احببت العنقاء امل العناني

الفصل الثاني عشر

الفصل الثاني عشر من #احببت_العنقاء_امل_العناني
قالت فاطيما _لا انا وقورة جدا واعجبك ,فكري كدا في فكرة وانا معاكي .
فكرت سالي بسرعه ولبني كمان انضمت ليها ..راحت  لبني كلمت جوزها  عشان يكلم الدي جي والدنيا ضلمت شوية واشتغلت الموسيقي وجابلهم المايك ..وفجاة الحضور كله انتبه الا مازن اللي كان مشغول بالكلام .بس سمع صوت مراته بتغني
(حبه جنة أنا عشت فيها قربه فرحة حلمت بيها ده اللي بيه إحلو عمري ده اللي أنا هديله عمري ياما ليالي بستنى لقاه مهما قتله واتحكاله مستحيل أوصف جماله رقة الدنيا في عيونه قلبي كان الله في عونه من اللي أنا حسيته معاه )
وكان الزمن وقف شوية ولفلها وبصلها وابتسم علي  مراته المجنونة ..قالها بحبك من غير صوت شافتها وغمضت عنيها  بمعني انها عارفة  .
انضمت ليها فاطيما كملت باقي الاغنية بس مصطفي خدها في حضنه ورقص معاها وكملوا الاغنية سوا .
راح مازن لسالي وخدها علي جنب وقالها _مش هتبطلي جنان .
قالت بدلع _دا علي اساس ان جناني مش بيعجبك مثلا .
مازن_لا بيعجبني واوي كمان بس ..
سالي_بس ايه ..
مازن_ولا حاجة .بحبك .
سالي_منا عارفة عن اذنك هروح ارقص .
مازن_ترقصي مين والعيل دا .وشاور علي بطنها .
سالي_متقلقش انا محافظة عليه .
لمس وشها بمحبه ..حركته المعتاده ..قبلته من خده ومشيت ..رقصت هي ولبني وفاطيما ..مش رقص طبعا لكن مجرد حركات بسيطة عشان يشاركوا فاطيما اللحظة ..
طبعا عدسات المصورين لقطت افضل الصور والفرحة .
خلص الفرح وروحوا البيت ..وكل واحد دخل اوضته .وقفت سالي قدام المراية تخلع اكسسوارتها ولمست العقد اللي جابهولها مازن بمحبه .
جه وراها وحضنها من ضهرها وقالها _كنتي زي القمر النهارده ..وكل يوم زي القمر .
سندت عليه بتستمد منه القوة والحب .كانت تعبت جدا .نامت علي السرير راحلها ولمس بطنها وبيكلم ابنه او بنته اللي جاي .نامت سالي علي صوته بس هو مكنش خلص كلامه .
(بقولك ايه يا واد انت او يا بت انتي .انتو دلوقتي جوا  اغلي انسانه عندي في الدنيا .لازم متتعبهاش اوي .وخليك مريح .انا بحبك ومستنيك تيجي في اقرب فرصة .بس الاهم من دا كله لازم اوصيك علي ماما عشان هي اطيب انسانه في الدنيا فخليك هادي وطفل كويس .وبكرا لما تييجي هحكيلك علي قصص وحجات حلوة اوي .مامتك غيرتها فيا للاحسن .يالا تصبح علي خير بقي وبكرا اكلمك تاني عشان انا تعبت اوي النهارده في فرح عمتك فاطيما ).....نام مازن في حضن سالي كالعاده وغفي بسرعه جدا .
__
صحيت سالي ولقت انها بتنزف ..خافت جدا وصرخت فقام مازن بسرعه واتخض هو كمان ..جات لهم مامته وراحوا بسرعه علي المستشفي .
طمنتهم الدكتورة وقال انه نتيجة اجهاد وطلبت ان سالي ترتاح لمده اسبوعين متتحركش كتير .في وسط القلق والخوف علي صحه سالي ..
قالتلهم الدكتورة ان سالي حامل في بنت ..وكانت الفرحه غطت علي كل احساس تاني .
روحت البيت وشالها جوزها اللي شكله كبر فجاة من خوفه عليها وقلقه ..نيمها في السرير ..مسحت سالي علي جبينه بتفك التكشيرة .بس هو فضل مكشر..نام جنبها وحضنها وخبي وشه في كتفها .
اتكلمت معاه عشان تطمنه شويه بس هو هز راسه زي الطفل الصغير لفتره فضل كدا حاضنها بمحبه ..وبيشبع منها ومن ريحتها ومن حضنها .
بعدين اتكلم بخوف والم جواه _انا لو حصلك اي حاجة ..مش هعرف اعيش .انا هموت .
طمنته سالي بمحبه وهي بتلمسه _محصلش حاجة ..مكنش يعني شوية نزيف دول اللي يخوفونا .
_انتي بتهزري يا سالي .
_ايوا بهزر ..بطل تقلق ..باسلوبك دا متحضرش الولاده .
_خليكي كدا هزري وانا كنت هموت من القلق .
_بطل كلمه هموت دي بقي .اوووف .
____
عدي الاسبوعين علي خير وبقت سالي كويسه ورجع العرسان من شهر العسل والكل ابتدي شغل تاني .
