حكاوي ست الحسن💙🌍

_ حاسه اني بحبه سيكا
_ يا راجل
_ مشوفتوش انت وهو بيقولي الملف في اخطاء كتير ياحسناء
_ انتي عندك نمل في دماغك مش طبيعيه
_ ولا اتلم بقا لازعلك
_ انا برضو اللي اتلم
يابنتي انتي معندكيش فكره عن حاجه اسمها كرامه
_ مازن والله هتقمص
_ حسناء انتي بجد بتحبيه
حطيت ايدي علي خدي وابتسمت اه
_ اتنهد  طب انا هقوم اكمل شغلي وانتي خليكي في المهلبيه اللي انتي فيها
_ مازن
_ ايه
_ ابتسمت ببرود اسمها نعم يا كوكو مخدتهاش في المدرسه
_ كان بعيد فقرب بهدوء انا مش عارف ايه اللي مصبرني عليكي السنين دي كلها
_ علشان انا صاحبه قمر ومتعوضش
_ لا
_ اومال
_ علشان انا امي مربتنيش
_ ضحكت من قلبي ياولا بحبك ياولا
_ وانا مش طايقك
_ المهم
_ انجزي عايزه ايه
_ وانتي جاي الكورس بليل جبلي شبسي بالفلفل الحلو علشان بحبه
_ عض علي شفايفه بغيظ ومشي
انا ومازن وامال وجيران  من صغرنا دخلنا نفس الكليه واشتغلنا في نفس الشركه لكن هو اكبر مننا بسنتين
وحقيقي هو وامال اهم حاجه في حياتي
_ حسناء
_ احم ايوا
_ خلصتي الملف
_ ايوا اتفضل
_ شكرا
_ العفو ياامير
كنت مروحه من الشغل انا ومازن بناخدها مشي مش علشان عايزين كدا لا
علشان فلوس الموصلات بناخد بيها كورس رسم مش علشان هو بيحب الرسم بس علشان عايزين نتعلمه
_ تفتكر بيحبني اد ايه
_ يابنتي انتي ولا في دماغه اصلا
_ ششش اش فهمك انت اصلا
_ بكره تقولي مازن قال بس مترجعيش تنكدي عليا انا وتقلبيها مناحه
_ انا عمري عملت كدا
_ اه علطول
_ طيب محسسني انها اول مره ليه بقا
_ قدامي يا حسناء علشان قربت اقطع العلاقه دي قريب
انا عارفه انه بيحبني لكني مينعفش احبه مينفعش اقرب منه مش عايزه حد يحبني علشان انا روحي حلوه انا عايزه اقع في الحب علشان انا جميله لسه فاكره اخر مره اتكلمنا انا وامال في الموضوع دا
_ ياحسناء الشكل مش كل حاجه
_ انتي لما بتشوفي حد في الشارع مثلا اول حاجه بتشوفيها ايه
_ شكله
_ شفتي
_ بس انا مش هحب واحد قابلته في الشارع
حسنااء فوقي مفيش حاجه اسمها حب من اول نظره
_ عارفه ياامال ومش عايزه حب من اول نظره
_ بس عايزه راجل يقع في حبي من غير ما يتعامل معايا يحبني من بعيد يراقب تفاصيلي ويحبها يحفظ ملامحي علي قلبه ويخليني احبه يدور علي الحاجات اللي انا بحبها واللي عايزاه تكون موجوده فيه فيتحلي بيها ويجيلي يحكيلي اد ايه بيحب ابتسامتي واني ضحكتي حلوه يلاحظ ابتسماتي المختلفه المتكلفه الخايفه الخجوله المتهكمه
قادر يعرف حالتي النفسيه من طريقة كتابتي
لفة الطرحه يبقا عارف اني بعملها لوس لما ببقا فرحانه واني بلفها عاديه لما احب ابقا حلوه يبقا عارف اني مبحطش مسكرا غير لو عايزه ابدو جميله وابين عنيا الواسعه  عايزه حد يراقب تفاصيلي ويحبها ياامال مستاهلش
_ ياحبيبتي ماهو لما يقرب منك هيحبك اكتر
_ بس يكون بيحبني قبلها
_ حسناء انتي معقده
_ عارفه
_ ومبتحبيش  اقصد مبتعرفيش تحبي انت فعلا صغيره علي الحب ومش فاهماه الحب كويس
_ يامال عارفه والله عارفه
عارفه ان الحياه مش كدا وان في تفاصيل كتير في الحياه بين اي اتنين بس انا عايزه قصه احكيها لولادي  عنيا دمعت هو انا مستاهلش اتحب ياامال
_ ابتمست وحطت ايديها علي ايدي انتي تستاهلي كل الحب اللي في الدنيا والله انتي بس تايهه ومسيرك هتوصلي لبر
فقت من تفكيري علي صوته
انتي روحتي فين
_ مازن
_ نعم يااخرة صبري
_ هو ازاي ممكن نكون بنحب حد ونبطل نحبه
_ عايزه تبطلي تحبي مين
_ مقصدش كنت اقصد انه ازاي نقابل حد كنا بنحبه ومنحسش بمشاعر او نحس ان في حاجه اتغيرت في حاجه مبقتش موجوده
_ موجوعه
_ اوي
قولي يا مازن ازاي المسافات بتبعدنا وليه قلوبنا بتتغير قولي ليه بنتوجع هو ينفع يامازن ..
