حكاوي ست الحسن💙🌍

كنت اعده في البلكونه بشرب عصير الجوافه اللي بحبه وانا حاطه الهاند فري في ودني وبسمع الست وهي بتغني بعيد عنك حياتي عذاب
مرهق اوي ان حد يمشي ويسيب تفاصيله محفوره جوانا
التجاوز صعب ومبيجيش بالساهل امال صاحبتي دايما بتقولي اني قاسيه في مشاعري ومبحبش بسهوله بس هو من غير مجهود منه حبيته اكتشفت بعدها ان اللي قالو ان الاسوار اللي بنبنيها حولين قلوبنا بتقع لوحدها لما يجي الشخص الصح "" يومها وانا بقرا ابتسمت بسخريه
السوشيال مديا كلها عباره عن كلام عن الحب بتعابير مختلفه
بس اكتشفت ان هما صح لما وقعت فيه لما ريحة السجاير اللي كانت كفيله تموتني مخنوقه بقت محببه لقلبي
لما بقيت احب ريحة السجاير مع ريحة برفانه ميكس كدا قادر يخلي قلبي يطلع فرشات لانه منه

متناقضه ودا شي مفروغ منه وهو كمان متناقض
عنده تشيترت نبيتي  كدا بيخليني  مش عارفه انزل عينيا من عليه الحمد لله انه مبيلبسوش كتير
حلو في الجاكول بصراحه
بس لما شفته من كام يوم وهو نازل الشغل بقميص ابيض كنت هنزل اوقفه واقوله متنزلش كدا مش ضامنه كام بنت ممكن تقع في حبه بحلاوته دي
هو محدش هيقول عليا هبله لو قولت اني بسرح في عروق ايده الظاهره وزوقه في الساعات
ان شاء الله لما نتجوز ناويه اقلبه في ساعاته دي

كان كل يوم يقف يشرب قهوته في البلكونه الصبح بدري قبل ما يروح شغله ورغم اني كائن ليلي بطبعي الا اني بصحا 6الصبح علشان اشوفه وهو بيشرب قهوته الصبح وبيشرب اول سيجاره تدخل رئتينه
هقول لامال لما نتجوز تفكرني اخليه يبطل العاده الوحشه دي قهوه علي الرئ خدتها في الكليه انها غلط جدا وبتعمل قرحه علي المعده
السجاير هتأذيه هتخليه يعجز بدري ويتعب وممكن يسبني بدري ويطلع علي السما فخليه يبطلها كمان
يتنفسني انا يدخلني انا جوا رئتينه احسن من السجاير والله

بحب الازرق جدا لكن ممكن اتنازل ونعمل الشقه اوڤ وايت في كافيه زي ماهو بيحب وهدلع عليه شويه لحد ما يواقف نعمل اوضة قراية ليا بمكتبه كبيره هعملها ازرق في ابيض
دايما بقول مستحيل احب واحد مبيقراش واديني حبيت اللي بيقرا وهو حتي مش واخد باله مني امال قالتلي اني مش قصيره اوي وابان انسه في جامعه رغم ملامحي الطفوليه

لسه فاكره اول مره الكائن الجبان اللي جويا لما اتجرأ وبعتله علي other    "" يخنقنا الشوق يجثم بيده علي عنق الحنين ""
كان اقتباس من روايه مش فاكره اسمها من عادتي بقرا من غير ما اهتم بالكاتب او اسم الكتاب بحب القرايه نفسها
كان اكونت فيك طبعا وكنت ناويه اقفله بعدها غالبا كانت لحظه شجاعه مني في ليالي الشتا الحزينه لحظت تهور وراحت لحالها لكني شهقت بخضه لما رد عليا كتبلي اسم الروايه

التليفون وقع من ايدي من الخضه قمت بسرعه ابص عليه من ورا الشيش لقيته فاتح تليفونه وبيبتسم قفل التليفون وبص للسما لثواني وبعدين قفل الشباك ودخل
ابتسمت بهدوء ودخلت انام انا كمان
المره دي مقدرش الوم مخلوق غير نفسي من زمان بسمع عن حكايات ابن الجيران بس للاسف مجربتهاش لان اللي حوليا كلهم اطفال او مسحيين
لما جه سكن قصادنا مكنتش اعرفه ولا اعرف ان حد سكن هما
كنت واقفه برغي مع امال في اجازه الصيف وبنخطط لخروجه مش هتحصل طبعا وفجأه ريحة السجاير خنقتني فكحيت جامد
بصلي وبعدين طفا السجاير شرب اخر شويه في مج القهوه بتاعه ودخل اوضته
_ حسناء انتي روحتي فين وبتحكي كدا ليه
_ دا بصلي يا امال وطفي السجاير لما كحيت
_ هو مين دا
_ معرفش
_ لو شتمتك بامك دلوقت مش هيبقا عيب صح
ضحكت _ معرفش صدقيني انا كنت واقفه في الشباك بتاعي وفجاه لقيته في وشي
ايده ليكون ساكن جديد قصدنا امال بقا عندي ابن جيران اكراش عليه
_ ربنا ما يحرمك من الهبل
_ بس يا خساره بيشرب سجاير
_ حسناء فوقي واحنا مالنا غضي بصرك يا كوكو كدا وادخلي نامي
_ حاضر  سلام
غالبا فات سنه او اكتر علي وجوده والله في الاول  مكنتش اقصد بس انا متعوده اني بقف في الشباك دا علطول  وبما ان محدش قصادنا فعادي هو مش ساكن قصادنا  بالظبط هو في الدور اللي تحت الشقه اللي قصادنا
ودا اداني فرصه اشوفه كتير وهو مياخدش باله
دايما سرحان بيشرب قهوه
لما رجعنا الدراسه لفيت المول كله علشان اجيب مج زي بتاعه بس هو بتاعه كان زتوني منقظ ابيض  وانا جبت بتاعي ازرق منقط ابيض
كل يوم الصبح قبل مانزل الجامعه بشوفه واقف في الشباك لابس هدوم خروج وبيشرب قهوه وسجاير غالبا دا فطاره مع اني عرفت من ماما انه عايش مع والدته بس مش فاهمه سايباه ازاي يدمر نفسه كدا
بتشرب قهوه بالمج يا  مازن حرام عليك طب فنجان حتي
حاولت اقلده وارجع اشرب قهوه تاني بس مقدرتش ريحتها بتقلب معدتي القهوه والنسكافيه والشاي كنت بشربهم زمان بطريقه غبيه لحد تالته ثانوي مثلا بعدها بقت ريحتهم بتقلب معدتي غالبا بقيت بكره اي حاجه كنت بعملها في السنه دي اعتقد ان دي من ضمن الندوب اللي سابتها فيا الثانويه العامه
فبقيت بقف انا كمان الصبح قبل ما انزل بس بشرب عصير الجوافه اللي بحبه
شويه ونزل وانا كمان نزلت من بيتنا بيفضل ماشي  شارعنا كله وانا وراه   لحد ما نوصل للشارع العمومي وهو بيروح شغله وانا بروح كليتي
_ اتاخرتي ليه يا هانم
_ مفيش علي ما مازن نزل وجيت علطول
_ انتي بقيتي تستنيه ينزل وبعدين تنزلي يا حسناء
_ ...
