حكاوي ست الحسن💙🌍

اراد ان يغيب او يتلاشي في مكان ما يستطيع معه ان يتشرب حضورها دون هذه الرعده الوقحه في اوصاله كلها عندما تلتقي عيونهما عن طريق الخطأ""

_ ها يا ماما  انا خلصت كل مذاكرتي احكيلي بقا
_ ابتسمت بحب احكيلك ايه يا ايلياء
_ عن خالتو حسناء وخالو زين
ابتسمت ابتسامه صافيه وبدأ تحكي ونفس الابتسامه الهاديه علي وشها
كانت وقتها حسناء عندها 25 بس حتي لو وقتها كانو عايشين في القاهره فانتي عارفه ان اصلهم من هنا وفي العادات والتجاليد بتاعتنا البت لو كسرت ال 21 وهي متجوزتش تبقي عنست
ابوها كان متفتح ومتعلم وعلمها بس غصب عنه كان بيضايج لما حد يقول علي بته بايره
وامها زي اي ام عايزه تفرح لبنتها لكنها مكنتش بتتكلم علشان متجرحش مشاعرها
وفي يوم
_ ياله بقا يابابا اتأخرنا
_ انا اول مره اشوفك متحمسه كدا
_ بصراحه زهقانه من اعده البيت وعايزه اخرج وما صدقت لقيتك نازل توصلي بعربيتك
_ واشرب معاكي قهوه في الكافيه اللي تحبيه كمان
_ شوف انا طول عمري اقول عليك ابويا قرة عيني
_ بس  اطلع انت وانا هركن العربيه واحصلك
_ وتخبطيها زي كل مره صح
_ والله عيب عليك تقول كدا دانا اسمي الحقيقي حسناء درايڤر
كان بيفك حزام العربيه وهو بيبصلي بنص عينه حسناء لو العربيه اتخبطت هرميكي في الشارع وانسا  انك بنتي
_ عيب عليك والله كابويا تقول كدا اتكل علي الله وهركنها واجي علطول
كنت بحاول ادور علي ركنه مش  لايقه وبعدين هي العربيه دي مش كويسه اصلا ومش راضيه تحود يمين
و....
العرررررربيه
_ انت حضرتك مش شايف يعني
بصلها باستغراب دانا برضو
_ ايوا يعني انت كسرت المرايه كدا ينفع والله حرام عليك اقول لبابا ايه انا
_ انا اللي خبطك دانتي اللي جايه عليا
كنت خلاص عنيا دمعت والله كنت بحاول احود يمين
_ طب اهدي بصي هاتي اركنهالك
_ شكرا ربنا يخليك يارب
_ خدت منه المفتاح دخلت الكافيه ورقبتي اد السستمه وضميري مأرنبني
_ حجوج
_ ركنتيها كويس
_ ثق فيا بقا علي فكره العلاقات المتذعذه بين الاب وبنته بتدمر اسره خد بالك
_ ياراجل
_ اوماااال
_ طلبت قهوه ومستني اشوف هتطلبي ايه
_ واحد جاتوه شاتوه واحد عصير جوافه
_ ايه العك اللي قولتيه دا
_ قوله بس ياحاج وهو هيعرف
_ انتي عايزاني بشعري الابيض دا اقوله جاتوه صابوه
_ ضحكت صابوه ايه يابابا احنا واقفين في محل جزم هقوم اطلب انا وامري لله
_ روحت جبت الحاجات وشايله الصنينه كدا وراجعه علي الترابيزه زي داخله بصنيه الشربات علي عريسها
وحاجه في منتهي الفنله يعني كافيهات ايه اللي
help you self
دي يا خواتي عجبي عليك يا زمن
كنت راحه اعد علي تربيزتي ولقيت اتنين اعدين مع بابا بس ضهرهم ليا ولاني كأن تلقائي ودبش وواخده علي ابويا شويتين
_ ايه ياحاج انت مستقل بيا فعزمت ناس معانا ولا ايه
_ احم مسسسساء الخيييير
كان راجل كبير وهادي غالبا في سن بابا
ومعاه
_ احم استاذ عربيه
اا قصد بتاع العربيه
_ ابتسم وهز راسه
_ اعرفك يا حسين يا خويا باشمهندسه  حسناء بنتي الوحيده
ودا ياستي عمك حسين صاحبي وعشرة عمر بس سافر من زمان ولسه راجع من سنه
_ اهلا اهلا يابنتي
_ اهلا ياعمو ازي حضرتك
_ودا يا ستي باشمهندس زين انه
_ احم اهلا يا باشهمندس
هز راسه وهو بيبتسم وسكت
_ اعدت وانا شبه الكتكوت المبلول
كانو غالبا بيتكلمو في حورات عاديه مكنتش سامعاهم من كتر الاحراج انا الي حد كبير انطوائيه شخصيتي مرحه الا اني ماليش اختلاط بالناس حتي في الجامعه كانو كلهم زمايلي وبكلمهم كلام عابر مكنش عندي صحاب قريبين مني
وموقف العربيه كان لسه له تأثيره كنت خايفه يتكلم ويقول لبابا اني خبطت العربيه
واللي يخاف من حاجه ايه ....