_ سكتي ليه كملي
مكنتش قادره اتكلم كنت عايزه اساله هو ينفع  فعلا تبطل تحبني   او هو انت ممكن تبطل تحبني الحب لما بيدخل اي علاقه بين اتنين بيبوظها بيصبح مفروض علينا حاجات لازم نعملها في تفاصيل كتير بتتغير صحيح معرفش ايه التفاصيل دي لاني محبتش قبل كدا بس اكيد في حاجات بتتغير  وانا بحب علاقتنا زي ماهي
اصل ازاي ممكن نبطل حب
يبقا احنا محبناش من الاول هو مش زرار بندوس عليه
اعتقد علاقتي بمازن هتتحول للكرهه في يوم من الايام او الفتور انا عايزاه جمبي من غير ما يبقا واجب عليا احبه ودا كافي يخليه يكرهني
او هو هيبطل يحبني يحب غيري وينشغل عني وعلاقتنا تختلف نبعد نتلهي او حتي نتناسي
في كلا الحالات انا معنديش مبرر يخليني اقوله خليك لمجرد انك صاحب كويس واني بحبك كصاحب كصديق مش حبيب
""  " وأنتِ يا ميلينا لو أحبكِ مليون فأنا منهُم، وإذا أحبكِ واحدٌ فهذا أنا، وإذا لم يُحبكِ أحدٌ فاعلمي حينها أنِّي مُت. "
بحب الجمله دي او هو حببني فيها هو دايما بيكتبها خطه حلو احلا من عمري دايما بطلب منه يعملني الخط
لسه فاكره يومها قالي ايه
" يعني انا اجي معاكي كورس الرسم مقابل اني اعلمك الخط
_ ايوا
_ دك اوه
_ مازن
_ وليكي عين تقولي مازن اللي اعرفه ان الاتفاق منفعه متبادله ايه بقا اللي بتقوليه دا
_ مانا ماليش حد يجي معايا غيرك يرضيك اروح لوحدي والكورس كله رجاله انا البنت الوحيده
ولا هو علشان امال سافرت مع ابراهيم هبقا لوحدي ولا هو علشان ماليش لا حبيب ولا قريب ولا غريب يتعمل فيا كدا  خلاص يا مازن براحتك انا كنت عارفه ان امال بمجرد ما تسافر هفضل لوحدي
_ بت بت بصي مش هرق لا
_ حاولت اعصر عيني تنزل اي دموع معرفتش علشان انا مش حربايه مبعرفش امثل
فبصيت بوشي للناحيه تانيه بتاثر
_ احم طيب خلاص هاجي معاكي وامري لله
_ طب والله العظيم عمي وعم عيالي
_ والله العظيم بالفاظك دي متتعلميش رسم دانتي تشتغلي في قهوه بلدي
_ ضحكت بسامجه وهو ابتسم بقلة حيلة بانت في عنيه
كنت اعده في الكافيه بتاعنا بكتب الجمله اللي هو قالي عليها
ولقيته داخل
_ اتفضلي ادي كيس الشبسي واخد بنت اختي معايا انا عليا بايه دا كله ياربي
_ كله في ميزان حسنااتك والله
_ وريني اللي كتبته
خطك عباره عن تلوث بصري والله تلوث بصري
_ ولا ولا متستهبلش مانا قولتلك علشان كدا عايزاه يتحسن
_ عديتي في الكليه والامتحانات ازاي
_ غمزتله بالحب
_ طب قومي علشان معاد كورس الرسم وبعدين نشوف طريقه نحسن بيها التلوث دا
________
انتي مالك منشكحه كدا ليه
_ مبسوطه اننا هنتعلم رسم الملامح
ابتسم زي كل مره بيتسم لما بيسوفني فرحانه نفس الابتسامه الهاديه واللي بحبها جدا
هترسمي مين اول حد
_ اما..
_ عارف عارف انك هترسمي امير افندي بتاعك
سكت ومكملتش كلامي كنت هقوله اني هرسم امال بس سكت لما فهم غلط والحقيقه معرفش سكت ليه
______
زي النهارده من كام سنه اتولد بيبي صغير صغير اد ايديا فتح عيونه وقال فين انا واعد يعيط يعيط شويه كل سنه وانت في القلب زي مانت ويارب تكبر ميتين سنه
_ حسناء
التورته فيها شمعه والشمعه فيها لمعه
_ حسنااااااء
شيلت الهاند فري من ودني وبصتله ايه يابني
_ عرفتي اللي حصل
_ ايه اللي حصل
_ انتي مفتحتيش جروب الشغل
_ هو انا كنت بفتح جروب الدفعه علشان افتح جروب الشغل
_ امير خطب
_ اه ا..
