حكاوي ست الحسن💙🌍

بحب صوت ام كلثوم وهي بتقول "" هو حناني عليك قساك حتي عليا "" معرفش بحس بوجعها وهي بتقولها بس انا اصلا معرفش حاجه عن حيات ام كلثوم...ولا علشان بيلمس وجعي انا

_ خلاص يا امل خطب انا دلوقت عرفت هو كان بيتهرب مني ليه الفتره اللي فاتت
_ اهدي يانور صدقيني ميستاهلش دموعك دي هو الخسران
"" لا يامل انا اللي خسرانه كل حاجه خسرت قلبي لما سبته يقع في حب واحد بيلعب بيه
وخسرت نفسي لما عملت حاجه ضدت مبادئ وعلقت نفسي بواحد ميستاهلش اعتبرني واحده من الشارع هيلعب بيها فتره ويسبها وبروح لغيرها بس لما يجي يخطب هيخطب اللي مكلمهاش واللي صدته الاحلي والانجح ""
_ هنروح الخطوبه يا امل
_ ايه اللي انتي بتقوليه دا اللي سمعتيه....انا همشي علشان الحق اجهز نفسي اقابلك بليل
مشيت وسبتها كنت ماشيه طول الطريق بيتردد في بالي جمله عيني علي حب ومطالش
عمر كان زميلي في الجامعه من واحنا في سنه اولي وانا بحبه هو كان بتاع بنات وانا كنت عارفه بس قلوبنا مش بادينا انا عمري ما كنت مع فكره الحب شايفاه غلط يعني ايه اسيب مشاعري لواحد يستهلكها بدون وجهه حق باسم الحب هي مشاعرنا رخيصه لدرجه نعطيها لحد متعبش علشان يوصلها بس لما قابلته نسيت كل حاجه نسيت اني رضوي الشربيني بتاعت الشله اللي دايما بتنصح صحابها من الوقوع في الحب واللي دايما بتكره الرجاله  وتفكيرهم المتخلف
عمر سرق قلبي قبل نظري من اول مره شوفته فيها
_ ازيك يا عم محمد
_ اهلا يا نور يابنتي وحشاني والله كدا تغيبي عليا كل المده دي
_ وانا اقدر بس يا راجل يا طيب انا كنت مشغوله بس الفتره اللي فاتت كان عندي محاضرات كتير وكنت مضغوطه شويه
واديني جيت اهو يا سيدي قولي بقا جتلك كتب ايه جديد
اهم يا ستي شايللك نسختك كان قلبي حاسس اني هشوفك قريب
_ متحرمش منك يارب
_ واحنا عندنا كم نور يعني ......اهلا اهلا ازيك يا عمر يابني  ابن حلال وانت كمان جبتلك الروايات  بتاعتك يا سيدي
_ الله يسامحك يا ابو غاده "" لقب عم محمد""
مش تعرفنا علي القمر
_ افندم
_ دي ياسيدي نور اللي بيتجي كل فتره تاخد مني الكتب اللي حكتلك عنها ...ودا يا نور عمر ابن اخويا وزي ابني
اهلا وسهلا طيب ياعم محمد انا لازم امشي علشان عندي محاضرات
_ الا صحيح هو القمر في كليه ايه 
_ حقوق يا ..يا كابتن بعد ازنكم
_ سبته ومشيت بس قلبي فضل معاه وقح بس قمرز
تاني يوم في الكليه
_ وبكدا يا شباب تكوون دي اخره محاضره واتمني ربنا يوفقكم في الامتحان اشوف وشكم بخير
_ امل يااااه اخيرا خلصنا نخرج ناكل بقا
_ نور بضحك انتي عبيطه يابت انتي احنا خلصنا محاضرات
علشان الاسبوع  الجاي امتحانات يعني ورنا تلال من المذاكره
