رواية ست البنات لــ زينب سمير

الخامس عشر

الفصل ( 15 )

وسلاما علي قلوب احبت ، فأدركت .. فحاربت من اجل هذا الحب

بعد ان اختفت من امام ناظريه توجه هو ايضا لكليته ومنها اتجه لـ الكافتيريا الخاصة بالكلية فهو يعلم بوجود اصدقائه هناك في ذلك الوقت اولئك الفشلة مثله تماما
دخلها وعلي الفور اتجه لـ الطاولة الخاصة بهم ليجدهم جالسون هناك يتضاحكون معا
جلس علي المقعد الشاغر وهو يقول:-بتضحكوا علي اية
قال عبده ضاحكا:-علي امجد
وبتلك اللحظة لفتت انتباهه ملامح امجد المتجهمة فتساءل بفضول:-ماله امجد
عبده:-خلود مش سيباه في حاله
نظر لهم طالبا التفسير وهو يفتعل عدم الفهم رغم انه هو سبب هذا الحال
فتنهد امجد وراح يحكي ...

"فلاش باااك.."

ثاني يوم تدمير المطعم

كان امجد يدخل من بوابة كليته قبل ان يجد من وقفت امامه بضحكة بلهاء كبيرة وهي تقول بخدود حمراء:-صباح الخير ياامجد
امجد:-صباح الخير .. خير في حاجة
قالت وقد ازدادت وجنتيها خجلا:-انا بس حبيت اقولك اني عرفت بمشاعرك
بتعجب هتف وهو يشم رائحة الخيانة وحدوث مؤامرة ضده:-مشاعر اية دي ياخلود
قالت وهي تضربه علي كتفه بخفة ولكنها لم تكن ضربة خفيفة ابدا حيث عاد بخطواته لـ الخلف ثلاث خطوات تقريبا:-خلاص متحرجنيش بقي
بتعجب اكبر هتف:-بجد انا مش بهزر مشاعر اية دي واية الكلام الغريب اللي بتقوليه دا
تغيرت ملامحها فجأة واختفي منها الخجل وقالت بنبرة تبدو وكأنها شرسة:-مشاعر حبك ناحيتي
ردد خلفها بصدمة:-حب !! جبتي منين الكلام دا
خلود:-انت بتهزر اكيد
امجد بجدية:-والله ما بهزر انا مش فاهم انتي بتتكلمي عن اية بالظبط
اشارت لـ الخلف كأنها تشير لأحدهم وهي مازالت تنظر له وهي تهتف بتوتر وتردد:-هو قالي اقصد يعني انه .. انك ، انك انتي بتحبني بس مكسوف تقولي
امجد:-مين قالك الكلام دا
وهنا تذكرت كلام خسن وتخذيره لها بالا تخبره بمن القائل
اذن حسن كان يتضاحك عليهم
لا يهم .. الان ستستغل الوضع لصالحها
هو لم يكن منجذبا لها ولم يكن مهتما لها
ولكنها الان ستفعل

"بااااك..."

تابع امجد:-انا بقي نسيت الموضوع من اول ما مشيت وقولت حوار وراح لحاله والليل بقي لقيتها بعتالي رسالة علي الخاص وانا فاتح الفيس بتقولي مش عايز تعرف مين هو .. اتجاهلت الرسالة والصبح اول ما دخلت الكلية لقيتها في وشي واديها عاملة زي عفريت العلبة بقالها اسبوع كل ما ادخل الكلية الاقيها في وشي بتقول زي البغبغان مش عايز تعرف مش عايز تعرف
ضحك حين وهمس بداخله بخبث:-البنت طلعت سوسة وبتعرف تستغل المواقف اوووي
تدخل خالد وقاا محالا ان يغير الموضوع:-المهم انت اية موضوعك ومالك الايام دي ملموم مع البنت الحلوة دي
حسن بتعجب مصطنع:-مين دي
هتف عبده:-نوران
عاد بجسده لـ الخلف علي المقعد وهو يتنهد بشكل رومانسي ويغمض عيونه قبل ان يعتدل فجأة وهو يقول:-مفيش موضوع ولا حاجة
امجد بغيظ:-اومال بتتكلم عليها لية كدا ولا كأنك بتتكلم علي مراتك
خالد بنفس الغيظ:-وراجع لورا ومغمض عيونك ولا كأنك بتفكر في ذكرياتكم
قال حسن بجدية:-والله مفيش حاجة او بمعني اصح انا مش فاهم مالي بس برضوا مفيش حاجة
امجد بسخرية:-اذكر عدد المرات التي ذكرت فيها كلمة مفيش حاجة في الجملة السابقة
قال عبده بتصحيح:-بس مفيش حاجة دي كلمتين مش كلمة واحدة
صاح خالد باهتياج:-يعني انتوا سيبتوا الموضوع الاساسي ومسكتوا في مواضيع متطرفة
ثم نظر له وتابع:-انا بقي حاسس ان الموضوع في ان وإنك هتتجوز قريب ياحسن
حسن:-انا وجواز وفي جملة واحدة .. اكيد اتجننت
ثم تابع ضاحكا:-والله مافيش موضوع
نظر له خالد بنصف عين وهتف:-والله
حسن:-والله...
ثم نظر لـ امامه بتفكير شارد ينظر الي اللاشئ واصدقائه ينظروا له بصمت واهتمام حتي تنهد هو ونظر لهم وقال بمرح وحرارة:-ياجماعة انا نفسي هفاني علي الجواز تصدقوا
هتف امجد بغيظ:-محسسني انك بتقول نفسك في محشي .. جديدة نفسي هفاني علي الجواز دي
همس له بوقاحة وعبث:-وفيها اية العروسة تبقي تعمل المحشي