_ امير مين
_ امير
_ امير بتاعنا
_ اه
_ خطب مين
_ معرفش
بصيت قدامي وسكت مضايقتش انا عارفه اني مبحبوش انا بس بحب انكش مازن علشان ميقولش عليا قلبي قاسي تاني
_ حسناء انتي زعلانه
_ امم
_ قرب الكرسي جمبي متزعليش والله انتي احلا من اي بنت وهو ميستاهلكيش اصلا
_ بجد
_ طب اقولك بقا حل نغيظه بيه
_ قلبي ابتسم وهو بيحاول يراضيني حل ايه
_ تيجي نتجوز
_ اه ومالو ماهو فرح امك هو
_ لسانك لو طول هقصهولك علفكرا
_ مانت اللي بتستهبل
_ صدقيني والله لو اتجوزنا هو هيفهم انك مكنتيش بتحبيه وان تسبيلك ليه كان ولا حاجه
وبكدا نلحق الشويه اللي باقيه من كرامتك
_ رفعت حاجبي وبصتله
_ اقصد يعني هنحفظ ماء وجهك
_ لا طبعا مينفعش  اصلا مكنتش بحبه اد كدا
_ ياراجل
_ ايون
_......
كنت اعده باكل في ضوافري وهو عمال يهزر معاها وهي بتتدلع عليه
احيانا يخيل اليا اني ماسكه شعرها في ايدي كدا بمرجح فيه بقطعه منها لله شعرها اطول من الليله السودا
ماااااازن
_ ايه يا بومه انتي مانا في نفس المكتب بتزعقي ليه
_ خلصت الورق بتاعي
_ لسه ثواني اخلص ورق نورهان واعملك ورقك
_ نفخت بضيق وخرجت قبل ما ارتكب جنايه
في بلكونه كدا في اخر الكوردر بتطل علي الشارع بره كنت مضايقه مخنوقه
كحسناء مبحبش ابقا رقم اتنين في حياة حد هو مهم عندي بحس انه من الطبيعي طلما انت مهم اوي عندي يبقا لازم ابقا اهم عندك
مبحبش حد يهزر معايا بنفس الطريقه اللي بيهزر بيها مع الكل
ومبحبش حد ينادي غيري بلقب نداني قبل كدا
مبحبش حد يبقا قريب ويبعد
انا بتعود بصعوبه كبيره يعني بصعوبه بتعود علي وجود حد في حياتي وبطلوع روح حرفيا بتعود علي خروج حد
بصعوبه بتعود علي مكان بس لو حبيته مبيطلعش من روحي بيفضل جويا انتماء ليه بحب اسيب اثر
ان يوما  ما كنت هنا ...
فتحت التليفون هي الملجأ السكن والسكينه
انا فاكره اخر مره والمره والوحيده اللي زعلنا فيها من بعض او بمعني اصح كانت اول مره امال تزعل مني فيها
هي معملتش حاجه مكنش ليها رد فعل عنيف لما زعلت هي سكتت ومشيت صحيت من النوم ملقتهاش في السكن سريرها كان فاضي وتليفونها مقفول ورساله قراتها عرفت منها انه زعلت مني  اني خذلتها في موقف معين قالت كلمه كنت عارفه انها كتبتها في وقت عصبيه الا انها اتغرست في قلبي ومش عارفه انساها لحد النهارده قالتلي انتي خسرتيني
مكملتش قراءة رسالتها ومعرفش امته وازاي لبست ونزلت كنت بدور في الشارع بروح كل الامكان اللي انا وهي بنروحها فجاأه المدينه اللي كل شارع فيها شاهد علي ضحكنا ومواقفنا بقت ضلمه باهته كنت حاسه ان نوفمبر مش هيعدي مرور الكرام انا كل نوفمبر بيتاخد مني حاجه بحبها حد بحبه
والحقيقه اني دايما مع كل بدايه لنوفمبر كنت ببقا مهيئه نفسي اني افقد حد الا هي انا معنديش استعداد اخسرها باي شكل ولا علشان اي حد
عياطي ودموعي اللي موقفتش وانا ماشيه في كل مكان بدور عليها قبضة قلبي تكون مشيت وسابتني تليفونها المقفول يأاسي لما الدنيا ضلمت واتاخرت بره ملقتهاش رجعت السكن بكل الضعف اللي في الدنيا فتحت نور لقتها نايمه في سريرها
وبدون ما امسح الدمعه اللي نزلت مني ومن غير ما اخلع جزمته دفنت نفسي جمبها كنت بتنفس بصعوبه واطرافي تلجت كنت بعيط خوفي خسارتها حبي ليها والظلم اللي حسيته لما افتكرت اني عملت حاجه محصلتش
لسه فاكره هي اتخضت ازاي وحضتنتي وهي بتطبطب عليا وبتقولي مفيش حاجه وحشه متخافيش  وهي بتمسح علي شعري وبتقولي اهدي كنت خايفه دي تكون اخر مره احضنها اخر مره تطمني كنت متعلقه في هدومها مش قادره اتكلم كان نفسي وقتها عياطي هو اللي يقولها اني مقدرش اخسرها ومينفعش اخسرها وانها اهم من اهم حاجه عندي
_ ست الحسن
_ يابنتي لو ابراهيم مبيشحنلكيش تكلميني قوليلي وانا اشحنلك انا
_ بس يا مهزقه عامله ايه
_ تايهه من غيرك ارجعي بقا
_ راجعه قريب علي فكره
_ احلفي
_ وحياة حسونه
_ امته امته
_ مش عارفه لسه والله بس خلاص ابراهيم خلص شغله هنا وقالي هننزل وهيفتح المشروع اللي بيحلم بيه
_ كنت ببتسم بسعاده يارب تنزلي بسرعه يارب
_ وحشاني يا ست فانيليا
_ انتي اوحش
_ ابتسمت اللي هو مفيش فايده
مازن عامل ايه
_ عمله اسود ومهبب
_ ايه اللي حصل
_ عمال يتمايص مع مدام مهيتاب جوه
