احببت العنقاء امل العناني

الفصل الرابع عشر

الفصل الرابع عشر
سهي _يووه يا احمد انت جبتنا منين .
احمد _والله ما اعرف ..اسكتي شوية  ..الله يخربيت الجي بي اس دا .ولا جوجل مابز النيله .انا توهت .
سمعوا صوت العربيه خبطت في حاجة .
احمد _يانهار اسود عربيتي شقا عمري .
سهي _متزعلش عادي هتتصلح المهم هي خبطت في ايه .
_اه مزعلش ..منتي مش فارق معاكي ياابنت الشناوي .انا هخرج اشوف خبطت في ايه وربنا يستر .
كالعاده اتضايقت سهي من كلامه لانه دايما يجرحها كدا .خرج يشوف اللي حصل لعربيته وسهي فضلت تبص من الشباك وفجاه لقت حاجة شدت انتباهها وكانها جثه ..صرخت وخرجت ورا احمد وهي بتصوت _احمد جثه .هناك .يااحمد .
نفض ايدها من دراعه وقالها _عادي مهي خرابه في اخر الدنيا اكيد القتالين كتير هنا ..خلصي يا ستي ادخلي خلينا نمشي من المكان الزفت دا ..الله يخربيت صحبتك علي عيد ميلادها اللي عاملهولي في الصحرا .وضعنا كدا .
شد انتباهها صوت انين خافت ..جريت مسكت فيه وكالعاده سابها بس هي قالتله _شكل الجثه صاحيه ..ممكن يكون حد محتاج مساعده .
_مساعده مين ..انا هنفد بجلدي ..ماليش دعوه ياختي .تعالي ورايا يالا .
مسكت سهي
كشاف تلفونها وبصت علي الجثة لقتها لست حامل ..فضلت تصوت بهستيريا ومش عايزة تتحرك .
حاول يسكتها معرفش _يووه شكلك هتقرفيني كالعاده .
_بطلي صويت وقولي عايزة ايه .
_ناخدها معانا دي حامل .ممكن ننقذ البيبي .
كشر في وشها ببشاعه كانه مش طايقها ولا طايق روحه ولا طايق الساعه اللي النت خرف وجابه علي المكان دا .
شالوا سالي سوا ودخلوها عربيتهم بس طبعا احمد فرش مفرش في عربيته عشان متتوسخش .
قعدت سهي ورا وحطت راس سالي علي فخدها .وحاولت تكلمها _اهدي هتبقي كويسه ان شاء الله ..كل حاجة هتبقي بخير .
تمتمت سالي بشوية كلمات _بنتي ماتت ...مازن .اااااااه .وراحت في غيبوبة تاني .
راحوا لاقرب مستشفي وطبعا المكان اتقلب ..كلمت سهي الدكاتره _حاولوا تنقذوا بنتها .
دخلت سالي العمليات وانقذوا بنتها لكن هي كانت الكسور والكدمات في جسمها والتشوة في وشها وصل لمرحله صعبه
كان عندها كسر في الجمجمة ولسه مش عارفين حالة الدماغ عاملة ازاي .
وقت العمليات ومداواه سالي جت الشرطة تحقق مع سهي واحمد وكالعاده اتصلت سهي بوالدها عصام الشناوي واللي حضر بسرعه يشوف بنته ..اتدايق احمد منها وتم التحقيق معاه ..وذكروا الواقعه كلها واللي حصل .طبعا صدقتهم الشرطة لكن ملقوش اي دليل عن هوية الضحيه لان وشها مشوة وايديها محروقة من اثار ماية النار اللي اترمت علي وشها .
طلعوا البنت يودوها الحضانه فشافتها  سهي وحبتها وقررت تاخدها تربيها
عصام _يا حبيبتي اما مامتها تفوق .لانها مش بنتك .مينفعش كدا اي حاجة تشوفيها تعجبك تاخديها .
_يا بابا انا مش طفله وبعدين اول ما مامتها تصحي هديهالها وبعدين يا بابا مشوفتش وشها عامل ازاي ..البنت ممكن تخاف منها اصلا .
_المهم هنعمل ايه دلوقتي .انتي عايزة ايه .
_اناعايزة اقعد شوية اشوفها لحد متفوق .
راحت سهي تشوف سالي .وقعد عصام مع احمد اللي هزئه كالعاده .
عصام _انت مش هتبطل توقع بنتي في المشاكل ياحمد .
رد عليه احمد بسخرية _اه انا برده اللي بوقعها ..هي اللي سوءت حظي من وقت متجوزتها .
