حكاوي ست الحسن💙🌍

_ مش ياله بقا يا نور الدنيا بدات تليل لازم نمشي
"" مكنتش سامعاه كنت بفكر في اللي حببني في المكان دا وسابني ...المكان دا اقرب مكان لقلبي كنت زمان قبل ما اعرفه بجيه علشان هادي وعلي البحر مريح للاعصاب انا بطبعي شخص كتوم مش هقول باجي احكي للبحر وكلام الافلام بس كنت بحس براحه علي الاقل لحد ما قابلته كنت قاعده علي البحر بكتب شيت للكليه ليا انا وامل لانها كانت مسافره البلد  ...اه انا مغتربه تليفوني رن وانا بكتبه
_ الست هانم اللي نزلت تاكل اكل امها وسايباني احل شيتات لوحدي
_ قلب امل ..عقل امل
_ ايوا ثبتيني بقا ....يابت مية مره اقولك احنا صحاب الكلام الحونين بتاعك دا تقوليه للكائن اللي هيجي يتجوزك ربنا يوصله بالسلامه يعني لان رحلته لزحل طولت اوي
_ امل بضحك: عمرك ما هتفشلي في انك تموتني من الضحك يا نور والله وحشتيني وبعدين شيتات ايه انتي كمان دانتي خطك معفن دانت لو سلميته بخطك دا هنتمينص اصلا
_ باااااس انا اقفل في وشك لا تقوليلي خطك ولا كليه ولا هباب اانا اصلا مش وش علام ويلا غوري بقا خليني اخلص البتاع دا ولما اروح هكلمك
_ انتي برضو نزلتي تقعدي هناك
_ لااله الا الله يعني اعمل شيت وفي السكن كمان هي ناقصه خانقه يالا يا بت روحي كلي ولا جهزي شنطتك علشان متتاخريش بكره خليني اخلص البتاع دا سلام
_ سلام يا قمرز
قفلت معاها وحطيت الهاند فري وكملت حل في الشيت
شويه وبدات احس ان في حد مركز معايا بصيت قدامي
لقيت واحد اعد ماسك كتاب بس بيبصلي الغريب اني حتي بعد ما رفعت عيني ومنزلش عينه وفضل بااصصلي لا ماهو مش علشان عيونك عسلي  واسمراني تعمل كدا
نزلت عيني وحاولت اكمل الشيت اللي مش ناوي يخلص في يومه دا بس معرفتش
انا في العاده مبحبش حد يبصلي وانا بكلمه بتلغبط ويتحرج مابال بقا الاسمراني القمرز اللي اعد دا
لميت الكتب والورق وحطيتهم في شنطتي بسرعه ومشيت
فضلت طول الطريق افكر في عيونه ...ايدا نور احنا هنخيب ولا ايه
روحت وللاسف اضطريت اكمل الشيت في السكن وتاني يوم سلمته وحضرت محاضراتي ..وكويس ان اخر محاضره اتلغت علشان الدكتور سافر 
هروح اجيب امل من المحطه زمانها محتاسه
كلمت امل وقالتلي انها فعلا محتاسه وقولتها تستناني واني هروحلها بسرعه
كنت خارجه بجري من الكليه علشان عارفه اني امل لما مبتعرفش تتصرف بتعيط وممكن تلم الدنيا حوليها
لمحته واقف مع حد بيتكلم معاه ...ايدا انا بيجيلي تهيأت ولا ايه
مهتمتش روحت جبت امل اللي كانت مدمعه وسيكه كمان وهتعيط حضتنتها جامد لانها فعلا وحشتني وروحنا اكلنا واعدت ارغي مع امل كتييير ونمنت بس معرفش  ليه محكتلهاش عن الاسمراني ابو عيون عسلي يمكن علشان مفيش حاجه احكيها اصلا بس ما علينا
