في دبي كنت بناقش الدكتوراه بتاعتي  كمحاميه كنت بحب القراءه مش اكتر ولا عمري فكرت باني اكتب بس هو دايما كان بيقولي انه حابب يترجم شعوره بحروفي انا فبدات اكتبه هو دايما بيقول اني هفضل اكتب حبه ليا بس مكنش عارف انه هيجي اليوم اللي هكتب بايدي النهايه لحبه اللي وجعني سنين هو بايده خط النهايه لما مقدرش حبي فكر انه ملكني فبعد واهمل ميعرفش انه حبه زي الورد زرعه في قلبي بس اهماله موت الورد اللي كان ليه جويا ومات حبه من جوايا بعدها
_نزلت  قابلت امال
_ عارفه يا ياسمين لولا اني عارفه ان كل دا مش فارق معاكي كنت قولت بتتقلي عليا
_ انا اللي بتقل والا انتي اللي مش عايزه تهدي انا من وقت ما نزلت مصر وانتي مش راحماني مش عارفه اظبط المكتب  علشان ابدا شغل منك
_ الحق عليا دانا عمالالك مديرة اعمال وانتي مش عاجبك صحيح ناس ميملاش عنيها غير التراب
_ بس بس انت هتردحي اتفضلي سوقي خلينا نخلص من اليوم دا
وصلنا الاستديو اكتر مكان مزجع بالنسبالي اضواء كتير وناس اكتر هما بيقولو ان الاعلام عين الحقيقه بس انا مبشوفش كدا الاعلام بياخد الصوره الخارجيه وكمان بيجمل فيه مع ان القصه كلها بتبقا ورا الكواليس لولا امال انا عمري ماكنت وافقت بس هي تستحق اعمل حاجه علشانها علشان هي بتعمل كل حاجه علشاني انا عارفه انها مش مستنيه مقابل بس هي صاحبتي الوحيده وحتي لو ارانا مختلفه وانا لازم احترم الحاجه اللي هيا بتحبها واساعدها فيها كمان
_  فضلت تسال اساله عاديه وانا برد لحد اخر فقره في البرنامج كانت عباره عن اساله من الناس عني وعن اخر روايه كتبتها والمفروض اجاوب
_ هما تلات اساله الاول: اشمعنا الروايه دي بذات خليتي البطله علي اسمك هل دا معناه ان الاحداث حقيقيه
_ سكت شويه مكنتش عارفه اقول ايه انا نفسي معرفش ليه عملتها باسمي بس رديت.....لا هو مش علشان حاجه معينه انا بس حبيت اغير وانا بحب اسم ياسمين بعيدا عن انه اسمي واكيد انتي عارفه اني بلاقي دايما صعوبه في اختيار اسماء الابطال
_ السؤال التاني : ليه النهايه مفتوحه !?
_ لا هي النهايه مش مفتوحه ولا حاجه النهايه واضحه انها خلاص رجعت بلادها وسابت عزيز ورمت كل ذكرياته وراها وحابه تكمل حياتها  بس سابت لعنت حبها تكوي قلبه عمره اللي جاي زي هو عمل معاه في سنين حبها ليه
_ سؤال الاخير هو اللي كاتبه كاتب صيغته كدا : حبيتي قبل كدا يا ياسمين  اصل مفيش حد هيكتب بالاحساس دا غير لما يكون عاشه وانتي مينفعش متتحبيش
_ سكت ومعرفتش اجاوب هو انا حبيت عزيز بجد ولو محبتوش ايه يخليني اكتب روايه اكتبله فيها بعد سنه من رجوعي وقوله اني نسيته الا اذا كنت عايزه افكره بيا تاني
بعد مده طويله رديت ...انا كنت عيانه بالحب بس خفيت
وغمزت لامال بطريقه هي فاهماه اني خلاص تعبت وكفايه فختمت اللقاء وبعدين خرجنا
_ كذبتي ليه يا ياسمين
_ مكذبتش
_ لا كذبتي انتي اختارتي ياسمين علشان الروايه حقيقيه وايه الفرق بين حبيتي وعيانه بالحب
_ لا بصي والله انا تعبانه وعايزه انام ومش وقت اسالتك دي خالص
_ ماشي اما اشوف اخرتها قدامي علشان توقيع الروايه
_ يا امال حرام عليكي هو انا قادره وبعدين انا والله هبطل اكتب بسبب ام الروتين اللي لازم يتعمل دا
_ انا عمري ما شفت كاتبه مش فرحانه بنجاج كتابها ومش عايزه تحضر وتشوف نجاحها وتعبها اللي بيتكرم
_ سكت شويه افكر معقول اكون مش مبسوطه بكل دا انا بكتب علشان اثبت لعزيز اني من غيره عايشه وعارفه انه بيقرا
بكتب علشان اعبر عن اللي مش  بعرف اقوله بالكلام
مش عارفه..
