حكاوي ست الحسن💙🌍

_ انتي عايزه تشليني بقولك ورور
_ بس قمر
_ ياحسناء دا مؤدب
_ بحبه
_ يخربيتك انتي بتفهمي منين دا يوم ما ربنا يكرمه وينحرف بيغمزلك
_ بس غمزته في قلبي والله
_ الله ياخدك وياخده واستريح منك ومن اختيارتك دي
سابتني وروحت وانا بصيت من البلكونه وانا ببتسم الفتره اللي فاتت دي اكتشفت انه من وسط اجمل ابتسامات في العالم هي الابتسامه بوجع طلع ليها رونق خاص والله زي ورده وقعت من غصنها من شده الهوا والمطر فحلت شكل الرصيف
"" انا بدي طير ما حدا بيلغي جناحاتي
صوت العصافير غني الحلم بغنياته
انت ايماني الكبير حب وعهد جديد ""
لسه فاكره اول يوم اتقدملي فيه وارتباكي وقتها كانت اول مره اشوف راجل تاني غير ادهم من وقت ما عرفت يعني ايه حب كنت بحبه كان عندي كم كبير من المشاعر المختلفه مستعده اديها بدون مقابل والله يارب وكنت شاهد علي عهدي ووعدي اللي اتكسر
الحب اللي بنلغي فيه كرامتنا وعقلنا بيكون غير صحي بياكل في القلب ومع الوقت لا بيفضل قلب ولا حب
لما مازن اتقدم مكنتش هوافق بس افتكرت كلمه ماما قالتهالي زمان اول ما بدات اكتب القصص  مبنساش ابتسامتها الهاديه وهي بتقولي لسه قلبك صغير وعقلك اصغر وكف ايدك بيتعلق في فستان الدنيا بكره تكبري وتعرفي ان الحياه مش مجرد قصة حب حلوه
الحقيقه انو علي الرغم اني انا وماما دايما مختلفين في الراي بس اني بحب اسمعها وهي بتتكلم حتي لو مش مقتنعه وللاسف اني مع الوقت بكتشف انها كانا صح ماما عمرها ماكانت غلط
زمان لما كانو بيقولو ان اهلنا اكتر حد عايز مصلحتنا وانا كنت بسخر من الكلام وبقول ايه الافور دا اكتشفت انه صح
ماما عندها حق لما قالت الحياه مش قصة حب وانها مش هتقف لو قلبي اتكسر
عندها حق لما قالت انه مش دايما ومش شرط اننا نتجوز حبنا الاول ونكمل معاه للابد علشان الحياه من زي افلام دزني اللي بشوفها ولا حتي تشبهه للكتب اللي بقراها وان الحب الاول في معظم القصص بتبقا ذكري نفتكرها ونبتسم ونقول كنا عيال او..نقول انه كان طبيعي منكملش
وافقت علي مازن بعقلي علشان ادهم اكل قلبي ومشي  ومبقاش عندي قلب او كنت فاكره اني مبقاش عندي
لسه فاكره احراجه وهو بيلبسني الدبله وخايف يلمس ايديا
في مره من المرات النادره اللي مازن بيكلمني فيها او يتلحلح علي راي امال قالي  حلوه في الخمار وانه بيخاف بيبصلي بعينه لتمس طهري وافقد هالة البراءه اللي انا فيها
لسه فاكره بكيت اد ايه يومها احساس وحش انك تبقا عارف انك متستاهلش انا دايما حاسه اني مستاهلوش راجل زي مازن عايز ملاك ضوافر الدنيا مطالتوش  اوقات كتير بتمني احكيله اني وحشه واني غلط وحبيت قبله واني مش بالبراءه اللي هو فاكرني عليها
انا مؤمنه بمقولة كلكم مستور الا من فضح نفسه طب يارب انتي سترتني  افضح نفسي بنفسي ازاي مش هقدر
امال قالتلي انه ملوش عندك غير من اليوم اللي اتقدملك فيه
