حكاوي ست الحسن💙🌍

_ هتفضلي سرحانه كدا كتير
_ هو بياكل زينا كدا ياامال طب هو بني ادم كدا طبيعي
_ لا تنين مجنح ياختي ما تفوقي يازفته بدل ما افوقك
_ بصتلها بغيظ ورجعت ابص تاني من البلكونه عليه احيييه ياولاد هي مرات عمي كانت بتأكله ايه وهو صغير كارمله
اسماراني بعيون بني رموشه مشفتش في جمالهم شعره احلا من حياتي انا شخصيا
ولا ريحته ياامال بشمها من من اول ما يدخل البلد بحس فرشات بترفرف في معدتي
_ زينة البنات واقعه في الحب لشوشتها ياولاد وفي مين في الافندي بتاع البندر
_ زغتها بايدي وضحكت تفتكري طول ليه المره دي داخل علي الاسبوع اهو ولسه مسافرش كل مره مبيكلمش يومين
_ انتي بتسأليني انا يا زينه ما تسالي ابوكي او اسأليه هو
_ مجرد الفكره خلتني شهقت بخضه عايزاني اروح اسال ابويا فهد اعد كل دا
ابويا لو لمح اني برفع عيني من الارض وفهد هنا هيؤدني حيا يا امال
_ وبعدهالك يا زينه اللي انتي فيه دا اخرته ايه
_ اتنهد مش عارفه ...مش عارفه يامال بس هو محفور جويا من اول ما وعيت علي الدنيا من قبل ماعرف اسم الحب وهو جويا  زي حته ازاز مغروسه في قلبي وجودها قاتلني بس هيبقا الجحيم بذاته لو حاولت اخرجها
_ يازينه.....زينه
_ ايوا يا بابا
_ حضري نفسك علشان هتسافري بليل مع ابن عمك
مرات عمك تعبانه ومحتاجه حد معاه وهو مسافر وراه شغل فهتعدي معاه يومين تخلي بالك منها..بسرعه
_ ها ااا حاضر حاضر
_ امال الحقيني
_ ايه اللي حصل ابوكي عايز ايه
عايزني اسافر مع فهد
_ بصتلي باستغراب
_ دا اللي هو ازاي يعني
_ يا زينه
_ حاضر يا بابا جايه
_ امال هفهمك بعدين انا دلوقت لازم اجهز هدومي علشان امشي ساعديني الله يخليكي
حطيت هدومي في الشنطه ولبست بسرعه ونزلت كنت مستغربه ازاي ابويا يطلب مني بنفسه اسافر مع فهد بابا دايما ملتزم بالعادات والتقاليد دا لما فهد بيجي البلد مبيخلينيش اخرج من الاوضه يبقا ازاي دلوقت سايبني اسافر معاه بلاد الله
_ ازيك يا زينه
_ صوته وقع علي قلبي ثلجه
_ طيبه يا فهد وانت
_ كويس الحمدلله جاهزه المفروض نتحرك علشان نوصل بدري
_ هزيت دماغي من غير ما اتكلم
فتحلي بابا العريبه علشان اركب فابتسمت
انا فاكره ان من بين احلامي الكتيره بفهد اني بركب معاه عربيته وبيفتحلي الباب بنفسه زي الاميرات
ركبت وسرحت بخيالي ايه ممكن يخلي بابا يوافق اسافر معاه وايه يخلي زين يطلب منه اني اروح معاه يعني هي مرات عمي عمرها ما تعبت كان بيعمل ايه معاها كل مره وياتري ايه مستنيني في القاهره طول عمري بخاف الزحمه وعرفت من الافلام ان القاهره واسعه وكبيره وفيها بنات حلوين يقعدو جمب القمر للحظه حسيت ثقتي بنفسي بتتبخر قدامي بس لا انا كمان زينة البنات احلا واحده في بلادنا جماال الارياف طبيعي صافي مش شويه الوان صناعيه بتتحط تخفي عيوب شكلنا