_ سمعت صوته من ورايا اسمها انسه نورهان
_ ازيك يا مزون
_ امول اخبارك مش هترجعي بقا تخلصيني من الذنب اللي سبيته في رقبتي ومشيتي دا
_ بصتله بغيظ فامال ردت عني
_ دي ذنب دي انت اتعميت دي قمر دي حسناء دي قطعه من السكر
_ بصتلها وضحكت يا نصفني يا نصفني ياولا
_ طب اجيلكم وقت تاني بقا شكلكم مجانين دلوقت
_ هو مشي وهي رفعتلي حاجبها
_ عامله ايه في اخويا ياللي تنشكي انتي دا الواد شكله علي اخره
_ هو انا بعمل حاجه يا مولي اخوكي هو اللي مرق
_ يعني مش انتي اللي تزهقي بلد
_ تؤتو اخوكي اللي مرق
بعدين خدي هنا بقا فضلتي طول الخطوبه تقوليلي مش عارف ايه وبقالك سنه وشويه متجوزه
_ فين سليم يا حاجه عايزه ابقا خالتو
_ ابتسمت لما انزل هنروج نجيب سليم انا وانتي وبابا وناهد وكلنا
_ يا سخيفه
_ ياله يابت روحي شوفي شغلك عايزه احضر الغدا لقرة عيني زمانه جاي
_ سلميلي عليه او بصي متسلميش عليه علشان هو بيستهبل وخلاكي بعدتي عني والله لو اعرف لكنت فشكلت الجوازه دي
_ سلام يا مجنونه انتي سلام
_ سلام
كنا في كورس الرسم بقيت اشطر كتكوت بعرف ارسم النهارده كان اخر يوم اللي كان بيدينا طلب مننا نخلص رسمه ونوريهاله واحسن رسمه هتتحط في معرض القاهره للمواهب وحاجات كبيره اكبر من عقلي الصغير اسيتعبها
_ خلصنا وطلعنا اعدنا في نفس الكافيه المحبب لينا من ايام الكليه
_ وادي كيس الشبسي مكتوب عليا انا كل مره
_ ولا ولا متصدعنيش بقا
_ بتفكري في ايه
_ ولا حاجه دماغي منمله بس
كنت بحاول اكتب جمله  بخط كويس
""تتوهمين ! فلن تستطيعي البقاء إلى جانبي مدّة يومين.. أنا رخو أزحف على الأرض. أنا صامت طول الوقت،انطوائيٌّ، كئيبٌ
هو بيحب كافكا انا عارفه دا كويس
ومعرفش ليه انا كمان حبيته
_ حسناء خطك بدا يتحسن
_ انت بتحبه اوي كدا ليه
_ انتي بتحبي ااثير  كدا ليه
_ يابني دي اثير بحبها اكيد علشان .. ومعرفتش اكمل
عرفتي بقا الحب بيكون بدون اسباب مفيش حاجه اسمها بحبك علشان كذا الحب اللي بيجي بسبب بيزول بزوال السبب فهمتي
_ فهمت
كنت اعده في المكتب ونفس الحيزبونه نفس المايصه ونفس اللطافه منه ماشي يا مازن الزفت انت
_ مااااااازن
_ ايه بقا صوتك
_ خلصت الورق بتاعي
_ لسه بخلص ورق نورهان
_ لحد هنا ومعرفش ليه مقدرتش استحمل وامسك اعصابي
انا بعتالك ورقي الاول بعدين من امته بتخليني استني حد انا عايزه ورقي دلوقتي حالا علشان اخلص الملف اللي في ايدي وبعدين ابقا ادلع مع المايصه دي براحتك
_ صوته علي فانا رجعت لورا بتلقائيه انا بخاف من الصوت العالي وان كنت في بعض الاحيان بتعصب وبعلي صوتي الا اني بترعب وبتوتر وقلبي بيتقبض من الصوت العالي
_ صوتك ميعلاش مش عجبك ما في امير وخالد نفس تخصصي يخلصولك ورقك انا مش مجبر اعملك حاجه فاهمه مش مجبر
بلعت غصه العياط وسكت اعدت علي المكتب حاولت اعمل الحسابات اللي فيه لنفسي معرفتش فخرجت ادتها لخالد ومشيت
ومعرفش ليه دموعي الحقيره نزلت وعيط وكحسناء الطبيعيه قررت اني مش هكلمه تاني علشان انا مبحبش حد يزعقلي مبحبش حد يتجاهلني ومبحبش حد يتغير معايا 
وخصوصا لو كان حد بحبه
مش متخيله ومش قادره استوعب يعني ايه نكون قريبين جدا وفي لحظه نتحول اغراب قرات مره بنت كانت بتقولي انها قابلت حبيبها في الشارع صدفه بعد ماشاءالله من السنين
بتقولي عدنيا من جمب بعض انا لمحته وقلبي واجعني وهو مخدتش باله قالتلي انها شافت الدبله اللي بتلمع في ايديه
كانت بتسالني السؤال اللي بساله في كل رواية بقراها لاثير ازاي منبقاش مع اللي بنحبهم في الاخر
هي زودت سؤالها بمزيد مزيد من الوجع مش متخيله يعني ايه نرجع اغراب تاني ماحنا عارفين بعض مش متخيله ومش قادره استوعب حد يكون واحشني واشوفه مقدرش اروح اسلم عليه واقوله انه وحشني
معرفتش ارد علي البنت يومها وسكت بس دعتلها في الصلاه والله دعتلها تبقا بخير تتجاوز وتمر الايام وتقابله تاني وتعدي من غير ما قلبها يلتفت ومن غير ما تحس بوجع
مروحتش ومروحتش الكافيه اللي بتروحه علطول
روحت مكان بحبه انا وامال مروحتوش من زمان
جبت باتيه بالعجوه اللي بناكله سوا انا وهي وعصير الخوخ واعدت في مكانا انا محتاجلها وعايزه اعيط وهي مش موجوده
افتكرت جملة كافكا وهو بيقول ياليتك كنت هنا  فانا لا احد لي ...
