هلاوو شلونكم شخباركم مشتاقتلكم هوووواي هووواي والله كولش مفتقدتكم واحس جزء مني فاقدتة ما متعودة هالكد اطول بدون ماانزل قصة بس ظروف ونضري كولش صاير ضعيف
كولش هواي يسألون اكو قصة هسة الي، راح تنزل قصةهالفترة، اكو قصة داتنكتب رسائل كوووم ؟اي اكو قصة وكولش جميلة طويلة واحداثهة تخبل بس عيوني متعبتني ومااگدر اضغط عليهن بالكتابة هواي فجاي اكتب شوي شوي اعبر نص القصة كتابة وابللش انشر،مااگدر احدد موعد حسب قدرتي عالكتابة ،،
نحجي عن القصة شوي احرك مشاعركم، ،طبعا هالقصة وصلت عندي من قبل قصة( حصاد الهشيم )واحداثهة طويلة وماردت اكتبهة والبنية اصرت حابة الا اني اكتبهة وبقت تقنع بية استلمهة وشوكت مااگدر اكتبهة واني الصراحة جنت رافضة انه استلم ورفضتهة وبعدهة قررت انه ما ارجع اكتب والله قررت (حصاد الهشيم) اخر قصة. ورجعت البنية تتواصل انه اكتب القصة واني مترددة صح القصة تجنننن بس اتعب خصوصا لهجتهة مامتعودة عليهة لازم اركز كولش بكتابتة مفرداتهة بس شجعتني صديقة الي انه مااعوف شغف الكتابة وهالموهبة حرامات تروح وكتاباتي حلوة واسلوبي فاقتنعت ارجع اكتب لان خطية البنية كوولش اصرت واني اختنگت بدون مااكتب احس جزء مني رايح،،،،وبلشت بالقصة واسبوع كامل اني اجمع بالمفردات بلهجة القصة لان البنية اصرت القصة بلهجة اهلهة وهي لهجة الغربية لهجتهم تخبل بس كلماتهم مختلفة عنة شوية وهذا منطيهة طابع جمالي اكثر يمكن الي ساعدني خالتي جانت متزوجة من اهل الغربية😅 فعندي خلفية بسيطة بالكلمات وهيج كدرت اجمع مفرداتهة وابلش اكتب،،ادعولي اكمل نصهة حتى احدد موعد ونبلش ننشرر لحينها اتركم في رعاية الله انتظروني
نزلت هالدردشة لان تعليقاتكم كولش تشجعني فانتظر كلامكم الجميل ❤️❤️
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