تاني يوم دخلنا عميد االكليه وقالنا ان دكتور ياسر سافر وان اللي هيكمل الكورس مكانه دكتور شهاب مهمتمش اوي
اهي كلها بلاوي بتتحدف علينا
واحنا خارجين من الكليه كنت دايخه جدا من الصبح للساعه 5 في الجامعه من غير اكل وانا اصلا ضغطي واطي في الطبيعي يعني
مش فاكره ايه حصل صحيت لقيت نفسي في المستشفي وامل اعده جمبي
_ امل انا فين
_ نور حمدالله علي السلامه حاسه بايه دلوقت انا كويسه دايخه شويه بس ايه اللي حصل
اغمي عليكي  ودكتور الجديد دا شالك وجبناكي هنا
هو كان واقف هنا من شويه خرج يسال الدكتور  هتفوقي امته
طب ياله انا بقيت كويسه لازم نمشي
_ اهدي بس تروحي فين مش لما الدكتور يشوفك
_ امل الله يخليكي انتي عارفه اني مبكرهش اد المستشفيات
وفعلا خرجنا من غير ما نقول لحد ورجعت البيت وامل فضلت معايا تاكلني وتهتم بيا ودلعني بقا وكدا واخدتها حجه منزلتش الكليه الاسبوع دا
بس واحده زميلتنا رنت علي امل وكان لازم تنزل تجيب مذكرات مهمه من مكتبه الكليه
_ امل نزلت واتاخرت وانا بزهق من الاعده لوحدي في البيت
لبست ونزلت الممشى المكان اللي علي بحر وبحبه كنا المغرب تقريبا
في مكان بحب اعد فيه كل مره لما وصلت كان فيه ولدين اعدين فيه فضلت واقفه علي مسافه شويه لحد ما يقومو علشان اعد مكاني
وفعلا بعد ما مشيو روحت اعدت
طلبت عصير برتقال علشان بحبه
وحطيت الهاند فري وشغلت مزيكا وسرحت في صوت الست وهي بتقول كان لك معايا احمل حكايه في العمر كله
الدنيا بدات تضلم جيت علشان اقوم لقيت حد اعد جمبي
هو مش حد الحقيقه هو نفسه ابو عيون عسلي
_ حضرتك ...انا ...انت هنا من امته وبتعمل ايه انت مين ومين سمحلك تقعد هنا
_ مبصليش كان باصص للبحر قدامه وبكل برود قالي
اظن ان دا ممشي عام مش بتاعك لوحدك ..وبعدين بصلي عيونه حلو ...هو كله حلو من قريب اتلغبط في الكلام وعيوني هتبدا تتدمع اهي بقا
_ انا اسفه ..انا ..انا بعتذر ليه ..انا ماشيه
كنت ماشيه بسرعه ومش شايفه قدامي بدات تحس بدوخه لان كنت ساكنه وبعدين اتحركت بسرعه فجاه
كنت هقع وانا بعدي الشارع لقيت حد ساندني فضلت لثواني الدنيا سودا ومش شايفه قدامي وبعدين ريحه البيرفيوم بتاعته فوقتني هو الاسمراني
_ انتي كويسه..
_ بعدت عنه بسرعه ايوا كويسه شكرا بعد اذنك
ركبت تاكسي ومشيت
رجعت السكن لقيت امل رجعت وهزقتني علشان رنت كتير وتليفون صامت مسمعتوش
نزلنا الكليه تاني يوم
_ نور عارفه دكتور شهاب بيقولو طلع قمرز ومش كبير ودمه خفيف بس عنده عقده ان حد يدخل بعده فياله بسرعه علشان هنتاخر
_ ادخلي انتي احجزي مكان وانا هروح بسرعه اجيب عصير علشان محاضره الاناتومي بتطول
_ ماشي بس بسرعه
_ حاضر
"" جبت العصير وكنت ماشيه بسرعه
اوبس انا اسف..
