ومساء الورد ياورد شلوونكم اريد تفاعل قوي ترة القصة تجنننننن والاحداث من البداية نااار،،متابعة طيبة
البارت الثاني
فيّد عبدالله
رهف،،هالفترة كلش صعبة جانت عالبنات حاولت شكد مااكدر اتقرب لقمر لان هي بنفس عمري وكدت اطلعهة من جو الحزن شوية واخفف عنهة اما سرور بنفس وضعهة باقية والكل مشغول بوضعيتهة جانت كارهة الدنيا والحياة كلهة وفاصلة عنهة بالهة مو ويانة متخب نحجي يمهة ونسأل تكره الهوسة الاكل كوة تجبرهة قمر كم لگمة بيبي شكد متناول تشغل بالهة ترجعهة للواقع ماكو حتى من تتحاوب مثلا وتدزهة بيبي على شي تگوم خطية توصل وتنسة اصلا ليش كامت بابا وعمامي اقترحوا يودوهة دكتور نفسي لان فعلا تحتاج
ام محمد،،كل عقلكم تردون تخبلوهة فوك مصيبتهة صدمة وتعدي تردون تودوهة اطباء يخبلوهة الي ابد متطلع ولاتوصل ولاالكم علاقة بيهة اني المسؤلة عنهة وبس
رهف،،وبقت سرور بوضعهة ،الى ان فاجأتنة بيبي انه تزوج عمو جاسر الي ميطيق اسم الزواج لسرور الي ماعايشة بهالعالم ويانة اووف ومن لحظتهة انگلب البيت علينة جحيم اتذكر من فاتحت بيبي عمو جاسر شلون طفر وانتفض رافض
جاسر،،يمة من صدك تزوجيني سرور هاي بعدلهة شوية وتتخبل اني مااطيق الزواج كلة ومن اتزوج اجي اخذ هاي الطاگة فيوزاتهة
ام محمد،،اسكت ولك ست البنات سرور وتتزوجهة وتكعد هنا تكمل دراستك وتسكت
جاسر،،يعني تردين تكربسيهة براسي بس حتى مااسافر اشو لااخذهة ولااظل بالعراق
رهف،،وطلع عمو جاسر باعصابة يرگع بالابواب وبيبي صارت نار وبابا وعمو سامر يهدأون بيهة وعمو جاسر صار ميطيق يكعد بالبيت ولوكعد وبالصدفة مرت سرور بهدوئهة المعتاد بودة يكوم يذبحهة وبيبي ما وكفت محاولات الاقناع
قمر،،احس البيت مخبوص ومتكهربة الاجواء واخاف بسبب وجودنة بس محد مبين ما رايد وجودنة بالعكس كلش زينين ويانة احس بالي مشوش وجاي اتعب كدما احاول افسر كل حركة وكل تصرف خاف احنة المقصودين راجعة بالطريق من المدرسة وافكار مزدحمة ببالي جانت رهف بيومهة غايبة واني صافنة وامشي وكفت اباوع عزااا اني وين متيهة ومااندل بالمنطقة زين كمت احاول اندل طريقنة الي نروح ونرجع بي ماكو مااندل الشارع فرغ والدنيا ضهر خفت كلش ودموعي وحدهة تنزل من الرعب شبيج قمر وين تهتي صغيرونة انتي احاجي بروحي وابجي وجان اعثر لان ما منتبهة
كرم،،الله الله اتأذيتي بيج شي
قمر،،لا لا مابية بس اختفة صوتي من الخوف والفشلة
كرم،،ليش تبجين ووحدج صاير شي احد مضايقج
قمر،،لا بس وطكيتهة بجية
كرم،،خيرر خوية بس اهدي وكليلي شبيج
قمر،،تيهت طريق البيت مااعرف شلون ارجع تكدر توصلني حباب
أنت تقرأ
حصاد الهشيم
Romansaجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
