احببت سارقة(مكتمله)

الفصل الثالث عشر من رواية احببت سارقة

فى صباح اليوم التالى .. استيقظ جميع من فى المنزل .. نزل ادم يرحب على الجميع والقى عليه الجميع التحية .. اخذ الجميع يتناول افطاره .. وبادر مراد بالحديث فقال : ادم .. لو سمحت عايزك فى موضوع
ادم: حاضر ..
ذهب مراد وتبعه ادم الى غرفة مراد
وعند سلمى .. كانت تجلس مندهشه
محمد: متعرفيش مراد عايز ادم فى ايه يا سلمى
سلمى: لا يا عمى مش عارفه ..
..........................................
ادم: كنت عايزنى فى ايه يا مراد
مراد: انا كلمت زميل ليا فى الشغل .. وكلمته على موضوع جميلة ده .. مصطفى ملوش ملف فى الدخليه .. وده مشكلة .. بس هو شكله مش سهل .. وممكن يعمل اي حاجه
ادم: طب والحل ايه
مراد:.. ها ..سيبنى افكر.. وان شاء الله هنلاقى حل
وما ان انهى مراد كلماته الاخيره .. حتى دخلت سلمى وهى تقول: حل ايه
مراد: ها .. ولا حاجه
ادم: مفيش يا سلمى
سلمى: ماشي بس انا مش مطمنه
ادم: لا اطمنى ياختى .. ويالا عايز كوباية شاي
قال كلمته وهو يطرق على رأسها بيده
سلمى: انت قد الهزار ده
ادم: اه .. ويالا بئا
سلمى: يا سعت الرائد خطيبتك بتتهان وانت موجود .. انت مش ملاحظ
مراد: ملكش دعوه بسلمى لاخلى ليلتك سوده ماشي (وكان يمسك ادم من قميصه)
ادم: كده تعملى كده فى اخوكى .. يا خسارة على الاخوات يا خسارة
سلمى: انت عايز تصعب عليا وخلاص كمنى طيبه .... خلاص عفونا عنك
مراد: بس ده ميمنعشي بردو يا سلمى انك هتعملى شاى
ادم: هههه هموت .. هتعملى شاى بردو ..
سلمى: بئا كده .. ماشي .. من عنيا
ادم: انا مش مطمن
مراد: لا انا مطمن .. سلمى طيبه ومش هتعمل حاجه
......................
انهت سلمى الشاي وذهبت بها اليهم
سلمى: الشاي .. يالا الشاي ..
ادم: تسلمى يارب
مراد: انهى بتعتى
نظرت سلمى له بمكر وقالت ديه
وخرجت من الغرفة لتتركهم يلقو ما فعلت
......................................
ادم: يع كح...... كح ..كح. ايه ده
مراد: كح... كح....كح.. افتحى يا سلمى مش هسيبك
سلمى: لا
ادم: افتحى يا قلبى
مراد: ما تلم نفسك يا اخى
ادم: احنا فى ايه ولا في ايه .. ده انا هوريكى
سلمى: خلصتوا رغى الباب مفتوح اصلا ..

وركضت بسرعة من خلف الباب
ركض ورائها ادم ومراد
سلمى: عمى .. عمى .. الحقنى هيموتونى
محمد: فيه ايه .. فيه ايه .. مالك يا سلمى .. فيه ايه يا ادم
ادم: وسع معلش يا بابا ..
مراد: وانا يالى قولت عنك طيبه
سلمى: عمى .. ابعدهم عنى
محمد:ايه يالى حصل
مراد: حطت ملح وشطه فى الشاي
محمد: ههههه ... اكيد طلبتوه منها بطريقة معجبتهاش
ادم: مش للدرجادى
محمد: خلاص .. خلاص
سلمى: تعالى يا عمى يا حبيبى.. لما اعملك كوباية شاي .. طعمة زيك كده
محمد: تعالى يا حبيبتى ...
مراد: شايف بنت عمك
ادم: ماهى خطيبتك ..
مراد: طب روح انت بقى اعمل كوباية الشاي
ادم:، انا من بنها اصلا .. واطرش ومش بسمع .. سلامو عليكم
مراد: يولاد ال.... .. ماشي
..................................
فى الساعه الثالثة .. ذهب ادم ومراد وسلمى .. بعد اتصال جميلة على سلمى .. وذهبوا مع بعضهم الى الطبيب .. ولكن لم يعترض طريقهم احد وعند العوده قالت جميلة: مصطفى متعرضش لينا
ادم: قصدك متعرضش ليكى ..
نظرت جميلة الى الارض بخجل ..
سلمى: كويس انه متعرضش لحد .. ماهو يالى حصل المره يالى فاتت مش قليل برضه
مراد: ولسه هيشوف
جميلة وسلمى بصوت واحد: قصدك ايه
ضحك ادم ومراد على طريقتهم

................................
وصل ادم وسلمى ومراد وجميلة جميعاً الى بيوتهم .. وقضوا ليلتهم سعداء
................................ وفى الوجه الاخر
_ ايوا .. انا عرفت بيت البنت .. ويالى معاها فين .. .
= طب والاتنين التانيين .. والبنت يالى معاهم
_ ادم .. دكتور بشرى
سلمى .. بنت عمه .. مهندسه
مراد ..رائد فى الداخلية .. ومشهور بتفوقه فى عملياته دايماً
=رائد .. ماشي .. تنفذ بكرا ... انا عايز جميلة تكون عندى بكرا .. اى تأخير مش هخليك عايش فاهم
_ فاهم