_ انت
_ احم انا اسف مخدتش بالي
_ مخدش بالك ايه بس حرام عليك العصير وقع عليا ولسه هروح الحمام اغسله واتاخر علي المحاضره ومش هدخل هي ناقصه
كنت بقول كدا وانا ماشيه وسبته ومشيت
دخلت الحمام حاولت تشيل بقع العصير بسرعه
وجريت علشان المحاضره الدكتور كان دخل
قولت هجرب حظي مبصتش للدكتور ودخلت من الباب اللي ورا وبدات اتسحب كان ضهره ليه بيظبط حاجه في اللاب بتاعه
جريت اعدت جمب امل
_ ايدا دخلتي ازاي  واتاخرتي ليه
بعدين هحكيله ...هو شرح الحمد لله مشفينش
لا لسه
خدي نفسك فين العصير...
_ وقع بعدين هحكيلك
لف وشه وياريته ما لف دكتور شهاب هو نفسه الاسمراني ابو عيون عسلي
من الصدمته فضلت بصاله محركتش عيني هو تقريبا خدت باله مني فابتسم
ايدا احنا متفقناش علي كدا
بدا يشرح وانا مش مركزه في اي حاجه غير فيه هو
دمه طلع خفيف فعلا وقمرز والبنات بتسال وشبه بتعاكسه الغريبه انو مبيصدهمش
اتعصبت جدا ...ايدا انا مش متعصبه ما هو حر انا مالي انا معرفوش
لما خرجنا حكيت لامل كل حاجه من الاول
_ امل بضحك وانتي متعصبه ليه من البنات انتي وقعتي ولا ايه
_ بس يا هبله انتي انا مالي انا
_ نور علي فكره هو دا الدكتور الجديد اللي وداكي المستشفي
_ ايه
_ انسه نور .
لفيت لقيت دكتور شهاب بتاع البنات اللي سايبهم يسالوه اساله ملهاش علاقه بالمحاضره وبيرد وهو ابتسامته من الودن للودن
_ احم ...خير يا دكتور حضرتك عايزني في حاجه
_  ايوا ياريت تحصليني علي مكتبي
ومشي وسابني ابص للاشئ مزبهله
_ نور ...نور ....نوووووور
_ ايه يا بغله انتي  طرشتيني
_ دكتور شهاب قاله تحصليه ...مش هتروحي
_ لامش راحه ...خلي البنات تروحله هيا
انا مبروحش لحد مكتبه انا
_ يانور اخذي الشيطان احنا سمعنا انو عصبي جدا
_ علي نفسه ياله نروح ...انا عايزه انام
_ روحنا بس معرفتش انام ضحكته حلوه اوي ..بس مش محترم وبيسيب البنات تعاكسه ومبسوط قوي شكه في قلبك
ايدا وانا مالي انا ماهو حر .
_ حبيتيه يانور ولا ايه
_ امل انتي لسه صاحيه
_ حبتيه
_ مش عارفه يامل ...بس مش عارفه اطلعه من تفكيري ابتسامته مبتروحش من بالي ولا نظرة عينيه ...مضايقه ليه من هزاره مع البنات ..وليه وداني المستشفي طب ليه فضل موجود مروحش ليه وسابني
وليه مقاليش انو هو اللي وداني المستشفي وعايز مني ايه مش فاهمه حاجه
_ حبتيه يا نور لمعه عينك ولخبطك في الكلام بتقول حبتيه او هتحبيه او معجبه بيه ايهما اقرب
_ ايه اللي نتي بتقوليه دا مش هيحصل ...انا مش فاضيه للحب والكلام دا ...دا دكتوري وبس
اقولك مش هحضر محاضرات ليه تاني ...وانتي تبقي تعرفيني ...وكدا كدا دكتور احمد هو اللي بيدينا سكشن الماده  هحضر السكشن كدا احسن انا مش عايزه اشوفه تاني