رحاب قدمت في شركة تانية قبل متسيب شركة مازن لكن جالها النصيب ان تكون نرمين هي الي بتعمل معاها الانترفيو وطبعا اكتمل مثلث الشر والحقد علي عيله مازن السواح .لكن طلبت منها نرمين متسيبش الشغل علشان تفضل تنقل لها اخبارهم عشان يستعدوا لضربتهم اللي هتقضي علي العيله دي .
..#احببت_العنقاء_امل_العناني
كان مازن وسالي ومصطفي وفاطيما ولبني في اجتماع مع مندوب شركة اجنيه بيستعين بيهم في حملة دعائية في مصر وكانت الحمله دي هتكسبهم ملايين الدولارات .كان الجميع في الشركة متحمس للشراكة دي ووصلت اخبارها طبعا للمجلات اللي متابعه اخبارهم .
..
بعدها بايام كانت نبيله مامت سالي بتاكل طعميه اللي جابهالها جوزها الاخير ..والحال كان اتدهور بيها طبعا لولا انها فاتحه شقتها للقمار مكنتش هتعرف تعيش ..لفت جوزها نظرها لصورة في ورقة الطعمية ..عنيها جحظت ومسكتها نضفتها وعلي الرغم انها كانت مبقعه اوي بس عرفت ان دي بنتها .
جوزها _مش دي بنتك يا نبيلة ..المفروض تساعدك بدال القرف اللي عايشين فيه دا .
نبيلة_لا عمرها ما هتساعدني .دي واطيه زي ابوها .
مسكت سيجاره ولعتها وطلعت نفس جامد ودماغها الشيطاني بيشتغل وكلها حقد ومراره من بنتها .
جوزها _انتي بتكرهيها اوي كدا ليه .دا حتي الحيوانات بتحب عيالها .
رمته بالسيجاره المولعه فقام يصرخ ينفضها وبصلها بخضوع فقالته _انا القطة اللي كلت عيالها ومبحبهاش ليه ..معرفش يمكن لانها خدت حب جوزي مني من وقت متولدت .مبقاش شايفني اصلا ,وانت عارفني حلوة ومرغوبة وبحب ادلع .فكرهتها .وفضلت كارهاها طول عمري .ولما مات بقي طلع كاتبلها كل فلوسه وانا اللي كنت باخد الفتافيت بعد معملت مليون حاجة ونصبايه عشان اخد حته من التورته بس برده مشبعتش وقال ايه بعد ماكبرتها رمتني بنت الكلب .دا غير انها شبهه .كل ما اشوفها افتكره وافتكر عذابه ليا .بس انا انتقمت منه وقتلته .خليت حد يقطع فرامل عربيته وخلصت منه .وهخلص من بنته هي كمان .دا هدف في دماغي قبل ما اموت .
دخلت عليها واحده عاهره بتسالها _يااما هروح الكوافير اظبط عشان الليله .
هزت نبيلة راسها بالموافقة وكان جوزها ولعلها الشيشه .ندهت عليها تاني تسالها _يا بت .هو الواد المصور اللي بيحبك دا اسمه ايه .
قالت لها اسمه .فطلبت منها نبيله انها تتصل بيه وتخليه ييجي لهم النهارده .
جوزها _دماغك فيها ايه يا نبيله .
نبيلة_دماغي فيها تعابين وسم ماشي فيها تحب تدوق .
_لا ياختي خليني بعيد عنك احسن .
اخدت نفسين من الشيشة وقالتله _بقولك عايزك تبلغ عني .
_يا خرابي ..ابلغ عنك ازاي .
نبيلة_زي مبقولك كدا في خطه في دماغي كدا بتونون وبسويها علي الهادي وقت ماقولك اتصل بالبوليس تتصل فاهم يا واد .
اتفقت مع الصحافي علي الخطة طول الليل والكل مستغرب ومش متوقع هتعمل ايه .بس كلهم بيخافوا منها ومن دماغها السم لانها عندها القدرة علي التلون زي الافاعي بالظبط .
___
جه اتصال ل لبني اللي مغيرتش رقمها ..فضلت لبني تسمع بانتباه ووشها كل شوية يكشر اكتر ويزعل اكتر ..انهت المكالمه ودخلت لسالي رجل ورا ورجل قدام .
خبطت ودخلت وقعدت وفضلت متردده ..استغربت منها سالي اللي انتبهت لتصرفها الغير طبيعي وقالتلها _مالك يا لبني حصل ايه .
لبني بتوتر _مهو ..
_مهو ايه ..قلقتيني .
_مامتك في الحبس وعايزاكي تخرجيها .
_ايه .
_ايوا جالي تلفون ..بيقولي مامتك في الحبس وطلبت انهم يتصلوا برقمي لان انا صاحبه بنتها الوحيده عشان بنتها غيرت رقمها .وانا جيت اقولك .
_يووه ..طب انا اتصرف ازاي دلوقتي .
_من رايي سبيها ولا تفكري فيها اساسا .كفايه اللي هي عملته ..وكمان ظهورها دلوقتي هيعملنا مشاكل كتير اوي .
فكرت سالي في كلام لبني بس قطع تفكيرها لما موبايل لبني رن بنفس الرقم والمرة دي سالي اللي ردت
نبيله _حبيبتي يا سالي ..كان قلبي حاسس انك اللي هتردي عشان كدا اتصلت .