حكاوي ست الحسن💙🌍

‏"إنه من النوع الذي لا يرفع صوته، ولا يُظهر غضبه، ولا يؤذي أحدًا بكلمة، شخصٌ لا يعرف الفضول ولا الأسئلة، حديثه خجولٌ ومُختصَر، إنه من ذلك النوع الفريد، ذلك الذي يظنونه ضعيفًا.. لأن قلبه حنونٌ جدًا، لكنه حين يقرِّر قرارًا.. لا يمكن لأي قوة في العالم أن تقف أمامه.."

_ هتموتي مشنوقه من تعذيبك لنفسك دا
_ يامال
_ بلا امال بلا بتاع بقا انتي بتجلدي نفسك ليه فهميني وازاي قادره تسكتي وعندك قوة تقراي رسايل جوزك لمراته
_ المتوفيه
_ عايزه تفهميني انك مبتغريش حتي لو ميته مبتغيرش من حبه ليها طب اتجوزك ليه لما هو لسه عايش علي اطلال مراته
_ ياامال وانا كنت اطول اتجوز احمد دا حلمي
_ يالله اخبط دماغي في الحيطه منك يا حسناء
دانتي الف مين يتمناكي
_ بس انا بحبه هو
_ كان يوم اسود ومغيم يوم ما عملتي ام الدبلومه يوم ما قررنا نكمل تعليم ياشيخه
_ ضحكت طب بالله مش دكتور شاطر
_ دا قليل الذوق
_ بس بحبه وبعدين لمي لسانك بقا دا جوزي في الاول والاخر
_ اتوكسي ال يعني بيعتبرك مراته دانتي اتنازلتي علي الفرح حسناء والله ما في حد يستاهل حبك دا والله ما يستاهل
_ هو احنا بنحكم علي قلبنا يختار مين يامال
_ ربنا يخلعه من قلبك يا حسناء
_ ربنا يريح قلبه
_ ياشيخه ربنا ياخدك
هروح بقا علشان اعمله الاكل
_ روحي ياختي روحي بكره يوجعك اكتر انا مش عارفه عليكي بايه دا كله
_ سلام يا امول اشوفك بكره
رجعت البيت قبله محضرتش اخر محاضره اللي هي محضرته بهرب جايز لكني مش قادره اشوف جوزي وهو واقف بيشرح بكل وسامته ورقيه دا ومقعش في حبه للمره الالف بعد المليون
كان عندها حق امال كان يوم غير مبارك لما قررت اعمل دبلومه في الادب
كنت حابه اكسر الملل فكسرت قلبي بنفسي
انا جارح نفسي بارادتي علي راي عمرو
هو غامض بطريقه بتتعبني انا بس بكره غموضه غموضه بس والله اللي بكرهه
بكره احساس اني غريبه عنه طب اتجوزني ليه راجل زي احمد مستحيل يكون اتجوز تاني علشان خاطر امه عايزه كدا هو مش صغير لكنه دايما شايفني انا صغيره ودا بيعصبني مش ذنبي ان ملامحي طفوليه ومش ذنبي اني مبعرفش الون وشي زي للبنات
جايز شكلي صغير لكن قلبي كبير وبيعرف يحب وبيتوجع
عملت المكرونه باشميل اللي هو مبيحبهاش او مبقاش بيحبها او مش عايز ومش عارف ياكلها من ايد حد غيرها
انا نفسي بستغرب من نفسي من فضولي ومن قوتي اللي مخلياني اشوف رسايل جوزي لواحده تانيه
قلبي اتنفض لما سمعت تكة مفتاحه في الباب
فخرجت بسرعه من المطبخ
_ جيتي امته
_ مش ساعه كدا احضرلك الاكل
_ ياريت
_ كنت كاتمه ضحكتي من ملامحه لما شاف المكرونه بشاميل اللي عملتها
امبارح بس عرفت او شفت في جواب ليه انه مكلهاش من وقت ما ماتت
_ احم اجبلك ببسي
_ لا شكرا
_ اتردد لثواني بعدين اكل
من الحاجات اللي بتستفزني في احمد بروده يالله علي بروده هيجبلي جلطه
