رواية ست البنات لــ زينب سمير

السادس عشر

الفصل ( 16 )

في منزل سمر ...

وقفت نوران امام خزانة الملابس تنظر لما فيها من ملابس بعيون حائرة ممزوجة بتررد وثم توجهت بأنظارها ناحية سمر وقالت بتردد:-هو انا لازم اروح
اؤمات بنعم وردت:-مادامت هما اصلا عزمينا علشانك انتي
نظرت لها وثم عادت تنظر لـ خزانة الملابس قبل ان تهتف:-طيب انا مش عارفة البس اية بالظبط كل هدومي السودا عبارة عن فساتين ضيقة وقصيرة
سمر:-خلاص البسي واحد منهم لحد ما تشتري غيرهم
نظرت لها وفكرت بأن تخبرها بحديث حسن بشأن ملابسها القصيرة تلك وثم تذكرت كل مواقفه معها وتدخله فيما يخصها
فأصابها الغيظ ونظرت لـ الملابس وسحبت سريعا احدي الفساتين وتوجهت لـ الحمام

دقائق وخرجت ترتدي فستان اسود قصير فقط يصل لـ الركبة مفتوح من الاعلي و بحملات عرضها لا يزيد عن الخمس سننيمترات
وقفت امام المرأة تصفف خصلاتها الشقراء وبعد ان انتهت نظرت لسمر وهي تقول:-يلا بينا .. انا خلصت
اطلقت تنهيدة عالية وهي تقول بأرهاق:-اخيرا خلصتي
وثم نهضت وخرجت معها لـ الخارج ليجدوا السيدة صفية تجلس بأنتظارهم وعندما رأتهم وقفت وثم توجهوا جميعا لـ الخارج
قاصدين منزل العطار

بمنزل العطار ...

وقف حسن خلف باب منزلهم من الداخل الذي كان موارب قليلا يظهر بعض الاجزاء من المساحة التي توجد امام باب الشقة ينظر لـ التجمع والسلامات التي تحدث منتظرا ان يراها بين تلك الجموع حتي لمحها اخيرا تسلم علي رضوي ليبتسم وهو يري بسمتها قبل ان يلفت انتباهه فستانها القصير نظر له بعيون تحولت لـ اللون الاحمر علي الفور من الغضب وربما الغيرة وهمس بداخله بغضب:-هدومها دي عايزة مقص بخمسة جنية حقير يقطعهملها كلهم علشان ترتاح
وثم تنهد بسأم وهو يتذكر والدته وما فعلته فهي قررت ان تستقبلهم بالخارج وثم تصعد بهم علي الفور كي لا يحدث اي تقابل بينها وبينه او بين اخوته
كي لا تخجل الفتاة
تخجل !!
كلمة غريبة عليها بالطبع
فهل توجد فتاة تخجل وترتدي ملابس كتلك

نظر لـ الخارج مرة اخري ليجد المكان قد فرغ وصعدوا جميعا لـ الاعلي
فوضع يده علي وجهه وراح يحركها عليها بخفة وهتف:-دماغي وارمة اها يابويا يانا .. بت الـكبش دي هتجبلي شلل
وثم راح يحدث نفسه:-وانا مالي اصلا ما تعمل اللي هي عيزاه وتلبس اللي عيزاه وكمان تكلم اللي عيزاه من انهاردة مليش دخل بيها عايزة تكلم الواد عاصم دا تكلمه
التمعت عيونه بغضب:-تكلمه قال لا طبعا متكلموش دا واد ملزق ومبينزليش من زور واية تلبس اللي عيزاه دا وهي هدومها كلها اصلا شبة هدوم الرقاصين .. لا لا انا لازم  طبعا ادخل واعترض وان رفضت تسمع كلامي هكسر رقبتها ومحدش يسألني لية
صمت لـ لحظة
وعاد يكمل:-لا يسألوني .. يسألوني واقولهم من حقي اتدخل علشان ،، علشان هي جيراني دلوقتي وبت حتتي ووو علشان بحبها مثلا
توسعت عيونه بزهول ورعب عندما وصل تفكيره الي هذا الحد
وراح يكمل:-بحبها !!! .. لا طبعا مبحبهاش قال بحبها قال هو انا علشان غيران شوية وعلشان عملت مسرحية الرقصة العشوائية دي علشان ارقص معها وضربت الواد عاصم مرتين علشانها وكمان برعي ضربته علشانها يبقي بحبها لا طبعا مبحبهاش لا ياشيخ حسبي الله ونعم الوكيل انا مبحبهاش ولا حاجة