_طول عمرك هادمة اللاذات طب ياله هنتغدي عندك في البيت اكل امك وحشني وبعدها هنذاكر بجد اووووي
_ ولو اني مش مرتحالك بس امري لله اتفضلي اسبقيني علي تحت  ما اروح اجيب كتاب مهم من البت نهاد وارجع هما باقي العيال هيرجعو امته من الرحله صحيح معتش وقت علي الامتحان
_ رجعو امبارح ياختي بس مقدروش يجو النهارده مفيش غير انا وانتي اللي اعدين في المخروبه دي
_ طب ياله ياختي اسبقيني جايه وراكي اهو
كنت ماشيه بسرعه قابلت عمرو كان واقف مع بنت كانو بيضحكو معرفش اضايقت ليه من جويا انا مكنتش اعرف انه معايا في الجامعه فرحتي بشوفته انطفت بوقفته مع البنت دي
عملت نفسي مشوفتوش ومشيت
_ نور ...نور
_ احم اهلا يا كابتن خير في حاجه
_ طالما كابتن تبقي فاكراني نسيت اقولك اني في رابعه حقوق انا كمان
_ مش مهم تقولي دي حاجه متخصنيش بعد اذنك
_ يابنتي انتي انتي مركبه عجل في رجلك هو لازم افضل اجري واراك علشان اكلمك كلمتين هو في بنت قمر كدا تمشي بسرعه كدا
فين الدلع
_ نور بضحك اصدقك فين المياصه عموما كفايا عليك المياصه اللي كنت واقف معاها من شويه
_ االله ماهو القمر واخد باله مننا اهو امال تقلان ليه بس
_ عمر بعد اذنك انا اتاخرت مش فاضيه للكلام الفارغ دا
ومن وقتها بدات الحكايه بقا يجي الجامعه كتير كنت كل شويه الاقيه قدامي منكرش اني معجبه بطريقته المجنونه دي يمكن دي كانت حاجه جديده عليا او لاني كنت وقعت فيه من اول مره شفته
بدات اعرفه علي صحابي
_ دي هند ودي سلمي ودي ندا ودي فريده اخيرا يا سيدي ام طويله قصدي امل
_ احم احم وانا عمر يا شله القمر حجي
_ طب يا بنات عمر لازم يمشي هقوله حاجه بس وارجعلكم
_ نور بعصبيه عمر اتلم احنا اتقفنا اننا صحاب وزمايل اسمي نور نور احفظه مش قمر دي تقولها للبنات اللي بتلعب بيهم علشان تسلي وقتك واللي عمري ماهكون واحده منهم
_ ليه بتقولي كدا نور انا منكرش اني بتاع بنات بس انا حقيقي شايف فيكي حاجه مختلفه شداني انتي مصره تبعديني عنك انتي مضايقه من وجودي جمبك
_ نور بدموع انا لازم امشي البنات مستنيني
_ فريده : ليه قولتيلو كدا يا نور احنا سمعنا كل حاجه انتي بتحبيه ليه مصره تعذبي نفسك
_ لاني عارفه انو مش بتاع ارتباط عمر بتاع بنات يا فريده وانا مش مستعده اعلق قلبي بوهم وارجع اتكسر في الاخر
_ ندي: لو بيحبك بجد يا نور هيتغير علشان بعدين ما الجامعه  كلها بنات اشمعني هيعمل كل دا علشان يرضيكي ويقرب منك الا لو ليه مشاعر حقيقه ليكي
_ معرفش انا تعبانه يارتني ما قابلته
_ امل: اهدي يا حبيبتي واعملي الحاجه اللي مقتنعه بيها واللي تريحك
"" بدا عمر يقرب مني اكتر بدا يحكيلي عن نفسه طلع بيحب القراءه هو كمان بس مش بيقرا كتير زي
كنا بنخرج سوا كنت دايما بحاول اقنع نفسي اننا صحاب وبس