_سوءت حظك ليه مانت خدت وبتاخد فلوس قد وزنك يا كلب .
_اه اشتم ..مانت مش متجوز واحده مجنونه ..انا اللي متجوزها ..انا بنام وبخاف اصحي في المشرحة لتقتلني بالليل ولا حاجة .
زم عصام فمه بغضب وقاله _حسابك بعدين يا كلب .
جت سهي وقالت لاحمد _تعالي يا احمد عشان نحاسب المستشفي .
وقف احمد بطريقة بايخه _نعم يااختي .دا اللي ناقص .ابوكي اهوه الملياردير ..هو يدفع ..انا هروح انام ..هتيجي .
_لا انا هفضل هنا عشان البيبي .
_طيب .احسن .اللهي مترجعي ابدا لبيتي .وقال اخر جمله بتمتمه .
مشي وسابهم ودفع والدها التكاليف وتم اجراء اللازم .كانت سالي في العناية المركزة ..فاقت لدقايق قليله ..كان معاها ممرضه لابسه لبس معقم بتغيرلها الدم ..طلبت الدكتور بسرعه وجه علي طول .
حاول يكلمها لكن سالي مردتش علي كلامه وقالتله _بنتي عايشة .
بصلها وجاوب _عايشة وبخير وفي الحضانه دلوقتي _المهم انتي دلوقتي .
مركزتش في كلامه سالي وقالتله _عايزة اشوفها .
طلب الدكتور من الممرضه تجيب بنتها ..جابوا بنتها وهي متغلفه في حاجة زي الصندوق كدا شفاف عشان يحموا الام وبنتها من اي ضرر .
حاولت سالي تحرك راسها بالم عشان تبص عليها ..شافتها وعيطت .خرج الدكتور وقال للممرضه _    5دقايق بالظبط وتاخد البنت .
مسحت الممرضه دموع سالي .
قربت الممرضه من سالي عشان تسمع كلامها _عايزة المسها .
شالت الممرضه ايد سالي ودخلتها عند بنتها ..لمست سالي بنتها بصوابعها اللي مش قادره تحركها .ابتسمت لما شافت علي خدها وحمه علي شكل قلب .
بصلتها الممرضه وقالتلها _سمينهاها طفلة الحب النهارده .
سالي بتعب _فرح ...اسمها فرح مازن .
هزت الممرضة راسها وقالت _حاولي ترتاحي عشان تفوقي لفرح .
بصت علي بنتهاواستودعتها الله  وراحت في غيبوبة لمرة تانيه .
________
كانت سهي بتيجي كل يوم تشوف سالي والبنت ..والممرضات قالولها اسمها فرح مازن .اتعرفت سهي في المستشفي كلها لانها دايما كويسة وطيبة واهتمامها بسالي وبنتها يبين ان الدنيا لسه بخير .
اتطلقت سهي من احمد وهو وافق .واقنعت. والدها يعمل اي حاجة عشان تربي فرح .
وافق والدها اللي مستعد يعمل اي حاجة بس يشوف بنته بتضحك ومبسوطة من جديد ..عمل الاجراءات اللازمة وخدوا البنت ..
كانت بتزور سهي سالي كل يوم وهي في الغيبوبة ومعاها فرح .
سهي _تقريبا انتي يا مامت فرح ..اقرب صديقة ليا دلوقتي .شفتي فرح بقت حلوة ازاي ..فوقي بقي عشان تبقي معاها .
كانت سهي كل يوم تكلمها عن نفسها وعن حياتها وجواها احساس ان سالي سمعاها .
_عارفه يا مامت فرح انا بيقولو عليا مجنونه لان جالي اكتئاب بعد وفاه مامتي وحاولت انتحر كم مرة بس كان بابا بيلحقني في اخر لحظة ..بس ماما الصراحة هي اللي كانت تعبانه شوية ..كانت بتتخيل حجات مش بتحصل وبتكلم ناس مش موجودين ..بابا جابلها الدوا كتير بس انا كنت بشوفها بترميه لغايت ما يوم رمت نفسها من البلكونه وكانت فكراها بسين ..اتريقوا عليا كتير بسبب طريقة موتها دا ..بس عارفه كان نفسي تعيش عشاني ..كنت اتمني اكون سبب كافي انها تختار الحياة وتتعالج لكن هي بقي اختارت الناس الوهميين اللي بتكلمهم .المهم يا ستي عمري ما كان ليا اصحاب بس انا حاسه ان انا وانتي هنكون اصحاب واخوات مش عارفة ليه مجرد احساس داخلي ..