_ امل بضحك خايفه تحبيه والله
_ ايوا خايفه احبه ...امل دا دكتور وشكله بتاع بنات وانا قلبي مش حمل وجع
ياله تصحبي علي خير
_ نمت فضلت اسبوعين محاضرش محاضراته واحضر السكاشن بس
_ انسه امل
_ احم ايوا يا دكتور
_ هي صاحبتك نور  فين
_ موجوده بتحضر السكاشن بس
_ ليه هي تعبانه ولا حاجه
_ لا يا دكتور بس هي مبتحبش تحضر محاضرات
_ طيب تمام عن اذنك
_ بت يانور اسكتي متعرفيش ايه اللي حصل
_ ايه
_ مش دكتور شهاب سالني عليكي
وقولتلو انك بتحضري شكاسن بس ومش بتحبي المحاضرات
_ كويس ...بس هو عايز ايه....ايه مش مكفيه البنات اللي كل يوم والتاني واقفه حواليه بعد المحاضره
_ وانتي بقا عرفتي مينين يا ست نور انتي بتراقبيه
"" انا ابدا انا بس شفته صدفه وانا بجيب عصير قبل السكشن
_ امم عليا برضو
طب ياله ياختي خلينا نروح انا تعبت
_ امل عايزه اروح الممشا اللي علي البحر
يانور انا جعانه مش قادره
_ هنجيب اكل وناكل هناك علي الاقل نشم هوا انا زهقانه
_ ماشي ياست ياله بس نروح ناكل الاول
ياله يا مزه
_ كفايه اكل يا بت هتنفجري
انا مش عارفه كل الاكل دا ومش باين عليكي
_ الله اكبر ...ياله والله مانا واكله
_ لا ياشيخه
_ طب ياله بينا ياختي
نزلنا الممشا وامل رحت تجبلنا عصير
اعدت في مكاني المعتاد البحر كان وحشني بقالي اكتر من اسبوعين مجتش هنا بحب المكان دا اوي مريح للاعصاب
بحس اني بتنهد ريحه البحر
_ نور
_  دكتور شهاب....
بتعملي ايه هنا
_ انا...كنت هتكلم بس افتكرته والبنات حواليه
يعني ايه بعمل ايه هنا هو حرام اشم اهو وبعديت الممشا دا عام مش بتاعك لوحدك
_ ابتسم ...كان حلو ...هو ازاي حد ممكن بخطف حد بضحتكه...ازاي عنيه حلوه كدا
حلو اوي احلي من صوت البحر واحلي من احلي حاجه حصلتلي في حياتي
_ طيب ياستي متزعليش انا مكنتش اقصد اكلمك كدا انا بس كنت متعصب انك سبتي المستفشي من غير ما تقولي
_ انا مكنتش اعرف ....انا مبحبش المستشفي انت ليه ودتني وليه فضلت موجود
_ بصلي بصه طويله مفهمتهاش وبعدين قالي مجتيش ليه وريا يومها
_ انا مبروحش لحد مكتبه ...انا جايه الكليه اتعلم مش جايه اضحك واهزر مع الدكاتره ومبروحش لحد مكتبه بعد اذنك
_استني يانور ....بصي انا عارف انك شايفاني بتاع بنات بس انا مش وحش كدا يانور انا معرفش بقولك كدا ليه انا اتشديت ليكي من اول يوم شفتك فيه هنا
وبقيت اجي كل يوم اشوفك ومعرفش ليه
لما طلبتك في المكتب كنت عايز اعتزرلك عن العصير اللي وقعته عليكي وكنت عايز اديكي دي
وقعت منك
وياريت تحضري المحاضرات  علشان مهمه وبجيب منها في الامتحان ...بعد اذنك
مش وسابني تايهه