لحد ما في يوم
_ وبس يا سيدي كدا تكون الروايه خلصت عايزه اروح لعم محمد اجيب منه كتاب تاني
_ عمر انت روحت فين
_ نور انا شكلي كدا حبيتك
_ ايه اللي انت بتقوله دا ياعم هو انت بعد ما حكيتلك الروايه الفراغ العاطفي عندك زاد
ولا علشان بطلت تجري ورا البنات من يوم ما بقينا صحاب
_ نور انا مبهزرش انا بحبك انا يمكن بتاع بنات ومش جد وماليش في الارتباط بس انا مبقتش قادر يعدي يوم من غير ما اشوفك  انا عمري ما كنت كدا مع بنت لما ببص في عنيك بشوف لمعه غريبه واصرار عزه نفس وكبرياء مشفتهمش قبل كدا
_ سرحت في كلامه معقول عمر بيحبني
_ كنت  ببعد علشان عارفه انك عمرك ما هتحبني قبلت نكون صحاب لان قلبي مطاوعنيش ميشوفكش ولا يعد معاك كنت خايفه توجعني في يوم انا طول عمري قافله علي قلبي للشخص اللي يشتريه بالغالي
بس غصب عني انت اخدته
"فضلنا مع بعض 3 سنين كنت بعرف ساعات ان بيكلم بنات من وريا بس كنت بكذب نفسي واقول بيحبني مهما اكون متعصبه منه كان بكلمه حلوه بيراضيني انا طول عمري قويه بس معاه بدات اتعلم الضعف بس كنت بضحك علي نفسك واقول لو مش بيحبني مش هيفضل معايا كل  السنين دي بدات اغمي عيني عن كل غلطاته زي بالظبط الشخص اللي ضرسه بيوجعه وعمال ياخد في مسكنات لحد ما السوس اكل الضرس كله وبقا لازم يتخلع
الفتره الاخيره بدا يتغير مبقاش يكلمني زي الاول ولا حتي طلب اننا نتقابل كنت بحسه بيتهرب مني بس عمري ما فكرت ان ممكن يكون في واحده تانيه او عمري ما تخيلت اني هيخطيب لاني من زمان وانا عارفه اني في واحده تانيه وتالته ورابعه
_ الو ايوا يا امل انا لبست خلاص ونازله
_ يا نور علشان خاطري بلاش
_ صدقيني انا كويسه اهم حاجه انتو والبنات وصلتو
_ ايوا ومستنينك
اوك انا جايه مش هتاخر لبست فستان اسود وطرحه كافيه كنت شارياه لخطوبتنا  من يوم ما عترفلي بحبه بس عمري ما جه في بالي اني هلبسه في خطوبته من غير ماكون انا العروسه
_وصلت القاعه كان قاعد جمبها في الكوشه ماسك ايديها وهي كانت طايره في الفرحه بيه كان واضح علي شكلها
حسيت اني في مليون نصل اتغرس في قلبي قفلت عيني علشان الدموع متنزلش
_اهي نور جت اهي
_ صدقوني انا كويسه بس مش هرتاح قبل ما اسلم عليه واقوله كلمتين انا لازم اقفل صفحته من حياتي عايزه منكم خدمه
_ تمام اتفقنا
انا هروح اسلم عليه واقول ما اطلع تعملو اللي اتقنا عليه عشر دقايق وكل حاجه ترجع زي ما كانت
_ كنت راحه نحيته كان واقف بيسلم علي الناس
وخطيته مشغوله مع صحابها
اول ما شافني ارتبك مكنش قادر يبص في عيني النور قطع
_ اخدته من ايديه ودخلنا مدخل القاعه من بره
_ ازيك يا عمر ولا اقول الف مبروك يا عريس
_ نور انا ...
