حصاد الهشيم

الكاتبة#فيد عبدالله(الاخير)

صباح الورد يا ورد،،شلونكم اخباركم،،راح اشتاقلكم هووواي 😢 خصوصا انه مااعرف اذا راح ارجعلكم او لا، ،الي اطلبة دعواتكم الحلوة، ،واتمنالكم متابعة طيبة

البارت الاخير
فيد عبدالله

سرور،،ردت ادخل لزم ايدي

جاسر،،سرور بس افهمج والله

سرور،،اعرف،، كلشي اعرف جنت متزوجهة من سافرت

جاسر،،من شوكت تعرفين

سرور،،من زمااااان كللش اعرف كلشي عنك وسكتت اعرف جنت عايش حياتك مثل ما تحب اعرف ماخليت شي بنفسك ماسويتة يلا فكرت ترجعلنة ومع ذلك سكتت وعبرت وكلت ماضي وخلص وراح ليش احاسبة عليه انطيه فرصة وانطيت فرص مو فرصة بس

جاسر،،والله عفتهة من زمان عفتهة وروح ابوي وهي ماجاي تفك مني احضرهة من الف رقم وترجع تراسل وتتصل ،،سرور بس باوعي بعيوني والله ما بگلبي بس انتي

سرور،،اشششش كل كلمة مااريد اسمع تعبت كدماانجرح منك وارجع اداوي جروحي وادورلك اعذار

جاسر،،بس اهدي وتعالي كعدي واني افهمج كلشي الله عليج

سرور،،سحبني كعدني عالمرجوحة واني ارجف من العصبية احس حتى بطني كامت توجعني،،سحب كرسي وكعد كبالي ولزم ادية بقوة

جاسر،،والقران وكلام ربي اعرف اني اذيتج شكد واعرف شكد خذلتج وشكد جرحتج بس تندمت والله تندمت وصححت روحي ومسحت كل اغلاط الماضي واجيتج ورقة بيضة اريد بس رضاتج وراحتج ومن يومهة قسم بالله كل همي راحتج انتي وسعادتج انتي اني من عفتج جنت مشوش مااعرف افكر حاولت انساج ب...

سرور،،سكت ودنگ،،،بوحدة غيري،،باوعلي عيونة مدمعة

جاسر،،وفشلت لان حبج محتل كل كياني بدون مااحس وعفتهة وانفصلت عنهة وبقيت اصارع حبج بداخلي لحدما هلكني ورجعت ادور بس رضاج اي شي منج يطمني لوابتسامة بطرف شفتج جنت راضي تتوقعين كل هذا الحب بگلبي وارجع اخون اني من تنطقين اسمي روحي تذوب بصوتج اني كلي ملكج شلون تتوقعين ممكن افكر مجرد تفكير بغيرج

سرور،،سحبت ادية من اديه وكمت

جاسر،،سرور كافي والقران اذا ابتعدتي عني هالمرة اموتج واموت روحي واخلص كافي اتدمرت كل مااكول قربتي تسامحين ترجعين تبتعدين، ، والله العظيم احبج وماعندي غيرج

سرور،،رفع ايدة يتلمس وجهي ابتعدت عنة بدون مااحجي شي وصعدت رأسا فوك دخلت غرفتي قفلت الباب ونزلت دموعي استغربت روحي بس بعد ماسيطرت انهديت بجي مااتحملت هالشعور مجرد التفكير جان متزوجهة يخليني احس اني بنص نار تحرگ بروحي، ،لحظتهة عرفت اني حبيتة اي حبيت جاسر من كل گلبي وكياني حبيت وجودة بحياتي قربة اهتمامة وكل هذا اريدة الي وبس اشتعل من الغيرة من احس اكو من تتقربلة وتريد تشاركني بي ،،اندكت الباب وصوتة يحجي بهدوء