part 5
"ထိုင်ပါ နှင်းစက်သွေး..."
ခုံတွင်ဟန်ပါပါထိုင်နေရင်း သူ့အားထိုင်ရန်စေခိုင်းနေသော
မေအမရာ...။သွေး မသိမသာနှုတ်ခမ်းကိုတစ်ချက်မဲ့လိုက်ရင်း
သူမ ညွှန်ပြရာ သူမနဲ့မျက်နှာချင်းဆိုင်ခုံတွင် ဝင်ထိုင်လိုက်တော့
သည် ။
"ကျွန်တော့်ကိုတွေ့ချင်တဲ့ အကြောင်းက...."
"ဖြေးဖြေးပေါ့ တစ်ခုခုမှာဦးလေ အပူလား အအေးလား...."
သွေး ပြုံးကာ ပါးစပ်ထဲကဝါးလက်စပီကေကို လက်ညိုးထိုးပြ
လိုက်ရင်း ခေါင်းကိုခါပြလိုက်သည် ။
"ပြောပါဦး မာန်မသိပဲကျွန်တော့်ကိုသီးသန့်တွေ့ချင်တယ်ဆိုတဲ့
အကြောင်းကဘာများလဲ..."
သူ့ရဲ့အမေးကြောင့် မေအမရာ သဘောကျသလိုပုံစံဖြင့် လှလှ
ပပပြုံးလေသည် ။
"မင်းကြည့်ရတာ သိပ်လောနေသလိုပဲ ဘာလဲ မောင်မပါတော့
မင်း တို့အရှေ့မှာအနေရခက်နေလို့လား...."
"ဟက်...."
သွေး ခပ်လှောင်လှောင်တစ်ချက်ရယ်လိုက်သည် ။ထို့နောက်
မေအမရာကိုခပ်စူးစူးတစ်ချက်ပြန်ကြည့်လိုက်တော့သည် ။
မေအမရာကလည်းခေတဲ့သူမဟုတ်ပါ ။သူ့အား သေချာပြန်
စိုက်ကြည့်ကာ မျက်လုံးနဲ့တိုက်စစ်ဆင်နေလေသည် ။
"မင်း မောင့်အပေါ်ဘယ်လိုသဘောထားနေတာလဲဆိုတာ
တို့သေချာသိချင်တယ်...."
တိတ်ဆိတ်မှုကိုဖြိုခွင်းလိုက်သော မေအမရာ၏စကားကြောင့်
သွေး မျက်မှောင်ကြုတ်လိုက်မိတော့သည် ။
သူမက ဒီမေးခွန်းကို ဘာသဘောနဲ့မေးတာလဲ...
"မာန် နဲ့ ကျွန်တော်က ငယ်သူငယ်ချင်းတွေဆိုတာ အစ်မ
သိပြီးသားပဲမလား..."
"သိပါတယ် ဒါပေမဲ့ တို့သိချင်တာကမင်း မောင့်အပေါ်ထားတဲ့
သဘောထား မင်းရဲ့ခံစားချက်...."
"မာန်က ကျွန်တော့်ထက် သူငယ်ချင်းတစ်ယောက်ဆိုတာထက်
ပိုတယ် ညီအစ်ကိုဆိုလဲဟုတ်တယ် သူကကျွန်တော့်အတွက်
အရာရာထက်အရေးပါတယ်..."
သွေးရဲ့အဖြေစကားအဆုံး မေအမရာ နှုတ်ခမ်းကိုမဲ့ပစ်လိုက်
သည်ကိုတွေ့လိုက်ရလေသည် ။
YOU ARE READING
I don't wanna be your best friend ( Complete )
Romanceဟုတ္တယ္ မင္းကငါ့ရဲ႕ bff ဒါေပမဲ့ best friend forever ေတာ့မဟုတ္ဘူး ဘယ္သူေတြဘာေျပာေျပာမင္းကငါ့ရဲ႕ boyfriend forever ပဲ...