_ بصتله باحباط
_ وحشه
_ لا كويسه تسلم ايدك
_ بصيت في طبقي باحباط معرفش كنت مستنيه ايه بالظبط بس رد فعله كانت اهدي من شغفي وانا بعملها بكل حب من ابشع الحاجات اللي ممكن يعملها الانسان في اخوه الانسان انه يقابل شغفه بالبرود
انا بنطفي معاه ومش قادره اسيبه
زي اللي عندها ورم وجعها لدرجة الموت بس مش قادره تتخيل سحبة الروح اللي هتحصلها لو شالته من جوها  انا اللي بجيبه لنفسي والله
_ خلص اكل ودخل اوضة مكتبه زي كل يوم كالعاده
جبت طبق رمان اشتكيله همي ودخلت اعد في البلكونه كالعاده برضو
لوو حد كان قالي قبل ما اتجوزه ان حياتنا هتبقا بالملل والفتور دا مكنتش وافقت والله كان احسن عندي احبه من بعيد وخلاص عارفه انه كان بيحبها بس انا كمان من حقي اتحب او علي الاقل يحاول يحبني والله كنت هرضي لو كان بس حاول
"" لاحظ إلى أيّ حالة بائسة أوصلتني؛ إنّكَ تسكن تلكَ المخابئ الأكثر عُمقًا داخل روحي، حتّى أنّني لا أعرف من أين أهاجمك..
العصفوره اللي وقفت علي سور البلكونه كانت حلوه لكنها حزينه عندي عطف غير طبيعي تجاه العصافير من الحاجات اللي توجعني انه عقلي الصغير مش قادر يستوعب ان حد يكون موجوع وحزين ومش قادر يتكلم مش عارف يعبر ومفيش حد هيفهمه جناحها كان مكسور وبتحاول تطير معرفتش كنت بحاول اقرب منها علشان اشوف مالها فطارت او وقعت ومعرفتش تطير وهي مكسوره وقعت علي الارض من الدور الرابع
_ حسناء كنت..
_ قلبي بيقع  بين ايديه كل مره بينطق فيها اسمي لكن المره دي قلبي وقع من ضعفي اللي شافه من دموعي اللي مبحبش حد يشوفها
مالك في ايه انتي بتعيطي ليه
وايه اللي في ايدك دا
_ بصتله بدموع دا رمان
_ ضحك واعد قدامي علي الارض
_ طب بتعيطي ليه
_ بصيت للارض بخزي هو اخر واحد كنت اتمني يشوف دموعي ضعفي انا طاقتي بتخلص ومش قادره اتكلم
اخد المعلقه واكل من الرمان رفع حاجبه ماهو مسكر جدا اهو ايه بقا
_ ابتسمت
_ العصفوره ماتت
_ عصفورة ايه
_ كانت جناحها مكسور ومعرفتش تطير لما حاولت اقرب علشان اعالجها بعدت وقعت وماتت
_ مكنش ينفع تقربي منها
_ كنت هعالجها
_ واديكي معرفتيش
_ انا ملحقتش هي مدتنيش فرصه وبعدت ماتت
في جروح لازم تتساب كدا
لو لمستيها هتنزف هتوجع اكتر او يمكن هي خافت تزودي جرحها او تحبسيها
_ دموعي نزلت بقهر اللي وجعني اصعب من موتها انها مش قادره تعبر عن وجعها مش عارفه تقول انها موجوعه
_ حط ايده علي شعري متزعليش ربنا اعدل من انه يظلمها
بس انا حاسه بالظلم اوي ياحمد اوي
_ ربنا يرحمها يارب
_ ضحك وانا قلبي دق اول مره اشوفه بيضحك كدا  اما بيضحك عيونه بتقفل شويه فرموشه هي اللي بتقفل عنيه سنانه صغيره والحقيقه مش عارفه ازاي راجل كبير كدا وسنانه لسه صغيره لما بيضحك بيبص لبعيد فبيسمحلي اشوفه علشان قلبي الحقير يقع في حبه من تاني
