ممنوع نسخ الرواية او تداولها الا باذني ..
الفصل الرابع
رقص مازن مع كل البنات السناجل ومهتمش بسالي بعد ما قالهم ان هي خطيبته مبقتش قادره تتحمل ونرمين زودتها عليها.
نرمين _شكل حظك في الرجاله وحش اوي يا سو كل اللي عرفتيهم بيقلولك انك مش كفايه بطرق مختلف ههههههه
سالي _طب حاسبي وشوفي امير بيعمل ايه مع ساره اللي من قسم المحاسبه
جريت نرمين تشوف خطيبها و كلامها كان زي البنزين علي النار. كلامها وجع سالي وقهر قلبها وقالت لنفسها_ انا متوقعتش منه حاجه لكن توقعت الاحترام بس ودا ماخدتهوش
لبني جاتلها وحكتلها تقريبا كل حاجه بدون ذكر بعض التفاصيل الشخصيه
لبني _طيب متسيبي البيت .اقصد يعني خلاص شكله معاه فلوس زي ما قلتيلي وهيقدر يديلك فلوسك .سيبي الفيلا ودوري علي مكان تاني .
سالي _عارفة كل دا بس الموضوع معايا حوار عند مش اكتر .انا علي العموم مقررة امشي قبل ما والدته تيجي وهخلي السمسار يشوفلي حاجة تانية .
لبني بتفكير_دا الافضل يا سالي لان بصراحه الموضوع اوفر شوية .احنا مش في امريكا .
سالي وهي بتطمنها _عارفة عارفة .
لبني _بس تصدقي حساكي اتغيرتي ,مقصدش الشعر بس بوجه عام بقيتي تتكلمي معايا اهوه وفتحتي قلبك ,انا كنت مستنية اللحظة دي من زمان علي فكرا .
حضنتها سالي بمحبة وقالت _مش انا سبت نبيلة اكيد هبقي افضل من غير اي حاجة ,انا مش فاهمه ليه معملتش الحركة دي من زمان ,كان زماني اتغيرت من بدري .
لبني بمحبة _كل شيء باوان وعايزة اقولك علي الرغم انك كنتي بتنفضيلي كتير بس انا بعتبرك بيست فريند بتاعتي .
سالي _حببتي يا لبني ,وانتي والله بيستي برده بس انا اللي كنت كتومة بزياده واوفر يعني ,قال يعني اسرار دوله .
ضحكوا الاتنين سوا وجه مازن قطع عليهم الكلام وهو بينهج ..
بصتله سالي بقرف _خلصت رقص ,مشفتش بنات قبل كدا .
مازن _ياه جو مصر وبنات مصر حلوين اوي الصراحه والجو تحفة الحقيقة .
سالي _خلصت لازم امشي
مازن_امممم لازم نمشي لسه بدري
سالي _خلاص خليك انا هروح وانت ابقي حصلني بتاكسي.
بصلها مازن اللي رقص مع البنات مخصوص عشان يشوف رد فعلها .
مازن _امممم لا مش فارقه خلاص نروح سوا
ودعت لبني وودعت خالد بتاثر شديد متقدرش تنكر فضله عليها بعد ربنا وتشجيعه المستمر ليها وكانت فعلا حزينه انه هيمشي.
في الطريق متكلمتش ركزت في السواقه وهو كان مبسوط وبيحاول يغني مع اغاني الراديوعشان يخفف التوتر اللي موجود بينهم .
مازن _relax بقي انا واثق ان خالد هيبقي افضل
مردتش عليه لحد ما وصلوا البيت وقفته قبل ما يروح اوضته ودخلوا اوضه المكتب القديمه اللي تحت كان مستغرب قعد علي كرسي وهي وقفت وبدات الكلام بصوت موجوع مكسور
سالي _انا مطلبتش منك انك تقول اننا مخطوبين قدام الناس بس انت كدا قلت من غير حتي ما تاخد رايي
حاول يقاطعها
_ارجوك سيبني اكمل كلامي ومع ذلك حفظا لماء الوجه رضيت وسكت لان حسيت باني مرغوبه حتي ولو بالكذب لكن اللي حصل انك حبه الكرامة اللي ادتهوملي انهتهم وخلتني لبانه في بق الكل لما ترقص مع دي ودي ومش مراعي مشاعري وانت بكل اريحيه قلتلهم انك خطيبي طيب مكنتش تقول وكنت اتكلم مع دي واضحك مع دي عادي انت حر متخصنيش لكن مادام قرنت اسمك مع اسمي يبقي كان لازم تفكر في صورتي قدام ناس حاربت بقالي ٥ سنين عشان اعمل ليا كرامه قدامهم واللي يسوي واللي ميسواش يتريق عليا لو مش من قدامي يبقي اكيد من ورايا
معاك حق اما قلت انك متعرفنيش لكن انا بحلفلك والله والله
وكملت ببكاء
_انا مبقاش فيا حيل لوجع تاني ولا قهره تاني ياريتك مجيت معايا
حاول يمسح دموعها ويحضنها لكن سالي زقته بكل قوتها
_ارجوك انا سمحت انك تحضني مره لكن مينفعش انا خسرت كتير ومش عايزه اخسر ديني وان كنت متربي برا والحجات دي عادي فهي بالنسبالي مش عادي.
سابته وطلعت اوضتها كملت عياط علي خيبتها وكرامتها الي اتهانت كالعاده معرفتش تنام خدت حباية منومة وراحت في سابع نومه
في اوضه مازن
فضل طول الليل مش عارف ينام لان سالي زعلانه عاتب نفسه ميت مره لانه حسسها كدا حتي لو من غير قصد لاول مره يحس انه غلطان للدرجاادي مادام قال انهم مخطوبين يبقي كان لازم ياخد باله عن كدا .بس هو كان فعلاقصده يضايقها او علي الا قل يشوف رد فعلها بس شكله كدا انقلب السحر علي الساحر الفجر اذن وهو لسه منمش من احساس الذنب وجاله فضول يعرف هي صاحيه ولا نايمه
طلع البلكونه وبص عليها معرفش يشوف حاجه من الضلمه بس عرف انها نايمه.دخل جوا تاني واتوضي وصلي .
كان لسه هيحاول ينام قاطعه صوت موبايله بيرن وكانت مامته اتخض ورد عليها بسرعه
_الو يا ماما ..أنتي كويسه .
أنت تقرأ
احببت العنقاء امل العناني
Romanceتذيق الحياه سالي الامرين ولكنها مع ذلك لا تستلم وتفتح قلبها للحب الذي ينير دروبها..