انا قلبي بيدق بسرعه ليه دلوقت ...طب هو انا حاسه اني مضايقه اني اتكلمت معاه وحش وليه حاساه موجوع وهو بيتكلم ياربببي...فتحت النوت بتاعني اللي ادهاني
احيييييه يا نهار اسود هو قرأ اللي فيها ..لا مستحيل
امل جت وحكتلها اللي حصل وروحنا
_ مش عارفه اقولك ايه يا نور بس هو مش وحش اوي كدا علشان تعامليه وحش وتهربي منه
_ ياامل افهميني انا مش بهرب منه انا بهرب من نفسي والله انا مره كمان وهحبه
_ امل بضحك هو انتي لسه هتحبيه .....ما علينا.بس وفيها ايه لو حبتيه ماهو كمان شكله معجب بيكي والا مش هيعمل  كدا انا وانتي عارفين ان مفيش دكتور بيهتم بطالبه كدا
_ هسبها لله بقا ...ربنا يقدم اللي فيه الخير
_ طب ياله ننام علشان بكره في كويز لدكتور شهاب ولازم تحضري
_ حاضر ياختي حاضر
_ تاني يوم نزلت الكليه وحضرت الكويز متجرئتش ارفع عيني فيه ...كنت خايفه يكون قرا النوت انا حتي امل اقرب حد ليا مش بخليها تقرا حاجه من اللي بكتبها
_ جه وقف جمبي
نور الامتحان عامل ايه
_ اتوترت ومعرفتش ارد هزيت راسي وهو حسيته ضحك ومشي
بعد الامتحان  كنت هموت وهيجرالي حاجه لو معرفتش هو قرا ولا لا مانا مش هفضل اعده في الخوف دا كتير
خبطت علي المكتب
ادخل
_ دكتور  شهاب
_ قام وقف قدامي خير يا نور في حاجه اتفضلي
_ دخلت قعدت وهو قعد قدامي
_ شوف يا دكتور انا مش عارفه انام ولا اركز في حاجه انا عندي لحضرتك سؤال لازم اعرف اجابته
_ اتفضلي
_ انت قريت النوت بتاعتي.
سكت وبعين بصلي وبتسم
تقصدي اللي بتكتبي فيها خواطرك
زي.." يبدو اني احببته منذ رايت اندماج العسل بالشيكولاته في عينه""" ولا تقصدي
ابتسامته كطلوع الفجر الاول بعد حفله بكاء مرير
لا الحقيقه مقراتهاش
_ نور انتي بتعيطي
_ نور طب اهدي ....طب والله انا مقصدش  انا اسف
_ بعد اذن حضرتك
مشيت ومحضرتش ليه محاضرات تاني
كنت بروح الممشا علي البحر واشوفه من بعيد لما بيوحشني خليني اعترف لنفسي اني حبيته ...وانه اتغير معدتش بيسمح للبنات تضحك معاه
_ كانت وحشاني اوي انا معرفش تفرق ايه عن غيرها جايز بسطتها وبرءتها جايز ضحكتها اللي بتخلع قلبي من مكانه
ولا لغبطتها في الكلام اللي بتخلين اسرح فيها
انا حتي بقيت اكره كل البنات سوها
معقول اكون حبيتها
_ شكله كان اعد سرحان بصيتله شويه ومشيت
_ كنت بلف وشي والدنيا فجاه بقت سودا ووقعت
فوقت لقيتني في المستشفي برضو
بس كان هو اعد ماسك ايدي كان بيتكلم بس كنت حاسه انه صوته بعيد
او ما بدات الصوره توضح قدامي
_ دكتور شهاب ..ااانا فين وجيت هنا ازاي
_ ضغطك وطى ووقعتي وانا خارج من الممشا شوفتك وانتي بتقعي وجبتك هنا حاسه بايه دلوقت
_ انا دايخه اوي ....
