مساء الورد يااورد شلونكم،،شخباركم مشتاقتلكم،،،متابعة طيبة
البارت الثامن عشر
فيد عبدالله
سرور،،من الارهاق بقيت نايمة ماحسيت بروحي لحد العصر يلا كعدتني قمر
قمر،،سرور حبيبتي اكعدي
سرور،،كمت بدون مااحجي شي بس احس دايخة وعيوني گوة افتحهن. رحت للحمام اغسل احس دخت لزمت الحايط سحبت نفس واني مغمضة حسيت بلمسة دافية على جتفي وصوتة وصلني
جاسر،،بيج شي
سرور،،هزيت راسي بنفي ودخلت للحمام سبحت وصحت قمر جابتلي ملابسي طلعت ورجعت تمددت حتى شعري بقة ملفوف بالمنشفة
جاسر،،هم راح تنامين موزين على جسمج لهسة ماماكلة شي
سرور،،باوعتلة وهمست،،مااشتهي عوفوني براحتي
جاسر،،مشتهية شي اجيبلج اياه
سرور،،اريد انام،،سحبت الغطا وصدك رجعت غفيت احس روحي بغير عالم،،كعدت نص الليل كلهة نايمة ملوكة يم قمر وجاسر بالصالة فارش ونايم باوعتلة وسحبت نفس،،ودخلت للمطبخ جنت جوعانة فتحت الثلاجة مالي خلك اسوي لفة جبن طلعت فواكه وكلاص مي جاي اترسة من البراد
جاسر،،بس هذني طول اليوم ماماكلة وبس فواكه توكعين هيج
سرور،، باوعتلة ورجعت اباوع للگلاص ،،مااشتهي
جاسر،،انتي مو تحبين الجبن خلي اسويلج لفة عالاقل كالسيوم
سرور،،مااريد والله هذا كافي،،جنت هااادئة بشكل بكل جواباتي يمكن كدما تعبت من الانفعالات والنقاشات والمحاولات وكلة ماجاب نتيجة استلمت للامر الواقع وصرت ماافكر حتى بجوابي احجي بكل عفوية وهدووووء وتعب كل خلك ماالي باي شييي،،عفتة ودخلت غرفتي اكلت وشربت مي وكعدت اگلب بموبايلي بدون واهس،،سمعت بنت سامر تبجي فدوة صوتهة ملة عليهم حياتهم يابة شكد تعذبوا يلا صارت،،اتلمست بطني و نزلت دموعي استغفرت ووحمدت ربي على هالنعمة غيري يدفع عمرة لخاطر هالشعور هاي هي لازم اتقبل الامر الواقع احمد ربي عليه واداري هالروح الي انزرعت بداخلي واني وجاسر خلينة للايام يجوز ارجع اتقبلة واحبة وان ما كدرت فيبقى ابو جهالي هواي ناس تمشي حياتهم بدون كل مشاعر مو الا حب ،،ثاني كعدت الصبح متأخر لان نمت ورة الاذان طلعت للحمام واشتميت ريحة البيض قمر داتسوي ريوك وركض دخلت الحمام اتقيأ
قمر،،ها سرور
سرور،،سدي الباب حبابة مااتحمل الريحة
قمر،،شبيج ماجنتي بملك هيج
سرور،،ماادري،،فتحت الشبابيك قمر ورشت معطر اني دخلت غرفتي وسديت الباب
قمر،،تعالي اتريكي كلشي ماماكلة
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