قلبي بيوجعني لما بحس اني مستاهلوش ومعرفش ايه سبب وجع قلبي دا
بقالنا ست شهور مخطوبين
_ الو
_ ست الحسن
_ ازيك يا مازن
_ انا ياستي الحمد لله
_ عملت ايه في يومك
_ هو كان مش بطال بس بعد طلتك بقا يوم لطيف جدا
_ ابتسمت بهدوء مازن هادي وراقي راقي في مشاعره لدرجه بتوجعني
_ اتغديت
_ هموت من الجوع والله بس في ايدي شغل لازم اخلصه
_ الشغل مش هيطير علي فكره دانت بتخلص اكل في خمس داقايق بالظبط
_ دانتي متابعه بقا
_ مازن انزل اتغدي
_ حاضر هنزل
روحتي من الكليه
_ ايوا في البيت
_ هتيجي المكتب النهارده
_ والله لو باشمهندس مازن هيدربني بنفسه فننزل لو غيره فانام احسن
_ حاسبي لاتغر منك بس
_ ابتسمت وقلبي نطق يحق لك يا عزيزي يحق لك
بس مقدرتش اقولها سكت قلبي الحقير ورديت عليه
_ ها قولت ايه
_ احنا تحت امر ست الحسن نقدر نعترض
_  خطيبي اوي مش هزار انزل اتغدا وانا هصلي والبس واجي  سلام
_ في حفظ الله
قفلت التليفون وانا ببتسم القصه المره دي فيها من اللطف ما يستدعي الابتسام
مازن يبقا جار امال ومش محتاجه اشرح بعد كدا
انا وامال مجموعنا الحقير دخلنا هندسه ومتاكده انها دعوة امي عليا والسما مفتوحه
يارب انا واحده دماغي علي ادي خرسانة ايه اللي احسبلها الحديد وزوايا ايه اللي احسبها
ظهور مازن في حياتي زي المطهر بعد الجرح
في الاول اتوجعت ومكنتش متقبلاه مع الوقت اتعودت عليه
_ يابت اتعودتي عليه بس
_ امال اتلمي
_ ابتسامتك ملئ شدقيك يا فتاه
_ دا من اللطف
_ يعني مش علشان بدأتي تحبيه
_ تؤتؤ دا من اللطف
وانجزي بقا علشان منتاخرش علي مازن
مازن بعد الخطوبه وعلشان اي ام في الدنيا بتستر علي بنتها فامي حبت تبقا كريتيڤ وتفضحني انا وتقوله علي تقديراتي الهباب وكرهي للهندسه والوظيفه اللي مفيش شركه هتقبلني علشان تاريخي التعليمي المشين
وعلشان هو مهندش شاطر وعنده شركه صغيره كدا بيدربني معاه وبيشرحلي اي حاجه مش فاهماه
وطبعا امال راشقه في الموضوع طبيعي
وصلنا المكان ولقيت امال
_ يختاااااااي الله يحرق الطرح الستان علي الشيفون علي اليوم اللي اتولد فيه
بصيت للسما بملل
_ يابنتي انتي بتجيبي تاريخ المصيبه كيف نشات المصيبه
_ عارفه يا حسناء لو مبلعتيش لسانك هعمل ايه
_ ابو الصحااااب بقيت قفوش اوي والله
_ هدخل اعدل حجابي في الحمام واجي يكش ارجع الاقيه اتلحلح والاقيكي مخلفه عيلين تالته ونخلص
_ ضحكت علي الباد جيرل اللي مصاحباها وخبطت علي بابا مكتبه
_ ادخلي يا  حُسن
_ فتحت الباب واخدت نفس عميق عندي اعتقدات  ان لكل شخص ريحه معينه خاصه بيه وكمان لكل بيت ريحه خاصه بيه وحتي لو شخصين بيحطو نفس البرفان الا انه اثره مختلف علي كل واحد
بحب ريحة برفان مازن ريحة مكتبه هاديه ولطيفه تشبهله مؤمنه كمان ان كل شخص برفانه بيعبر عنه
ابتسمت بلطف اكبر لما كرر اسم حُسن
محدش بيقولها غير بابا مكنتش بدقق فيها
بس حبتها من مازن
_ حُسن..!!