_ المكيدَة أن تلِدكِ أمّك ولا أَسمع بالخَبرِ إلّا بعد اثنان وعشرين سنه
ابتسمت بخجل وسكت احيه احمد بيقولي كلام حلو من الحاجات الحلوه اللي بيقراها
بصتله فلقيته لسه بيضحك
ومعرفش ليه رجعت عيطت تاني بس كانت نوبة عياط فزع من نفسي ومن الحال اللي وصلتله معاه انا بشحت حبه بشحت كلامه انا مستاهلش الوجع دا منه احساس بشع لما تحس انك محتاج تسمع حاجه معينه ومتتقالش تتقال بعد وقت انا قربت اكره واكره نفسي وقلبي اللي حبه ..سنه ياحمد داخلين علي سنه والنهارده لسه بشحت منك الكلام المشاعر الاهتمام
انا عايشه في بيت مش بتاعي مكتوب في كل جدار هنا اسمها محفور ذكرياتهم سوا اناا عده في بيتها مع راجل محفور اسمها في كل ركن في قلبه
انا ماليش مكان هنا حاسه اني دخيله واني غير مرغوب فيا يارب طب ماهو انا كنت بعيده مش هو اللي جه مش هو اللي طلب يتجوزني
بخاف اوي من نفسي من حالات انهياري اللي بتحصل فجاه
لما فتحت عيني حسيت لاول مره اني دفيانه مطمنه وفي امان لما فتحت عيني كانت عنيه قصادي شيش البلكونه مدخل كام شعاع شمس عامل ضوء هادي لكن كنت قادره اشوف عيونه كل مره ببص في عيونه قلبي بيوجعني وكان حلاوة عنيه بتقولي مش هتحبي راجل غيري مفيش راجل غيري عنيه ممكن تكون بالحلاوه دي
فوقت من تحديقي بيه وانا بشهق بصيت حوليا دي مش اوضتي ودا مش سريري انا دا سريرها ومعرفش ازاي اتحركت في لحظه وكان حاجه لسعتني كنت في اوضتي قفلت الباب واعدت وراه اعيط
انا بكره نفسي لما بضعف اخر حد نفضت وجعي قدامه كان امال كنا في اخر سنه في الكليه مشكلتي اني مبتكلمش لما بزعل
كحسناء ميتخافش مني غير لما اسكت مااما دايما تقول كدا بخاف لما تسكتي
لما بسكت عن الكلام في موضوع معين معناه اني وصله لاقصا درجات التحمل
لما بزعل من حد بسكت وبتجاهله وكانه مش موجود مبحبش اعد في مكان هو فيه حتي ولا اسمع صوته
لما بزعل من الدنيا بستخبي في اوضتي ولما نكون في الدراسه بستخبي في حضن امال اخر مره لما صحيت كنت نايمه علي سريرها لما فتحت عنيا كانت بتمسح علي شعري وبتعيط
فاتخضيت
_ في ايه
_ علشان خاطري انا وغلاوة امال عندك متشليش في نفسك تاني هتموتي يا حسناء والله العظيم هتموتي لو كملتي حياتك كدا
_ انا كويسه
_ انتي مش كويسه انتي مكنتيش بتعيطي امبارح انتي روحك كانت بتطلع والله علشان خاطري متشليش جواكي كدا انا مش عايزه اخسرك ابدا
_ متخافيش مش هتخسريني والله
فوقت علي صوت الباب بيخبط
_ انتي كويسه
_..
_ طب افتحي اطمن عليكي بس والله وهمشي
_ ياحسناء
اتحركت من مكاني بصعوبه فتحت التليفون بايد بتترعش وكملت امال
_ صباح الخير حسونه افندي
_ كنت بشهق بخوف
كنت خايفه منه ومن نفسي مش حاسه بحاجه غير اني عايزه امشي من هنا انا محبوسه سنه في قفص حبه هو حر يحبها براحته حتي لو ماتت بس ميوجعنيش كدا انا في وجع مبقتش قادره اقاومه
_ امال
_ بت في ايه مالك
_..