بكل الضعف كلمتها
_ اهلا بكائن الحسونه
_ امال
سمعت شهقت الخضه بتاعتها بتعيطي ليه
_ امال ارجعي بقا انا بقا لوحدي وتعبت والله
_ كنت عايزه اعملهالك مفجاه بس هقولك انا جايه اخر الشهر
_ احلفي
_ وحياة حسونه
_ مسحت دموعي وحاولت اعدل نبرة صوتي المهزوه خلاص هقفل بقا علشان اروح
_ انتي فين
_ في الابراهيميه
_ روحتي لوحدك هناك
_ كنت بجلد ذاتي
طب روحي يا حسناء متعديش لوحدك
_ حاضر
_ حاضر هتروحي ولا حاضر بتسكتيني
_ بسكتك
_ طب يابيبي خلي بالك من نفسك
_ ابتسمت بارهاق سلام
ورجعت اعيط تاني هو حيوان  وبيعاملني وحش ليه زهق اكيد زهق انا عارفه اني متقلبه ويتزهق مني لكن هو قالي انه هيفضل مش هو اللي خلاني اكتب لكافكا مش هو اللي خلاني احبه مش هو اللي قال لو احبك مليون انا منهم ولو احبك واحد انا هو
تفتكرو الحب بيزول مع الوقت انا عارفه انها حاجه وحشه لما نقابل الحب بالرفض بس ومع كل الاسف انا مبيهزنيش الكلام ولا بياثر فيا بنكله حتي انا ممتلئه بالقرايه وبالكلام اللي مهما حد حاول يقول كلام احلا منه مش هيعرف يمكن مازن كان ذكي في النقطه دي مكنش بيحاول يبتدع كلام هو عارف اني مش هتاثر بيه كان بيلجاأ للحاجات اللي بحبها اثير .عمرو . غسان . بثينه . الخال
كنت حابه الكلام اللي بياخده منهم ويهديهولي كنت منتظره فعل
اعتقد اني كحسناء لو حبيت حد في يوم من الايام ممكن استناه عشره خمستاشر سنه مش هزهق ومش همل
فالطبيعي اني اكون مستنيه كدا من اللي يحبني يحاول ويعرف يخليني احبه مازن زهق بعد كام محاوله
تاني يوم كنت صاحيه مش عايزه اروح الشغل مش عايزه اشوفه لما بكون زعلانه من حد وواخده علي خاطري مبحبش اشوفه ولا اعد في مكان هو اعد فيه بتجاهله اكنه مش موجود بعاقبه انه غلط في حقي وبعاقب نفسي اني سمحتله يبقا قريب لدرجه الجرح
الفكره لوحدها عصبتني انا مش جبانه ومش بهرب
لبست ونزلت الشغل لما دخلت كان هو موجود شفته وهو بيبص علي الباب بلهفه
دخلت بهدوء ريحة الفانيليا اللي كنت حاطاها
وبثقة جمان الوهميه في فلتغفري
اللي مع اول سلام انهارت في نوبة عياط  لكني كنت اقوي من اثير
_ صباح الخير
واعدت علي مكتبي من غير ما ابصله فتحت الملف  كنت بخلص شغلي بسرعه عايزه امشي من المكان دا في اسرع وقت قبل محاولاتي الوهميه ما تنكشف
_ قمت من مكاني بهدوء وسكون غير معتاد
خالد خلصت الورق
_ ايوا ياستي اتفضلي
_ شكرا
اعدت علي المكتب تاني اكمل شغلي تليفوني رن برقمه رفعت عيني ليه كان بيبصلي باسف فعملت التليفون صامت وكملت شغلي
وقت البريك عملت نفسي منشغله في التليفون وخرجت بسرعه من المكتب
_ دخلت بلكونه المكان وانا في ايدي عصير الخوخ
_ حسناء
سمعت صوته وريا ومعرفش ليه عنيا الحقيره اتملت دموع لو مردتش هيفتكر اني مخصماه وانا مش عايزاه يفهم انه حد مهم علشان اخاصمه او اعاتبه
اخدت نفسي ولفيت بهدوء
_ ايوا
_ انا بس كنت..