_ ما تردي سكتي ليه
_ يوووه ياامال اعملك ايه يعني حبيته واللي حصل حصل
_ وبعدين اخرة الحب دا ايه
_ دا سؤال وجع طبعا
بصتلي بسخريه _ ست الحسن
_ فضحكت والله ما كان بايدي انا فوقت بعد ما اتعلقت حاولت ابعد ماعرفتش
_ انتي ليه بتتكلمي وكانها حاجه عاديه يعني
_ علشان انا عارفه ان الوجع جاي جاي لا محاله سيبني دلوقت بقا احلم علشان لما اقع علي جدور رقبتي وتتكسر علي الاقل تبقا اتكسرت علي حاجه حلوه
_ اتتنهدت بقلة حيلة عايزه اشوفه
لما نروح هبعتلك صوره يلا نلحق المحاضره
____
كنت مروحه من الجامعه مشلوله حقيقي ربنا ياخد الجامعه وسنينها
وفجأه وقفت مش عارفه اتحرك كلب اد البقره واقف في نص الشارع يا حلااااااااوه المشكله اني لو هعرف ارجع واروح من شارع تاني والله هعملها بس دا قبل البيت بكام خطوه ومعدتش فيه طرق تانيه غير دا  وقفت مسهمه للحظات وانا عنيا بدات تتدمع من الخوف والتعب شايفاه بيبصلي خايفه اتحرك ليجي نحيتي
خوفي من الكلاب مش علشان انا كائن رقيق وكدا لا اطلاقا  كان خوف عادي وبسيط بس وانا في اعدادي كدا جرا ورايا كلب فضلت اخري لحد ما اتكعبلت وكان لسه هيجي فوقي فغمضت عنيا ومعرفش ايه حصل بعدها غير اني فوقت لقتني في بيتنا بعدها قالولي ان الناس لحقوه قبل ما يجي جمبي من يومها وانا بقا عندي فويبا منهم
فضلت واقفه اكتر من ربع ساعه مش عارفه اتحرك ودموعي كانت نزلت وشارعنا اللي مبيهداش ابدا دلوقت بقا صحرا خالي من البشر
فوقت علي صوت حد جمبي
_ في حاجه يا انسه انتي خايفه من الكلب
بصيت وريا لما حسيت بامل
_ ااي...
احم لا مش خايفه ولا حاجه انا عادي
صوته كان واقع علي قلبي تلجه عيونه حمرا من الارهاق بس ملامحه حلوه عن قرب
ابستم بهدوء _ بس انا خايف بصراحه فممكن تعديني
_ ضحكت وبصيت في الارض
_ اتفضلي
طلعت بيتنا وانا قلبي بيضحك اه حبيته يعني وايه المشكله هتوجع هو يستاهل اتوجع علشانه
فضلت اقلب كتير في ملف الصور بتاعه علي تليفوني كبنات اكيد عارفين اني دي مهمه سهله جدا نجيب الانستا والفيس بتاعه والوان شرباته كمان
فضلت ادور في الصور كتير عندي عاده غريبه كدا لما بكون بوري لحد صورة حد بحبه بدور علي اكتر صوره شكله حلوه فيها بحاول اخليهم يشوفوه حلو زي مانا شيفاه مع انه احلا كتير في الحقيقه واحلا كتير عن قرب 
غيرت هدومي وخرجت اعدت مع ماما بره
_ غريبه
_ بصتلها ليه في  ايه
_ اول مره تيجي من الجامعه بتضحكي وكمان منمتيش اول ما جيتي
_ متركيزيش يا بطه
_ لو مركزتش معاكي هركز مع مين
_ عايزه توصلي لايه ياماما
_ مفيش انا نازله هروح لطنطك  مني
_ ام مازن
_ بصتلي بخبث انتي تعرفي اسمه
_ احم ..شفته صدفه مره واحده صحبه بيناديله باسمه بس هي ماماته مالها
_ معرفش بقالها كام يوم كدا لا بتسال ولا حاجه واخر مره شفتها كانت زعلانه ومش طبيعيه هطمن عليها واجي
سابنتي ودخلت اوضتي تاني ولاول مره من سنه احس ان  الدنيا لونها ابيض في ازرق
غمضت عيني وانا بتمتم  لاعمرو حسن وجودك راحه ومحبه وفرحه لكل شئ زعلان
لما صحيت كانت الساعه بقت 10
فتحت الدرج بروتينه اخد حباية الصداع مش فاهمه عملت ذنب ايه في حياتي يخليني انام واصحا مصدعه
بابا دايما بيقولي انتي فكراه ملبس يا حسناء وكل مره اضحك واسكت هو مش فاهم اني مبستحملش الصداع دا خصوصا لما بنام في النهار اللي هو ببقا صاحيه مش فاهمه احنا امته وهعمل ايه ماهو اليوم كدا خلص والناس ساعتين وهتنام وهفضل صاحيه انا وارجع اسهر لبعد الفجر وانزل الجامعه بضرب الجذمه وموال كبير ساعتك
فتحت الشباك اشم هوا يمكن افوق فلقيته واقف بيشرب سجاير يابني ارحم نفسك بقا هتموت وتموتني بزعل اوي لما بشوفه بيشرب سجاير
بس سنانه بيضه جدا ازاي بيشرب سجاير وسنانه حلوه كدا
فتحت  الاكونت الفيك تاني وبعتله
"""ازاي بتشرب سجاير وسنانك بيضا""
كان لسه هيرفع نظره فستخبيت ورا الستاره هو مش هيبص عليا ولا حاجه هو دايما بيتنهد ويبص لفوق كعاده منه حتي لما بشوفه بيتكلم مع حد من صحابه او اخواتي تحت البيت ساكن قدمنا من سنه وتقريبا حفظت كل تفاصيله
ابتسمت لما سمعت صوت الرساله فبصيت للتليفون
"" الاهم من الشغل تظبيط الشغل ""
بعتله "" مش فاهمه !!""
