حكاوي ست الحسن💙🌍

هو مينفعش يتحب ايه الكلمه الصغيره دي دا يتعشج يا فاطمه والله
_ لهجة الصعايده لايجالك يا بنت عمي
_ من بابا تقليد حبيبي ليس الا والله
_ اه لو اسر يعرف كيف تحبيه
اعدت جمبها باحباط وافتكرت كلامه ليا
""_ لازم تكون عارفه اني وافقت علي الجوازه دي بس علشان خاطر عمي الله يرحمه ووعد ابوي ليه لكن غير كده متفكريش
انا وانتي طرقنا متتجابلش يابنت عمي..
...
_ سرحتي في ايه
_ لا اابدا مفيش
هو ازاي يقول كدا احنا اتجوزنا انا بقيت مراته دليل ايه اكبر يقوله ان طرقنا واحده يمكن كانت مختلفه وتلاقت ازاي هو اعمي كدا ال كبير العيله ال
دا اعمي القلب والبصر ازاي مبيلاحظش ارتباكي خجلي وحبي طول السنين دي كلها
_ 12 سنه ياحسناء مزهجتيش
_ حد يزهق من روحه
_ وعملتي ايه معاه اياك
_ ولا حاجه اشتغلتله في الازرق
_ كيف يعني
_ يعني زي ماهو قال انه عمل كدا لمجرد الوعد ومفيش رابط بينا
قررت اوريله نتيجه كلامه
_ عملتي ايه
_ ابتسمت لمجرد الذكرى
_ اسوان يا حسناء
_ اسوان ياامال
_ واسر
_ ماله
_ مش هتقوليله
_ مش هو اللي قال محلمش بالود ومصدقش اني مراته
_ ناويه علي ايه يابنت الشيخ عبد الرحمن
_ كل خير يا عيون بنت الشيخ عبد الرحمن
_ هنسافر بالقطر
_ تؤ بالباص علشان جو الصحرا هيعجبك
_ مش مرتحالك يا صحبة عمري
_ لا اله الا الله يابنتي مش عايزه تروحي اسوان هوديكي اسوان بس في شرط
_ شرط ايه دا كمان
_ من اول مانطلع من القاهره هنقفل تليفونتنا لحد اخر الرحله
_ وابراهيم
_ شبكه وحشا قضاء وقدر نعترض ايه هنكفر
_ يابنت المجنونه
_ حضري شنطتك ونتقابل الصبح يا بيبي..

_ مساء الخير يا عم علي
_ مساء النور ياست البنات
_ كيس كبير كدا  حطلي فيه شويه شبسيات علي شويه بسكوتات علي شويه شكولاتات كام ازازه عصير كدا
_ راحه فين لكل دا عاد
_ اسوان
نظرته بقت كلها حنين وابتسم وقال بلد الحبايب
_ مرجعتش البلد بقالك اد ايه
_ داخل علي العشر سنين
_ شديت الكرسي اللي جمبه واعدت طولت الغيبه ليه يابو سعيد
_ الدنيا بتلهي يا بنتي ومن  ساعة ما ماتت ام سعيد وانا مبقتش اروح هناك
_ وولادك
_ كل واحد اتجوز وشاف حاله وانا سبت اسوان كلها وجيت مصر فتحت المحل ومستني اروحلها
_ بعد الشر عليك
_ شر .. كيف شر هي شر ولو شر والله لاروحلها
_ كنت بتحبها
_ ابتسم كنت عايش
_ ودلوقت
_ مستني اروحلها ترد فيا الروح
_ ربنا يدك طولة العمر ويجمعكم علي خير
سبته ومشيت وانا بفكر  وبسال نفسي هو احنا فعلا بنموت مع اللي بيموتو لكني لقيت الاجابه بمجرد ما فتحت باب الشقه ومسمعتش اي صوت غير صدي خطواتي
اه بنموت وروحنا بتبهت مهما حاولنا نداري الندوب اللي سايبها اثر رحيلهم مش بنعرف
كنت فكره لما اسر جالي بعد حادثه بابا وماما من سنتين انه هيعوضني غيابهم وان القدر رق شويه بس لقيته بيقولي انه هيتجوزني تنفيذ للوعد كتب كتابه عليا ومشي قالها لفظ وفعل متحلميش بالود طرقنا مش واحده ورجعت اعيش لوحدي من تاني الحقيقه مش عارفه انا بقيت بارده كدا امته بس اللي اعرفه اني كبرت واتعلمت انه عادي مش كل حاجه عايزاها هاخدها ولصراحه اكتر بدات اتعود علي غيابه علي وحدتي...
