حكاوي ست الحسن💙🌍

لانه لا يوجد اجمل من الطريقه التي يرفض بها المحيط التوقف عن تقبيل الشاطئ بغض النظر عن عدد المرات التي ارسل فيها بعيدا ""

_ شوف يا ستي دي اخر جمله هتقوليها وانتي واقفه علي البحر في اخر مشهد وكدا يبقا الفيلم بتاعنا خلص
_ الله الفكره حلوه بجد يا حسناء تسلم ايدك
_ يارب بس تطلع حلوه المهم دلوقت تجهزي علي 10 الصبح الباص هيتحرك علي شرم
_ اشمعنا
_ يابنتي انتي الغباء بيجري في دمك ما قصه الفيلم بدات من هناك علشان البدو مره يارب في حياتي تفهميني من اول مره قبل ما اموت
_ ضحكت ببلاهه اهدي يا حس اعصابك
_ غوري من وشي يا امال صدعتيني وعايزه اروح بقا مجهزتش شنطتي
_ طب هقول لبابا ايه
_ حركت كتفي بلا مبالاه معرفش حاولي تزني ياله سلام
_ فتحت باب الشقه كنت سايبه النور كله مفتوح علي رغم اني بحب الضلمه جدا بس فرق كبير بين انك تحب وانك تتجبر
نفس التنهيده اللي بتنهدا اخر كل يوم لما برجع البيت بليل لوحدي عندي اب وام زي كل الناس لكن منفصلين ولسبب مجهول كل واحد عنده الشغل بتاعه اللي بيخليهم مسفرين طول الوقت
كنت ناجحه في شغلي بطريقه خلتني اقدر اعتمد علي نفسي ويبقا ليا بيت لوحدي احنا اه مش اجانب ولو كان ليا عيله بتحبني بجد كانو رفضو اعيش لوحدي بس نا كنت عارفه اني مش في خططهم للدرجه اللي تخليهم يهتمو بحاجه زي دي
غالبا لحاجه الوحيده الكويسه اللي اخدتها منهم اني اتعلمت ازاي ابقا بني ادم ناجح في حياته العمليه
شغلت موسيقي الچاز اللي بحبها خلعت الجزمه بكعب ورميتها بدون ما هتم ودخلت اغير هدومي
ولراحه نفسيه افضل في ليالي الشتا الحزينه اخد دوش دافي لبست بيجامه نبيتي ورفعت شعري لفوق عملت فنجان قهوه ووقفت في البلكونه اسمع موسيقي هاديه وانا بقرا في سيناريو الفيلم
خلصت التعديلات اللي المفروض اعملها مع اخر شويه في فنجان القهوه دخلت احضر شنطتي علشان هنسافر نبدأ تصوير الفيلم بكره بما اني المخرج والمؤلف لازم اكون مجوده من اول اليوم وانا بشيل التيشرت بتاعي وقع صوره كنت قربت انساها
احساسي كان يشبهه لبنت واقفه قدام غلطة عمرها قلبها محروق ومتشوه وبتبص لنفسها في الصوره بقرف
ماماته رفضتني علشان معنديش عيله وكأنه ذنبي وهو مشي وكأنه وهو بيحبني مكنش يعرف دا وكان مفيش يوم عدا علينا وانا بعيط من قلبي من السبب دا وكأن مفيش مية وعد من هبقا عيلتك وهعوضك عن كل دا ابتسمت بسخريه ورحت اجيب الولاعه في المطبخ كنت واقفه في البلكونه وشايفه الصوره في ايدي بتتحول لرماد وصوت الجخ بيرن في ودني ولو علي الحب يما اتفرجت احباب
اتنهدت تنهيده طويله قفلت البلكونه ودخلت سريري تحت بطانيتي المفضله اخدت النوت من علي الكمدينو وفتحت صفحه جديده
"" يدخل بعضهم في حياتك كاشخاص ويخرجون منها كدروس ...بالمناسبه : قد يكلفك الامر قلبا """
قفلتها وانا بفكر انه يعني ايه هفضل عايشه بدون مشاعر من اي نوع بدات احس اني جماد
صحيت تاني يوم الصبح لبست السلوبيت السودا رفعت شعري كحكه ملغبطه وعشوائية زي شخصيتي بالظبط
اشرتيت قهوه وعديت علي امال اخدها بالعربيه
_ صباحو
_ صباح النور
_ بما اني عارفه انك هتفضلي ساكته طول الطريق ومركزه في السواقه فخدي شغلنا دا
_ ايه دا
_ شغليه بس وهتعرفي