فبعتلي " مينفعش دكتور سنان يكون سنانه وحشه""
ابتسمت ببلاهه
وكتبت تاني  "" ستراني بين دخان سجائرك """
قفلت الفون ودخلت لماما
_ حسونه
_ مش مطمنالك والله
_ انتي كنت فين لما كنت بربيكي
_ضحكت  غالبا انتي مكنتش قويه في دروس التربيه
قوليلي بس عايزه ايه
_ جايلك عريس
_ ومالو
_ بس جواز علطول
_ خير وبركه
ولو هيخليني اسيب التعليم بقا يبقا روحي روحي روحي
_ انتي بتهزري
_ انتي عارفه اني مش موافقه فمتحاوليش في الفاضي وبعدين انا قولت مليون مره مش هتجوز مش...
_ مازن اللي ساكن قصادنا
كنت واقفه في اعدت تاني
_ بتهزري
_ كنت عارفه والله ان فيه حاجه
_ عايز يتجوزني بجد
_  امه طلبت ايدك مني وقالتلي اخر الاسبوع هيجو رسمي
_ اعدت جمبها بسرحان
_ من امته يا ست الحسن
_ مش عارفه
_ مقولتليش ليه
_ علشان هتزعقي
_ يبقا عارفه انك غلط
_ عارفه بس مقدرتش ابعد
_  افرضي مكنش جه كنتي هتعملي ايه
_ بس هو جه
_ اقولك سر
_ قوليلي سر
_ عداني من الكلب النهارده العصر وانا جايه وابتسم كمان
_ مسكتني من شعري
_ شربتي مخدرات ولا لسه
_ يوووه اهدي بس والله ابتسامه برئيه
_ وانت رفعتي  نظرك ليه
_ ها ...بصي والله انتي عارفه اني دايما مش برفع عيني في راجل وبغض بصري بس
_ بس هو ببصله بطرف عيني الخبيثه  كدا
_ غلطتي علفكرا
_ بس هو جه في الاخر
_ حتي لو جه هتتدفعي حساب غلطك ربنا مبينساش خليكي فاكره كلامي
دخلت اوضتي تاني وانا مش فاهماها
كلمت امال اقولها فاعدت تزغرط علي الفون انا مبسوطه بس في حاجه ناقصه ومش عارفه هي ايه
تاني يوم مشفتوش واقف في الشباك  فضلت مستنياه كتير بس مطلعش صوته كان عالي بس مقدرتش اميز نبرته
كنت لسه هدخل بس الصوت قرب غالبا دخل اوضته بس لسه بيزعق
"" انا مش بنت هتروحي تخطبيلي
_..
_ انتي عارفه كنت بخطط للسفر صح وعملتي كدا عن قصد
قفلت الشباك بسرعه ودخلت علي السرير تاني مش عايزه اسمع لا مش عايزه فضلت اعده اكتر من نص ساعه مش قادره اتحرك مش فاهمه الدنيا كنت بدور حوليا وتليفوني بيرن برقم امال
قفلت التليفون ونمت علي السرير بهدوم الخروج غمضت عيني ونمت
كحسناء اسهل وسيله للهروب عندي هي النوم
غمضت عيني وانا بيتردد جويا  جملة اثير
""كنت كمريض يحتضر مريض يلجأ للمسكنات ليسقط في غيوبه نوم بانتظار موت رحيم او شفاء يجود به الشافي فينتشله من الالم """
نمت من الصبح وصحيت تاني يوم الصبح كنت صاحيه زوري واجعني وعندي برد وصداع عنيا بتحرقني فرق كبير بين النوم الطبيعي والنوم بوجع فرق كبير اوي
لقيت ماما داخله الاوضه
_ دانا افتكرت جرالك حاجه
نمتي كل دا امته وروحتي وجيتي من الكليه امته انا عندي خالتك من الصبح مشفتكيش وانتي نازله
ولما جيت لقيتك
_ قولتلها بصوت واطي وانا ماسكه دماغي
_ ماما الله يخليكي جبيبلي حبوب للصداع هموت
اعدت جمبي وخدت دماغي في حضنها فيكي ايه
_ صوتي كان مخنوق بالعياط مفيش مصدعه بس
_هبجبلك دوا للصداع حاضر
_ ادتني الدوا واعدت جمبي تاني حطيت دماغي علي رجليها
_ارئيني يا ماما
كانت بتمسح علي شعري وهي بتقرا وانا دموعي نازله بهدوء لما خلصت
اتكلمت بهدوء
_ الصداع مش هيروح طول ما بتعيطي
كان وشي مش باين فقولتلها_ مش بعيط مين قال
بعيط
اتكلمت بمرح _ دموعك غرقت العبايه وانا بقرف
_ رفعت راسي وانا بضحك مش امي لا
_ مالك بس
_ كويسه شويه خنقه وراحو لحالهم
_ هقوم اعمل فطار ونفظر سوا ابوكي نزلت الشغل بدري واخواتك
_ كنا اعدين بنفطر انا وهي فاتكلمت
_ مازن وامه جايين بليل ابوكي وافق
_ امم