_ حسناء
في ايه هو ضربك ياحسنااااء
مش فاكره الساعات اللي بعد كدا عدت ازاي او ربما الايام
بس لما فتحت عيني شفت امال
زي اخر مره بتمسح علي شعري وبتعيط
اوقاات كتير ببقا عايزه اقول لامال ان عياطها راقي يعني انا مثلابعيط بفزع  زي العيال الصغيره بشهق وجع امال بتعيط بصمت والحقيقه اني  رغم اني بحب ملامحها الطفوليه وهي بتعيط بس مبحبش اشوفها بتعيط ابدا بخاف لما بشوفها بتعيط امال اقوي مني مليون درجه صحيح بيبان للناس العكس بس هي اقوي مني هي صبوره اكتر حنيته اكتر رقيقه اكتر
لكن امال بتتحول احيانا لو حد جه علي واحده فينا هي حرفيا بتاكله سنين الكليه كلها ضحك لكن اكتر وقت بضحك فيه من قلبي لما امال تتعصب منكرش اني اوقات كتير بحب استفزها لمجرد اني بحبها وهي متعصبه لما بتجيبلي حقي من اي حد زعلني ببقا عايزه احضنها واقولها شكرا انك هنا لكن ولا مره جاتلي الفرصه اقولها كدا
_ حمدلله علي السلامه
_ مسكت ايديها شكرا انك هنا
_ حضنتني كانت بتعيط بخوف
_ انا كويسه علي فكره ممتش
_ بس يا حيوانه
_ احمد فين يابنتي كلتيه ياامال كلتي جوزي
_ معرفش في انهي نصيبه شالله عنه ما رجع
_ هو الموضوع كان صعب المره دي
_ حسناء انتي كنتي بتموتي
_ ايه اللي حصل
_ لما وصلت كان هو اعد في الصالون دخلت اشوفك الباب كان مقفول من جوه وسامعه صوت انينك فخليته كسر الباب كنتي متكومه في الارض يا حسناء كنتي بتطلعي في الروح كنت حاسه اني...
_ حضنتها تاني لما عيطت صدقيني انا كويسه
_ انتي مش كويسه كنت حاسه انك خلاص رروحك بتطلع  انتي بقالك اسبوع في غيبوبه انتي لو وقعتي تاني هتموتي
_ جرا ايه يابنت هناء مالك مسكالي هتموتي هتموتي بتفولي عليا
_ شدتني من شعري اخرسي خالص فاهمه
_ خلقك بقا ضيق اوي علفكرا
_ انا معدتش فيا اعصاب منك لله
_ انا جعانه
_ وانا والله جعانه اوي
_ هشوف الدكتور واطلبلنا اكل بسرعه
_ ماشي
لما خرجت اتنهدت بتعب بصيت لسما من الشباك المفتوح
يالله الجميع في هذه المدينه يتالم
_ حمدلله علي السلامه
_ نفس الرعده الوقحه اللي بتحصلي كل ما صوته يقع علي قلبي
_ االله يسلمك
_ عامله ايه دلوقت
_ طيبه يا احمد
_ اعد قدامي وسكت
_ ليه
_ ليه ايه
_ مسك ايدي فارتبكت ليه كل الفزع دا ليه تتخنقي بالعياط انتي كنتي هتموتي مخنوقه
_ سحبت ايدي منه وكاني اتلسعت وسكت
انا زعلانه منه اد حبي ليه ومعرفش زعلانه منه ليه جايز كنت متعشمه يحبني وخذلني ولا خفت لما قرب خفت اخد امل ويتكسر املي فيه تاني انا عايزه اعيش ومعرفش هو بيسال سؤال هو اجابته طب اقوله ايه
اقوله اني كل يوم بدخل مكتبه اقرا جوابته ليها
لا اقوله اني بحبه من قبل ما يعرفني بسنتين
ولا اقوله انه ظالم واناني
واقوله انه مع كل حركه منه بيحسسني اني ولا حاجه وان هي كل حياته حتي لو مبقتش موجوده
وانه وصلني لدرجه بشحت فيها الحب منه واني قربت اكره نفسي واكره
_ متاكده انك مش عايزاني ابات معاكي
_ لا ياستي مش عايزه
_ يابت
_  عيب عليكي بقا في ايه
_ اهو انا كدا قلقت
_ ضحكت ياله يابت روحي وسلميلي علي هناء
_ هجيلك بكره
_ لا متجيش
_ وحياة امك
_ والله انا كويسه انزلي بس الجامعه شوفلنا ورق المحاضرات