_ بذمتك في حد في حسنك دا
_ احم مازن
_ غمزلي حسناء
_ ضيقت عيني وبصتله حدود الخطوبه يا اخ مش كدا
_ ماشي يا لمضه قوليلي محتاحه ايه اشرحهولك الاول قبل ما اشوف المشروع بتاعك
_ كنت هتكلم بس سمعت صوت امال
_ عايز تبدا من غيري يا مزون والله عيب عليك
_ اهي الساحره الشريره وصلت لو مخك اد لسانك كان زمانك الاولي
_نينيني
_ مش هشرحلها حاجه يا حسناء دي مش بتحترمني
_ لا ازاي دي نينين كنايه عن الاحترام حتي
كنت ببصلهم وهو بيناقرو في بعض
مازن لما اتخطبنا حكالي انه يعتبر اخو  امال في الرضاعه ليه بقا ليه علشان ام امال كاي ام مصريه بتسيب بنتها ترضع من اي حد عادي اصلا نص الشعب المصري اخوات في الرضاعه منهم الامهات الخرابه
امال طبعا كانت ناسيه كان حوار طويل مازن حكاه مفهمتش غير انها اخته في الرضاعه يعني وامال من وقت ما عرفت وهي بترخم عليه براحتها بدون احراج
كنت ببصله وهو بيشرح ومبهوره بذاكائه حقيقي
_ كدا يا ستي تبقا المعادله اتحلت
_ التدريس خسرك يابني والله
_ عدل اللياقه بثقه متلقش غير بيه شكرا شكرا
بصلي تاني باهتمام فهمتيها كويس
_ امم
_ وريني بقا المشروع 
كنت ببصله وهو بيتشغل وبيصلح التعديلات وبيفهمني وانا قلبي بيبتسم احساس اقل حاجه تتقال في حقه هي الامان اني مع راجل راجل بجد بكل ما في الكلمه في صفات حلوه انا مبشوفش فيه صفه واحده وحشه هو كتير عليا ومعترفه بدا وبانانيه مفرطه مني مش عايزه اقوله انه يستاهل الاحسن مش عايزاه يمشي طلع مسمهاش جواز صالونات اسمها جواز شرعي
ربنا بيبارك في الحلال بابا بيقول كدا ودلوقت استوعبت كلمته بجد
_________
"" في بعض الاحيان يحتاج قلبك لمزيد من الوقت لكي يتقبل ما يعرفه راسك بالفعل""
كل مره بيتكلم كل مره بيقول رايه في حاجه كل حركه بيعملها بتتحفر في روحي والله لسه فاكره وانا بعيط لامال زي الهبله وانا خايفه من فكرة اني اتخطب وانا لسه بحب ادم منكرش اني حبيت ادم وحبيته بجد كان  اول دقة قلب اول ارتباك واول خطوه في طريق الوجع
مؤمنه ان الحياه بكل تفاصيلها مليانه وجع بس وجع الحب يوووه عالم تاني لوحده انك تكون مش عارف تتنفس كويس الحجات بتقع من ايديك غصب عنك ضحكتك ناقصه ملامحك دبلانه والدواير السودا حولين عينك   بتحولك لبندا ...بندا حزينه تاهت عن القطيع في وسط المحيط اللي كله تلج مفيهوش مشاعر صادقه ولا فيه ذرة انسانيه احيانا بتسال ليه.. ليه الدنيا مبتقفش لما بزعل او هو ليه الكل مش فاهم زعلي الفتره دي اكتر فتره كنت حاسه فيها بوجع عضو بحجم كف ايدي منمل جسمي كله الاصعب من الوجع ان محدش يفهم وجعك
في احدي جلسات الصفاء النفسي مع ماما كانت بتحكيلي عن شبابها وصحابها البنات وحكايتهم
صاحبتها كلهم حبو وولا واحده اتجوزت اللي بتحبه ودلوقت كل واحده مش مستحمله علي جوزها الهوا
ولا تقدر تبعد عنه
_ حتي انتي يا ماما
_ حتي انا ايه
_ حبيتي
_ اتنهدت كنت زيك عارفه قيمة نفسي وشايفه مفيش راجل يستاهل خوفي وقلقلي وحتي حبي
_ وبابا
_ ابتسمت بلطف
_ شايفه ايه
_ ابتسمت وسكت
لو بابا كح او اعد بخمول ماما بتلف حولين نفسها
في حب بيجي بالعشره بس للاسف كحسناء مش عايزه النوع دا من  الحب انا عايزه اتحب انزل بليل تحت المطر وارقص انا وهو علي صوت اغنيه جايه من راديو محل قديم
عايزه ازعل فيحسسني ان الكون كله زعلان علي زعلي
نسهر في حفله بره البس فستان خفيف عن قصد فيديني الجاكت بتاعه فاتنفس ريحته بعمق احس بالامان فاانام علي كتفه طول الطريق
زوقه في الساعات يبقا حلو فكل شويه أأقلبه في ساعه شكل
نقف علي البحر سوا بعد ما اكون خلفت اول بيبي منه وبيلعب حولينا
الهوا بيطير شعري فيحضني من ضهري ويدفن وشه في شعري ويهمسلي بحبه لريحة شعري وحبه ليا اللي مقلش عن اول مره شافني فيها
ماما بتقول اني خياليه تمام ماشي انا خياليه بس انا مش هرضي بحب اقل من دا
وجه مازن هو بيديني مشاعر واحترام وكل حاجه بس انا نفسي في حب مجنون باحداث احفرها جوايا.. قفلت النوت بعد نا خلصت كتابه اللي حساه وسمعت صوته ورايا
_ تحضري حفله للجخ
_ بتحب الشعر
_ مين ميحبوش
_ نروح ?!
