مساء الورد يا ورد شلونكم شنو اخباركم،،طبعا هواي يسألون القصة حقيقية اي وداعتكم حقيقية واني كتلكم اذا اكتب خيال انوه وبالاعلان نوهت انه حقيقية، ،،،، وهسة اتمنالكم متابعة طيبة
البارت الرابع
فيد عبدالله
سرور،،احس السواه جاسر حولني شخصية ثانية ردت اثبتلة اني شنو وردت اعوض الطفل الجاي النقص الي سببة غياب ابوه،،اول شي سويتة انه رجعت لدراستي الي تركتهة قررت ادرس واحصل شهادة سلاحوفعلا رجعت للدراسة اهتميت بدارستي وبحملي كلش رغم التعب والفترة الصعبة بس جنت اضغط على نفسي عالمود اقاوم وماارجع لوضعي القديم بدت بطني تكبر ونبضات وحركات الطفل احس بيهة واضحة اخذت سونار وطلعت بنوتة فدوة طرت فرح بيهة الكل مخبوص ومكيف الكل يشتري ويجهز واني فرحانة بس خايفة بنفس الوقت المرأة بهيج ضروف تحتاج زوج سند يطمنهة بس هم حاولت شكد مااكدر ما اضعف واجة يوم ولادتي تعبت كلش يلا شرفت نور حياتي وامل عمري (ملاك)وجانت اسم على مسمى حلوة وناعمة تخبل حاضنتهة ودموعي تارسة عيوني احسهة عوض رب العالمين الي، ،رجعنة والكل طاير بيهة بالبيت اصلا لو سمعوا صوتهة بجت كلهة تجي ركض كلهة تداري وتهتم خو سامر خطية روحة تعلقت بيهة خصوصا هم ما صارلهم اطفال هو ونادين عرك عليهة وعمتي تصيح كافي حضن وبوس خبلتوهة للجاهلة عوضوهة عن ابوهة الراح وماسئل راح يشوف حياتة وعاف كل هاي الحياة الي هنا ابد ماتصورتة اناني لهاي الدرجة جانت افكار تجيني واسألة ماالهة جواب معقولة لهدرجة مو مهمين احنة كلنة مو مهمين بس هوو وبس، ،،ارجع اقوي نفسي واگول هو الخسران واني مامحتاجتة حتى كأب لبنتي لان عمامهة معوضين ومامقصرين ابد،،والتهيت ببنتي وقمر ودراستي ومشت الايام طبيعي
،،،،،،،،،،،
قمر،،كرم احس بيهة نظراتة كلهة هلية واني اعرف شتاني هالنظرات بدون شعور لكيت نفسي ابادلة هالنظرات الي اتحولت ابتسامات واخر شي اعترف انه هو يحبني واني ما سيطرت على مشاعري ولكيت روحي احبة واموت عليه واليوم الي ميجينة بي احس روحي تطلع بس ماجنة نتجاوز حدود النظرات والابتسامات من بعيد لبعيدبس اعرفة شكد يحبني ودز اختة تحاجيني اذا يتقدم هسة وكتلهة لا خلي اكمل الاعدادية وصدك ظل حبنة طاهر ماتجاوز وياي بنضرة مو زينة وينتضرني اكمل ويتقدم
،،،،،،،،،،
سرور،،تمر الايام وملاك كبرت فدوة لگلبهة مالية حياتي وحياة الكل الحمدلله نجحت من السادس وانقبلت كلية التربية حابة هالمجال ومقتنعة بي وكلهة جانت تشجعني انه ادخل لهالعالم واحاول اغير من نفسيتي واطور روحي، وبلشت اداوم اتعرفت على كم بنية حبابات وعادي مشت الايام بهدوء الدوام حلو وهواي تغيرت نفسيتي اداوم وملوكة تبقى يم عمة ونادين فدوة متعودة عليهم كلش عيني على قمورة الي كبرت وصارت تخبل واحس اكو نظرات بينهة وبين كرم وعفتهة براحتهة هي تحجي من تحس تريد تحجي لان اني اعرف اختي واعرف تربيتهة والولد هم كلش حباب واحسة شاريهة من صدك من خوفة واهتمامة وبجياتة للبيت ملوكة هم تعلقت بيه وهو ياخذهة يشتريهة يفتر بيهة تو وسامر علموهة عالطلعات والفرة وهي صارت اذا يطلعون تگلب الدنيا بالبجي انوب كلما تكبر كامت تتعلق بيهم اكثر خو سامر فنه الي يماجيهة لو يعيط بيهة كدامة ممنوع خط احمر،،بهالفترة جان اكو طلاب يجون يسألون علية بقصد الارتباط واني مااخفيت انفصالي ابد يعني الي يجي يعرف بس اني كارهة الفكرة كلش واصلا بعمري ممفكرة اعيد هالتجربة ناذرة حياتي لبنتي وبس ،،،مرت الايام طبيعي وملوكة تكبر وخياتي ماشية بدون اي تواصل وية جاسر بالكلية الله وفقني وكلش اتحسنت نفسيتي وبنتي سبب سعادتي حاولت شكد نااكدر اصيرلهة الام والاب رغم الكل ممقصر حتى كرم تعلق بيهة وهي هم تحبة كلش الي اسمعة انه جاسر كمل دراستة ويداوم بمستشفى بالله هسة حياتي كملت مثل مايريدهة چان ارتاح واخيرا جنت نادر ماافكر بي اصلا مرات اگول اني هم اتحنل صوج لان قبلت ارتبط بانسان مو طايقني بس ماجنت بوعيي ذيج الفترة لو بوعيي مستحيل ارتبط بيه بس هم ملوكة تسوة كل معاناة والم عشتهن بيوم ،،وصلت مرحلة ثالثة وعادي اداوم وبين البيت وملوكة وقمورة سادس وملتهية بدراستهة هي ورهف وحب كرم الي من بعيد لبعيد بالنضرات،،،واتذكر بيوم عطلة نايمين ذابين رواحنة اني وقمر وملاك جنت اتعب دوام ودراسة وطفلة مااعول تجي العطلة انام ماادري بالدنيا ثاري بتعبي وغفوتي ملاك كاعدة وطالعة من الغرفة الاغلب نايم والي بغرفتة مثل عمتي تگعد من وكت طابعة ملوكة للحديقة وعمتي متطمنة ماكو شي وخليهة تتشمس ثاري جاي كرم ومجلبة بي بطبع كرم يدخل عادي بس يدك باب المطبخ هي متعلقة بي وهو يحبهة فماخذهة يشتريلهة وماگايل لاحد شوية وفزينة على صوت عمتي تصيح يمة ملوكة وين انشلعت من مكاني وركضت اريد افتهم من عمتي ماكو مااستوعب غير بنتي ماكو طلع سامر يلبس بالبلوز ويسأل بعمتي المفرفحة ركض سامر للشارع وعمتي مااتحملت تكعد لبست عبايتهة وطلعت واحنة نفتر ندور بالبيت واني ادك على سامر وميجاوب ينطي رفض اتخبلت وواكفة بالطرمة اخابر وانصدمت بعمتي والي وياهة
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