_ كان يوم اسود يوم ما قررتي تدرسي ادب
انا ماشيه
_ خلي بالك من نفسك
دراستي للادب كانت ناتجه عن حبي للقراءه  بيقولو البنات بيوصلو لسن معين وبيحتاجو الحب الغزل وجود راجل في حياتهم لكني ابدا عمري  ما حسيت بدا كنت بقرا نيتشا واوستن كفاكا ودرويش والرفاعي غسان مريد البرغوثي اثير وغيرهم واحده زي قرات من الغزل والوصف حروف تشبع فالبنسبالي الكلام اللي ممكن اي راجل يقولو بعدهم هو مبتذل بالنسبالي انا لطالما كنت صعبه الارضاء هو كسر غروري ودا اكتر حاجه وجعاني منه
_ الباب كان مفتوح فمخبطش
_ ايه دا
_ اكل انتي ماكلتيش من الصبح
_ انا مش تعبانه علشان تجبلي الاكل في السرير
_ ياستي انا عايز كدا
_ وانا مش عايزه كدا مش بمزاجك تبقا بعيد وتقرب بمزاجك لازم تفهم انه مش كل حاجه بمزاجك العالم مش هيقف عليك ولا علي وجعك كنت اتوجع لوحدك اتجوزتني توجعني معاك ليه
_ اهدي يا حسناء
_ ابعد عني وملكش دعوه بيا بعدت عنه مسافه كافيه واديته ضهري كنت بتنفس بغضب لفيت تاني بص يا احمد انت اللي حطيت الطريق اللي هعايز تمشي عليه في العلاقه دي من غير ما تاخد راي اهتمامك دا دلوقت انا مش عايزاه انا دلوقت اللي عايزه ابقا لوحدي ممكن
_ "" ‏"هكذا تغادرُ النجدةُ، من دون أن تكون قد أنجدَتكَ"
متتخبيش حقيقة انانيتك في رسايل الادب يا دكتور
_ ابتسم بسخريه انتي خليتي فيها دكتور بقا
_ اعدت علي السرير بتعب ياريتك كنت فضلت مجرد دكتور ياريت في ايديا ارجع الزمن تاني مكنتش هبقا هنا دلوقت مكنتش هتوجع كدا
_ ندمانه انك واقفتي عليا
_ ندمانه اني فكرتك احسن من كدا انا كنت رسماك حاجه وطلعت حاجه تانيه
الظاهر انه فعلا كل ما بنقرب من الحاجه بتبهت بنلاحظ البقع الخيوط والتفاصيل اللي بتطفي لمعتها
_ كلي يا حسناء ونامي
سابني وخرج
بطريقه ما يخيطنا الحب بنسيج واحد من الوجع بطريقة ما يجمعنا الليل في حفلات من الخيبه ,الوحده والارهاق الشديد
من وقت ما طلعت من المستشفي تلات ايام مشتفوش ورغم انه وحشني حد الوجع الا ان جزء من قلبي مش عايز يشوفه
"كان هناك خوف متوحِّش يدفعها للإختباء ولم تكن تستطيع حماية نفسها ولم تكن ترغب في ذلك"
مش عارفه كنت بستخبي منه ولا من نفسي ولا من باب الوجع اللي هيتفتح لو شفت عنيه
انا مبقتش عارفه عايزه ايه
انا مش قليله علشان اقبل قلبه شحاته مش عايزه حاجه اخدها عطف لمجرد احساس بالذنب انه بيظلمني انا مش ضعيفه ولا ساذجه انا عارفه قيمة نفسي كويس جدا انا بس كان نفسي هو يعرفها صعبان عليا اسيبه عارفه اني لو مشيت هيدفن نفسه في مكتبه يقرا لحد ما يموت فيه والدنيا مش هتزعل عليه لو سابها انا اللي قلبي هيزعل انا كنت عايزاه يعيش يعرف قيمة المرأه اللي في حياته ويسبلي ولو جزء من قلبه ساعات كتير بسال نفسي هو في حد في الدنيا بيموت فعلا بعد موت احدهم  معرفش بس اللي اعرفه انه بيغلط في حقي وعارفه نفسي هوصل لمرحله هضطرده فيها من دنيتي بلا رجعه انا بس خايفه عليه من نفسي لما هقسي
الاعتذارات المتاخره البارده لا يعول عليها
كافكا في اخر رسايله لميلينا كان الحب سممه تمام خلاص فكتبلها
كأن بأمكاننا أصلاح الأمور
ان تكوني انتِ الطرف الأفضل وتتنازلي قليلآ !