_ هتلبسي ايه
_ اي حاجه
_ بصتلي باستغراب
_ بتصبي ليه
_ مش عايزه تبقي حلوه
_ مانا اصلا حلوه
ابتسمت فضحكت في موقف دايما بيحصل بيني وبين ماما في اي مناسبه خروجه تجمع او حوار هو مش غرور مني والله ولا تملق انا بشوف الناس كلها حلوه وجميله ومفيش اعتراض ان خلقه ربنا حلوه
بس انا مبشوفش حد احلا مني ودا طبع او اعتقاد سخيف بس مرسخ ومبيتغيرش
دخلت اوضتي تاني كنت عايزه ابص للشباك تاني بس خفت فتحت الاكونت وبعتله
"" تشبه المطر في قسوته وطول هجره ""
قفلت وفتحت روايه لاثير اقرا فيها طول اليوم مخرجتش من اوضتي الشباك مفتوح والهوا بيحرك الستاره بس مخرجتش اشوفه قلبي شايل منه
بليل لبست دريس موف في ابيض ولبست طارحه اوڤ وايت وخرجت مبصتلهوش ومرفعتش عيني من الارض كانت هتبان حمرا واثر العياط كان واضح   كان عندي برد كمان وعيني مدمعه وحالتي مزريه  هيتحاسب والله علي عياطي دا هحاسبه
اعدو يتكلمو شويه وانا ساكته وباصه في الارض الاصوات هديت فغالبا خرجو
_ انتي ساكته كدا ليه
_ بصتله وانا عنيا مدمعه من البرد والتعب
_ مفيش هقول ايه
ابتسم عندك برد
_ امم
_ صووتك حلو كدا علفكرا
_ طريقته كانت حلوه وكفيله تخلي قلبي يسامحه فكشرت وبصتله بجديه
_ جيت ليه
_ بصلي باستغراب
_ عارفه انك عايز تسافر وماماتك هي اللي حطتك قدام امر واقع
_ احم بس...
_ انا موافقه وهساعدك كمان انت عايز تسافر وانا كمان مفيش عليك اي مسؤليات تجاهي ولا اي واجبات
_ انتي شايفه كدا يعني
_ ايوا
_ تمام براحتك
_ بس مفيش سفر قبل اربع شهور
انا اخر سنه في الكليه علشان اكون خلصت دراستي
_ موافق
_ هزيت راسي بهدوء كنت خارجه
فنادي عليا بصوت دافي
_ حسناء
بصتله من غير ما اتكلم
_ اشربي لمون دافي بعسل هيطيب زورك
_ هزيت دماغي ودخلت
_______
  وقع مني شهرين كنت تايهه ومش عارفه هتصرف ازاي عايزه امسك قلبه في ايدي وضغط عليه بقوتي واوجعه عايزه اوجعه حقيقي حتي لو كنت هتوجع معاه
كل يوم بيفطر القهوه والسجاير وينزل شغله وانا بنزل علي جامعتي مفيش بينا اي حوار اصلا بيجي يتغدا وينزل يرجع بليل يتاخر وينام
مش موجوعه اد ما حاسه بقهره
منكرش اني كاي بنت عندي رهبه الجواز والمسؤليه يعني انا بعد ما كنت بتشرط علي ماما علشان تعملي الاكل اللي بحبه بالطريقه اللي بحبها هقف انا في المطبخ اطبخ !!
مش هصحا اشرب العصير اللي مااما عملاه ليا علشان مبحبش الشاي واللبن وهعمل فطار انا بدل ما اكل من اكل ماما
يعني هكوي واغسل   كل دا كان تفكيري في الجواز وعلشان كدا كنت دايما رفضه الفكره
لكن بعد ما شفته كنت بدات اتقبل الموضوع والله كنت هعمل الاكل اللي بنحبه سوا انا شاطره في الحلويات وهدوقه ابداعاتي فيها
وبحب المعجنات كمان وشاطره فيها ماما بتقول ان العجين في البيت خير
صحابي دايما بيقولو اني ريحتي فانليا وغالبا دا اثر وقفتي في المطبخ وانا بعمل معجنات وحلويات
كنت ناويه نسهر سوا نتفرج علي افلام او حتي نعد نرغي في البلكونه ويحكيلي عن مواقفه المضكحه وهو صغير
نتجنن وننزل نتمشا بليل في عز البرد
كنت هقوله علي سر المكوي اللي صحابي عايزين يعرفوه ومش برضي اقول
كنت هقوله اني برشي برفان علي المكوه علشان الريحه تطبع في الهدوم وتبقا هاديه ولطيفه
هو  خسر حاجات كتير خسر تفاصيل كانت هتبقا حلوه بينا
كنت اعده بتفرج علي فيلم me before you
وبعيط محستش بيه لما فتح الباب كنت مندمجه مع الفيلم وبعيط اعد جمبي باستغراب وشبهه خضه شوفتها في عنيه
_ بتعيطي كدا ليه مالك
_ ....