_ زينه
_ اول مره اخد بالي اني مش لوحدي واني فعلا معاه غبيه يا زينه يعني يوم ما تبقي قريبه منه تسرحي في خيالك وتسيبيه
رفعت عيني ليه فلقيته موقف العربيه وبيبصلي هو حلو كدا دايما ولا ضي القمر اللي بيطل بكسوف عليه محليه زياده علي العادي
_ نعم يا فهد
_ انا مش عارف اقولك ايه انا بعتذز لو كنت لغبطك وخليتك تيجي معايا وانتي مش حابه بس انا فعلا مكنش قدامي حل تاني
_ ولا يهمك يا فهد دي برضو في مقام امي
_ امم طب بما ان الطريق طويل وانتي ساكته من اوله قولت اكيد مضايقه مني
_ لا مش مضايقه
_ بس انا ليه مكنتش بشوفك لما باجي البلد انتي عندك كام سنه يا زينه
_ ابتمست بكسره
احنا بقالنا عمر ولاد عم ولسه بتسال
دانا حافظه عمرك بالساعات طب اقوله اني اتولد يوم ما شفته واتخلقلي قلبي جديد مكتوب باسمه انا عندي 23يافهد
_ يعني كنت بتيجي القاهره طب ليه مكنتيش بتيجي عندنا
_ مكنتش بروح غير الامتحانات انت عارف عادات  بلدنا
سكت وانا كمان سكت وكمل الطريق فسند علي الشباك بينا مسافات طويله اوي يابن عمي مظنش اني هعرف اعديها انا بغرق في شبر مايه
_وصلنا ياستي اتفضلي
_ شكرا
نزلت من العربيه بصيت علي البيت من بره كبير وحلو بجنينه وفيها ورد ريحته محببه ليا
دخلنا قابلتنا مرات عمي الزمن بيرسم خطوط الشيب علي ملامحها بخجل للحظه فكرت هي كانت حلوه اد ايه في صباها صحيح ماهي اللي تخلف القمر اللي خاطف قلبي دا اكيد تبقا حلوه احلي من ممثلات اللي بشوفهم في الافلام سلمت عليا بحراره وطلبت مني اطلع ارتاح شويه علي ما تجهز الاكل كنا بليل وانا كنت تعبانه وعايزه انام فقولتلها اني مش جعانه  وطلعت انام في الاوضه اللي فهد شاوريلي عليها
طلعت اول ما حطيت دماغي علي المخده نمت الغريبه اني في العاده مبعرفش انام غير في سريري بس نمت كنت حاسه بطيفه حوليا مديني الامان
صحيت تاني يوم بدري فتحت البلكونه انا بحب ريحة الصبح اوي معرفش هو ليه فعلا ريحه مميزه ولا انا بس اللي بحس كدا بس اللي اعرفه اني برتاح نفسيا لما بتنفس هوا الصبح بدري
لبست فستان بيتي ونزلت كانت مرات عمي صحيت
_ يعني بتحضري الفطار وانا موجوده طب والله عيب في حقي علفكرا
_ زينة البنات صاحيه بدري ليه
_ علشان اتصبح بالعيون القمرز دي يا حلو انت يا ملون
_ يابت يا بكاشه اعدي يلا علي ما اجهز باقي الاكل
_ انتي بتهزري صح ثم انك بتشتغلي ازاي وانت تعبانه دانا قولت هاجي الاقيكي في السرير امال بابا بعتني ليه من البلد
_ بصتلي بغيظ مش بتكبري يا زينه والدبش بيكبر معاكي
_ مقصدش والله يافوفه انتي عارفه غلاوتك عندي بس يعني انا شيفاكي كويسه يعني انا قلقت لما قالولي اجي اساعدك وفهد مسافر