_ امري لله هاتي
سرحت في عمرو وهو بيقول وياعيني علي اللي كان بيحب التاني اكتر غالبا من فتره طويله وابتسامتي ديما بسخريه عندهم حق اللي قالو يتجاوز المرء جميع الاشياء ماعدا مأساة انه قد خذل ""
وصلنا شرم الشيخ ركنت العربيه دخلنا الاوتيل وحجزت اوضه مع امال بعد الحاح رهيب علشان هي بتخاف تنام لوحدها
طلعت اخدت الكاميرا بتاعتي وطلعت اتمشي وسبت امال نايمه
اوقات كتير بتمني لو كنت لسه بني ادمه بتحس حتي امال اقرب صحابي بعد عندي برود في مشاعري تجاهها الحب من اي نوع بقا شئ غير مألوف بالنسبالي احساس مش حلو انك تحس نفسك تشببه للجماد كائن لامبالي لاي حاجه في الحياه اطلاقا
الدنيا بدات تضلم والشمس غابت فطلعت انام شويه علشان بليل حفلة افتتاح الفيلم
_ استناكي ولا اسبقك
_ لا يا امال اسبقي هلبس بسرعه وانزل
_ وقفت محتاره البس ايه بكره الحفلات والكعب العالي والرسميات بس مضطره اتعامل
اختارت فستان اسود شيفون بطبقات متفاوته كسلت اعمل شعري تسريحه معينه فسبته مفرود علي ضهري ولبس طوء بسيط
صندل اسود بكعب ونزلت
حفله كانت هاديه والكل مبسوط وبيتكلم بشغف عن الفيلم غالبا الحاجه الوحيده اللي لسه في جويا مشاعر تجاهها هي حبي لشغلي
_ كنت بتفرج عليهم وهما بيضحكو وبيتكلمو وكاني مش سامعه صوتهم
فوقت علي صوت حد بيكلمني
_ حسناء
_ ايوا يا احمد في حاجه
_ كنت عايز اتكلم معاكي في موضوع
_ اتفضل
_ ممكن لوحدنا
_ ممكن يا سيدي
قمت من مكاني واعدنا علي ترابيزه بعيده عنهم شويه
_ خير يا سيدي في حاجه بخصوص التصوير بكره
_ احم لا هي ملهاش علاقه بالشغل
_ ايه عايز فلوس
_ ضحك يابنتي بقا
_ مانت عمال تبص حوليك ومش راضي تتكلم ما تنطق يابني
_ انا عايز اتجوزك
_ تتجوزني انا
_ اه
_ ملقتش غيري يابني انا مكتوب في الكاتلوج بتاعي غير قابل للزواج
_ حسناء انا بتكلم بجد انا عايز ارتبط بيكي
_ وانا كمان بتكلم جد انا منفعش للحاجات دي بعدين انت عبيط يلا دانت اخويا وصاحبي من ايام الجامعه يعني سبت دفعتنا الجامده كلها وزمايلنا بي الشغل وجاي تتجوز متر ونص استغفر الله ياحمد يا حبيبي احنا هنكفر ولا ايه
_ يعني انتي بترفضي
_ اتنهدت بص يا احمد انت صاحبي وزميلي وحد عزيز عليا بس انا مش مفكرش في الموضوع دا ولا عندي استعداد افكر فيه انت شخص هايل ومليون واحده تتمناك بس المشكله فيا انا والموضوع معقد للدرجه مش هعرف اشرحهالك وانا متاكده انك.هتلاقي مليون واحد احسن مني
_ ترشحيلي واحده
_ ضحكت بسخريه وبصيت لامال اللي عارفه انها غارقانه فيه وهو عبيط ومش واخد باله من ورده بيضا توليب منديه زيها
_ دور علي واحده طويله زيك تاكلو اشجار مع الظرفات فوق ملكوش دعوه بالعالم اللي تحت دا
_ ابتسم وبص مكان ما ابص
فابتسمت وغمزتله وخرجت
وانسحبت من اعده ملهاش لازمه بالنسبالي وقولت اتمشي علي البحر اخدت الكاميرا بتاعتي اللي مبتفارقش شنطتي حبي للتصوير مش اي حد هيفهمه فمش هحاول اتكلم عنه وافهمكو بما اني شخصيه غير مبالايه بالاخرين
كنت ماشيه علي الرمل ماسكه الشوز في ايدي
تليفوني رن برقم ماما فبتسمت بسخريه كحالي اخر كام سنه فاتو ونا برد
_ الو
_ كويسه الحمد لله
_ لا انا في شرم علشان تصوير الفيلم
_ هتيجي امته
_ اخر الاسبوع كويس
_..