_ ابتسمت
نروح
روحت البيت ومعرفش ليه قصدت البس فستان خفيف مع اننا كنا في عز الشتا  اعدين في القاعه الكبيره وببصله
وصوت الجخ بيقول
" عمري يا نانا ما قلبي اتنازل ولا ساب حقه زي ماسابلك عمره ما ضحي بسهده وسهره وجاب من عمره زي ما جابلك
هذا الوجع بقاياكي سحر تمدد بين ضلعي وتوراي خلف سلم منزلي لكي يترك لكي رسالة كل صباح..وسافر يشهد عليكي السلم المستني خطوتنا يشهد عليكي محل الهديا وكشك الورد
"" وانا اللي دون الناس عشقتك كنت بنسي الناس واجيلك يوم معادك يكش حافي كنت ابسط من البسيط واكتشفت اني في هواكي كنت دون الناس عبيط "" كنت ببصله طول الوقت كانت شفايفه بتتحرك بالكلام مع الجخ وابتسم وهو بيقول كنت دون الناس عبيط معرفش ليه اضايقت وقتها يمكن لاني كنت مبسوطه وهو حافظ القصيده كانه كان بيرددها معاه ليا رغم انه مكنش بيبصلي لما خرجنا طلبت منه نتمشي
ولسوء حظي او لحسنه الدنيا كانت بتمطر خفيف
_ بصتله وانا خايفه يكون تقليدي ويقولي نقف في مكان لحد ما المطر يخلص وللغرابه لقيته بيمدلي ايديه
_ عارف اني ممسكتهاش قبل كدا بس حابب ارقص تحت المطر وياكي
_ بصتله بابتسمامه امل بس مفيش موسيقه طلع تليفونه وشغل اغنيه كل القصايد  فابتسمت وانا بديله ايدي برقص معاه
مكنتش اعرف انك بتعرف ترقص
_ مبحبش اتكلم عن نفسي كتير
_ ومكنتش اعرف انك بتسمع اغاني
_ اديكي عرفتي
_ و..
_ ششش متتكلميش دلوقت وعيشي اللحظه
كنت ببصله والاول مره االاحظ جمال عنيه كانت سودا اسود من قلبي
ورموشه احلا من رموشي فقولتله بصوت هادي
_ عايزه رموشك
_  هي وصاحبها ليكي
_ المطره خلصت مع الاغنيه وكملنا مشي
_ بتحب الجخ اوي كدا
_ عرفتي منين
_ انت حافظ كل القصايد
كملت وانا متغاظه اندمجت مع كلمة واني في حبك دون الناس عبيط
_ ضحك علي شكلي حط ايده علي دماغي وهو بيتكلم والكتكوت حجي متنرفز ليه
_ انت في حبي عبيط يا مازن
_ ومين قال اني بحبك
_ بصتله اومال
_ لما اكتب عليكي هقولك
_ غلس علي فكره و..الجو كان برد اوڤر فشقهت لما الهوا برودته لسعت روحي
ابتسم وهو بيخلع الجاكيت بتاعه وبيحطه علي كتفي
_ البسيه هيدفيكي وبعد كدا تقلي هدومك الدنيا برد
_ بصتله زي العيله الصغيره عنيه بتشع حنان والله
________
اتشي .. اتشي
_ يابنتي بقا قرفتي اهلي خديلك دوا للبرد كان لازم تعملي فيها يعني طالعه من روايه
_ ضحكت بس كان قمر والله واهو بيديني الجاكت
_ وايه كمان يا محنو
_ بصتلها بغيط عارفه يا وجهه البرص انتي لما تتخطبي والاقيك بتتكلمي زي واقولك محن وفتحتي بوقك هشفشفك
_ ضحكت .. هتروحي
_ لا هعدي علي مازن الشركه اديله الرسمه اللي طالبها مني
_ رفعت حاجبها
رجلك خدت علي المكتب اوي
_ امااال
_ كانت بتبص بصتها المعتاده عيون امال
_ يووه انا همشي بقا  دانتي بارده
