صباح الورد يا ورد شلونكم،اسفة مانشرت بس احترام للكاتبة الراحلة مانشرنة اغلب الكاتبات،،اعذروني، ،متابعة طيبة
البارت الخامس عشر
فيد عبد الله
سرور،،من كتلة شكرا باوعلي مستغرب عقد حاجبة بتساؤل
جاسر،،على شنو
سرور،،عالسويتة اليوم
جاسر،،ماسويت غير واجبي انه احافظ على مرتي وام بيتي
سرور،،شكرا،،ابتسمتلة براحة،،رجعنة للبيت وهو رجع لدوامة ماقبل ينزل،،اتغديت ونمت كعدت العصر حسيت بصوتة جوة يسولف وية عمتي لبست ونزلت،باوعلي واني انزل الدرج وابتسم،،مساء الخير كلتهة بابتسامة
جاسر،،مساء النور
ام محمد،،كل الهلا،،تعالي عمة اكعدي
سرور،،لا اروح احضر الغدة لجاسر
جاسر،،لارحم الله والديج مااشتهي تعبان اريد انام
سرور،،اي اصعد نام ملوكة نايمة بعدهة وقمر يم رهف
جاسر،،مااشي
سرور،،بقيت يم عمتي ورة شوية نزلت ملوكة للمغرب صعدت اكعدة ماهو بالصالة باوعت نايم بالغرفة بمكاني ماضجت عادي حسيت شي طبيعي قربة ،،كعدتة كام غسل واني احضرلة كهوة بالمطبخ احس بديت احفظ شنو يحبه ويكره وهو يحب من يكعد من النوم يصحصح بكهوة
جاسر،،اعتذر نمت بمكانج بس ملوكة سوتلي واهس حضنتهة ونمت
سرور،،لاعادي بيتك وبراحتك حجيتهة واني دايرة ضهري اسوي بالكهوة عالنار فجأة وحسيتة وراية كلش قريب
جاسر،،احب هدوئج واحب صوتج واحب اشوفج هيج حابة وجودي بيناتكم
سرور،،حسيت انفاسة تقربت لرگبتي اتوترت جان تنقذني الگهوة وتفور عالطباخ، شهكت من فارت وهو ابتعد وصلني صوت ضحكتة
جاسر،،حتى الگهوة محاربتني
سرور،،هسة اسوي غيرهة
جاسر،،لا لا ماكو داعي صبيلي الي بقة كافي
سرور،،اي اي اكعد بالصالة واجيبة الك،،احجي متوترة وامسح بالطباخ اريدة يروح للصالة اجر نفس، ،سحب كوب صب الگهوة وطلع كملت وبلشت بالعشا ماردت اطلع من المطبخ. بس كدما صليت ورجعت اتعشينة وهو عينة علية ياكل مبتسم ما اعرف شبي كملت هوسة اليوم وفرشتلة ودخلت نمت وراية دوام مر الاسبوع بروتين نفسة هو هو نتشاوف الصبح نتريك كلمن يطلع لدوامة نرجع باوقات مختلفة للعشا ننجمع وهم دراسة وشغل ورة العشا كلمن يروح يسوي الاشغال الي عندة بيوم الخميس والجمعة جاسر يستغل كعدتنة يسويلنة اجواء حلوة كرزات حلويات موطا وهيج كعدة مرتبة يشغل فلم ننجمع كلنة نتفرج قمر شوية وتگوم واظل اني وياه وملوكة تكمز بنصنة احس هالشي قربني منة هواي قربنة كعائلة صار بيناتنة تآلف وهدوء ودفئ بس بقة الحب،، الي احسة مشاعري جاي تتغير وية الايام ما وصلت لمرحلة الحب بس وصلت مرحلة التعود الراحة لوجودة بنصنة ،،الامان وهذا اهم شي جنت اريد احسة وياه ،،اتذكر بيوم سهرانين الخميس نتفرج فلم قمر شوية ودخلت غرفتهة واني وياه بقينة نتفرج كاعدين عالقنفة وملوكة بنصنة تاكل مامفتهمة شي بس عالحلويات هههه باوعلي وحسيت بنضراتة علية التفتت عليه،،ابتسمت وهو ابتسم،،شكوو كلتهة بتسائل
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