_ مين بيجيب سيره فهد
_ صباح الخير يا حبيبي هتفطر ولا هتنزل الشغل كالعاده
_ لا وانا اقدر هفطر معاكم طبعا احم قصدي علشان اطمن انك خدتي الدوا
""ايه البني ادم قليل الذوق دا الا ما قالي صباح الخير حتي هو علشان حلو هيشوف نفسه طب والله مانا معبراه هو علشان طويل وحلو ولابس بدله مخلياه احلا من كل الرجاله اللي شفتهم يبقا قليل الذوق
_ خلصنا اكل وانا متكلمتش وفهد مشي  بس قبل ما يمشي سمعته بيتكلم في التليفون مع حد دا هو كان بيقولها حبيبتي ولا انا سمعت غلط
_ تعالي يازينه عايزاكي
_ خير يا مرات عمي
_ انا اللي طلبت من فهد ميرجعش غير بيكي
_ ازاي وليه
بس هو قالي انك تعبانه
_ فهد عايز يخطب واحده تانيه بس انا مش موافقه علي الجوازه دي وقولتله اني تعبانه ومحتجاكي معايا تعدي شويه بس هو كذب علي ابوكي وقال انه هيسافر علشان انتي عارف دماغ ابوكي
"" مكنتش سامعه منها حاجه انا سمعت كلمه واحده وقعت علي قلبي فهد بيحب واحده تانيه هيخطبها فهد ملك لوحده تانيه طب وانا انا عشت عمري مستنياه مستنيه قلبه يوم ما يجيلي يقولي اني ساكنه جواه
_ زينه انتي روحتي فين
_ موجوده طب وانتي جايباني ليه
_ انا عارفه انك بتحبي فهد
_ مبحبوش
_ ابتسمت ومسكت ايدي طب الدموع اللي حبساها في عينك دي ليه ورعشه ايديك دي من ايه انتي بتحبيه
_ هزيت دماغي من غير ما اتكلم وهي حضتني فبكيت فطلت اعيط في حضنها كتير كنت بعيط حبي ليه وقلبي اللي بيتعصر دلوقتي من الوجع
بعيط حب عمري اللي راح قبل ما يجيلي اصلا
كانت امه بتطبطب عليا وبتهديني هي الوحيده اللي بتعوض مكان امي بعد ماتت هي الوحيده اللي حضنها بيحسسني اني مش لوحدي بس انا المره دي كنت محتاجه حضنه هو محتجاه يطبطب علي قلبي ويقولي انه معايا  ....ياوجع قلبك يا زينه
_ اهدي بقا كدا واسمعيني
_ انا عايزه ارجع البلد
_ وفهد
_ ربنا يسعده مع اللي بتحبه ويحبها
_ وانتي
_ اللي رزع حبه في قلبي قادر يشيله
_ بس هي مش بتحبه دي بتحب مركزه وفلوسه وهو مش بيحبها انا اكتر واحده عارفه ابني هي عرفت ترسم عليه كويس دور البرئيه الصعبه لكن مش بيحبها انا ادري بقلب ابني
_ اتنهدت ورديت عليها انتي عايزني اعمل ايه يعني يامرات عمي
_ حاربي علشان حبك
_ حرب خسرانه هدخلها خسرانه قلبي واخرج منها خسرانه كرامتي
_ اوعي تقولي كدا انتي زينه المنشاوي ماعاش ولا كان اللي يمس كرامتك حتي لو كان ابني
_ انتي عايزني اعمل ايه بالظبط
_ انا هقولك
خلصت كلام معاه وطلعت من البيت خالص كنت عايزه اتمشي كنت حاسه ان ضلوعي بتضيق علي قلبي قلبي كان بينبض سواد
