احببت سارقة(مكتمله)

الفصل السادس من رواية احببت سارقة

سلمى: استنى احنا ممكن نستناه بعيد شويه قبل ما تدخل ونحذرها

ادم: لا والنبى وديه بتدخل ازاى يعنى . .. انتى هبلة يا سلمى

سلمى: يووه بئا .. يعم ما انا افكارى نفذت اقولك .. انت تقف معاهم وانا هقف برا اشوف اذا كانت هتدخل ولا لا .. ولو شوفتها هحذرها .. ها .. ايه رايك .. وانت لو هى جت كلمها كبيعى وقولها سلمى صحبتك مستنايكى .. قولها اي حاجه
ادم: ماشي ربنا يستر
سلمى: شكلك واقع يا برنس
ادم: اسكتى لما نشوف المصيبه ديه .....
وفى هذه اللحظه يدخل محمد
محمد: مصيبة ايه كفلا الشر
سلمى: ها
ادم بتوتر: اصل سلمى كانت عايزه تمشي بكرا تروح القاهره .. فبقولها ليه عملتى مصيبة ..هههه
محمد: تروحى فين يا بنتى
سلمى: لا خلاص يا عمو انا قاعده معاكم هنا ... وهتصل بمراد .. علشان يجى يتعرف على ادم .. وعليك..
محمد: ماشي
................................ فى المساء
ادم: انت واقف هنا ليه يعم "على"
على: مستنى الحرامى بتاع الفراخ
ادم: طب انا هقف معاك ..
على: انت ورحتك يا بنى
......................
عند جميلة .........
جميلة : بابا انا رايحة الشغل
احمد: ماشي يا جميلة متتأخريش
جميله: حاضر يا بابا
... وعند خروج جميلة فجاءة ...شعرت بدوار ولكن حاولت ان تسند نفسها ونجحت بالفعل
...............................................
ذهبت جميلة الى الفيلا التى تسرق منها كل يوم ولكنها لاحظت ان باب الدخول والخروج مفتوحان .. مما اثار قلقها .. ولكنها تعرف سرداب فى ذلك المكان .. فكرت ان تدخل منه .. وبالفعل دخلت منه .. وما إن وصلت الى المكان الذى يوجد عنده .. الدجاج .. حتى رأت ادم يقف مع على ويتحدثان
ادم: هو الحرامى اتاخر ليه
على: ده كل يوم بيجى فى الميعاد ده او بدرى او متاخر ملوش معاد محدد بس هنمسكه .. احنا فتحين المداخل والمخارج كلها ..ليه علشان يعرف يدخل .... سمعت جميلة هذا الكلام . وقالت فى نفسها: يعنى عايزين يمسكونى طيب ...
ورأت امامها طوب فامسكته .. واصبحت تحدث به صوت فى مكان ما
على: انت سامع الصوت ده يا بنى
ادم: اه تعالى نروح نشوف .. روح انت كده .. وانا رايح كده
على: ماشي
وذهبا هم الاثنين ...... وعندما تسللت جميلة لتاخد ما جات من اجله ....
كان ادم يقف امامها ويقول: تؤتؤ مش المرادى
ادم كان يرى خيالها ولكن لم يعطى انتباه حتى تفعل ما فعلته
جميلة: انت تانى .. انت مين
ادم: انا ادم محمد الاسيوطى
جميلة: انت بئا ابن صاحب المكان
ادم: اه .. مش ناويه تورينى مين يالى كل يوم بتيجى تسرق فرخه من عندنا .. وبتسرقها ليه
جميلة : ممكن تسكت بئا
شعرت جميلة بدوار
ادم: مالك .. فيكى حاجه
جميلة وهى تقول.. لا .. لا مفيش حاجه .. لم تستطيع ان تتمالك وسقطت على الارض امام دهشة ادم