مساء الورد ورداتي الجميلات شلونكم شلون الصحة مشتاقتلكم،،بنات عيوني انتو الي يگول الاحداث سريعة اني دااسرع المقدمة لان الجمال كلة من هسة وجاي فابدي اسرد التفاصيل الي تاخذكم لعالم ثاني،،متابعة طيبة
البارت الثالث
فيد عبدالله
جاسر،،اني مثل ماعرفتوني جاسر واسم على مسمى طبعي جنوبي بامتياز من سكنة الناصرية بحكم سكني بمجتمع جنوبي و شرقي جداالابن الثالث بالعائلة ربيت بجو مكرس حياتي كلة بالدراسة والعمل شخصية عملية كلللش عمري كلة مااعترفت بشي اسمة حب ومشاعر جنت اضحك عاليحبون واكول كل عقلهم ذولة مبهذلين رواحهم علمود مشاعر اتحكم بيهة اني اني بعقلي وبس اني الامر الناهي بحياتي زين ليش احب حتى اضعف واتبهذل لااني مستحيل احب واضعف الحب مو الي ولاموجود بقاموسي بس بدون شعور لكيتني احب اكثر بنية جنت ما طايقهة،،ظروف زواجنة صعبة ووافقت لخاطر امي التعبت من وراية وكلت عادي هو اني مااحبهة ليش اهتم اتزوجتهة او لا هالشي ميغير قناعاتي عالاقل اريح امي وبالفعل ارتبطت بسرور المتعقدة من الحياة بالبداية حاولت اساعدهة تطلع من ازمتهة عالاقل لان بنت خالي كلت اسوي شي زين بحقهة لان وضعيتهة موطبيعية بس هي متتجاوب ابد ترد كلمة او تأشر فما لحيت ولااهتميت عفتهة بوضعهة بس بدون شعور لكيتني اركز بتفاصيلهة وحياتهة شتسوي شتحب وشتكره زين اني ليش جاي انتبهلهة احاول اركز والكة عقلي شاطح يمهة اتخبلت من حسيت بديت اتعلق بوجودهة اركز بيهة من تصلي وتدعي دموعهة الدائما نازلة على خدودهة خو تالي الليل من تنام بصفي وعطرهة يترس ريتي بودي حتى النفس اكطعة جنت جاي اتدمر حرفيا جنت بصراع مخبلني صراع بين عقلي وگلبي بين طموحي وبين واقعي بديت افقد السيطرة على مشاعري وهالشي خلاني اكره حتى اتقرب يمهة لان احس بديت اضعف كمت اتأخر واطلع هواي بس حتى لااتصادم وياهة بس تالي الليل مااغفة اذا مااسكر بريحتهة جان هذا اسوء انواع التعذيب كلما اضعف واحاول ابين حبي الهة اتذكر تفكيري قبل وكلامي وية اهلي وابطل واسكت لحدما قررت انهي هذا العذاب بدون خساير اطلع من حياتهة واطلعهة من حياتي لان اني مااكدر اكمل وياها ببالي اهداف اذا ماحققتهة اظل طول عمري خسران وحياتي متدمرة شي سعيتلة من صغري مامستعد اخسر عالمود مشاعر وية انسانة ميتة وقررت اسافر واعوف كلشي وراية وفعلا بلشت بالاجراءات بدون مااحد يعرف بس بالاخير امي عرفت
ام محمد،،صدك ولك كل هالتعب وتريد تعوفنة وتروح ما تفكر بس بروحك زين وهذيج المكرودة التزوجتهة شني ذنبهة تعوفهة وتروح
جاسر،،هي اصلا عايشة حتى تعرفني موجود لا انسانة ميتة ضلمتوني وخليتوني اخذهة وخلص مااتحمل لا وضعهة يتغير ولااني الاكدر اكمل لهنا وخلصصصص
ام محمد،،ولك صدك جنت غلطانة من ظلمت هالمكرودة وانطيتهة لواحد مو كفوو مثلك انت ابد مو گد مسؤليتهة واكبر دليل شردت وراح تعوفهة بنية مثل ما جانت عبنك مو كد مسؤلية زواج وعايلة روح يا جاسر بس صدك ساعتهة لاارضى عليك ولا اعتبر عندي ولد
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