حط ايده علي شعري يمسح عليه مالك بس يا بنتي
_ بصتله وانا بعيط مات يا مازن مات
وفتحت في العياط بصوت عالي
_ يا شيخه دانا لو مت مش هتعيطي عليا كدا
من مشاكلي الازليه في الحياه اني بعيش الحاجه روايه او فيلم او حتي اسكريبت انا بعيش الموضوع وكاني حاضره معاهم وعلشان كدا بتاثر بقدر كبير انا فاكره مره فضلت اعيط ومكتأبه اسبوع علشان بطل الروايه مات في الفصل الاخير
_ كنت شايفاه متلغبط وبيحاول يهديني مش عارف وانا كمان مكنتش عارفه بعيط ليه بعيط علي الفليم ولا بعيط وجعي منه اوقات كتير بنفضل ساكتين بنستحمل وبنعدي لحد ما ننفجر ونعيط علي حاجه تفهه زي ان ضفرنا اتكسر او سلك الهاند فري اتقطع مش علشان احنا تافهين احنا بستحمل لحد ما بنيجي في وقت بتبقا نسمه الهوا قادره تجرحنا
_مش عارفه عدا اد ايه بس لما نوبة العياط راحت فتحت عيني لقتني في حضنه رفعت عيني لفوق لقيته بيبصلي وبيبتسم
_ ماكنتي تقولي انك عايزه تتحضني بدل الاكشن دا كله
_ ابتسمت وخرجت من حضنه بهدوء
_ ليه كدا بس مانتي كنتي كويسه
_ احم  التزم حدودك لو سمحت
قمت من علي الكنبه وقفت
_ هحضرلك العشا
فمسك ايدي واعدني تاني
هتاكلي معايا
_ مش جعانه
_ يبقا متعمليش خليكي
_ بصتله باهتمام بس انت متغدش وكمان نازل من غير فطار
_ مانا  مبعرفش اكل لوحدي
_ ابتسمت يعني لو فطرت معاك الصبح هتفطر بدل القهوه
_ هز راسه بهدوء
_.....
_ مازن
_ امم
_ مااازن
_ اممم
_ مااااااازن
_ كان يوم اسود يوم ما اتجوزتك يا شيخه
_ قوم يا بيبي الفطار جاهز
_ بيبي !!!
_ تعبير مجازي متركزش
كان بياكل بسرعه
وانا اعده جمبه بشرب العصير وببتسم
_ علي فكره يا حسناء
_ امم
_ بتعملي طبق جبنه بالطمام ملوش حل
_ روح يا شيخ اللهي تنستر
_ بس البيض دلع شويتين ونشفتي البسترمه
_ روحي يا شيخ اللهي تنفضح
_ كح كح كح
_  اديته كوبايه مايه وانا بضحك
_ بتدعي علي بعلك
_ هيهيييييي ال بعلي قال
يا اسر يا حبيبي متتديش لنفسك مساحه انا مدتلهكش
_ حبيبيك !!
_ تعبير مجازي يا اخي زوق معايا اليوم متنحش كدا علي كل حاجه  سبته ودخلت المطبخ
كنت ماسكه في ايدي القهوه والعصير بتاعي ونفس المجين
_ اتفضل
_ شرب منها ببطئ وابتسم وبص قدامه تاني بس مش غريبه تكوني بتعملي قهوه حلوه كدا ومش بتحبيها
_ كنت بحبها
_ ودلوقت
_ مبطقش ريحتها
_ بصلي باستغراب محدش بيحب حاجه ويرجع يكرها
_ لا ينفع يا مازن معايا انا ينفع يعني مثلا بقيت اقره القهوه وكل المشروبات السخنه بقيت اكره الشيكولاته
يعني مثلا ممكن اكون بحبك وبعدين اكرهك عادي بتحصل
_ انتي قويه علي فكره
كنت عارفه انه بيقولها استنكار بس حبيت استفزه
_ نقطة قوتي اني قوية
فاهم حاجه
_ لا
_ احسن لما اتجوز زوجي قرة عيني هيفهم
_ امال انا ايه
_ رفعتله حاجبي انتي ناسي اتجوزنا ازاي
_ بس جوزك ومينفعش تجيبي سيرة راجل تاني قدامي
_ انا مجبتش سيرة راجل تاني انا معرفش لسه الشخص اللي هرتبط بيه دا هيبقا شكله ايه وبعدي....
ملحقتش اكمل كلامي فاتكلم
_ انا نازل
اتحرك بسرعه قفل الباب ومشي
مانا مش هعيش عمري كله في صمت هحاول اني اكسبه علشان لما يقع من ايدي مندمش بعدين
كنت اعده مع امال في الجامعه
_ ايه يا ست كخه انتي بقالك اسبوعين منزلتيش قصه جديده
_ ياراجل
_ اه والله من العيد
_ والله يا  ستي الواحد حياته مليانه احداث مخلياني مش مركزه في حاجه
_ ليه ياختي انتي اول ولا اخر واحده اتجوزت
_ بصتلها بصه هي فهمته
_ لسه بتحبيه يا حسناء
_ ضحكت بسخريه يعني كنت بحبه قبل ما ابقا مراته تفتكري لما ابقا قريبه منه كدا مش هحبه
_ وهتعملي ايه بعدين
_ تاني نفس السؤال
_ انتي غاويه وجع قلب والله
_ يا امال يا حبيبي الحب والوجع واحد متلازمين كدا
وبعدين انا خلاص دخلت بوابة الحب وطلعت اول سلمتين وجع لازم اكمل للاخر
_ هتكتبي اسكريبت جديد
ابتسمت لما عرفت انها بتحاول تغير الموضوع وتخليني اعمل حاجه بحبها علشان ابقا كويسه
_ هكتب اسكريبت جديد
_______ الباب خبط
_ ادخل
_ احم بتعملي حاجه
_ بكتب القصه الجديده
_ قعد قدامي علي السرير
قصه ايه انتي بتكتبي قصص
_ اه
_ امم طب ينفع اقراها
_ ابتسمت بسخريه اه ينفع
_ طب اجبهم ازاي
_ اقراهم من الواتباد
_ اكتب ايه في السيرش
_ حكاوي ست الحسن
ابتسم_ ست الحسن !!!