كان لسه هيكمل كلامه ولقيت مهيتاب جايه اقصد نورهان جايه
بتنادي بدلع قهرلي قلبي
فابتسمت بوجع ومشيت
خلصت شغلي بسرعه ومشيت انا موجوعه ليه ماهو حر انا اكيد محبتوش او اكيد انا...
_ انا حبيته !!!!
_________
اتمني ان تظل عالقا بي ولا تنسيك الايام بهجة قلبي معك ولا تمحي الطرقات صوت املي فيك ان تبقي عالقا بي كما لو ان هذا المكان مكانك الوحيد ..
كنت اعده بقرا في المكان اللي بنروحه علطول بشرب عصير الجوافه القمر بتاعي
افتكرت امال وهي بتقولي في اول ما اتصاحبنا اني ازدواجيه وبحب حاجات مش لايقه علي بعض
فاكره لما قالتلي ازاي مبحبش القهوه واستغربها لما قولتلها اني ريحتها بتضايقني واني مبحبش اكل الفاكهه عموما لكني بحب العصاير لابعد حد
وحشتني الجزمه وبتمني ترجع قريب
_ وادي كيس الشبسي ماهو انا مكتوب عليا فلوسي تخلص علي الشبسي علشان ست حسونه
_ بصتله وسكت حطيت فلوس حسابي وقمت وسبته
انا من الاول وانا  خايفه عليه من زعلي انا وحشه وبعترف انا وحشه جدا في الزعل وحشه لدرجه بعيده بتخليني اخاف علي اللي بحبهم من زعلي بتخليني احاول اتغاضي عن اسباب تزعلني منهم لكنه هو مقدرش دا
انا مش عيله صغيره ومش هبله وعارفه انه كان بيلطف معاها علشان يضايقني ويخليني اغير
لكن انه يزعقلي ويجرحني قدامها دا مش هقبله
من اول ما قبلت الوظيفه دي هو عارف اني حسبه معينه في الورق انا مبعرفش اعملها واتفقنا انه ييعملها هو
دلوقت بيزعقلي وبيقولي مش مجبر هو فعلا مش مجبر
اتقفلت من الشغل ومن المكان اللي هو فيه فسبته سبته بدون مبررات وبدون ماقول لحد
اعدت في البيت بقرا وبعيط امال جايه بكره
كنت نايمه علي المخده مستنيه اليوم يخلص وبردد امال جايه بكره
_ لبست فستان بنفسجي بحب اللون البنفسجي جدا بالمناسبه وبيبقا قمر عليا لكني مبلبسوش كتير ومعرفش ليه
روحت عند امها كانت بتعمل اكل قمر اساعدك في حاجه يا هنوش
_لا يا حبيتي طلعي بس المدلعه دي حطيها في الاطباق امال بتحبها اوي
_ والله يا هناء انا بقول تطلعيها انتي علشان انا ممكن اطلعها من العلبه علي بوقي علطول
_ ضحكت ياله يابت خلصي زمانهم جم تحت
_ ياهل الداار اين انتم لقد اتيت
_ لفيت وقلبي بيضحك وحضنتها وحشتيني يا حلوفه
_ ضحكت انتي اوحش
_ كنت بحضنها زعلي منه وحبي ليه وليها وخوفي ان علاقتي اللي باظت بيه تزعل امال مني هو في الاخر اخوها وانا بحضنها همستلي لينا اعده علشان في حاجات كتير حاساها فايتاني
_ ماشي
كانت بتسلم علي مامتها
وانا بحضر السفره
دخل المطبخ فقلبي وقع
_ حسناء
_ ...