انا في اكتر فتره في حياتي مكونش فاهمه نفسي فيها
وصلنا المعرض وبدات اوقع الروية للناس حقيقي كنت فرحانه برايهم واد ايه هما شايفين بعبر عن اللي جواهم بس كنت مستنيه راي عزيز معرفش ليه جايز علشان الروايه دي بذات كتبتها علشانه هو معقول اكون بقول اني خفيت منه ونسيت حبه وفي نفس الوقت مستنيه رأيه جايز مستنيه رايه علشان اقفل صفحته من حياتي
_ ممكن توقعيلي
_ ابتسمت اخدت الروايه وكتبت اول جمله جت في بالي
"" انا يائس اليوم كفطل صغير  مات ابويه وبقي يتخبط باطرقات بحثا عن طيفهم لا يعي ان القبور لا ترد زائريها"""
مضيت باسمي مشفتش ومخدتش بالي من اللي كتبته غير علي صوت شخص قدامي بيقولي يزن
_ ها ..
_ اسمي يزن
_ بصيت علشان اكتب اسمه اتخضيت من اللي كتبته بصتلي لقيته بيبتسم بهدواء بيهز دماغه بمعني اطمني
اول مره من 3 سنين احس بتلج علي قلبي هو ازاي دا حصل هو ممكن ابستامة حد انها تطبطب علي قلوبنا  اخد الكتاب ومشي فضلت ادور بعيني عليه علشان اشكره وبرضو ملقتوش خلصت الحفله روحت البيت انا من زمان محتسش بالامان حتي في وجود عزيز بالعكس عزيز هو اكتر حد هزلي كياني وسحب مني الامان علشان دايما افضل محتجاه
غيرت هدومي ودخلت اشوف تيته لقيتها نامت من وقت ما رجعت من السفر اختارت اعيش معاها علشان هي الوحيده اللي بتقدر تفهمني وعلشان هي كمان مبتحبش الكلام الكتير زي فاخترتها علشان الهدوء يعم علي روحي زي ماهو ساكن المكان
فتحت الموبيل جايلي رسايل كتير جدا ومجبره ارد علي معظمها علشان مبقاش متكبره ومش فاهمه ليه يقولو علي شخص بيحب العزله متكبر
فتحت اول رساله كانت بنفس الاسم يزن
فتحتها بسرعه جايز يكون هو لقيته كاتب
جاوبتي علي سوالي في الحلقه وقولتي عيانه بالحب وخفيتي وهو اللي بيخف من مرض بيخلد زكراه بروايه علشان تفضل معلمه في قلبه ..
مكنش عندي رد لسؤاله سؤاله كشفني قدام نفسي انا بكتب في الروايه دي من 3 شهور وحقيقي شعوري اول يوم بدات اكتبها فيه مختلف عن اخر يوم خلصتها كنت حاسه اني بحكي اللي حصل علشان اخرجه من جويا اول فصل في الروايه بداته وانا في المطار وراجعه من البلد  اللي قابلت فيها عزيز كنت بكتب اللي حصل ودموعي ماليه الورق بس اخر سطر كتبته كنت بتنهد براحه زي جبل اتشال من علي قلبي بس عمري ما جه في بالي اني بكتب الروايه علشان اخلد زكرا عزيز انا لو اطول امسح من ذاكرتي كل حاجه تتعلق بيه هعمل كدا بس مش كل ما يتمناه المرء يدركه
فتحت الاكونت بتاعه ملقتش صور ليه كنت بس بلاقيه بوستس من روايات مختلفه وابيات شعر كاتب مقتبسات كتير من رواياتي كلها حاجات كنت بكتبها دايما علي البيدج بتاعتي
"" فدع يا قلب ما كنت فيه الست تري حبيبك قد جفا ""
وكاتب غدا تندي الاوديه وغدا تكتمل الانورا""