لايق عليكي الاسم
_ كل الناس بتقولهولي اصلا
_ امال ايه حس دي وياترا حسناء تختلف
انتي انهي واحده فيهم
_ اقرا وخمن  وخد الباب في ايدك وانت خارج عايزه هدوء علشان بكتب النهايه
_ ماشي يا ست الحسن
فات شهر علي اليوم دا كنت واقفه في البلكونه سرحانه وبشرب العصير بتاعي حاطه الهاند في ودني وبسمع محاضره لاتيني علشان عندي امتحان اورال تاني يوم
لقيته واقف جمبي وماسك المج في ايده فضل ساكت لحد مانا شلت السماعه لما المحاضره خلصت
_  غريبه انك هاديه وعندك امتحان
_ انا عمري ما اتوترت في الامتحانات علفكرا
_ انتي معقده ليه
_ بصتله بستغراب انا
_ ايوا انتي كل ما احس اني بدات افهمك بلاقي نفسي مفهمتش حاجه
ست الحسن وحس وحسناء كلهم فيهم منك كلهم انتي
لكن حسناء اللي واقفه قدامي مختلفه ومش فاهم ازاي
_ وتاعب نفسك ليه انت في غني عن الصداع دا ياعم
_ عايز اعرف
_ تعرف ايه
_ انتي البنت اللي شفتها اول مره في  الشباك وتكح من ريحة السجاير
واللي خلتني ابطلها لما اتجوزنا من غير ما هي تحس
ولا ست الحسن العميقه اللي بتحب القرايه وبتبكتب قصص حلوه وتشد
_ ولا حس التافهه اللي عايشه حياتها ضحك وبتعمل كل حاجه تخطر علي بالها
_ كلهم يامازن انا كلهم
سبته ودخلت الاوضه تاني عارفه انه بقا مهتم وعارفه انه بدا يحبني بس كمان عارفه اني زعلانه منه وهعاقبه علي وجع القلب اللي حساه دا
تاني يوم خلصت الامتحان وخرجت مع امال كان اخر يوم امتحان وعارفه اني لو سافرت مش هرجع وخايفه مشوفهاش تاني
_ الساعه داخله علي 11 وهي قفشه فيا مش راضيه تخلينا نروح
_ يابنتي مش ماشيه بكره انا  طب تيجي تباتي معايا
_ هجيلك بكرا اعد معاكي
_ ماشي ويلا خلينا نروح انا مقولتش لمازن وشكلي هطلق النهارده
_ فتحت باب الشقه لقيته خارج من جوه وواقف قدامي شكله متعصب قلقان
_ انتي كنتي فين انتي مخلصه امتحانك من الضهر
_ كنت مع امال في ايه
_ ومفكرتيش تكلمي الجردل اللي متجوزاه تعرفيه ولا حتي تطمني حد عليكي في واحده محترمه ترجع بيتها نص الليل
_....
_ صوته علي ساكته ليه ما تردي
_ بصتله بغيظ  وانا فرحانه انه مهتم خمس شهور يا جبله يا تنح لسه فاكر تقلق عليا دلوقت
ابتسمتله بسخريه في ايه يامازن  مالك احنا من امته حد بيسال التاني ويطلب منه حاجه
كان هيقول حاجه وبعدين سكت وخرج وقفل الباب وراه اتنهدت بتعب ودخلت اغير هدومي قولت بعد خناقه كبيره مش هيجي فملبستش الاسدال فوق البيجامه كالعاده وفضلت بالبيجامه الازرق في ابيض المفضله عندي 
كان عدا اقل من ساعه  ولقيته بيفتح الباب تاني دخل يرزع شويه ويخبط في اي حاجه ومش فاهمه مالو 
اعدت علي الكرسي بقلب في التليفزيون بملل فسمعت صوت حاجه بتتكسر قمت جري اشوف في ايه
مازن في ..
المج بتاعي
اعدت علي الارض وانا ماسكاه وعنيا دمعت انا مش تافهه علشان اعيط علي مج بس هو مهم عندي دانا بشرب حتي فيه المايه  ذكرياتي كلها معاه اللي هو اصلا ميعوفش عنها حاجه
كان واقف فبصتله والدموع وقعت من عنيا
حرام عليك والله ما مسمحاك يامازن والله ما هسامحك عليه
خبيت وشي بايدي وانا اعده علي الارض بعيط
اعد بسرعه وشدني لحضنه فضربته وكملت عياط لما هديت رفعت راسي ليه فلقيته بيضحك
خرجت من جواه بسرعه
_ انت بتضحك علي ايه
_ فتح درج المطبخ وطلعلي المج زي بتاعي نزلت اشتريت واحد علشان اكسره علشان عارف انك بتحبيه وهتعيطي
_ فتحت عيني جامد انت عايزين اعيط
_ ابتسم علشان لما هتعيطي هيبقا عندي حجه احضنك وانا كنت محتاج احضنك
_ ضحكت بعلو صوتي
يابني ايه اللفه دي كنت  قولي بس عملتي ايه في  الامتحان وانا مليتلك المج دا دموع
_ ليه انتي عملتي ايه
_ حليت كويس طبعا
_ ياجامد
_ يابني انا اصلا بحب مجال دراستي فتلاقيني لهلوبه فيه يعني عارف انا وامال مبنذاكرش كدا زي الدفعه بتاعتنا اول باول احنا بنيجي قبل الامتحانات باسبوع
بس بيبقا فيه الشفا ونخش نرص في الورقه ونطلع ..نضرب كيس الشبسي الكبير اللي بالجنبه المتبله ونروح نتغدا ونام نصحا بليل نتمرقع للفجر وننام تاني نصحا تاني يوم نجهز للماده اللي عليها الدور مسم ذكريات والله هتوحشني الواحد اتخرج بدري بدري عارف لما ...