انا الأن من دون روح من دون أحساس ومن دون اي شي !
لم أشعر يومآ أنني بحاجة احد كما اشعر الأن صدقيني ياميلينا انتي روعة الأشياء البائسة !
وانتي الحياة لكل جذوري اليابسة،!
افتقدك كثيرآ ،
أكثر من ما تخيلتُ بأن الفقد مؤلم !ما الفائدة من اغلاقكِ للابواب
ان كانت روحي  عالقه على جدران بيتك؟!انتي الان تُزيدين البُعد شوقآ ..افتقدك 
لما بقرا بنسي العالم وبعيش في الحروف
_ اتخضيت لما انتبهت للساعه كان فاضل نص ساعه ويوصل فاخرجت بسرعه احضرله الاكل
_كنت بحاول اخلص بسرعه علشان ادخل اوضتي تاني زي كل يوم ملحقتش
معرفش ازاي مسمعتش صوت دخوله
_ مساء الخير
_ شهقت بخضه احمد.. ايدا مالك
_ مفيش انا كويس
_ كويس ايه انت وشك اصفر وعنيك حمرا خالص ومش قادر تقف
_ روحت ناحيته بسرعه مسكت ايده تعالي اعد
_ مالك
_ انا كويس
_ بصيت للسما بنفاذ صبر يابني الله يرضي عليك متختبرش صبري
_ ابنك ومتختبرش صبري هو مين فينا الكبير
_ ياحمد مش وقت فلسفه
_ خرجتي من مخبأك ليه
_ بصتله بغيظ مكنتش مستخبيه
_ يا ياراجل
_ اه
_ سند راسه علي كتفي انا تعبان
نبره صوته , نفسه علي رقبتي وقربه المباغت خلاني ثبت مكاني بلعت ريقي ببطئ
_ احمد
_ ..
_ احمد
_ امم
_ قوم نام جوه
_ لا انا مرتاح كدا
_ مرتاح ايه هتنام وانت اعد قوم بس تعالي
_..
_ مش هتغير هدومك
_ تؤ
_ طيب مش جعان
_ لا
_ طب خلاص نام دلوقت
_ غطيته وكنت بتحرك فمسك ايدي
_ خليكي
_ مينفعش دا مش مكاني
_ حسناء انا جوزك
_ انت عرفت دا متاخر اوي امنت بيه لما انا كفرت بحقيقته
_ خليكي لحد ماانام بس بالله
_ اتنهدت حاضر
كنت اعده جمبه بمسح علي شعره بهدوء نفسي وقف لما دفن وشه في رقبتي
_ احمد
_ هو انا كنت بنام ازاي قبل كدا
_ ازاي يعني
_ كان صوت ناعس وهو بيقول تشعر بأنك تريد النوم للابد
  تشعر وكأنهُ اول رشفه من الخمر بعد ان تعبر الصحراء
_ ياحمد
_ حسناء انا عايزه انام والله
_ طيب نام
هو شكله مرهق تعبان او حزين مش عارفه بس هو ضعيف او حتي مبقاش عنده طاقه هو كمان
انا مبقتش عارفه قلبي وجعني منه ولا عليه مبقتش عارفه حاجه
كل اللي اعرفه اني مش عايزه اشوفه موجوع ابدا عايزاه يضحك ويفضل مبسوط  اتمني لو يصحا بيحبني او يصحا كويس ينسلخ من الماضي من وجعه ومن السواد اللي هو فيه اتمني بس يارب يحبني
كفاكا كان بيقول
‏لا أستطيع أن أتحرك ولا أن أعود أدراجي، وكان أول الطريق قد ضاع
انا بسال نفسي كتير انا كنت عايشه ازاي قبل ما اقابله وبستغرب جدا من الموضوع دا اكتشفت انه شعور عند ناس كتير لما حد يدخل حياتنا نتعلق بيه ويمشي بندبل وبنتوه ليه وبنسال نفسنا هو صحيح كنا عايشين ازاي قبل ما يجي .
