صبااح الورد وهذا الوعد احلى باارت لعيونكم وتتدللون،،متابعة طيبة
البارت السابع
فيد عبدالله
سرور،،نزلت ملاك لابوهة واني كعد ابچي اتذكرت كل الي مر علية من اول يوم دخلت بيت عمتي لحد هاللحظة حاولت الگة تفصيل صغير اتمسك بي والتمس العذر بي لجاسر حتى اتحمل اقتحامة حياتنة بهالشكل مااكو مالگيت مسحت دموعي لملمت شتات افكاري وكمت الهي نفسي بلشت اسوي كيكة ورجعت بلشت بالعشا ونظفت المطبخ جلفتة جلف بس اريد ماافكر بس عبث كل مااصفن الكاه داخل تفكيري وافكاري كلهة تدور حول الصار والجاي يصير اتعشينة ونومت ملاك يم قمر الي هم نامت من وكت اصلا احسهة مطفية من يوم سالفة كرم وانوب رهف ونفسيتهة المتدمرة وقمر ميتة قهرر عليهة وهي رهف ياعيني منتهية،،،كعدت روحي طالعة كمت افتر بالشقة هدأت حركة البيت ناموا كلهم باوعت الهوة لطيف برة لبست شالي نزلت بالحديقة كعدت بالمرجوحة اشتم هوة سندت راسي عالمرجوحة واتمرجح بهدوء مر وقت افكاري مخربطة حاولت اهدء واصفي بالي، ،ماحسيت الا من باب الشارع تنفتح كمت بسرعة دخلت المطبخ عرفتة هو رجع التفتت اتأكد شفتة دخل بوجهة للمغسلة البرة فتح المي وخلة راسة جوة المي وساند اديه عالمغسلة وكفت بمكاني ماادري اعوفة اواروح لو اشوفة شبي بقيت اباوعلة غسل نفض المي من شعرة واتوجه يدخل اتأكدت مابي شي ركضت صعدت وبس خليت راسي عالمخدة اجة ببالي شنو شبي اوووه شعليج سرور نامي واسكتي صدك غفيت من التعب والافكار الملت راسي كعدت ثاني يوم كملت شعندي ونزلت لعمتي تاخذنة للسوك مابقة شي للدوام يبلش وهم قمر تغير جو،،نزلت عمتي بالمطبخ صبحت عليهة وكعدت وياهة شوية هم اسولف وياهة وهم اساعدهة واتلهة،،عمة العصر اريد تاخذينة للسوك محتاجة اغراض للبيت والدوام مابقة شي اريد اشتري كم قطعة
ام محمد،،اي عمة تتدللين بس مو تتأخرين وتفرون السوك كلة مابية
جاسر،،عوفيهن يمة اني اخذهن
سرور،،باوعت دخل للمطبخ هستوة كاعد من النوم خلة الچاي عالنار وراح حضر كوب ،، والله بودي اروح افترسة يحجي وهو ابو الراهي وواكف كبال الملحق بي جامة يعدل بشعرة،،وكفت يم عمتي وكتلهة عمة بالخمسة اكمل وانزلج
جاسر،،اني اخذجن شنو متسمعين انتي اخذج لدكتور يشوف سمعج
سرور،،محد طلب منك
جاسر،،ميحتاج تطلبين اعرفيني زين منا وهيج طلعات باماكن مزدحمة انسي تطلعين وحدج
سرور،،هههه ضحك باستفزاز وعفتة وطلعت وصلت لباب المطبخ وباوعت لعمتي،،عمة مااروح بطلت حجة وهو يصب الجاي لنفسة
جاسر،،احسن عندي شغل العصر
سرور،،صعدت ضغطي مفووول يمكن بس ابد ماابين انفعالاتي كدامة،،وصدك ما رحت وبيوم الي جان المفروض يبات بالمستشفى رحنة اني وعمتي وقمر بطلت لان خابرت رهف تجيهة واتسوگت الي اريدة واغلبة للست ملوكة ولقموورة هم كم قطعة لان بعدة دوامهة رجعنة وكفت التكسي بباب البيت نزلت اني وعمتي وجاي انزل بالعلاليك مخليتهن ليكدام حسيت صوت قريب علية
أنت تقرأ
حصاد الهشيم
Romanceجاسر،،لااؤمن بالحب ولااسعى اليه ولكني وقعت سهوا في عالمها وعلقت للابد وحين قررت ان ابدأ بالفوز بثمرة الحب وجدتني كاللذي يحصد في الهشيم سرور،،نعم كنت هشيما هل أملت انت تحصد مني ثمار الحب الذي لم تسعى ان يولد،،لم تسقني باهتمام او عطف واملت ان ازهر لك...