_ اسف جدا يا انسه حسناء عن موقف العربيه من شويه
_ بابا بصلي مالها العربيه يازين يابني
اتكلمت بسرعه لا ابدا ملهاش ياحاج زي الفل
_ متخافيش يا انسه حسناء والدك اكيد مش هيضايق لو عرف انك كسرتي المرايه
_منك لله يا شيخ منك لله
_ بصيت لبابا براحه انت مؤمن ياحاج والمؤمن دايما مصاب
_ وعيب عليك ياحاج وحسناء منشستر ومولوده في عربيه
كان بيقلدني وانا بتكلم فمقدرتش مضحكش ضحكت كتير علي طريقة بابا وعلي بصته بغيظ ليا
لدرجه اني نسيت ان في ناس اعده علاقتي بابويا مميزه جدا وبعتبره صاحبي الوحيد
_ انا مقولتش مولوده في عربيه
_ كان بيتكلم بغيظ  نفسي مره واحده تاخديها وتجبيها سليمه
_ قضاء وقدر يا حاج احنا هنكفر ولا ايه
كنت بتكلم مع بابا ونسيت الناس حولينا ففقت علي صوت عمو حسين وهو بيقوله
بنتك ماشاء الله عليها يا عز زي القمر ودمها شربات
_ الله يخليك ياعمي متشكره
_ قوليلي يا حسناء بتشتغلي فين
_ انا مش بشتغل حضرتك عارف ان مفيش وظايف دلوقت بقالي بفتره باخد كورسات ودورات تدريب علشان لما اقدم علي وظيفه اقبل علطول
_ ماشاء الله طب ايه رايك تيجي تشتغلي مع زين هو لسه ماسك الشركه بتاعتي من فتره وهيحتاج مساعدتك وانا مبقتش حمل الشغل زي زمان
_ احم متشكره جدا ياعمو بس مش عايزه اكون بشتغل علشان انا بنت صاحبك
_ بص لزين بصه مفهمتهاش لا يا حبيبتي مش واسطه ولا حاجه دانتي ربنا يعينيك علي اللي جاي
_ بابا اتكلم والله فكره يا حسين بدل ماهي طول اليوم تقولي زهقانه من اعده البيت
_ خلاص بكره انشاء تجي علي الشركه تستلمي مكانك
_ ان شاء الله
كحسناء مبفكرش كتير قبل ما اعمل اي حاجه
ماما بتقولي اني احيانا ببقا عاقله ودماغي توزن بلد وتحكم رجاله بشنبات واحيانا ببقا بلا مخ بتهور واعمل الحاجه اللي خطرت علي بالي من غير ما افكر في عواقبها في هي صح ولا غلط
ازدواجيه مفرطه لشخصيه عشوائيه
مفكرتش كتير في فكرة الشغل  وتاني يوم الصبح كنت واقفه قدام الشركه لابسه بنطلون اسود واسع وشميز روز كريب علشان الدنيا حر والشغل بيحتاج لبس مريح
اتنهدت قبل ما ادخل مكتب السكرتاريه
_ كان عندي معاد مع بشمهندس زين
_ اتفضل هو في انتظارك
_ متشكرا
_ كنت داخله متوتره بطريقه مش طبيعيه متعاملتش مع ولاد قبل كدا او اقصي تعاملي معاهم لما كنت بتوه ومش عارفه السيكشن في انهي مبني فكنت بسال اي حد معدي
هو هادي ومريح بطريقه تقلل ارتباك اي حد بس انا توتري زاد وخصوصا لما افتكرت موقف امبارح
_ اتفضلي يا حسناء اعدي
_ شكرا
_ بصي بقا يا ستي المفروض شغلك هيبقا عباره عن .....