_ مش عارفه هحاول انزل القاهره اشوفك وابقا ارجع
_ تمام مع السلامه قفلت التليفون واتنهدت بضيق مشيت خطوتين واعدت علي اقرب كرسي علي البحر قابلني ببص للبحر وهو مضلم
وصوت من بعيد
احبيني بلا عقد وضيعي في خيوط يدي احبيني لاسبوع لايام فلست انا من يتهم بالابد ""
كنت برجع شعري لورا بايدي وانا مغمضه عنيا بتستمع بنسمه الهوا وصوت الاغنيه الهادي الاغاني القديمه لما بتتسمع صدفه في الشارع او من شباك الاوضه من بعيد محطه رايدو قديمه بتردد مش مظبوط اوي بيزيد حلاوتها كتير واحساسنا بيها بيقا احلا
كنت ببص لسما فشفت شهاب غمضت عيني بسرعه علشان اتمني امنيه لسه عندي بعض اعتقدات سخيفه من لما كنت طفله منها الاعتقداد دا
فتحت عيني بعد ما كان المكان ضلمه وهادي كان في اضواء كتير وناس اكتر حوليا وواحد اعد علي ركبته قدامي وفاتح علبه مخمليه فيها خاتم
بصتله بذهول
_ اوعدك اني هحافظ عليكي وهخلي بالي منك طول مانا عايش وهفضل احبك لاخر يوم في عمرنا
_ بصيت حوليا للناس وهما بيبصولنا فهمست قريب منه انت اكيد غلط انا معرفكش
همس _ ممكن تجاريني دلوقت وهفهمك كل حاجه بعيدين
وبعدين صوته علا تتجوزيني
"" غالبا انا لسه سامعه نفس الكلمه من داقايق بس واقعها علي قلبي المره دي كان مختلف انا حسيت بحاجه ومعرفش هي ايه وبدون شعور هزيت دماغي بنعم فابتسم ابتسامه احلا من نسمه الهوا اللي طيرت شعري مع ابتسامته ولبسني الخاتم الناس كانت بتسقف وبتبارك لينا وانا لسه تايهه ومش فاهمه دا ايه
الناس بدات تبعد عنا فبصتله بغيظ
_ ممكن افهم ايه دا
_ تعالي معايا
_ اجي معاك فين انت عبيط يابني انا اول مره اشوفك
_ هنعد في مكان اهدي من كدا علشان افهمك
_ ادينا اعدنا اتفضل فهمني
_ اولا انا بعتذر علي اللي حصل دا بس عايزك تكوني متاكده انك انقذتيني من ورطه كنت هقع فيها
_ ممكن افهم ورطه ايه
_ لو مكونتيش ظهرتي في اخر لحظه علي البحر كان زماني دلوقت خاطب واحده تانيه مبحبهاش بس ظهورك حل الموقف
_ مش فاهمه
_ بصي يا ستي اعرفك بنفسي طاهر المغربي حفيد محمد بيه المغربي اكبر واقدم فرد في العيله البدويه
_ انت بدوي من اللي بيسكنو خيم وكدا
_ مش بالظبط
_ انا قولت كدا برضو مش شايفاك لابس جلبيايه يعني
ابتسم _ انا الحفيد الكبير لمحمد المغربي بس انا اللي ماسك شركاته والمصانع وعلشان كدا اعد في البيت الكبير مع جدي لان والدي والدتي توفو من وانا صغير فمكنش ينفع انزل ارعي الغنم واشوف شغل الزراعه مع الباقي فكملت تعليمي ومسكت الشركات بتاعت العيله مكان جدي
_ امم فهمت بس ايه علاقة دا باللي حصل دلوقت
_ علاقته اني من العادات اتجوز واحده من العيله وانا مش هتجوز واحده مبحبهاش ولا هي بتحبني فمكنش قدامي غيرك اقولهم اني بحبك وهتجوزك انتي
_ امم طيب انا اسفه جدا يا استاذ طاهر وفرصه ملغبطه تصبح علي خير
_ مشيت وسبته وانا دماغي بتعمل ايرور دخلت السرير ونمت من كتر التعب
صحيت تاني يوم متاخر والمفروض انزل الموقع بدري لبست سولبيت جينس ورفعت شعري نفس الكحكه الفوضاويه ونزلت بسرعه لقيت كل الناس موجوده ومستنيه المخرجه المتاخره
_ ها يا امال كله تمام
_ متقلقيش كله تمام ونا لبست ولسه باقي احمد يخلص لبس ونبدا تصوير
_ طب تمام هوروح اشوف باقي الكاست كنت بلف زي النحله بينهم اشوف كل حاجه مظبوطه او لا المفروض قصه الفيلم بتتكلم عن بنت هربانه من اهلها وبتوه في الصحرا وهي ماشيه بتحاول توصل لاي مكان هتشوف ناس بيتمو صفقه سلاح غصب عنها هتفلت صرخه منها وهتحاول تهرب بس هيمسكوها وهتقع في حب البطل من بعد ما يخطفها وتحصل مواقف كتير وبعد ما يعترف ليها بحبه هيرفض يتجوزها لانها انقي من انها تتجوز واحد زيه فهتضطر تمشي وتسيب القبيله اللي هما اهلو اللي اساسا عرب او بدو بعد ما حبتهم
هترجع تاني القاهره هتحاول تمارس حياتها الطبيعيه بس مش هتقدر فترجع تاني وتقابله في نفس المكان والمره دي هيتجوزها الفيلم بيخلص وهي بتقول الجمله اللي فوق دي وهي واقفه في حضنه قصاد البحر
_ فات اسبوع واحنا كل يوم بننزل نصور
بس محتاجه اعرف عادات وتقاليد عن البدو اللهجه طريقه اللبس نوع الاكل طريقته تفاصيل صغيره بس هتفرق
طلعت غيرت هدومي لبست بنطلون جينز وتيشرت ازرق في ابيض واخد الكاميرا وبتاعتي وقررت انزل استكشف الموضوع