مش هنكر انه بقا يوحشني كتير واني بدات اتعلق بيه واني خايفه ومعنديش سبب لخوفي بس خايفه
باب المكتب كان مفتوح وفي تقريبا عميله عنده بيتكلمو في شغل ابتسمت واعدت علي الكنبه بعيد لحد ما يخلص
هي بتدلع اوفر ولا انا بيتهيقلي وايه لون الروج دا احمر كريزي يا رقاصه
_ تمام كدا الاسبوع الجاي هنبدا باذن الله
_ انا واثقه انك هتطلع الفيلا هايله يا زوما دي اول مره نشتغل سوا هيهييه
_ زوما 😳 ومش اول مره 🙄
خرجت وانا فضلت اعده مكاني ببص لاثرها لما هو اشتغل مع كتله الامكانيات االلي مشيت دي خطبني علي ايه دانا شبه العيال الصغيره علي راي امال  يعني دلوقت الوتكه دي هتمشي وهيجي يعد معايا بشكلي العيالي دا وبالبرد والعطس اللي عندي
_ روحتي فين يابنتي بكلمك
_ بصتله بشر مين دي
_ دي انسه رنا
_ ياروحي وكمان انسه
_ في ايه يا حسناء وانا مالي انا
_ هي قالتلك زوما ولاانا كنت بتخيل
_ ابتسم
_ اه قالتلك زوما
_ اتشي
_ ابتسمت جويا ومبيناش هو كما اخدت برد وقلبي الحقير ضعف من صوته انا عموما بحب صوت الناس وهي عندها برد ومعرفش ليه بس صوته هو رشق في قلبي والله وقبل ما اضعف طلعت الرسمه وحبوب البرد كنت جايباها خدت الدوا يا ..يازوما
اخدت شنطتي ومشيت بسرعه
وانا حاجه بتقبض في قلبي
ركبت تاكسي ورجعت البيت كلمت امال وانا عايزه اعيط
_ انتي متاكده يابت من اللي قولتيه دي
_ ايوا
_ حلو غلط وانا كنت مستنياه يغلط
_ انا غرت اوي يا امال دي البت ...البت.
_ انتي بتقطعي ليه
_ البت وتكه يا امال
_ كملت بت يا حسناء انا هجيلك بكره من بدري الموضوع دا ميتسكتش عليه
_ ......
رن عليا اكتر من 10 مرات مردتش انا معرفش مضايقه ليه المفروض اني داخله العلاقه دي بعقلي بس.. شكلي وقعت للاسف
_بعتلي رساله فدخلت لغيت السين الاول قبل مااشوفها
"" الله رحيم فكيف انتي لا ترحمي ""
ابتسمت وانا ماسكه التليفون وبحضنه ونمت
تاني يوم امال جتلي
_ يعني انتي مش غيرانه متاكده
_ واغير ليه كنت بحبه ولا كنت بحبه يعني
_ ياراجل
_ اه
_ علي هامان يا فرعون
_ يابنتي بقا .. وبعدين ببتسم علشان.. علشان
_ ايوا علشان ايه
_ اه علشان صدقه
_ يابت
_ يووه
باب الاوضه خبط ولقينا ماما داخله
_ مازن بره واعد ما ابوكي البس وتعالي
_ قمت من السرير بسرعه مازن بره
_ امال سقفت بايديها مش بتحبيه خالص يعني واضح اوي
_ اعدت تاني طب علشان كلامك دا مش طالعه بس ها
_ لا وحياة رنا لتطلعي
_ ان مكنتيش تحلفيني بالغاليه
لبست وكنت خارجه
ايه مش هتيجي
_ لا هعيش مع روايه من دول علي ما يمشي مانا هبات معاكي وكدا
_ بعتلها بوسه في الهوا وخرجت
_ تعالي يا حسناء
_ خير يابابا اومال فين مازن
_ عملك مفاجأه
_ مفاجاه
_ سمعت صوته وريا اتفضل يا مولنا
_ ايه دا
_ غمزلي هنكتب الكتاب علشان اقدر اشرح موضوع زوما
ومعرفش لقيت اامال طلعت فجاه وبتزغزط
_ لولولولولوووي