بصتله لقيته بيبصلي وبيبتسم
_ انت مبتسم ليه
_ هو انا قولتلك قبل كدا ان ضحكتك حلوه
_ تؤ
_ طب قولتلك انك بتبقي حلوه اوي وانتي منتدمجه في الكلام
_ تؤ
_ قرب اكتر طب قولتلك قبل كدا انك مغريه في البيجامه القمر دي
_ رفعتله حاجبي مغريه
_ اه والله واحنا يعني في المطبخ ومعانا حلل واطباق و شوشو موجود فقومي اعملي الاكل علشان انا جعان بدل ما اتهور عليكي
قمت وانا بضحك نضف الارض بقا علي ما اعمل الاكل
_ هتاكلينا ايه
_ في شويه خضار هيبوظو في الدرج وهنا صدر فرخه هعمل بيتزايا صغيره كدا
_ غمزلي ياواد يا اقتصادي انتي
_ عدلت اللياقه بغرور لا دانا اعجبك اوي
كنا اعدين ناكل ونا بحاول اتجاهل وجع ضرسي
لحد ما عيط بقا
_ اتخض وساب الاكل من ايده
_ في ايه مالك
_ ضرسي بيوجعني اوي يا مازن
_ اشربي مايه كدا ووريهولي
_ اوريهولك ايه بس انت هتعرف
_ رافاعلي حاجب واحد سمكري عربيات انا قدامك
افتحي بوقك يا بنتي متخلينيش اقل ادبي عليكي
_ طيب براحه
_ يا ولي الصابرين
فتحت بوقي وهو فتح البتاعه بتاعت النور دي
_ يا نهار ابيض دا ملتهب جدا يابنتي انتي ساكته لحد ما وصل كدا اللثه ملتهبه
_ هو واجعني من كام يوم بس كان وجع خفيف
_ هنزل اجبلك دوا من تحت واعملك ماث علي اللثه هترتاحي
_ شكرا
_ ياله ياكش يتمر
نزل جاب الدوا وفعلا ارتحت كان واقف بيغسل المواعين وانا اعده علي الرخامه جمبه
_ انتي ضرسك وجعك مش مشلوله علي فكره
_ اغسل يا مازن وانت ساكت
_ بس صحيح
رديت _ امم
_ انتي في ضروس عندك محشيه مين حشهالك
_ دكتور مالك احمد  اخو امال صحبتي
_ كبير دا
_ لا دا دكتور صغير كدا وقمر لسه متخرج من اربع سنين
_ عملاهم من امته
_ يعني من سنه تقريبا
_ بصلي بغيظ ومجتليش ليه اعملهوملك
_ عايزني اروح لدكتور سنان شاب وغريب يعمل ضرسي
_ وهو مالك دا ايه
_ دا قمار يابني دا اخو امال صاحبتي واحد كدا كريم كرامل يتاكل
_ مسك شعري نعم ياختي
_ اهدي يا شبح بس اقصد اقولك انه زي اخويا محمد عادي
_ نزلها تاني وبصلي بغيظ عندك ضرس عايز يتحشا بكرا تيجي معايا العياده علشان نعمله
_ حاضر
مازن
_ امم
_ هو يعني .. احم انت هنسافر امته
اتنهد وسكت
وخفت اساله تاني
دلوقت بس فهمت كلمة ماما ليا انتي غلطي وربنا مش  هينسا
كنت اعده علي السجاده فاتحه الشباك ورافعه عيني للسما طب يارب انا غلط واتعاقبت مش   بعترض والله بس عايزه اخف الوجع ذاد عن حده انا تايهه في علاقه مش عارفه اخرتها ايه دلني يارب علي الطريق الصح
دموعي  كانت بتنزل لا ارادي والله انا تعبت سنه ونص تعب سنه ونص يارب
هو الخسران والله بس انا قلبي هيتخلع مني من الوجع
خلصت صلاه وفتحت التليفون فتحت الاكونت القديم اللي كنت ببعتله عليه وبعتله
""فلا السيف يفعل بي مانت فاعله ولا لقاء عدوي مثل لقياك
لو بات سهم من الاعداء في كبدي ما نال مني ما نالته عيناك
""
_ لما رجع كنت اعده في الاوضه فخبط الباب ودخل
كنت عارفه اللي هيقوله وخايفه من رد فعلي من اللي هقوله
_ فاضل يومين علي السفر جهزتي شنطك و..
غمضت عيني وقولتها بسرعه
_ اسر انا مش هسافر
_ سكت شويه وبعدين اتكلم بتقولي ايه
_ بقولك مش عايزه اسافر
_ بس احنا اتفقنا علي حاجه
_ احنا اتفقنا اني هجنبك كل المسؤليات اللي هتمنعك من السفر
انا مش بطلب منك اي حاجه سافر اواشتغل وعمل اللي كنت حابب تعمله واللي مش فاهمه دكتور زيك محتاج يعمل ايه بره مش هيتعمل هنا بس لو دا حلمك فسافر وحققه
انا مش همشي من هنا مش هسيب عيلتي وصاحبي واخواتي وشغلي و..
_ شغلك !!
_ ايوا انا قولتلك مش  محتاجه منك اي حاجه انا لقيت شغل  هفضل عايشه هنا ومحدش هيحس بحاجه صدقني
_ طب وانا شفتك اتكلمتي عن كل دول دورت علي اسمي ملقتوش انا فين من كل دول اختارتيهم هما وانا لا
_ ياأسر مخترتش حد ولا حاجه انت اللي قررت تسبنا كلنا لمجرد انك عايز تسافر تجرب العيشه بره
سبني ومشي خرج وقفل الباب جامد وانا اعدت مكاني اعيط كلمت امال وانا مش عارفه اخد نفسي من العياط
______
صحيت علي صوت الباب بيخبط قمت بسرعه لما افتكرته هو
بس لقتها امال اترميت في حضنها وانا بعيط
_ اهدي بس علشان خاطري
_ مشي ياامال مشي هدومه مش جوه هيسافر ويسبني
كنت اعده بعيط في حضنها وهي بتمسح علي شعري وتقرا قران
دموعي كانت بتنزل وبشهق من العياط
مشي قبل ما اقوله اني بحبه قبل ما اقوله اني براقبه من قبل ما يجيلي بسنه
اني بحب المج الازرق علشان مرتبط بيه
واني ببقا قاصده اعيط بزياده علشان يحضني
هو قال اني حلوه وانا بتكلم
انا لسه كنت عايزه اقوله اني بحب اسمعه وهو بيتكلم في حاجه بيتكلم بسرعه وبشغف ويتنهد في وسط الكلام وكانه كان ناسي يتنفس وهو بيتكلم
ملحقتش اقوله اني بحب القميص الابيض وان انا اللي كنت بخبي الريموت عن قصد علشان ميقلبش علي المسلسل اللي بحبه
مشي قبل ما اقوله اني ابيع الدنيا كلها علشانه
هو ليه مش عايز يفهم انا مختارتش حد وسبته انا كنت بحاول اخليه يفضل يفضل علشاني عارفه اني لو سافرت معاه مش هبقا مبسوطه ولا هو هيقدر يستحمل نكدي خايفه
اسافر معاه وانا عارفه انه محبنيش لو كان بيحبني مكنش مشي منك لوجع قلبي يا مازن
_.....