"" أكاد من .. فرط الجمال ..فرط الجمااال اذوب
هل ياحبيب في رضاك نصيب
جعلت قلبي يهفو دوما للقاء واذا ذكرت يا حبيبي  ... ياحبيبي اطيب
_ سندت راسي علي كتف امال وانا بسمع الاغنيه وببص علي الجبال الشمس كانت بتغرب لونها الدهبي مع لون الرمله كان كافي للسترخاء والنوم بعد ما قطعنا اكثر من نص المسافه كنا في لاقصر تقريبا بلد بابا وبلد زوجي المصون
صحيت علي صوت ضرب نار جمبي وامال بتصرخ
فتحت عيني وانا في سكرات النوم
_ في ايه
_ حسناء في عصابه من الجبل هتخطف الباص
_ طب لما نوصل صحيني
لما بكون عايزه انام دماغي مبتشتغلش بجد وبكون غير واعيه لاي تصرف صادر مني
لما صحيت كنا جوا  الجبل امال كانت اعده جمبي وانا نايمه علي رجليها لما شفت دموع علي خدها اتخضيت
في ايه ...
_ .....
_ حسناء انتي بارده ليه كدا
_ احنا مخطوفين
_ طب وايه يعني
_ انتي هتستهبلي
_ ايه يامال كلها يومين والبوليس يجي ياخدنا متكبريش الموضوع
_ يعني دول مش هيسرقو اعضااءنا
_ تؤتؤ
البوليس هيجي يلحقنا
_ فات اسبوع واحنا في نفس المكان هما مش مجرمين هما بس محتاجين فلوس محتاجين اكل حد يحس بيهم
_ مش مبرر انهم يخطوفنا
_ انتي حاسه انك مخطوفه سؤال بهل انتي حاسه انك مخطوفه
_ لا
_ يبقا متهاجميش ياامال
_ بعدين ايه النقاب اللي انتي لابساه دا
_ بقلدهم
_ بس انتي مش منهم
_ من باب التقليد ليس الا انتي ليه مضايقه اعتبريها كسر ملل تغير مغامره حلوه انتي مصابكيش اذي قريب البوليس هيجي وهنمشي عيشي بقا يومين حلوين
_ هنا في الجبل
_ ايوا
_ وابراهيم وماما والناس اللي قلقانه عليا دي
_ لو طلبتي تليفون تطمني اهلك الشيخ بتاعهم مش هيرفض 
سبتها ومشيت احيانا بحسدها علي وجود ناس يقلقوا عليها واحيانا بحس ان احسن اني معنديش حد يقلق عليا او الحقيقه اللي بحاول معترفش بيها اني بتجاهل اني معنديش حد يحبني يقلق عليا او حتي يفتقدني لو غبت
غياب بابا وماما وجعني وذاد الوجع هو لما جه نفذ وعده ومشي ربطني بيه ومشي بدون وجهه حق وكانه بيقول من غير ما يتكلم انتي هتفضلي لوحدك للابد مش من حقك حتي تحبي حتي لو انا مبحبكيش بس لمجرد انك علي اسمي مش هتحبي كانه بيقولي انتي هتفضلي وحيده وجودي هنا وان كنا مخطوفين لكنه احسن من الوحده
خرجت اتمشي في الصحرا المكان حلو احلا من انه يتوصف جبال رمل جو دافي بالنهار وبرد في الشتا
حبيت اوي النقاب الشبيكه بتاعهم دا لما لبسته وبصيت لنفسي في المرايه فوقعت في حب عينا العسلي انا معنديش حد في حياتي يقولي اني جميله لكن انا هنا حسيت اني جميله او شفت حاجه فيا جميله عنيا مثلا حبيتها قرات حاجه مره بتقول ان الناس هتشوفنا حلوين لما نكون احنا شايفين نفسنا كدا واللي قدامنا بيشوفنا زي ماحنا شايفين نفسنا لان ثقتنا وطريقتنا تلقائي بتنتقل ليه اللي قدامنا هيشوفنا زي ماحنا عاوزينه يشوفنا
"" انا اللي حظي قليل وماليش في الحب نايب ياقلبي امته تميل وينوبك منه جانب الحب لف ودار علي القلوب بدوب وانا اللي عايشه في نار مجاش عليا الدور ياجلبي امته تدوق طعم الغراب ووالشوق  بحلم ياقلبي تفوق من الوحده والحررمان.."""
_ صوتك حلو
شهقت بخضه وفتحت عنيا بذهول مستحيل
_ منين انتي
_ ها
_ كان بيقرب انتي منين
_ ااا ااا انا ..
_ ايوا انتي
_ احم انا بقضي الاجازه هنا
_ يعني مش مع الجروب اللي اتخطف
_ اييييه
جريت وسبته امال
_ لما رجعت ملقتهاش ملقتش حد المكان كان فاضي والخيم وقعت فقعدت بخوف اعيط
كبرت بس لسه بخاف قلبي بيتقبض لما فجاه بحس نفسي لوحدي
كنت ضامه ركبتي وسانده دماغي وبعيط بخوف 
_ طب ممكن تهدي
_  رفعت عيني وبصتله بتوتر
_ انتي مين
_ كان معايا صاحبتي هنا
_ كلهم هيرجعو بيوتهم انا الظابط المسؤل اساعدك ازاي
_ كنت ببصله بخوف واستغراب ...
___________