معرفش فضلت اد ايه كنت بفكر في كلام امي زمان اول مره احس اني محتجاها كدا حتي لو كانت مرات عمي حنينه معايا انا عايزه حضن امي ياريتها كانت موجوده علشان اقولها ان الدنيا داست علي قلب بنتك كانت دايما تقولي ان الوهم احلا حقيقه في الغرام بس مقالتليش ان يوم مافوق من الوهم هتكسر انا وقلبي والحلو هيتحول لمرار ياريتها كانت هنا علشان اقولها ان الحب اللي ياما حكتلي عنه مش موجود واقولها ان زينة البنات اللي كان بتسرحلها شعرها وتحكيلها الحواديت وتقولها ان بكره هتكبر وهيجي فارس يخطفها ويدخلها قلبه ومملكته ويتوجها اميره
زينه البنات هي نفسها اللي اتكسر قلبها وفارسها متوجهاش امير دا
مضغ قلبها يوم حب وفضل غيرها
_ حاسبي
_ فهد
_ انتي مش شايفه قدامك العربيه كانت هتموتك
_ ايه اللي جابك هنا
_ انتي عارفه الساعه كام امي قالبه الدنيا عليكي وبتقول انك خارجه من العصر الساعه بقت 11
_ مخدتش باللي من الوقت
_ بصلي بتردد انتي كويسه
_ اه.. ممكن نروح
_ انتي شكلك تعبانه وماما بتقول مكلتش حاجه من الصبح
_ مش هموت متخافش ياله نروح
_ شدني من ايدي ودخلنا مطعم طلبلي بانيه ومكرونه وببسي
_ فابتسمت بغلب ..
_ منستش ان بنت عمي بتحب الاكل دا
_ بصتله باستغراب انا متكلمتش معاه ولا مره في بلدنا ولا حتي في الزيارات القليله اللي جيتها مع بابا
_ احم ماهو كنت بشوف ماما وهي بتحضرلك الاكل اللي بتحبيه لما بتيجي
_ شكرا
_ غمزلي اي خدمة ياقمر
روحنا البيت طلعت اوضتي من غير كلام
مش عارفه اعمل ايه امشي واسيب كل حاجه ورا ضهري ولا احاول اكسب حبه واخسر كرامتي انا طول عمري بيترمي تحت رجلي رجاله بشنبات مانا زينه المنشاوي برضك بس مكنش في القلب والعين غيره كنت بحلم باليوم اللي يجي يخدني فيه بس مجاش
تاني يوم لبست فستان ابيض بسيط وسبت شعري مضفرتوش انا طول عمري شايفه نفسي احلا واحده في الكون ومش مستنيه راي حد ولا مهتميه بيه بس اول مره ثقتي بنفسي تتهز معقول تكون اللي عايز يخطبها احلي مني انا كنت بحاول اثبت اني احلي يمكن بثبت لنفسي قبلهم
_ صباح الخير
_ كح كح كح
_ اشرب مايه مالك بس يا بن عمي
_ هو انتي ازاي كدا
_ ابتسمت اللي هو ايه
_ ها ...لا مفيش
_ اخبارك ايه فوفه
_ كويسه ياقلب فوفه اقعدي افطري
_ لا انا مش جعانه بس بما اني هنا بقا هروح الجامعه كان في ورق كنت ناويه اجي مخصوص علشانه بما اني جيت هروح اخلصه
_ انتي خريجه جامعه يا زينه
_ باشمهندسه زينه يا ...ابن عمي
وخرجت وسبته هه البيه لسه عارف بيسال هو كل السنين دي مش واخد باله مني
وهياخد باله ازاي صحيح ماا بابا مكنش بيرضي يخرجني قدامه الله ياسمحك يا حج محمد
_روحت الجامعه وخلصت الورق وانا خارجه
_ انسه زينه
_ دكتور حازم ازي حضرتك
_ ازيك يا زينه
_ طيبه ازي حضرتك
_ لسه متغيرتيش يازينه وحشتني كلمة طيبه بتاعتك وحشتني تفاصيلك
_ احم بعد اذن حضرتك انا لازم امشي
_ زينه.