شهرين يا بخيل ستين شمس وستين قمر
اتنهد وخدت رشفه من العصير اللي في المج بتاعه مش بتاعي اعده في البلكونه بفتكر كل اللي فات
الصبح بقا وحش من غيره وحشني لدرجه مخليه الدموع واقفه وزوري واجعني من كتر ما مخنوقه بالعياط
كل يوم كنت ببعتله علي الاكونت بتاعه

""مشيت علي ما تبقي من القلب صوبك

"" كان في عينيك شئ لا يخون كيف خان"

مبيردش بيشوفها ومش بيرد عارفه انه عارف انه انا وبيستهبل وانا كمان بستهبل وعامله من بنها
فتحت التليفون بتردد
بعتله رساله وقررت تبقا الاخيره بكفايا وجع بقا بكفايا

""وليس لنا في الحنين يد ..وفي البعد كان لنا الف يد سلام عليك افتقدك جدا...  وعلي السلام فيما افتقد """

قفلت التليفون خالص ودخلت انام
من يوم ما مشي بصحا الصبح اقف في البلكونه وافتكر في اللي فات وادخل انام تاني لما اقتنع انه مش هنا ريحته في البيت لكن صوته مش هنا
حطيت دماغي علي المخده وغمضت عيني فدموعي نزلت
مكنتش اعرف ان عقابك صعب كدا يارب ومكنتش اعرف اني اضعف من اني استحمل الوجع دا دا مش وجع دا موت والله موت بالبطئ
مش عارفه نمت اد ايه بس فتحت عيني لما ريحته كانت قويه ففقت
بصيت قدامي لقيته واقف غمض عيني تاني بخوف
فسمعت صوته بيضحك
وقفت علي السرير وانا ببصله وهو بيبستم
فدموعي نزلت وانا بترمي في حضنه وبمسك في ضهر قميصه تاني خايفه ليمشي تاني خايفه يكون حلم واصحا منه خايفه ميكونش موجود
فضلت اعيط كتير وانا في حضنه ومش راضيه اخرج منه
_ طب اعقدي بس اهدي
_ اعدت وانا في حضنه برضو ومردتش اسيبه كان بيطبط عليا وبيبتسم وانا بعيط
مش فاكره ايه حصل بعدها غالبا نمت
صحيت من النوم لقتني نايمه علي السرير
بحلم تاني !!
مسحت دمعه نزلت بسرعه وكنت قايمه بفتح الباب لقيته في وشي فشهقت وحطيت ايدي علي وشي انت مكنتش حلم
_ غمزلي مكنتش اعرف اني وحشتك كدا
دموعي نزلت تاني بقهره
قرب مني ومسحها بسرعه اسف والله اسف حقك عليا
_ انت سبتني هنا لوحدي ومشيت وانت عارف اني بخاف اعد لوحدي
_ اسف
_ كنت بحلم بيك كل يوم ومش بتيجي محلقتش احكيلك اني بقف ورا الستاره اشوفك وان ربنا بيعاقبني علي دا لحد دلوقت وملحق..
_ شدني من ايدي جامد لحضنه
عارف كل حاجه
_ ضربته بايدي  ايه اللي رجعك مش سبتني ومشيت رجعت ليه
_ نسيت اقولك حاجه
_ زقيته بايدي ومشيت بسرعه من قدامه دخلت المطبخ حاولت اعمب مشغوله باي حاجه ومش مهتمه
_ مسك ايدي بحنان بيقع من عنيه
رجعت علشان نسيت روحي معاكي كنت بكابر وفاكر اني بدوس علي كرامتي لو رجعت بعد ما اخترتي كل اللي هنا وفضلتيهم عليا
_ كنت بضربه وبزوقه لورا انت غبي انا عمري ما حبيت ادك ومعنديش في الدنيا اغلي منك تولع الدنيا طالما انت معايا انا كنت بحاول اخليك جمبي وتفضل انت ازاي كدا
_  بحبك
_ ضحكت واترميت في حضنه ومسكت قميصه جامد
وحشتني يا مازن
_ ضحك روح مازن والله العظيم
_ ضربته في ضهره وانا في حضنه متمشيش تاني
_ مقدرش والله
_ وانا كمان بحبك
ابتسم وضمني ليه زياده خسيتي اوي كدا ليه
_ مبقتش عارفه اكل وانت مش معايا
خرجني من حضنه وغمزلي طب ايه
_ ايه
_ احنا في المطبخ وسط الحلل والاطباق  وشوشو وانتي وحشتيني فانا بصراحه هتهور
_ ضحكت انت مش محترم علفكرا وابعد كدا بقا
كان بيقرب وانا برجع لورا
دانا مشفتش تربيه ...

""في حياة كل منا شخص كالابره اذا لمسك يزعجك ويؤلمك قد تصرخ منه وقد يبكيك اذا وجدته
فتتشبث به جيدا لانك ستدرك في النهايه انه كان يخيط لك ما مزقته انت في نفسك  """

# hasnaa ezz