حكاوي ست الحسن💙🌍

""""أيكُون حظُك مِني أنكَ مالِكي ..
وحظُ فؤادي مِنك أنكَ مُبتلاه .."""

_ طب عيطي طيب انت هاديه كدا ليه
_ انا مخنوقه بالدموع ومش راضيه تنزل ياامال دموعي متحجره زي قلبه بالظبط
_ انت واقفتي تتجوزيه ليه وانتي عارفه انها لعبه بايخه من الاول
سكت ومتكلمتش
_ بتحبيه
_ بصتلها بذهول
_ فابتمست والله العظيم بتحبيه
كنت بكلم امال فيديوكول وسمعت صوت عربيته
امال هكلمك بكره سلام دلوقت
_ طلعت البلكونه الفجر كان قرب يأذن وهو لسه راجع
اخدت نفس عميق لما سمعت بابا الاوضه بيتفتح بس فضلت في البكونه مدخلتش
_ مساء الخير
_ قاصدك صباح الخير الفجر قرب ياذن
_ غمزلي انتي مستنياني ليه وحشتك
_ ااااانت وقح علي فكرا
_ ماشي ياستي شكرا تصبح علي خير
_ رايح فين مش هتصلي قربت منه ولا هتصلي ازاي سكت دقيقه وكملت بس رخيص علفكرا
_ بصلي بعصبيه
_ البرفان الحريمي اللي علي هدومك يا بشمهندس
سبته ومشيت خرجت من الاوضه ومن البيت كله ونزلت الجنينه تحت انا تعبت من التمثيل دا
غمضت عيني علي دموعي وانا بفتكر يوم ما قلبي المسكين طاوعه لما حطيت روحي في ورطه
_______________
_ شوفي يا حسناء انا هدخل في الموضوع علطول
_ اتفضل
_ طبعا انتي عارفه ان معدتش فاضل علي الفرح غير اسبوع
_ بلعت الغصه اللي في زوري
ايوا عارفه
_ اتنهد انا ومي سبنا بعض
حاولت اخفي فرحتي ايدا ليه
_ مش مهم ليه المهم طبعا انتي عارفه ان ولدتي من وقت الحادثه وهي فقده بصرها ومعاد العمليه فاضل اقل من شهرين وخبر ان الفرح اتغلي هياثر علي نفسيتها
_ ايوا مش فاهمه برضو حضرتك بتقولي ليه عايزني يعني اتكلم مع انسه مي علشان تتصالحو
_ ابتسم بسخريه انسه
لا يا ستي مش عايزك تتكلمي معاها ولا حاجه انا وهي معدتش بينا حاجه
انا بكلمك علشان تتجوزيني
_ .....
_ حسناء
_ حضرتك بتكلمني
_ هو في حد غيرك ايه رايك
_ راي في ايه
_ انا بطلب ايدك انا عارف يعني انك ...احم ان الوالد والوالده متوفين من زمان فمعرفتش اطلب ايدك من مين
_ عندك حق مش هتروج الملجأ تطلبني من هناك
مانا مقولتلكش صحيح انا كنت في ملجأ قبل ما عيلة امال تتبناني فانت بقا قولت ملهاش اهل فاكيد. هتوافق مانت باشمهندش علي صاحب الشركه اللي ميترفضش وواحده في ظروفي هتبقا ايه يعني غير بديله للعروسه اللي هربت في اخر لحظه صح
_ خلصت كلامي وانا بنهج من الانفعال حسيته داس علي روحي وكرامتي
_ كنت قايمه ماشيه وسيباه
_ استني يا حسناء
_ اه صحيح نسيت اقولك
انا مستقيله يا باشمهندس
سبته وخرجت من الشركه كنت ماشيه بسرعه وكاني بهرب من شبح بيخوفني
بقالي 3 سنين شغاله سكرتيره معاه وهو حتي مش واخد باله مني ولا علشان انا لبسي واسع ومش بلبس عريان زي الاشكال اللي بيخرج معاها وبتجيله كل يوم والتاني كنت بخاف بيني وبين نفسي حتي اعترف ان جويا مشاعر ليه لحد ما عرفت خبر خطوبته حسيت ان الدنيا ضلمت او قلبي اللي ضلم مش عارفه احدد الاحساس بالظبط بس كنت تايهه مش فاهمه انا ليه زعلانه وليه حاسه كدا وانا مفيش مشاعر ليه جويا
والنهارده يوم ما الدنيا فتحتلي تاني انه سابها
عايزني اكون بديله احساس القهره اللي حسيتها وقتها كانت كفيله تحول كل ذرة مشاعر جويا لكره لكن قلبي الحيوان لسه مش عارف يكرهه
ابتسمت بمرار لما افتكرت جملة نور عبدالمجيد
""مؤلم كثيرا ان تموت قصة حب كهذه لمجرد انه رغب في الزواج منها
"""
يومها وانا بقرا مفهمتش ازاي ترفضه وهي بتحبه مكنتش عارفه احدد هي بتفكر ازاي لكن دلوقت فهمت فهمت ان الاهانه ممكن تكون متغلفه بحبيبات سكر
غمضت عيني وانا بتنهد قبل ما ادخل البيت
كل يوم بدخل البيت اللي مش عارفه لو مكنوش خدوني كنت روحت فين
لما كنت اهلي ماتو في حادثه وانا صغيره ومعرفش ايه وداني ملجأ ومكنتش اعرف يعني ايه ملجأ كبرت وفهمت كانت امال وعيلتها بيجو كل فتره انا وامال اتصاحبنا كنت بستناها تيجي علشان محسش نفسي لوحدي ولما كبرت والمفروض اني خلصت ثانوي كان المفروض اخرج وانا معنديش مكان اروحه ولا فاكره عنوان بيتنا القديم ولا عارفه هخرج من المكان دا هروح فين ف عيلة امال خدوني عندهم او بمعني صحيح اتبنوني """"