نسيم: أنا هحكيلك كل حاجة، بعد ما سافرتي جاتلي رنا في يوم تقولي أنها أخيرا لقت الحلم اللي بتدور عليه عالم افتراضي خيالي بس بيتحقق على أرض الواقع، كانت قرأت رواية عن السادية وقد إيه الشخص السادي بيبقى راجل بمعنى الكلمة، وبيبقى الأب والأخ والصديق والحبيب وكل حاجة في حياة البنت واتأكدت إن العالم اللي بتحكي عنه الرواية موجود على أرض الواقع، بس مخفي عن الناس، وإنها كانت بتدور على راجل سادي بجد، لغاية ما اتعرفت على واحد وخلاص هترتبط بيه، لما حاولت أمنعها قالت أنها مأمنه نفسها كويس، وعارفة هي بتعمل إيه وقالتلي على اسم الرواية وعرفتني على العالم ده .
بسيل: رنا اللي عندها 17 سنة تفكر كده وتعمل كل ده! وإنتِ يا نسيم بدل ما تنصحيها تمشى وراها!
نسيم: أنا منكرش ان الفضول أخدني أعرف العالم الوردي اللي قالت عليه وكدبت على نفسى إن لما أقرب حقدر احميها في الوقت المناسب .
بسيل: وايه اللي حصل؟
نسيم: يوم عيد ميلاد رنا قالتلي إنها أخيرا احلامها حتشوف النور وانها هتقابل حبيبها في اليوم ده ولما حاولت أمنعها قالت إنها خلاص مبقتش ملك نفسها، وإنها سلمته روحها ولو بعدت عنه ده الموت بالنسبة ليها.
بسيل: إنتِ مش قولتِ أنها كانت تعرفه ومأمنه نفسها طب ازاي ودى أول مرة تقابله؟!
نسيم: كانوا بيشوفوا بعض عن طريق الفيديو كول، وهى كانت ديما بتلبس ماسك وعندها برنامج بيغير صوتها، وهو كمان كان نفس الحكاية وكان ده أول يوم يتقابلوا على أرض الواقع.
بسيل: ورنا قابلته فعلا؟
نسيم: أيوه بس رجعت منهارة، كلمتني لما رجعت وقالتلي كلام مش مفهوم، وبعدها دخل أونكل نديم عليها وشكله عرف كل حاجة قعد يزعقلها كتير ويشتمها وواضح إنه ضربها لما ردت عليه.
بسيل: رد فعل متوقع لما أب يعرف الحاجات دي عن بنته، إنتِ مش فاكرة هي قالت إيه بالظبط .
نسيم: أنا كنت مسجله المكالمة.
بسيل: سجلتِ المكالمة ليه؟
نسيم: أنا كنت بسجل كل المكالمات بعد ما الشخص اللي عرفته، وكنت بتكلم معاه من العالم ده، بدأ يهددني فكنت فاكرة إني أقدر أهدده أنا كمان.
بسيل: كملي موضوع رنا وبعدها نبدأ في موضوعك.
نسيم: أنا هشغلك المكالمة.
مكالمة رنا ونسيم
رنا: الحقيني يا نسيم أنا ضعت خلاص أنا مش عارفة ليه حصل معايا كده! ليه أدفع تمن ذنب أنا معملتوش! ربنا بيخلصه منى أنا ليه؟!
نسيم: اهدي يا بنتي، هو اغتصبك إيه اللي حصل؟
رنا: ياريت كان اغتصبنى وكنت قلت خدت جزائي، لكن اللي حصل ده بشع بشع أنا عايزة أموت.
أنت تقرأ
جريمة الانتقام
Nouvellesفى عالم يجمع بين الواقع و الخيال اخترت لكم بعض القصص فى احداث حقيقية لشخصيات خيالية تربطهم جريمة غامضة تحمل العديد من الاسرار عن الحب و الكراهية و عالم السادية لتحتار فى معرفه الجانى من الضحية لا تعرف ان كانت انتقام ام تحقيق لعدالة السماء . غموض و...