كنا اعدين في الصالون حاطه ايدي علي خدي وببتسم وهو بيتكلم معرفش في ايه بس واضح انه موضوع مهم بحب ابصله وهو بيتكلم او بيشرب او بياكل او بيتكلم في شغل  وهو متعصب وهو بيضحك وهو نعسان وهو عنده برد  انا بحب افضل بصاله علطول
_ انتي بتروحي مني فين
_ معاك
_ يعني مش زعلانه مني
_ وازعل منك ليه
_ حط ايده علي جبهتي مش سخنه اومال مالك
_ ضحكت
_ قرب شويه فبعدت حسناء بقولك ايه
_ قولي
_ انا كنت سمعت ان فيه احضان ومسك ايد بعد كتب الكتاب
_ دي اشاعات يا بيبي
_ يعني مش حقيقي
_ تؤتؤ اشاعات ومغرضه كمان
_ ياراجل
_ اه امال ايه
_ والله مش عارف من غير معلوماتك كنت هعمل ايه
_ حطيت ايدي علي كتفه  سيد متقولش كدا عيب احنا اهل
ضحك ضحك كتير لدرجه خلتني اسال ماله دا دا الافيه اتهرس
كنت لسه هتكلم ولقيت اللي بيشدني لحضنه
_ تعرفي انا بحبك من امته
_ ابتسمت امته
_ من وانا لسه عيل في ثانوي وانتي لسه في ابتدائي وبتعدي علي امال تررحو المدرسه
_ رفعت عيني ليه متخليش حد يقولك زوما تاني علشان بغير _ ابتسم حاضر
_ مازن
_ روحه
_ انت بجد عنيك حلوه اوي مش بهزر  تيجي نبدل
_ ضحك وضمني لحضنه هي وصاحبها ليكي والله
_______________
" خفيف الروح بيتعاجب بيتعاجب برمش العين والحاجب خفيف الروح
غمزلي مره بعيونه لقيت الحب مضمونه خفيف الروح ""
كنت بدندن مع الاغنيه وانا بلبس ولقيته بيتصل
_ مش قولتلك نازله كل ساعه هتعد ترن بقا
_ انا واقف في الشمس بقالي ساعتين
_ وتقف اربع ساعات ولا انزل الخمار مش مضبوط يعني
_ لا ازاي ايه قلة الذوق اللي انا فيها دي
_ ضحكت نازله والله خلاص
_ بدات اتخنق منك ومن كلمة نازله دي
_ نزلت كان واقف قدام العربيه وباين عليه الزهق
_ ابتسمت بشر  مين دي اللي اتخنقت منها يا اخ مازن
_ اتخنقت يعني ايه اتخنقت
_ اه بحسب
_ اتفضلي حضرتك اركبي
_ تشكرتو
_ ركبنا العربيه فبصلي بغيظ عايزه تروحي فين سيادتك
_ بص مكان فاضي تعرف تعلمني فيه السواقه
_ أ ايه يا روحي
_ تعلمني السواقه  ايه ولا اروح لواحد يعلمني ويملس ايدي بالغلط وكدا
_ ضحك بتدخليلي من ثغراتي
_ اطلع يا بيبي اطلع
_ دوسي بنزين يا حسناء
_ نهون
_ اللي جمب االدبرياج
_ نهين
_ ياولي الصااابرين
_ انت بتتعصب ليه
_ خارجين من الضهر والدنيا ليلت
_ خلاص متزعقش مش عايزه اتعلم
_ ونزلت من العربيه
_ طب استني بس
مسك ايدي ممكن اعرف زعلانه ليه دلوقت
_ علشان مش عارفه اتعلم وانت زهقت مني
_ قطع لسان اللي يقول زهقت منك
_ بصتله بامل بجد
_ انا طهقت
_ 🙄🙄
_ طب خلاص متزعليش الجمعه الجايه نكمل اتفقنا
_ اتفقنا
_ بصلي وغمز وهو بيقرب
_ ولا اثبت مكانك لشقك نصين
_ الاتفاق بين الازواج مش بيبقا كدا يا حس
_ حطيت ايدي علي كتفه اخي في الله مازن اتلم بدل ما اعورك
_ انت متاكده انك مراتي وانك انثي
_ شور يا بيبي
_ مش باين يا روحي
