احببت العنقاء امل العناني

الفصل الخامس عشر

ااهو عشان  الناس اللي بتزعل من الواتباد فصل هنا وفصل هناك وياريت تعملوا فولو علي الواتباد وvote واتمني اشوف التفاعل هنا زي ال views ع الواتباد لان بزعل جدا يا جماعه من قله التفاعل وشكرا  ونروح بقي للفصل

الفصل الخامس عشر من #احببت_العنقاء_امل_العناني
ارتاحت سالي للحياه مع عصام الشناوي ..كان بيتعامل معاها ومع بنتها بمشاعر صادقه ونبيلة ..اترددت كتير تقوله يا بابا علي الرغم انه كان مستنيها منها بفروغ الصبر بس كان لازم يديها وقتها علشان ميخسرهاش ويخسر حفيدته ..كان عارف انه عايش كدبه ..بس كانت كدبه جميلة واتمني لو ان الكدبه دي تصبح حقيقة بس هو كان عارف ان سالي مستنية بس لحد متشوف هتعمل ايه في حياتها .وبعدين هتمشي .رفضت تاخد منه اي فلوس .راحت سحبت كل فلوسها من حساب سالي وعملت حسابات جديده باسم سهي الشناوي وحسابات سهي الاصليه لغتها ..مقدرش يعترض عصام علي قرارها .
سافر مازن كندا كالعاده وكل نهايه اسبوع كان بينزل مصر يشوف اي اخبار عن بنته ومراته اللي كان جواه احساس انهم عايشين ..جاله ايميل من مدير بنك ان سالي شريف الهواري سحبت كل فلوسها ..طبعا اتجنن مازن ونزل مصر فورا .
راح للبنك وطلب منهم كاميرات المراقبه ..بس للاسف معرفوش يطلعوها لانها اصلا مش سالي اللي يعرفها وفي وسط الناس كلها والناس اللي بتبقي في البنك مقدرش يميز وشها ابدا ...بس كان الامل موجود انها عايشه .
طلب يعمل لقاء علي قناة تلفزيون كان عارف ان سالي بتحبها وبتابعها دايما ..جواه امل مش عادي ان قلبها يحن وتروح له .هو اصلا مش عارف ايه اللي حصلها وخلاها تبعد .عمل اللقاء واللي طبعا شافته سالي اللي كانت قاعده مع عصام وبنتها .
المذيعه _اهلا وسهلا بحضرتك استاذ مازن السواح ..حضرتك شغلت السوشيال ميديا بقالك سنتين بتدور علي زوجتك
_اهلا بحضرتك. طبعا .انا عمري ما بطلت ادور عليها لان حاسس جوايا انها عايشه وموجوده بس بتكابر انا معرفش ايه خلاها تبعد بس ممكن اكون زعلتها بدون قصد .
_طيب ايه تفاصيل اخر ايام مثلا وانتو سوا ..ممكن تكون مثلا هربت منك لسبب او لاخر .
_قصدك يعني عنف اسري ..اواهمال او حاجة ممكن اي ست تشتكي منها فاهقولك لا ..ممكن الفترة الاخيرة بينا كانت متوترة شوية بس صدقيني مفيش اي حاجة تخليها تبعد بالطريقة دي ..انا بس نفسي ترجع تاني حتي لو مش ليا بس اطمن انها عايشة واشوف بنتي .اتمني من ربنا بس اشوفها مره واحده وبعدها اللي حابه تعمله في حياتها تعمله .
_انت اتعرضت لمشاكل كتيرة جدا بسبب غيابها صح .
_اممممم طبعا ..لفيت مصر كلها وكل مرة اروح مكان شكل وملقيهاش دا غير الناس اللي كانت بتعملي كماين هههههههه عشان يسرقوني .دا غير ان البوليس شك فيا لفترة بسبب اختفائها .حجات كتير اوي .بس مش مشكله فداها .
_طبعا احنا شوفنا التعليقات علي السوشيال ميديا ما بين (يارب ارزقني براجل يحبني الحب دا وما بين يا عم سيبك منها وعيش حياتك ) تعليقك ايه.
_انا هقولك علي حاجة واحده بس .بحبها .انا حقيقي مش حاسس اني عايش من وقت مسابتني .ممكن الحب عند بعض الناس كلمه والسلام بس عندي هو بيمثلها هي ..هي اكتر ست في العالم كله ملكت قلبي .وحبيتها بطريقه مكنتش اتوقع في يوم من الايام ان انا احب كدا .
_ _ انا اسفه يا استاذ مازن بس معانا تلفون بيقول انه مراتك ..
__نعم .
الو
الو يا فندم اتفضلي .
_انا عايشة يا مازن ومعايا فرح كمان ..بس ارجوك بطل تتكلم عن الحب وعن العشق ..اللي بيحب عمره ما يخون .وبس دا كل اللي عندي .وارجوك كفايا صعبانيات علي التلفزيون والنت عشان فرح بتكبر ومش عايزة نفسيتها تتاثر ومتقلقش هخليك تشوفها بنفسك ..هبعتهالك .
قفلت سالي السماعه واعتذر مازن وقام مشي ..طلب منهم الرقم اللي اتكلمت منه ..اخده ومشي ..
__
في بيت لبني ..اللي كانت بتشوف اللقاء قامت سجدت لربنا وحمدته علي انها سمعت صوت سالي ونبرة صوتها اللي استحاله حد يقلدها ..كانت بتعيط ..حضنها جوزها وهداها لكن كان قلبها فرحان علي متوتر علي حزين .
وكذلك كان حال ثريا وفاطيما ومصطفي اللي تابعوا اللقاء علي النت .
احساس زي اللي كان ماشي في الصحرا ومش لاقي نقطة مايه .وفجاة لقي قدامه بحيرة .ممكن يكون سراب بس المكالمه دي كانت كفيلة تخليهم ميفقدوش الامل ابدا تاني .
رجع مازن بيته وهو مش قادر يقعد من كتر التوتر ..كلم شركات الاتصال عشان يعرفوا عنوانها بس للاسف مقدروش يوصلوا لاي حاجة لان الخط اتفصل بعد الثواني اللي اتكلمت فيهم .
اتوضي وصلي وحمد ربنا انه طمن قلبه واخيرا ظهر خيط يطمنه علي سالي .