_ انت ايه يا عمر انت احقر بني ادم شوفته في حياتي حولتني من نور اللي معندهاش نقطه ضعف والقويه اللي عندها كرامه وعزه نفس لواحده من اللي الزباله اللي تعرفهم كنت عارفه انك بتاع بناتك وحبيتك كنت عارفه انك لسه علي علاقه بيهم ومش قادره اسيبك كنت بقول بكره لما نتجوز هيعقل كنت بخاف من وجع بعدك
رسمت حياتي وعمري كله اللي جاي معاك شايف فستاني دا كان لخطوبتنا اديني لبسته لخطوبتنا اللي هتلبسها هي الدبله فيها اللي المفروض ابقا مكانها
اديتك كل حاجه حبي ومشاعري اهتمامي كرامتي اللي دوست عليها بجزمتك
انا رسمت حياتنا سوا هنعد في البلكونه نقرا سوا
هختارلك لبسك كل يوم الصبح
اعلمك الاكل اللي بتحبه لما اضايقك فتضحك وتقولي بتدخليلي من ثغراتي كنت فكره انك هتبقا الركن اللي اداري فيه وجعي من الدنيا
الدنيا اللي محدش فيها وجعني غيرك ياخي حرام عليك كنت سبتني زي مانا مانا كنت راضيه انت سبت بنات الكون وجاي توجعني انا
ضربته بس ازاي الحيوان اللي زيك مقدرش يشوف لمعه عيني وميطفيهاش استفزك كبرئاي وغروري فراهنت انك تكسره اه نسيت اوقولك اني صاحبك قالي علي الراهان الحقير بتاعك طب ياعمر مانت عارف انك كسبته من يوم ما قولتلك اني بحبك كملت السنين دي معايا ليه علشان توجعني اكتر روح يا شيخ منك للي قادر يحرق قلبك بنفس الطريقه زي ما حرقت روحي واوعدك ارجع اقوي من الاول  وساعتها هقف اتفرج عليك وربنا بياخد حقي منك
فتحت ايديه وحطيت فيا السلسله اللي متعلقه في رقبتي من 3 سنين مبقتش تلزمني اصلها طلعت رخيصه اوي سلام يا عريس
_ بعد سنه من اليوم دا
_ الو
_ ايوا استاذه نور انا دكتوو عبد الرحمن السعدني اكيد حضرتك استملتي جواب التعين ياريت تشرفيني في مكتبي علشان نتكلم بخصوص الموضوع دا
_ طبعا يا سياده العميد بكره انشالله هكون عند حضرتك
_ الو ايوا يا امل انتي فين انا اتفقت مع العيال هننزل بليل نحتفل بقرايه فتحته ندا من زمان متجمعناش
_ ايوا يا ستي عارفه انا بس هاكل والبس نتقابل في المكان بتاعنا
_ اهي المعيده بتاعنا وصلت اهي المعيده رضوي الشربيني قاصدي نور الشربيني
_ نور بضحك احلي مسا علي الدبدوب حجي يابت بطلي اكل مش عرفه تستنيني نطلب سوا
_ لا مانا هاكل معاكو تاني عادي
_ سلمي: سيبك منها مفيش فايده فيها الف مبروك يا روحي طول عمرك دحيحه وتستاهلي اهو هتتعيني في الكليه وتفرضي نظيراتك المعقده علي العيال
_ كلهم ضحكو عيب عليكي دانا هبقا معيده قماااار وفرفوشه
_ نهاد صحيح مش عمر فسخ خطوبته هي اللي سابته
_ نور: داين تدان
_ امل: الجو فاضالك ياعم
_ نور بضحك صدقيني لو قولتلك اني لو قابلته صدفه في الشارع مش هعرفه انا عمر كان صفحه واتقفلت غلطه بستغفر ربنا عليها انا خالفت مبادئ مره ومش هكرر الغلط تاني
_ ربنا يعوضك يا حبيبيتي علشان متفضليش كدا السنجل اللي وسطينا
_ يا شيخه اتلهي يا امل يا حبيتي صدقيني ابراهيم خطيبك لو شم خبر عن كميه اكلك دي مش هتشوفيه تاني انت ضاحكه عليه وموضوع انك بتاكلي ومش بيبان عليكي دا مساعدك