_ مسكت خده لا هو باين بس انت اللي كنت كبير اخواتك وطنط كانت لسه جديده في كار التربيه فسقطت تربيك
_ انتي بتجيبي الكلام دا مين
_ من بوقي
_ يارب الصبر يارب
روك كدا يابو المزون
_ بصلي بقرف مزون
بس تعالي نعدي علي المكتبه بس  قبل ما نروح اجيب كام كتاب قبل ما انسا
_ لالله طربقة كلامك ما لايقه علي الكتب اللي ليل نهار بتقري فيها
_ رفعت حاجبي بتقول ايه يا مازن مستمعتش
_ تحت امر ست الحسن
_ جوزي اوي مش هزار
_ اخترتي دول
_ اه
_ طيب هروح احاسب والقي نظره اخيره لو عجبتك حاجه
_ كنت بدور بين الصفوف ولقيت رواية بحبها لبثينه مكنتش قراتها من زمان من سنتين
_ كنت ماسكاها وحد خبطني فوقعت
_ كنت هنزل بس قالي متوطيش وجبها اسف مكنت....
_ ادهم
_ مدلي الروايه وهي بيقول آسف
وبدون اراده مني عنيا دمعت
_ اداني منديل وقالي آسف ومشي
_ نفس الاسف ونفس المنديل ونفس المشهد بيتكرر من سنتين
زي ما في صدف حلوه في صدف بتفتح في جروح قديمه  افتكرت جمله بحبها
يانائيا عني بشبر واحد الان كيف وسعت المسافه بيننا
الحب الاول مبيتنسيش دايما عندي اسئله مجهوله الهويه تجاهه
ازاي حد كان قريب بقا غريب فجأه وازاي بنبطل نحب او اشمعنا مثلا مبننساهوش طب احنا مش بننسا طب بعد سنين لما نتقابل تاني يا ترا قلبنا هيدق
الحب الاول لوحده موال والصداقه اللي بيجي بعدها حب موال تاني
منكرش ان ادهم كان صديق ممتاز بس كان حبيب فاشل
فات اسبوع او اكتر مش فاكره كنت بقرا روايه ارتطام لم يسمع له دوي لبثينه وبتفكر لما وقعت مني وجبهالي
انا مبحبوش دلوقت بس انا مخضوضه من يومها خفت اقول لامال مش هتفهمني والله مش بحبه بس انا مش عارفه اوصف احساسي
اعتقد ان اكتر احساس طاغي ان شريط ذكريات سنيني اللي فاتت بتتكرر وبدور غلط في ايه علشان مكرروش مع مازن
هو مازن ممكن يمشي هو انا وحشه بس ماهو ادهم مشي وانا مشيت وكملت وعشت حياتي وقابلت مازن .. وحبيته
طلع ينفع نحب تاني اكتر حاجه كانت مخوفاني ان مازن كمان يمشي وفي نفس الوقت بسال ماهو لو مشي الدنيا هتكمل عادي بس هحب تاني بعده ايه الدنيا دي ايه الدوامه دي وايه التعقيد دا
مازن متغير من يومها خايفه اساله خايف يكون شاف دموعي يومها اللي معرفش سببها
علاقتنا بقت هلاميه مؤخرا
اتضح ليا ان الصمت لما بيدخل في علاقه بيموتها بالبطئ ودا كانت اكتر حاجه خايفه منها
بقاله اكتر من اسبوع مكلمنيش ومعرفش ليه كحسناء بكره نفسي بسبب الصفه الحقيره اللي عندي عمري ما بعرف ابدا بالكلام ولا عمري بعرف اسال حد زعلان ليه ولا عمري بعرف ابدأ
المفروض النهارده هنتقابل لبست اكتر فستان بيحبه حطيت ماسكرا عن قصد علشان رموشي تبقا كتير زيه
كنت مبسوطه اني هشوفه وحشني عارفه اني لسه مقولتلوش اني بحبه بس قررت اقولهاله يوم فرحنا
كنت راحه مبسوطه وعايزه ارغي معاه كتير صوته وحشني