لما راح في النوم قمت قفلت الباب بهدوء وخرجت
دخلت مكتبه من زمان مدخلتش هنا
انا بحب حروفه بحب كل قصاقيص الورق اللي هو بيكتبها من الكتب اللي بتعجبه
كان في كتاب مقفول لكن ظاهر منه ورقه مبحرمش انا عارفه والله اني مش بحرم انا غالبا اتعود علي الوجع بقينا انا وهو صحاب نا خايفه اكون حبيت الوجع لمجرد انه منه
اعتقد انه كان رساله لغسان
"في أعماقي أعرف
أننى حين أراكِ سأتكوم أمامك مثل قط أليف يرتعش من الخوف.. فلماذا أنت معي هكذا ؟ أنت تعرفين أنني أتعذب وإنني لا أعرف ماذا أريد. تعرفين إنني أغار، وأحترق وأشتهي وأتعذب. تعرفين إننى حائر وإنني غارق في ألف شوكة برية.. تعرفين.. ورغم ذلك فأنت فوق ذلك كله، تحولينني أحيانًا إلى مجرد تافه آخر".
"ولكنني متأكد من شيء واحد على الأقل،
هو قيمتك عندي..أنا لم أفقد صوابي بك بعد، ولذلك فأنا الذي أعرف كم أنت أذكى وأنبل وأجمل. لقد كنتِ فى بدني طوال الوقت، في شفتي، فى عيني وفي رأسي. كنتِ عذابي وشوقي والشيء الرائع الذي يتذكره الإنسان كي يعيش ويعود
"أنا لا أحبّكِ فقط
كتب هو بخط ايده
انا متورط بكي
قلبي دق ومعرفش السبب من فتره طويله قلبي مدقش بحب كدا
بيقولو ان النساء كلمه ممكن تحيهم وكلمه ممكن تموتهم وصدقو والله
فات شهر هو بيتغير منكرش بقا بيهتم بس علشان انا سخسوخه علي راي امال فانا بقع في حب اي حد دمه خفيف او بيضحكني
_ الو
_ خلصتي
_ انا لسه ملبستش
_ نص ساعه يا حسناء بالله نص ساعه كمان ولو ملقتكيش قدامي هولع فيكي انا طالعه علي القاعه مع ابراهيم مش كفايا يا عديمة الذوق مجتيش معايا
_ واسيب قرة عيني من اكل ولا اكويله هدومه بعدين انتي مكملتيش ساعه في الكوافير
_ بت انا عروسه مش عايزه اتعصب نص ساعه تكوني قدامي
_ طيب
كملت لبس حطيت ماسكرا وكحل بيج عامة انا بحب عنيا لما برسمها ومعرفش ليه حبيت ابان جميله يمكن البيه يتلحلح علي راي امال
خرجت من الاوضه كان اعد في الصالون بيبص في تليفونه
_ احمد انا جهزت
_ لثواني اتصدم او سكت مش عارفه هو اه شكلي حلو بس هو ثابت كدا ليه كان عندها حق امال لما قالتلي الارزق معصيه عليا
ابتسم بلطف بعدين رفع حاجه
_ علي فين
_ احمد
_ مانا مش هبقا احمد لو نزلتي بالفستان دا
_ ماله
_ حلو
_ طب ايه
_ ماهو المشكله انه حلو
_ قربت منه حطيت ايدي علي خده وانا ببتسم مالك بس يا بني بسم الله ارقيك
_ شال ايدي ابنك
_ ضحكت فجز علي سنانه
_ قولي ابني مره كمان وانا عارف اخليكي تنسي الكلمه دي ازاي
_ طب ياله اتاخرنا علي امال
_ رفع ايده
_ ايه دا
_ انججي
_ لا
_ رفع حاجبه
فبصيت قدامي بغرور هو فاكر يعني علشان بقا بيتكلم وبيشاركني كل حاجه هسامحه ولا علشان لابس لابس بدله احلا من عمري عليه هضعف واقوله بحبه
_ بحبه اوي يامال بصي ضحكته حلوه ازاي
_ ام كرامه وسخه بتتكلم اول مره اشوف انسان من غير كرامه
_ بصلتها بغيظ
_ منكرش انه اتعتدل بس لازم يتربي شويه
_ اعمل ايه
_ غمزتلي
_ اشتغلي في الازرق
_ ضحكنا انا وهي
_ ......