كان بيشرح طبيعه شغلي ونا كنت مش مركزه توتر غريب وفكره اني انا وواحد اعدين في مكتب مقفول مخلياني مش مرتاحه هو محترم وخلوق وعيونه بني وشعره اسود وقمحاوي بس دا مش معناه اني ...ايدا لحظه انا بقول ايه
_ فهمتي كدا يا ستي
_ احم اه تمام اقدر استلم الشغل امته
_ من دلوقت
رفع سماعة التليفون
_ سلمي تعالي علشان توري باشمهندسه حسناء مكتبها
_ اتفضلي
_ شكرا بعد اذنك
دخلت مكتبي كان حجمه كويس لونه ابيض نسيت اقول اني حبيت استايل شركته بيسيط اوي سمبل وشبابي كدا الا من بعض الروتين زي زهرة الورد الدبلانه اللي موجوده جمب الشباك في كل المكاتب وزي ان المكتب فاضي ملوش روح مش هعرف اشتغل كدا بما انه اول يوم ليا مكنش عندي شغل كتير خلصته كله قبل بريك الغدا ونزلت في البريك اشتريت شويه حاجات واعدت اظبط ديكور المكان لحد ما ضهري اتقطم
اشتريت ورد ابيض وورد عباد شمس وحطيتهم عند الشباك
جبت اباجوره حديثه وشكلها غريب كدا علي المكتب
جبت ستيكرز   مجسم  باحجام متفاوته لغمبول علشان بحبه وحطيتهم علي الحطيه
اشتريت كمان فرعين نور من اللي بينور نور بسيط دول وحطيتهم بطريقه مختلفه  اقلام الوان ماركرز كتيييير جدا وحطيتهم في كوبايه هاند ميد بيتحط فيها الاقلام
وقفت في النص بتفرج علي الانجاز ولمساتي الهايله اللي حطتها هو بقا يشبه لاوضتي شويه بس بقا مهئ للشغل
الاستراحه كانت خلصت فروحت اخبط علي مكتبه تاني
_ تعالي يا حسناء حاجه واقفه عليكي في الشغل
دخلت وسبت الباب مفتوح وريا
كنت بتكلم بسعاده وبطريقه اكتر راحه اقل رهبه
لا انا خلصت الشغل اللي ادتهولي وكنت عايزه تاني
_ بصلي بستغراب واخد الملفات من ايدي وفتحها
رفع حاجبه باعجاب وانا كنت واقفه بثقه
مش غرور بس انا بحب دراستي فكنت شاطره فيها وبحب شغلي فبعمله كويس بيقولو عليا موهوبه بس انا شايفه ان الموهبه لوحدها مش كفيله تخلينا نوصل للي عايزينيه انا كنت بذاكر كتير اخدت كورسات كتير وشفت اعمال كتير لفنانين كبار في مجال الرسم والديكور
بابا رفض ادخل معماري وقالي دا شغل رجاله فدخلت ديكور
_ هايل يا حسناء مكنتش اعرف انك شاطره كدا
_ احم متكشره
_ طب خلاص تقدري تروحي طالما خلصتي
_ تمام شكرا بعد اذنك
الي حد ما انا شخص مزاجي ... اوكي انا شخصيه مزاجيه حاده وممكن ابقا لطيفه ومبسوطه وبعدها ابقا كائن عصبي غبي يصعب التفاهم معاه
عمري ما فهمت نفسي حقيقي انا بكره الملل بكره اعد البيت طول الوقت بحب البلكونه جدا بس بمل
في نفس الوقت بكره العالم الخارجي بكره الزحمه والشمس  صحابي زمان كان بيقولولي اني اشبه لشخصية  شمبليون اللي في فيلم ورقة شفره شخص مبدع وذكي لكنه عدو الشمس
بس النهارده الجو كان لطيف بطريقه خلتني اقرر اروح للبيت مشي المسافه مش صغيره اوي ومش بعيده اوي اليوم عندي مقسم لتلات اجزاء مفضله بحبها وقت الصبح بدري من 5 ل 8بحب الوقت دا من اليوم ومعظم الوقت مبلحقش استمتع بيه لاني كائن اليربوع اللي جويا بيرفض يضحي بساعات نومه الاضافيه لجل ما يشوف القمر وهو بينسحب بهدوء
بحب الليل جدا لاني كائن ليلي بيحب السهر ونسمة الهوا الهاديه واللطيفه بتاعت بليل وكوبايه الشاي بالنعناع
وبحب الوقت دا كمان من اليوم المغربيه والشمس بتبداي تنسحب من السما لجل ما يطل عليا القمر من تاني  بوشه البشوش بحس وقتها اني بتنفس بسعاده انوار الشوارع والمحلات هتبدي تأيد
اوقات كتير بحس ان الوقت دا انسب وقت نركب فيه مركب في النيل نسمع منير  وهو بيقول لما النسيم بيعدي علي شعرك حبيبتي بسمعه بيقول اهات او حتي عمرو حسن بيقول اكبر احلامي وجودك
اكبر ..اكبر احلامي افتح عيني علي حضورك ..
