صباحكم سكرر يا سكررراتي،،،بلش التصعيد السلمي هههههه انطلقوا واتذكروا شعارنة سلمية كلا للتجاوزات متابعة طيبة
البارت الثامن
فيد عبدالله
سرور،،بعد رفض قمر لكرم احسهة تحاول تبين احسن بس اعرفهة كلش زين وحافضتهة هاي اختي اذا تعلقت بشي هاي هية بعد اتمنى رب العالمين يوفقهة للاحسن،،انشغلت اني بدراستي متناسية جاسر الي اختفة هالفترة نادر مااسمع صوتة بالبيت حتى ملوكة افتقدتة ودائما تبچي عليه وخابصتني بابا وبابا واني تعبت مااعرف شاتصرف وياهة كدما تبجي جان سامر ساد مكانة هواي بس حاليا ملتهين بعلاجهم علمود الاطفال ومايتواجدون دائما وبعصرية كاعدين فوك وسمعت صوت هورن سيارتة اعرفة ملوكة كمزت
ملوكة،،هذا بابا شمعتي الشيالة(سمعتي السيارة)
سرور،،اي ماما سمعت تنزلين
ملوكة،،تقبلين ماما
سرور،،اي ماما انزلي حبيبتي تعالي اعدل شعرج الحلو ونزلي ،،صدك فتحتلهة الباب ونزلت وكفت بداية الدرج واسمعهة عاطت بابا وركضت وهو يبوس بيهة ويحضن ويشتم بيهة دمعت عيوني مااعرف ليش يمكن لان اتذكرت ابوية زين اني ليش دااعيش بنتي هالشي،،بس هو ليش عافنة والله موبيدي مااكدر اتقبل رجوعة بهيج بساطة نفسي متگدر شكد مااكول خلي احاول انطي فرصة لخاطر بنتي ماكو مااتخيل ولااتحمل ،،باوعت اجتي عيني بعينة تنهد باس ملاك باوعتلهم وصعدت امسح بدموعي شي فوك طاقتي مااريد اعيد الغلط واحمل نفسي فوك طاقتهة،،داومت يومين والثالث ومرلي للكلية جان هااادئ مو مثل اعصابة قبل
جاسر،،السلام عليكم
سرور،،وعليكم السلام
جاسر،،كملتي محاضراتج
سرور،،بعد وحدة
جاسر،،عادي تطلعين
سرور،،اكو شي
جاسر،،لا اوصلج بطريقي
سرور،، بس مو تشوفهة مو حلوة انت توصلني
جاسر،،ابن عمتج اني قبل كلشي ترة
سرور،،ماادري شبي ماجان نفسة جاسر الي اعرفة،،كمت وياه بهدوء وهو يمشي ويخزر بالعالم ليگول داخل ساحة حررب،،صعدت بالسيارة اشو طلع بغير طريق،،جااسر وين ماخذني مو طريق البيت هذا
جاسر،،لا تخافين نحجي بهدوء وارجعج
سرور،،مو وضع هذا ترة ليش تخليني اتندم اثق بيك. ثاني مرة تضحك علية طفلة كدامك شنوو،،بقة ساكت ويسوق واني سكتت اريد اشوف تاليهة وياه وصلنة مكان هادئ بي مي وگصب وكف السيارة ونزل يتمشى قريب للمي الدنيا شتا فالجو حلوو نزلت امشي وراه وكف يباوع للمي اديه بجيوبة واني واكفة اباوع احس هدأت اعصابي وارتاحيت شوية من الشد الي جنت بي
أنت تقرأ
حصاد الهشيم
Romantikجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
