حصاد الهشيم

الكاتبة#فيد عبدالله(16)

هلاووووو،،كل عام وانتو بالف خير يااحلى متابعين ياربي تحقيق الاماني والصحة والسلامة وتحقيق الاماني للجميع،،اكيد مشتاقين للقصة 😍😍اعوفكم تقرون،،متابعة طيبة

البارت السادس عشر
فيد عبدالله

سرور،،رغم الي عرفتة سكتت ماردت احجي بالموضوع لان هو ما اجة وحجة بي فاعتبرتة انتهى اصلا عفتة وية الماضي الي راح لان هو هم ماضي وكلت خلص هو ماكو مشاعر اصلا جانت بعلاقتنة ولاهي مثل علاقة اي اثنين اتزوجوا وبعدين انفصلنة وراح وشاف حياتة خليني اكمل من هسة من رجعنة تزوجنة مرة ثانية من قررنة ننطي لحياتنة فرصة ونحاول نبني حياة جديدة هو من هاللحظات ماقصر باي شي، ،ماكو انسان كامل كل انسان بي عيوب وتطلع منة اغلاط وهفوات، ،جنت احاول اهدء اعصابي بهالكلام واگول خلص سرور لاتضلين حبيسة الماضي عيشي الحياة وانطي لنفسج فرصة انتي تستحقين تعيشين براحة اني اعرف اذا انفصلت عن جاسر مستحيل اكمل وية غيرة مستحيل ارتبط بعد اصلا فخليني اعيش الحاضر بسعادة ،،ماانكر انه تعلقت بوجودة بيناتنة حنانة وحبة النة الامان الي نحسة بقربنة من عندة مااريد اخسر هالامان بعد مالكيتة، ،،صح بقيت فترة متحسسة من الموضوع باردة بتعاملي وياه لان اكيد انجرحت مثل اي انثى من تعرف انه اكو من شاركتهة بزوجهة بس بقة العقل هو اليحكم حياتي لان اني انسانة نادر متتحكم بية مشاعري،،حسيتة افتهم انه تغيري هالفترة بسبب هالموضوع جانت اكو مكالمات تجي احسة يرتبك وتظل نظراتة علية بس هم مااجة وصارحني ولا اني الي واجهتة حسيت مااريد اكبر الموضوع او انطيه اكبر من حجمة هي نزوة وراحت، ،التهيت بامتحاناتي وهاي اخر مرحلة ،،بعدت كل هالافكار عن راسي وحاولت اركز بدراستي وبس

قمر،،جنت احس اكو تغير بسرور برود حيوية جنت اشوفهة بعيونهة قبل ايام فجأة انطفت وراحت مااعرف شصاير لان من اسألهة تكول ماكو شي،،جاسر احس بعيونة ونظراتة الهة كووم كلام بس ما جان يحجي غير نضراتة الي تراقبهة وين متتحرك،،التهينة باخر ايام الدوام بيوم العصر كاعدين يم عمة واجة جاسر كعد قريب يم سرور وهي ما شالت راسهة من الملزمة تقرة سحب الملزمة من ايدهة يگلب بيهة

جاسر،،صعبة المادة

سرور،،لا زينة رجعت سحبتهة من ايدة ورجعت اقرة

جاسر،،وين ملوكة شو مالهة صوت

سرور،،اخذهة سامر،،من رخصتكم كمت صعدت اقرة فوك لان من يجي افقد تركيزي،،شوية وصعدتلي قمر

قمر،،وتالي شوكت اشوفج مرتاحة وسعيدة

سرور،،وشبية اني الحمدلله هسة احسن

قمر،،لا مواحسن هالايام احس اكو شي وانتي متسولفين بس اني كلشي احجيلج

سرور،،والله العظيم ماكو شي مهم بس مرات تطلع اشياء تخلينة نعيد حسابات معينة واني جاي اصفي بالي