ابتسمت بتهور كعادتي ولبيت نداء الباد جيرل اللي جويا  ونزلت المرسي وركبت المركب ولحسن الحظ كان منير بيغني عايزاني ليه لما تقوليلي بعشقك مصرخش واملا الكون اهات
روحت البيت وانا هاديه انسب وصف اقدر اقوله اني وقتها كنت هاديه الفتره دي
فات شهر وانا شغاله في الشركه الناس هناك لطيفه حقيقي ومحترمه بس عمليه زياده عن اللزوم متحسش انها عندهم مشاعر كدا باردين شويه زي المدير بتاعي لسه فاكره علامات التعجب علي وشه اول مره دخل فيها مكتبي
_ ايه دا
_ اتفضل يا بشمهندس
_ انتي اللي عملتي كدا في المكتب
_ احم بصراحه حسيت ان المكان بارد كدا فحبيت احط لمسه فيه من عندي
_ تبدين منفضله عن العالم غائبه في فوضي ما
_ للحظه قلبي اتحرك وهو بيتكلم بالفصحي وبنظره غريبه لمحتها في عنيه
من يومها وبقيت اتلاشي اني ابصله بس كان القدر ليه وجهه نظر تانيه
الايام كانت ماشيه حلوه لحد اليوم اللي اتحطيت فيه في موقف جرحني
_ عريس ايه يا ماما متهزرش
_ هو انا قولت اني بهزر في ايه مالك طبيعي اي بنت في سنك تكون بيتقدملها عرسان دانتي زمايلك اتجوزو وانتي ..
_ وانا ايه يا ماما
_ يا حسناء افهمي انا ...
_ خلاص لو سمحتي حاضر هعد مع العريس اللي جاي بليل ممكن بقا تسبيني اجهز
_ بصتلي بأس وخرجت
انا عارفه انها بتحبني وعارفه كمان انها عارفه ان الحاجات دي قسمه ونصيب بس كمان هي نفسها تفرح بيا زي كل الامهات ومش عايزه تشوف نظره الشفقه في عيون قريبنا اللي هو ربنا يعدلهالك
مجتمع متخلف هعيش واموت وانا كارهاه ونفسي اهرب منه
وظيفه كويسه سنه مناسب لكنه قليل زوق ومش طايقه ابص في وشه
_ مقولتليش يا حسناء
_ بصتله بضيق امم
_ انتي متجوزتيش ليه لحد دلوقتي
_ لحد دلوقتي ازاي يعني
_ اقصد يعني انك عديتي ال 25
_ ياراجل !!!
طب انت متجوزتش ليه لحد دلوقت انتي يعني عديت 28
_ انا راجل
_ ايوا فين المميزات في كونك راجل يعني
_ احم طب انا بقول نقفل النقاش في الموضوع دا
قوليلي بقا حابب اسمع رايك في موضوع الخطوبه وفيا
_  للاسف انا برفضك يا دكتور
_ ممكن افهم ليه
_ اصلك كبير اوي عليا الصراحه ومقدرش اتجوز واحد معدي 28 سبب ملوش علاقه بالجواز الا اني كنت قاصده اهينه
سبته ودخلت اوضتي وانا حاسه ان حد كان خانقني من روحي دخلت البلكونه بتنفس بسرعه وكاني كنت كاتمه نفسي لوقت طويل ودموعي نزلت بدون اراده مني  احساس مش حلو انك تحس نفسك مجبر تعمل حاجه مش عايزها علشان ترضي اللي بتحبهم اللي بحاجه هما اصلا مش مقتنعين بيها 
فات اسبوع علي اليوم دا بابا عرف قراري واحترمه وعلاقتي بماما شبه مهزوزه بحبها  بس مش هسمح لها تدخل في حياتي ولا هحاول اعمل حاجه مش مقتنعه بيها علشان حد قاسيه شويه اوكي هي عارفه دا من وانا صغيره مش متجدده عليه
بس هي وحشتني مفتقده هزارنا سوا ومناغشتي ليها بس كائن الطاووس الجويا مش عايز يتنازل عن كرامته ويروح يكلمها
كنت اعده في الشغل مش عارفه اركز في حاجه
فمشيت من غير ما اذن
كان بيرن عليا وانا في الطريق فاستغربت
_ احم الو
_ انتي روحتي فين روحتلك مكتبك ملقتكيش قالولي مشيتي
_ اتخضيت بلعت ريقي بارتباك اول  مره اسمع صوته
في التليفون واول مره احس نبره قلق
بقيت اخاف من دقة قلبي دي كل ما بشوفه او اسمع صوته
اتكلمت بصوت مبحوح بحاول اطلعه
تعبانه شويه فروحت واسفه اني مقولتش قبل ما امشي
روحت البيت وانا قلبي لسه تحت تاثير صووته لا يارب مش عايزه افكر فيه لا مش عايزه