_ حسناء
_ امم
_ عايز اشرب
_ ما تشرب
_ مرريلي المج بتاعي
_ حطتيه علي الرخامه وطلعت
لو كنت اعرف اننا لما هنحب هنتوجع كدا مكننش حبيته
ولا كنت سبته يحاول يقرب انا لسه عيله وعقلي صغير وطباعي صعبه انا بشهد اني قاسيه ومبحنش بسهوله بس متاكده ان دي رحمه من ربنا وانا يعني لما حبيت ايه اللي حصل ماهو جرحني
الباب اتفتح وامال دخلت فابتسمتلها بهدوء
كان نفسي تبقي نايمه الحقيقه وحشني اصحيكي وحشني اشوفك بتعيطي علشان عايزه تكملي نوم
_ اللي بيجري فيكي دا تنمر مش دم
_ اعدت قدام واستربعت باتفصيل من الاول يا سلوي
حكتلها ودموعي كانت بتنزل
هو صحيح يا امال اللي بيحب حد مش بيتسحمله
هو في حد يحب حد يوجعه كدا
_ الوجع من قدر المحبه
_ يعني
_ يعني لو مازن دا حد عادي عندك انتي مش هتزعلي من رد فعله
_ ولو انا مش حد عادي عنه هو مش هيعاملني وحش كدا قدام حد
_ انتي حاسه ان غرورك اتكسر صح
_ والله ابدا
انا خاطري اللي تكسر يامال
عارفه لما تكوني عشمانه في حد وعندك ثقه انه مش هيخذلك ويخذلك لا وبطريقه وحشه
دا احساس بشع
_ هو اكيد مكنش يقصد
_ بكره جدا شماعة مكنتش اقصد علي كل فعل بنجرح بيه اللي قدامنا
_ مش اعتذرلك
_ تفتكري  انا بقبل اسف بعد الزعل
_ دي المشكله يا حسنااء يا حبيتي الحياه مش كدا مينفعش تنهي علاقه ورابط لمجرد شوية زعل
_ ابتسمت الزعل علي قد المحبه
_ عندك حق هو يستاهل الحيوان دا بقا انا اوصيه عليكي ارجع الاقيه مزعلك استني عليا بس دانا هفشفشهولك
_ سيبك مني وقوليلي سليم عنده كام يوم دلوقتي يا مامي
_ بصتلي وفتحت عنيها بذهول
_ لو فاكره اني مش واخده بالي من اشمئزازك من البانيه اللي بتحبيه ولا من وشك الاصفر وايدك اللي حطاها علي بطنك بحنان معظم الوقت تبقي عبيطه
_ حضنتني وحشتيني اوي ياحسناء
_ ايوا برضو سليم عامل ايه
_ عنده شهر ونص
_ وابراهيم ميعرفش
_ تؤ لسه مقولتلوش انا لسه عارفه من يومين بفكر اقوله ازاي
_ انا هقولك تقوليه ازاي
_ ومازن
_ اتنهدت هقوله انا يبقا يكرشه بره علي ما نخلص
_ اتفقنا
كنت بنعمل الكيكه و نا بعلق الزينه في شقه امال  وسمعت صوته اللي بتجاهله بقالي يومين
_ خلصتي
_ اه
_ اساعدك تنزلي
_ لا شكرا
_ ابراهيم فين
_ متقلقيش قدامه نص ساعه
_ طب كويس
_ حسناء
_ امم
_ انتي بجد لسه زعلانه
_ هدخل اشوف امال خلصت ولا لا
_ حسناء
لفيت ليه وسكت
_ انا هخطب نورهان
_ مبروك
ومشيت ربنا في ابشع المواقف دايما بينزل علينا ثبات غير طبيعي كانت ماما دايما بتقول ربنا مش هيحطنا في موقف الا علشلن هو عارف اننا نقدر نستحمله بس انا حاسه اني بقيت هلاميه واني قلبي بقا بقايا
جهزت مع امال الحفله ومشيت اخدت شنتطي وسافرت كان عقد شغل لمده ست شهور  في اسكندريه دوره رسم نسيت اقولكم ان رسمتي اتحطت في المعرض وخدت مركز اول
كنت راسمه تلاته صحاب بيرسمو بعض وبيبصو لبعض بتامل
فرصه زي دي مكنتش هقدر اعديها
_ لما وصلت هناك قفلت تليفوني ونمت
لما فتحت التليفون لقيت رساله منه كانت اخر حلقة وصل بينا واتفتحت
فانت تنتمين الي حتي وان قدر لي الا اراك ثانيه علي الاطلاق
بكره جدا لحظات الوداع رسايل الوصل الاخيره بكره كل حاجه ليها علاقه بالانتهااء ايه فايده اقتباس حلو في نهايه علاقه الورد لحد مات ودموعن اللي ا الطرف التاني مشفهاش
"" فحرقة  بعدك اليوم اعادت سيرة الفشل ونكسة كبري
كوت قلبي من الازل """
الانسان مبيكربش بين ليله وضحاها قصه بنت وولد صحاب وقعو في الحب بيدل ان مفيش حاجه اسمها صداقه بين ولد وبنت بالطبيعي هننجذب للصفات الحلوه هنتشد او ربما نقع في الحب سوا اعتقد لو الزمن اتعاد مكنتش هسمح لمازن يقرب سم واحد مني بس اهو اللي حصل كنت بحضر شنطه هدومي بعد الست شهور ما خلصو علشان ارجع لبست بنطلون جيب اسود وبوكليت اسود وشال خفيفي منقوش كنت حابه ابان احلي اكبر وانضج ربما
كنت بسمع عمرو في طريق الرجعه وهو بيقول اوقات كتير بيكون شيطانا صديق وساعات بنرمي كلام ميكنش كله برئ وساعات بنتوعد بحاجات  منعملهاش
بس احنا جوانا ماشيين ومكرهناش عن نفسي مش كاره انا بحكي عن نفسي  ومن قلبي بدعيلك كل الهنا يجيلك ويارب منديلك ميشوفش عمره دموع وتكون ليالي الرضه بالسبعه في الاسبوع يشهد عليا اللي خلاني اشوفك احن اني حزين مع ان دا قرارنا
فياريت تقولي غلط لكن اكيد مقصدش وان يساالوني هقول اهو ربنا ماردتش هي جميله اوي مختلفه لكن مفيش رابط طلقة فراق صابت والعله في المتصاب قسمه ونصيب وهتفضلي علي الراس مهما السنين مرت
كنت بفكر وانا راجعه انه زمانه خطب او اتجوز  راجل زي مازن مبيعترفش بالخطوبه هو رغم الهلس  الا انه متدين بدرجه بتخلي قلبي يحترمه
كانت اكتر حاجه مخوفاني ابقا زي البنت اللي قابلت خطيبها بعد فتره وهو مخدش باله منها وخطب عادي واتجوز هو عدا من جمبها ومخدش باله منها من ريحتها ومن طيفها حوليه هي قلبها التفت وهو كمل ومخدتش باله
انا بعترف اني عندي غرور داخلي بيخليني محبش اتحط في الهامش او  اتنسي حد يكون عرفني ونتقابل ميعرفنيش
لما وصلت كنت برن علي امال رنيت مرتين مردتش
روحت البيت ملقتش ماما فقلقت
روحتلها البيت مكنش حد موجود كنت نازله علي السلم بخوف فقابلته نسيت كل حاجه وجريت عليه
_ مازن هما فين فين امال وماما و طنط هنااء
_ متقلقيش امال بتولد
_ بتولد ايه دي في السابع لسه
_ تعبت والدكتوره قالت هتولد
_ هي فين
_ في مستشفي ...