_ لفيت ليه من غير ما اتكلم فقرب خطوه مني
_ انا عايز اتقدملك  يازينه
_ كنت لسه هرد لقيت حد بيشد ايدي وبيرجعني وراه
_ فهد
_ مين حضرتك وازاي تمسك ايديها كدا
_ اظن مش زينه المنشاوي اللي تقف تتكلم مع رجاله في الشارع وطلبك مرفوض
_ فهد
_ شدني من ايدي من غير ما يتكلم
_ فهد سيب ايدي انت اتجننت
_ انت ازاي سايباه يقرب منك كدا وازاي اصلا تقفي تتكلمي معاه
_ انت بتقول ايه دا الدكتور بتاعي انا اتفاجئت بطلبه ثم ان مش من حقك تتدخل مين اداك الحق ترفض افرض انا موافقه
_ بصلي بعصبيه وانتي موافقه
_ معرفش هفكر دكتور حازم شخص محترم وكويس ليه لا
_ قدامي يازينه علي البيت علشان مرتكبش جنايه
_ انت ايه اللي جابك ورايا اصلا
_ مرات عمك اللي بعتتني اجيبك
فضلنا ساكتين طول الطريق بس كان قلبي بيبتسم ممكن متكونش غيره بس فرحانه بوجوده في حياتي بتدخله في تفاصيلي فرحانه ان مهتم ولو جزء صغير دك نيله في حلاوتك وانت قمر وانت متعصب كدا
_ نزلت من العريبه وهو مشي مدخلش
دخلت  البيت
_ فوفه
تعالي يا زينه انا في المطبخ
_ حكتلها اللي حصل
_ بس انا مبعتوش وراكي
_ يعني جه لوحده  طب ليه
_  سيبك انتي هو قالي انه هيعمل حفله اخر الاسبوع علشان شغل جديد والجو دا وانتي هتحضري عايزايكي تستعدي من دلوقت  علشان الزفته اللي عايز يخطبها هتكون موجوده
_ ليه
_ ماهي بتشتغل معاه
اكلنا سوا وطلعت في الجنينه كنت بقراأ روايه لاثير عبدالله
_ احببتك اكثر مما ينبغي يا بخته
_ خضتني يافهد
_ مين دا اللي زينه المنشاوي اتنازلت وحبته
_ لسه متولدش اللي ياخد قلب زينه يابن عمي
_ وانت اش عرفك بس انه متولدش بصي حواليكي كويس يمكن موجود وانت مش واخده بالك
_ انت بتقرب كدا ليه ابعد شويه
ليه يابيه دا القرب حلو يا بيه
_ بصلته بزهول فهد
_ غمزلي عيونه
_ ابعد عايزه اقوم
بعد شويه وفضل اعد بتقول ايه بقا ست اثير
_ كانت بتقول
"" كنت ادعو الله بلسان لاهج في صلاتي ان ينجيني من حب لا طاقة لي علي تحمله طلبت من الله انتزاعك من داخلي""
_ عنيفه اوي اثير
_ ضحكت
اللهم صلي علي النبي هي الشمس طلعت امته
_ تصبح علي خير يافهد
ماهو انا مينفعش اعد قدامه اكتر من كدا عيونه اللي بتلمع دي بدوخني والله بيقولو الخمره بتسكر وكمان القهوه اللي في عيونه دي بتسكرني لو كنت استنيت كنت هقوله اني  بحبه وبمشي الملم روحي اللي بتقع تخت خطاه امي كانت زمان بتقولي ان زينة البنات تستاهل الدنيا تترمي تحت رجليها لاجل بس تبتسم انا عايزه الدنيا بس ترميني في حضنه هو بس يارب
عدا الاسبوع اكدب لو قولت اني مش ملاحظه اهتمام فهد بس اكدب كمان لو ضحكت علي نفسي وقولت بيبحبني
اكتر حاجه كنت خايفه منها ميحبنيش
انا فضلت معيشه نفسي في الوهم سنين صعب اخرج منه هتكسر  كانو زمان بيحكو ان البنت لابن عمها اشمعنا استغنو عن العاده دي ومتمسكين بالباقي كان زماني مرتاحه دلوقت بدل الغلب اللي انا فيه دا
