هلاووو،شلووونكم ياحلوين،،مستعدين لبارت اليوم،،لاتنسون تفاعلكم يسويلي واهس اكتب فاتحفوني بتفاعلكم،،متابعة طيبة
البارت الثاني عشر
فيد عبدالله
سرور،،لزمت ايدة الي لازمة ايدي وهمست شجاي تسوي جااسر ولارد علية سحبني بايدة،، دخلنة الولد للاستقبال وراح يصيح ابوه،،جاسر باوعلي شجاي تسوي
جاسر،،اسكت العالم سرور بس طاوعيني حتى اكص لسان اليحجي
سرور،،مااريد لاتجبرني جاااسر،،نزلت دموعي واباوعلة بترجي
جاسر،،سرور عيوني الج صدكي بس طاوعيني بهالخطوة ماراح يتغير شي بس مجرد احميج
سرور،،قبل ماانطق كلمة دخل الرجال وابنة الي فتحلنة الباب سلم عليه جاسر الظاهر يعرفة وكعد واني مدنگة بالگاع احس مخنوگة معقولة هم راح اوافق بدون قناعة سرور مو كلتي مااعيد اغلاط الماضي،،بس هو گال مااجبرج بس احميج افكار دوختني،،دخل ولد ثاني وكعد وبلش الشيخ يقرة ماحسيت الا من الشيخ يسألني موافقتي باوعت لجاسر اعصابة عالحافة وعيونة الي تحجي وتگلي وافقي كرر الشيخ سؤالة،،غمضت. وسكتت سالني الشيخ مجبورة بنتي
جاسر،،حجي بس من رخصتك خمس دقايق
سرور،،طلع الرجال اجة جاسر وكف كبالي رفعت راسي باوعتلة وعيوني حمر من البجي فرك وجهة ابتعد عني مشة خطوتين ورجع كعد قريب علية
جاسر،،سرور شتردين انتي
سرور،،باوعتلة،،لو ادري والله اكلك بس الي اعرفة مااريد اكرر غلطة الماضي اريد اقتنع
جاسر،،اي واني ماراح اكرر وياج غلطة الماضي اعوفج براحتج ومن تحبين نكمل سوة اني موجود
سرور،،بقيت ساكتة هزيت راسي بنفي حجة بعصبية و يحاول ينصي صوتة
جاسر،،سروررر كاافي عاد هواي صبرررت عليج صدكيني اذا ماطلعت منا وانتي مرتي اسافر وحتى بنتي اخذتة وياية وشوفي حياتج الي مترديني بيهة
سرور،،شبيك انت كلة بالعصبية والتهديد مو اجبارر الزواج
جاسر،،تعبت واني ادور اليرضيج وافقي عاد وخلصيني
سرور،،سكتت وهو سكت بقة يباوعلي مثل الي يحاول يطمني بنضراتة دك الشيخ لباب ودخل
الشيخ،،ها بنتي ،،عمي جاسر اذا مامقتنعة البنية حرام وزواجكم يصير باطل
جاسر،،لاحجي مقتنعة كمل
سرور،،رجع عاد الكلام باوعت لجاسر رفع تك حاجب وحابس انفاسة، ،غمضت وانطيت موافقتي ودنكت مارفعت راسي ابد احس مخنوكة ماابالي هيج ظروف ولاابالي بهيج مشاعر ميتة ارجع ارتبط،،كملنةوطلعنة صعدت السيارة واني طول الطريق ما سكتت دموعي قريب منوصل بيت محمد كسر هو حاجز الصمت
أنت تقرأ
حصاد الهشيم
Lãng mạnجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