_ بطني يامال هموت
_ شفتي شكلهم  لما لمحنا ناوين نرقص
_ انا دراعي اتخلع من شدته
_ غمزتلي ليه بس ياحس دا حتي قلبوها رقصه شاعريه خالص
_ حطيت ايدي علي كتفها انا هروح اكلم عمي احمد عبدالمجيد اقوله يجيب الماذون علشان الخطوبه دي طولت
_ ياريت والله
وضحكنا
الاايام كانت بتمر لطيفه علي قلبي الا من شويه خوف كنت اتمني يقولها هي باينه في نظرته تصرفاته غيرته وحتي محاولاته الدايمه انه يضحكني لكني محتاجه اسمعها ولو مره ..لا مش مره عايزه اسمعها كتير عدد كل مره قلبي وجعني منه كل ندبه في قلبي منه محتاجه اسمعها تطيبني
في امل في يوم من الايام يكتبلي انا كنت بقلب ف الكتاب
وبقرا حروفه بقا يستهبل ومينماش غير جمبي بس كنت بفرح وانا شايفه ملامحه الهاديه رموشه الطويله وملامحه الطفوليه
اتحركت من جمبه زي كل يوم ودخلت مكتبه اقرا قصاقصيص الورق بتاعته
""أخاف الأشياء التي تلمس قلبي يا ميلينا
لذا أهرب منها
واهرب منك...""
دموعي كانت بتنزل تلقائي
كنت بقلب وبقرا وانا قلبي بيدق لكنه لثواني وقف كانت صوره ليه من زمان انا فاكره الطقم دا وتسريحة الشعر دي كان اول يوم في سنه اولي جامعه
كان مكتوب بخطه جمله للرافعي انا عارفه اد ايه  هو بيحبه
“و تُحوّل بصرَها أو تخفضه،
و هي من قلبها تنظر !”
قلبي وعنيا وشفايفي كانت بتبتسم لما
وانا بتامل الكلام المكتوب معرفش جاب الصوره دي منين ومش عايزه اعرف انا بحبه حتي لو هو وجع فهو يستاهل اتوجع علشانه
_ ‏عندما تضحكين، يستيقظ فلاح في الجهة المقابلة من هذا العالم، يتملكه مزاج عذب و رغبة شديدة، في زراعة ألف بستان من الزهور.
_ احمد انت صحيت امته
انا بس كنت ب..
بص للصوره في ايدي وابتسم واتكلم
الكلمات عبث ، وأنت كنت دائماً لغتي التي لا يفهمها أحد ، لقد كان شعركِ مطري ، وراحتك وسادتي ، وذراعك جسري ، وعيناك بحري ، وشفتاك كأسي . كان انتظارك عمري ، وحضورك ولادتي وغيابك ضياعي ..
_ دموعي كانت بتنزل وانا خايفه قلبي يفرح ايدا
انا قلبي فرحان وبيدق بسرعه وهو واقف يقولي كلام ميطلعش غير من راجل زيه
نسيت اقوله اني بعشق نبرة صوته لما بيتكلم فصحا وان اول مره وقعت في حبه كان بيتكلم فيها لكن بنرته دلوقت كانت ادفا ومحببه جدا جدا قلبي
_ صورتي..?!
_ رفع حاجبه وابتسم بحرج فضحكت وحضنته
_ كنت لسه طالب متخرج جديد وشفت ملاك مقدرتش مصورهاش متخيله القدر اللي يوقعك في طريقي من تاني
_ انا قرات رسايلك
_ كل الفصحي كانت ليكي
_ بصتله ودموعي بتنزل انت وجعتني
_ ابتسم وطبع قبله علي جبيني
كانت قبلة بحجم سكة القطار بحجم الطريق وبحجم الوصول ..♥

""‏ينبغي علينا الإتصال بمن نراهم في أحلامنا عندما نصحو، ذلك يجعل الحياه أبسط
(مرحبًا.. لقد حلمت بك، الحب جعلني أستيقظ)

_ hasnaa
‏
‏