part 11
သူ့ဘဝမှာဘာတွေဘယ်လိုဖြစ်ကုန်တာလဲဆိုတာမိုးသားမာန်တကယ်ကိုနားမလည်နိုင်တော့ပေ ။မေအမရာဆိုသော
မိန်းမနဲ့လက်ထပ်ရန်ဖေဖေပြောတာကြားတုန်းကသူ့ဘဝကြီး
တစ်ခုလုံးကပြောင်းကပြန်ဖြစ်သွားသလိုခံစားလိုက်ရလေ
သည် ။
"ကိုမိုးသားမာန် လက်ထပ်တော့မယ်ဆို...."
ကျောင်းဝင်းထဲစဝင်ကတည်းက တစ်ယောက်တစ်ပေါက်
ဝိုင်းမေးကြသောလူတွေ ။မြန်လိုက်တဲ့ သတင်း....မနေ့ကမှ
လက်ထပ်ဖို့ကိစ္စလူကြီးချင်းပြောတယ်...ဒီနေ့ချက်ချင်းပဲ
ထိုအကြောင်းကို တစ်ကျောင်းလုံးကလူတွေသိနေကြပြီဖြစ်
သည် ။
ဝိုင်းမေးလာတဲ့သူတွေကို သူမဖြေအားပေ ။သူ့မျက်လုံးတွေ
ကတစ်စုံတစ်ယောက်ကိုသာ သည်းကြီးမည်းကြီးရှာနေမိ
လေတော့သည် ။
"ဟင်....."
မျက်ဝန်းထောင့်ကနေ ဖျတ်ခနဲမြင်လိုက်ရသော အရိပ်လေး
တစ်ခု ။ထိုအရိပ်လေးကသူသိပ်ချစ်ရသော သွေးပင်ဖြစ်
လေသည် ။
"သွေး....."
သစ်ပင်ကြီးအောက်ကအုတ်ခုံလေးတွင်ထိုင်နေသော ချစ်ရ
သူလေး ။သူခေါ်လိုက်တော့ မျက်ဝန်းလှလှလေးတွေက
သူ့အားမော့ကြည့်လာလေသည် ။သွေးကသူ့ကိုမြင်သွား
သည်နှင့် ကျောပိုးအိတ်ကိုကောက်လွယ်ကာ ထိုင်နေရာမှ
ထသွားဟန်ပြင်လိုက်သည်ကို တွေ့လိုက်ရတာကြောင့်
သူ သွေးရဲ့အနားသို့အမြန်လျှောက်သွားလိုက်တော့သည် ။
"သွေး နေပါဦး....."
"ဘာလဲ...."
သွေးရဲ့လက်ကိုလှမ်းဆွဲဖို့ပြင်လိုက်ပေမဲ့ သွေးကသူ့ရဲ့လက်
ကိုပုတ်ထုတ်ကာ ခပ်မာမာဆိုလေသည် ။
"သွေး မင်းငါ့ကိုစိတ်ဆိုးနေမယ်ဆိုတာ ငါသိပါတယ် ဒါပေမဲ့
ငါရှင်းပြတာကိုနည်းနည်းလောက်နားထောင်ပေး....."
"ဘာမှလာရှင်းပြမနေနဲ့တော့ မိုးသားမာန် ငါမင်းဆီကဘာမှ
မကြားချင်ဘူး....."
သွေးရဲ့စိမ်းကားမှုတွေက မိုးသားမာန်ရဲ့ရင်ကိုဓားနဲ့ထိုးခွဲ
လိုက်သလိုတဆစ်ဆစ်နာကျင်စေလေသည် ။
"မဟုတ်ဘူး သွေး လူတွေငါ့ကိုဘယ်လိုထင်ထင် မင်းကတော့ငါ့ကိုယုံပေးပါကွာ...."
BẠN ĐANG ĐỌC
I don't wanna be your best friend ( Complete )
Lãng mạnဟုတ္တယ္ မင္းကငါ့ရဲ႕ bff ဒါေပမဲ့ best friend forever ေတာ့မဟုတ္ဘူး ဘယ္သူေတြဘာေျပာေျပာမင္းကငါ့ရဲ႕ boyfriend forever ပဲ...