_ ايه الفستان دا بس يامرات عمي
_ ماله بس يازينه ماهو اسود اهو مش انتي بتحبي الاسود
_ بس دا مش بكم انت عايزه الحاج محمد يطخني عيارين ولا ايه
_ يابنتي ماهو بكم اهو
_ دا شفاف يعني وجوده زي عدمه
_ زينه البس وانت ساكته اتخرنا علي الحفله
_ امري لله
_ لبسته والحقيقه اني كنت حاسه نفسي اميره فيه وسبت شعري المره دي كمان معملتوش ديل حصان زي الاول
_ زي القمر يازينة البنات
_ حضنتها
_ امي لو كانت موجوده مكنتش هتعمل معايا اكتر من اللي بتعمليه ربنا يخليكي ليا
_ انتي بنتي يا زينة بنتي اللي مخلفتهاش
وياله بقا علشان فهد جاهز من بدري وزمانه متعصب من تاخيرنا دا
_ نزلنا وشفته كانت واقف قدام عربيته بدلته السوده وشعره الاسود بيلمع عيونه احلي حاجه شافتها عنيا كان حلو بطريقه توجع القلب
_ زينة البنات
_ اول مره تقولها
_ مينفعش تتقال لغيرك
_ معلش اتاخرنا عليك
_ انتي تعملي اللي انتي عايزاه اتفضلي
وصلنا الحفله كان المكان راقي وحلو كنت مبسوطه بكل حاجه حوليا مرات عمي وهي بتعرفهم بالباشمهندسه زينه المنشاوي فتلقائي كنت ببتسم انا كنت بذاكر واتعب علشان يجي يوم زي دا محسش اني قليله قدامه واني احسن من بنات البندر اللي هو بيشوفهم  كنت فرحانه بنفسي
لحد ما عنيا وقعت عليه واقف مع واحده لسبها مش مغطي جسمها اصلا كميه الوان في وشها واقفه تتكلم معاه هي دي اللي فضلها عليا اعمي القلب والبصر  صحيح
طب انا قلبي بيوجعني ليه دلوقت اعملك ايه محدش قالك حبه استحمل الوجع بقا
لفيت وشي بعيد عنهم علشان دموعي هتنزل وهتفضح
شويه والجو بقا هادي وموسيقي هاديه اشتغلت والناس بترقص سوا كنت شايفهم وحاسه نفسي في مشهد في فيلم مش حقيقه لقيت حد بيشدني من ايدي فاتخضيت
_ اهدي انا فهد
_ انا مبعرفش ارقص
_ نعلمك يا زينة البنات
_ نسيت الدنيا في عيونه لو كان حلو من بعيد فهو من قريب احلي حاجه ربنا خلقها ريحته كانت مدوخاني طول عمري بشمها من اول ما يطل علي البيت اول مره اشوفه عن قرب اول مره احس نفسي ماسكه النجوم بايديا احساس احلو نص امان العالم في ايديه اللي ماسك ايدي بيها  ياريت امال كانت هنا تشوفك وتعرف انك تستاهل القلب يتوجع علشانك
فوقت من توهتي فيه علي ايد حد بيزقني بعيد
_ بقا دي اللي بترقص معاها وسايبني وانتي مش عيب ترقصي مع واحد خاطب ولا انتي متعرفيش حاجه عن العيب ولا اليومين اللي عشتيهم في القاهره ناسوكي نفسك ونسوكي الارياف اللي جايه منها
بصتلها بعيون مدمعه ومشيت
_ استني يا زينه
مردتش عليه خرجت من الحفله كلها وصلت البيت وقفلت الباب من جوه الدنيا كلها كانت واقعه علي قلبي مالها الارياف احسن مية مره من المدينه وزحمتها البشر كنا وحوش بياكلو في بعض محدش بيحس بالتاني ولا بيراعي مشاعره الناس كلها مركبه وشوش الوان بيضحكو بيها علي بعض