من قله الاكل وضغط الواطي .لما المحلول يخلص هتبقي كويسه
_ اول مره اخد بالي انه ماسك ايدي حاولت اشيلها منه
شكرا يا دكتور تقدر تروح مش حابه اتعبك انا بقيت كويسه وهتصل بامل تيجي تروحني
_ اياك تحاولي تبعدي ايدك عني تاني ....انا بقالي شهر عايز اشوفك مش عارف
نور انا بحبك ..مش عارف حصل امته وازاي بس بحبك وكنتي وحشاني اوي انا لما شوفتك وانت بتقعي قلبي وقع معاكي كان  نفسي اخدك في حضني ومش عارف
انا طول عمري بتاع بنات بس من اول مره شفتك وانا قلبي مبقاش معايا بقا معاكي انتي
نور تتجوزيني
_ طب بتعيطي ليه دلوقت
_ انا كمان كنت عايزه اشوفك انا كنت النهارده في الممشي علشان اشوفك مكنتش بحضر علشان متعلقش بيك اكتر
بس انا كنت حبيتك من اول مره شفتك علي البحر انا كمان بحبك
واتخطبنا انا وشهاب عشت معاه اجمل سنه في عمري كان بيحبني اوي وبيخاف عليا جدا كان بيجبني علي البحر كل يوم ويحكيلي عنه اكتر وازاي بيحبني كان بيحكيلي عن طفولته اللي بتموتني من الضحك كان دايما بيقولي اني لما كنت بوحشه كان بيجي الممشا علي امل يشوفني
كان بيغير علياجدااااا بس كمان كان بيثق فيا صوته طلع حلو اووووي زي ضحكته كانت لما اضايق كات يغنيلي بصوته
الحقيقه كنت شايفه اد ايه اتغير علشاني
وفي يوم كنا رايحين الممشا واقالي انو هيجيب عصير ليا
اتاخر اوي
قومت اشوفه اتاخر ليه
رجعت لقيته واقع علي الارض وفي دم كتير حواليه
شهااااااااااااااااااااب
_ نور ....يانور انتي روحتي فين كل دا بقالي ساعه بكلمك
_ مسحت دموعي ابدا يا امل كنتي بتقولي ايه
يانور شهاب مات من سنتين وانتي لسه مش قادره تنسي كل يوم بتيجي نفس المكان تسرحي لوحدك
لازم تنسي بقا يانور شهاب الله يرحمه  وانتي لازم تكملي حياتك
_ انا حياتي وقفت من يوم ما سابني ...طب ليه علقني بيه كدا وسابني انا كنت مبسوطه وانا لوحدي
ليه يجي يغير حياتي وبعدين يمشي ويسبني انا والله حاولت انسا مش قادره
كل حاجه بتفكرني بيه البحر والممشا الكليه والشوراع الاكل والمطاعم كل حاجه انا ماليش حياه بعده يا امل حياتي معدتش ليها لازمه
_ حضتني واعدنا نعيط سوا قلبي واجعني اوي شهاب من زمان مجاليش في الحلم يا امل هو نساني ولا ايه...حتي الحلم بخلان عليا بيه يامل حاسه اني روحي ضايعه مني
ادعيله يا حببتي
_ ياله نمشي
استني عايزه اجيب عصير
_ خليكي يا نور وانا اروح انا
_ ايه يابنتي انا صحيح عيوطه وزعلانه  بس مش للدرجه دي ...المحل اهو ثواني
_ كنت بعدي الطريق وسرحت في المكان اللي وقع فيه شهاب من سنيتين
نور حاسبي ....نووووووووور
_ امل بعياط ...نور  فتحي عنيكي يا نور الاسعاف زمانها جايه
شهاب يا امل ...انا شفت شهاب كان بيضحكلي وبيمدلي ايده
وحشني اوي يامل انا دلوقت حاسه اني روحي رجعتلي تاني انا راحه لشهاب
انا كنت عارفه انه مهونش عليه يسبني هنا لوحدي من غيرره الدنيا ملهاش لازمه بعديه
طب وانا يانور هتسبيني وتمشي هعيش لوحدي من غيرك
يكره تحبي وصدقيني هتعرفي يعني ايه روح متعلقه بحد خلي بالك من نفسك واوعي تنسيني احكي لولادك عني يامل وعن شهاب وانا هبقا اطمن عليكي هجيلك في الحلم زي ما شهاب كان بيجلي
نووووووووووور لا حرام عليكي  متسبنيش يا نوووووور

# تمت
_hasnaa