حصاد الهشيم

تنويه لبعض المتابعين

تدرون اني مصدومة،،اي والله العظيم جديات جدا مصدومة من ردة فعل البعض ضد البطلة يعني بارت البارحة نزل. انهااالت فد  تعليقات بكلااام جدا جارح وقاسي اراء مبنية على خيالاتكم لان انتو ماعشتوا العاشتة،،نصائح متخبطة ماادري داتنصحون لو تذمون شبيكم عالبنية ترة منزلت قصتهة حتى تنتقدون وتغلطون هلكد يعني من اقرأ الكلام والتجاوز اني اضوج شحال هي، ،تدرون وصلتوا البنية  مرحلة متريد بعد تكمل القصة من كمية الكلام الجارح وجاي نقنع بيهة تستمر ،ماعرفتكم والله ابد ماجان اكو تجاوز من قبلكم بالقصص السابقة.ولهذا هواي تجيني قصص اول ماابدي اتواصل وياهم يكولون لان متابعينج يختلفون برقيهم واخلاقهم  ليش غيرتوا فكرتي عنكم يعني والله  امسح بالتعليقات وارجع ليورة وهم هوواي بقن بيهن اذية ،،كلولي شنو الي تنتقدونة ترة كل انثى عندهة عزة نفس وكرامة متقبل تنهان او تنجبر على شي متحبة وهي من اووول زواجهة انجبرت عليه وانجبرت تحمل بطفلة وتربيهة وحدهة  وانجبرت ترجعلة وانجبرت تكمل وياه وهم رجع جبرهة عليه وان جان عذركم انه هو ممقصر وياهة هذا حقهة زوجتة ومجبور يدلل ويداريهة بمي عيونة ليش قليل السواه هو ليش تنطوه العذر وهي لا، ،وهم لان الدين يأمرة مو منية منة انه يحب زوجتة او يداريهة ويريد خاطرهة لاهذا واجب على كل زوج وان جان البعض يگولون نشوف اكثر ونتحمل حبيبتي انتي عودتيه انه تتحملين مااگلج عوفيه خصوصا اذا جان اكو اطفال لان مو ذنبهم اختياركم الخطأ بس عالاقل تحفظين كرامتج وتنسحبين من حياتة بهدوء وتبقين كد واجباتج تجاه اطفالج وتجاهة حسب شرع رب العالمين ،،اني بكل قصة انقللكم فكرة واساس اختياري لهالقصة لان جاي اشوف النساء هواي تتنازل عن حقوقهة لدرجة وصلت من تشوف غيرهة تطالب بحقوقهة الي الله فارضهن النة تگول هااي عيارة 🤔🤔،،اي ليش مو هذا حقج كامرأة والله سبحانة منطيه الج ليش تفرطين بيه وتخلين غيرج يحملج منية،،ارجوكم اذا تردون القصة تستمر غيرو تفكيركم ووجهات نظركم الخطأ وعلقولي بكل حب لان جديات البنية تعبت من النقد الجارح

مع كل الاحترام للي يكتب تعليق بي كلام يطيب الخاطر وللي ينتقد بكل احترام ونصيحة تحسوهة من قلب محب