_ ماشي انا هرو..
_ استني انا طالع اجبب شنطه هدومها هي جهزه وهاجي معاكي
_ بسرعه يامازن الله يخليك
_ حاضر
طول الطريق كنا ساكتين قلقي كان منعني من اي تفكير
_ رجعتي امته
_ النهارده
_ حمدالله علي السلامه
_ الله يسلمك
وصلنا المستشفى فنزلت بسرعه طلعت
قابلت ماما وهنااء سلمت عليهم وقالولي ان امال جوه مفيش داقايق وسمعت صوت البيبي بعدها كل حاجه عدت بسرعه كنت اعده جمب امال وابراهيم بيشوف البيبي
_ كدا  كنتي عايزه تعمليها وانا مش موجوده
_ كان قلبي حاسس انك هترجعي قريب دعتلك وهما بيطلعو سليم من جويا ربنا يطيب قلبك
_ بوست ايديها ام سليم حجي
_ ملكيش دعوه بابني
_ ابتسمت قولتلي انت جاي مع مين
_ شايفه ياامال علشان امال اقولك انها غلسه متزعقليش
_ نينينيني
_ يابنتي احترميني شويه بقيت اب حتي
_ ياله هحترمك سيكا علشان خاطر سليم
_ عقبالك
_ ملكش دعوه
_ ضرب كف علي كف مفيش فايده
شفت ابراهيم ازاي بيبتسملها
احم طب هروح اجيب عصير عقبال ما تقول الكلمتين الي في زورك  دول بس انجز علشان جايه تاني بسرعه
_ بت بت متجيش تاني
_ غمزت لامال اللي بتبتسم بارهاق وطلعت
_ كنت اعده في الكافتيريا كنت بقرا القصيده الجديده لعمر
وببعت ايملات لشغل
ولقيته اعد قدامي
حط كيس الشبسي وعصير الخوخ
وابتسم
شهور الثبات والعلاج مقدرتش تمنع دموعي اللي نزلت بعد فتح الجرح من تاني  وقلبي اللي دق لابتسامته كان وحشني رغم محاولات الانكار
_  اسف والله العظيم اسف عمري ما هزعلك تاني ياحسناء
كنت بعيط بدون اراده والله دموعي مش راضيه تقف
_ حسناء علشان خاطري اهدي طب اعمل ايه اقوم امشي
_ هزيت دماغي بلا فقعد تاني
مسك ايدي لاول مره وهو بيطبطب عليها حقك علي قلبي والله
ابتسمت بهدوء
_ وحشتيني
_ ....
_ يا راجل بقولك وحشتيني
_ هات عصير الخوخ دا ريقي ناشف
_ حمدلله السلامه يا حس
كان سبوع سليم وعلشان انا خالت البيبي شغلت اغنيه علي مزاجي كنت شايله سليم وبغني
زي النهارده من كام سنه اتولد بيبي صغير صغير اد اديا فتح عيونه وقال فين انا واعد يعيط يعيط شويه كل سنه وانت في القلب زي مانت ويارب تكبر 200 سنه التورته فيها شمعه والشمعه في لمعه
_ ابراهيم كان بيساعد امال تلف الحجاب
وانا شايله البيبي و ببتسم
_ ولقيت اللي بيتكلم جمبي
طب ما نتجوز وتشيلي ابني وامال تشيل ابنها
_ بصتله وابتسمت
_ والله هعرف اعدلك الحجاب وانت مش قادره كدا
_ ضحكت فاتكلم بسرعه حسناء اتجوزيني بقا بالله عليكي
_ هتعرف تلف الحجاب لما اتعب
_ اه والله
_ وتقولي كلام حلو لما هرموناتي تقلب عليا
_ دانا في الكلام الحلو معنديش يما ارحميني
_ مش هتقولي ابدا اني تخنت
_ هي مين دي اللي تخنت يا بطل انت
_ هتحبني
_ انا عمري ما بطلت احبك
_ مازن
_ عيونه
_ انا بحبك ...
_ يابراهيم كلم المأذون...

"" في حياة كل منا شخص كالابرة، إذا لمسك يزعجك ويؤلمك، قد تصرخ منه وقد يبكيك، اذا وجدته فتشبث به جيدا، لأنك ستدرك في النهاية أنه يخيطلك ما مزقته انت نفسك..""

# hasnaa