_تاني يوم في الجامعه
_ بصي بقا يا نور ولا اقول يا دكتور اصلك صغيره اوي بصراحه ودا يدل اد ايه انتي مجتهده
_ متشكره جدا يا سياده العيمد انشالله الله اكون عن  حسن ظن حضرتك
الباب بيخبط
_ ادخل
_ اهلا اهلا يا دكتور احمد  كويس انك جيت احب اعرفك دكتوره نور هتبقا معيده وهتبقا غالبا مع حضرتك لان الماجسيتر بتاعها قانون جنائي

_ احمد بفرحه :اهلا اهلا يا نور سعيد اني شوفتك
_ انا اسعد يا دكتووور بعد اذنكم لان عندي محاضره
_ اتفضلي
بعد اسبوعين
_ واللله يا دكتور احمد لو مش عاجبك طريقتي ممكن تقول للعميد وهو يجيب معيده تاي تشرح مع حضرتك الماده
انما انا مش هغير طريقتي
_ صوتك ميعلاش يا نور واللي قولته هيتنفذ  مش معني اني بحبك وبسرح في القهوه اللي في عنيكي بحب اشوفك متعصبه ان صوتك يلا انا احمد اه بس راجل اوي

_ قولتك لحضوتك سبعتلاف مره قبل كدا اسمي دكتوره نور وانت مصمم تقولي نور ....لحظه بس انت قولت ايه
_ انا في كل مره في السبعتلاف مره ابقا عايزه اقولك اني مقدرش اقول للبنت اللي درستلها من سنتين واللي حبتها من اول مره شوفتها فيها واللي هتبقا مراتي غير نور
_ ايه
_ ايه انتي بقا يا شيخه تعبتني انا بقا عندي 30 سنه
علي ما اتجوزك هيبقا عندي 50 سنه بسبب غباءك دا كل دا ومش فاهمه بتقوليلي ايه اتفضلي قولي قولي لوالدك اني هاجي ازوركم النهارده
_ ليه.
_ امشي من وشي يا نور
_ نور بضحك طب خلاص خلاص متتعصبش كدا اانا ماشيه يا دكتور احمد
معرفش كنت فرحانه ليه قلبي كان مبسوط احمد عرفني طعم العوض وان اللي بيحب بيدخل من الباب مش الشباك لقيته كان عارف موضوع عمر قالي ان حتي وهو عارف اني بعمل حاجه غلط كان برضو بيحبني ...بدات اعرفه عن قرب دكتور وسيم بطريقه مستفزه الكليه كلها بتكراش عليه غالبا بس اتاري الدكتور الوسيم واقع فيا انا ...انا الهبله اللي قلبي في خدش مش سليم ساعات بحس انه يستاهل واحده مباعتش مشاعرها بالرخيص قبله بس هو كان ديما يقولي انه مش عايز غير نور
احمد اصر علي بابا انه يبقا كتب كتاب وفرح  بعد الخطوبه بشهر واحدوبابا وافق
بارك الله لكما وبارك عليكما وجمع بينكما في خير
_ احم مبروك يا نور
_ الله يبارك فيك
احمد كان فيه حاجه مهمه عايزه اقولهالك من فتره
ودا وقته كانو بيقولو فيه حضن بعد كتب الكتاب ولا ايه
_ انا بحبك يا احمد اوي انا عارفه  اني مقولتهاش ليك ولا مره بس حقيقي بحبك انت اللي نورت حياتي ياحمد وعرفتني معني العوض ربنا يخليك ليا ربنا يقدرني واقدر اسعدك
_ احمد بزهول ايه
_ ضحكت وحضتنه

" قلوبنا مش لعبه ولا ممكن تتعوض علشان نديها لاي حد بساهل دا لازم يلف بلاد علشان ياخدها
الحاجه اللي بتيجي بالساهل بتروح بساهل مشاعرنا اطهر من اننا نرميها علي الارض بشويه غزل رخيص ومستهلك
احنا نستاهل حد يحترمنا ويحبنها يزود لمعه عنينا ميطفيهاش يحقق احلمنا مش يحول احلامنا لكوابيس
نستاهل حد يطلبنا من ربنا في دعائه علشان يطول حبنا
# hasnaa