مساء الور ورداتي يااابة شكد خجلانة منكم لان مانزلت البارحة ولانوهت واعتذرت منكم بس والله صارلي ظرف والوالدة تخربطت ورحت ركض اسفة جدااااا،
،متابعة طيبة
البارت السادس
فيد عبدالله
سرور،،بقيت مصرة انه جاسر مالة كل علاقة بحياتي وانسحبت كللش من مواجهتة كملت السنة الدراسية والحمدلله نجحت ومن عندهة صدك بعد عزلت نفسي ببيتي ملتهية ارتب بي واعدل ببنتي واهتم بقمورة الجانت سادس وامتحنت الحمدلله ونجحت وجانت فرحة شكبرهة هي ورهف نجحن واخيرا احس فد شي كلش جبير وفرحة بداخلي متنوصف انه اختي كبرت وراح تدخل كلية واتفاجأنة بيوم العصرية اجتي ام كرم واختة الي بكد قمر وطلبوا ايد قمر لكرم اني جنت حاسة انه اكو نضرات بس قمر بطبعهة خجولة كولش وكتومة واني مااحب اضغط عليهة لان واثقة منهة واعرفهة متتصرف غلط ومن تقدموا رسمي عمتي والولد جان جوابهث
ام محمد،،اني ماقابلة وماانطيهة صح هو خوش ولد وحباب بس يتعبهة اني اعرفة وانتو تعرفوا. طبعة ما يوالمهة وهي فقيرة وحبابة هذا يدمرهة واني انچان مرة غلطت بحق سرور وانطيتهة للمايصونهة فمااعيد الغلط وية قمر
جاسر،، ابن الحلال بذكرة هم زين طبيت وكت ما تگصون بية،،هسة يمة الولد متقدم لقمر اني شكو حطيتيني بالنص
ام محمد،،ااااهاااا خير انت وما مأذيلك احد ابد مووو
جاسر،،اني اشوفة خوش ولد
سامر،،خوش ولد وسبع اخو اخيتة بس ما يناسبنة سدوا الموضوع
سرور،،شفت قمر ساكتة ومدنگة عيونهة بالگاع ولا نطقت كلمة كامت صعدت فوك واني اخذت ملاك وصعدت وراهة بعدني بداية الدرج وصوت جاسر وراية
جاسر،،جيبهة ملاك وانتي اصعدي يم اختج
سرور،،ولا رديت كملت الدرج بسرعة وصعدت لگيت قمر متلفلفة بمكانهة ونايمة،،مسحت شعرهة بهدوء وهي ساكتة بست راسهة وطلعت شوية وتقربت يم الباب سمعت صوت شهگاتهة المكتومة شبيدي عليهة قابل اذبهة بالنار اعرف بكرم وعلاقاتة واختي متتحمل اختي ترفة كلللش متحمل اذية ابد لو انكسر گلبهة تنتهي وتتدمر تنجرح هسة ولا ترتبط بي ويأذيهة نامت واني حضرت العشا كعدتهة ماقبلت وكلت ملوكة ونمت يمهة اخاف عليهة بقت معتكفة والكل على موقفهم بالرفض وثاني يوم رجعولهم خبر انه ماموافقين وياعيوني قمر اباوعلهة ذبلت وانطفت
قمر،،ادري بكرم يحبني ومحد خذت گلبة غيري وهو مستعد لخاطري يتغير وكلشي بس هم ماجاي ينطونة فرصة،، اني احبة ومن فتحت عيوني عليه احس بنضراتة التحرسني بحبة ولهفتة الي اشتياقة المفضوح من يجينة حرصة احسة الاب الي انحرمت منة والحب الي وعيت عليت والزوج الي اريد اكمل وياه زين ليش يحرموني منة بس ميعرفون حقهم ميعرفون احنة شكد نحب بعض ،،ورة يومين ورجع دز جنات الي تشكيلي بحالتة وشلون ضايج ومتدمر ومتمرض حتى واني ما بيدي شي
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