_ يا زينه افتحي طيب انا اسف حقك عليا انا انا هجبلك حقك والله يا زينه
مردتش ومكنتش سامعه حاجه هو انا فعلا نزلت نفسي للرخص دا اخطف راجل خاطب من اللي بيحبها معقول حبي عماني وصلت كدا لا دانا ادوس علي قلبي برجلي ولا اني اخسر كرامتي علشان الحب
صليت الفجر لميت هدومي ومشيت من مكان ما جيت هرجع للارياف علي الاقل هناك بيدوني قيمتي محدش هنا يقدر يخرحني بحرف محدش هنا بيبص للناس بتعالي
رجعت البلد تاني بس سبت روحي وقلبي معاه
_ الندله اللي نستني
_ امال
اترميت في حضنها وعيط
_ مالك يازينه ايه اللي حصل طب بتعيطي ليه طيب
_ يارتني ما سافرت ياامال يارتني ما حبيته يارتني سمعت كلامك من الاول الحب مش بيجيب غير وجع للقلب انا خسرت كرامتي كمان مش بس قلبي
_ طب  بطلي عياط علشان والله هعيط انا كمان
فضلنا نعيط احنا الاتنين وبعدين بصينا لبعض وضحكنا
_ طب انا بعيط علي قلبي انتي بتعيطي ليه
_ بعيط علي وجعك يا زينه انتي صاحبة عمري
مر شهر من يوم ما رجعت الايام كانت بتمر علي روحي بالبطئ كنت حاسه اني حاجه ضايعه مني مش لاقيها
وحشني مش هنكر هو كان علطول واحشني بس المره دي كانت مختلفه كنت عارفه انه خلاص معدش ينفع يوحشني فهمت ان معدش ينفع احبه
كنت اعده في الجنينه مستنيه امال حاسه بطيفه حوليا ريحته بتقرب
غمضت عيني بس بقا حرام عليا ارحم قلبي
_ زينه
_ فتحت عنيا وبصتله
فهد بتعمل ايه هنا
_ وحشتيني
_ اما لازم امشي بابا لو شافني اعده معاك هتبقا مشكله
_ بس هو عارف
_ ازاي يعني
يعني انا كنت اعده معاه جوه بقالي ساعه وانتي اعده هنا
_ بصتله برضو باستغراب
فابتسم
_ كنت ياستي بطل ايد زينه هانم المنشاوي لابن عمها فهد المنشاوي
_ بصتله وعنيا دمعت وخطيبتك ...مبقاش ينفع يا فهد
_ مسك ايدي وباسها وانا قلبي وقع
_ حقك علي قلبي والله وغلاوتك عندي جبتلك حقك يا زينة البنات
_ ايه اللي رجعك تاني يافهد
_ علشان اخدك معايا جاي ارد روحي اللي اخدتيها معاكي يوم ما مشيتي .....
_ بارك الله لكما وبارك عليكما وجمع بينكما في خير
_ امال هو انا بحلم هو انا بقيت علي اسمه كدا خلاص انا مراته
_ خدتني في حضنها وانا وهي بنعيط
بصينا لبعض وضحكنا وهي زغرطت
كنت بتكلم معاها لقيت حد بيشد ايدي لبعيد وراه
_ فهد
شدني لحضنه فغمضت عيني اخيرا دخلت بيتي اللي بحلم بيه من يوم ما شفته بيت ميسعش غيري
كنت حاساه بيخبيني بين ضلوعه همسلي في ودنه
_انتي  عارفه انا عايز اخدك في حضني  ودافن راسي في شعرك من امته
_ امته
_ من يوم ماعيني وقعت عليكي وشافته مفرود علي ضهرك
_ خرجت من حضنه وابتسمت
_ زينه فهد المنشاوي
_ ياقلبها
_ فحضني تاني وهمسلي
_ انا غرقان فيكي يازينه....

# hasnaa